Најпромашениот подарок кој сте го добиле?

Бидејќи веќе имаме тема „Најнеобичен и најоригинален подарок што сте го добиле?“, мислам дека не би била на одмет една тема каде ќе споделите со нас кој е најпромашениот подарок кој сте го добиле
Ме интересира како реагирате во такви ситуации кога на пример за роденден, Нова година, годишнина или некој друг повод добиете подарок кој воопшто не ви се допаѓа? Правите лажна насмевка и се преправате дека вриштите од радост или сте искрени па кажувате дека подарокот не ви одговара баш?

Јас во мојата роденденска кариера имам добиено неколку чоколади со поминат рок и еднаш се сеќавам дека добив три пакетчиња Max смоки завиткани со една лента на која пишуваше 2 + 1 гратис. За матура добив гумени папучи (3 броја помали). За мојот 16ти роденден меѓу другото добив и машки парфем А кога бев помала добив некаква плишана играчка која до ден денес не сфатив што животно е...
Никогаш досега не ми се случило да се пожалам за подарокот, освен еднаш кога дечко ми од Австрија ми купил некаква гипсена фигура, а мене тие воопшто не ми се допаѓаат и му го кажав тоа (за среќа не се налути).

Кој е најпромашениот подарок кој вие сте го добиле?

 

Најпромашен хм...
Па ако не ги земеме во предвид расипаните чоколади....најпромашен би бил една маичка што ја добив од другарки за роденден(ама многу одамна). Толку беше ружна што следниот ден и ја дадов на мајка ми за крпа. Сепак направив фацка: Вау, убава е, фала ви-кога ми ја дадоа. А всушност ја мразев уште на прв поглед.

Друг промашен подарок е едно кафеаво палтенце. Всушност не беше воопшто лошо, ама бројот беше мал. Се разочарав искрено да ви кажам, и затоа е промашен.
Имам добиено и машки парфем. Го ставив два- три пати, и дури после ми текна да прочитам на пакувањето. А чудно навистина, имаше некоја цветна нота парфемот, нешто женско, ептен нетипичен машки парфем.

 

ја искрено многу се разочарувам кога луѓето ќе ми утнат поклон посебно затоа што кога јас бирам навистина се трудам да биде одговара за личноста, а имам чувство дека никој не го прави тоа за мене а немам тооолку специфичен вкус

кога ќе ми даде некој Би ју парфем ми се темни пред очи мислам милион ги имам неупотребени
сепак најразочарана бев кога добив поклон за 18 роденден од најблиски другарки саксија и една марама (обожавам марами ама оваа не беше воопшто во мој стил) и исто така кога од други блиски другарки добив книга за матура (на која имаше цена)

какви луѓе има на светов

 

Кактус.
Прво мразам цвекиња, а и плус кактус ??? wtf!!!
Никогаш не сум пребирала околу подароците, но сепак мислам дека повеќе ќе се радував на честитка отколку на кактус

 

Значи не сум била едниствената што добила за поклон машки парфем една моја другарка на мојот 18 ти родеден ми подари машки парфем . Но сепак се однесував културно и се заблагодарив и и реков дека е прекрасен. Исто така сум добила за поклон тертратка и моливче а и 10 ден па боље не ми поклонувај ниш него 10 ден.

 

Ланкиот роденден од тогашниот дечко добив една маичка што незнаев дали се носи како долна облека или како обична блуза бидејки беше со некои светкавици по неа со опашки хаахах
сепак изреагирав дека бил многу креативен во изборот

 

За еден роденден добив еден парфем толку грозен што кога ќе го мириснев буквално ми се овраќаше а не па да се мирисам со него (мирисаше на пипс за бубашваби ).И личноста што ми го подари отворено ми кажа дека го купила 40 денари.Па поарно да ми ги дадеше тие пари.За истиот тој роденден ми подарија една играчка-марсовец ама не на ново купена туку од дома си земала и ми го донела own: . Исто еднаш за новогодишна лотарија ми се паднаа дрвени боици.Е што новогодишен поклон ќе беше тоа

 

Розев корсет со извезени монистри, 5 броја поголем од пријателка на мајка ми. Јас разбирам разни вкусови, ама до толку да незнаеш да одбереш + ме знае дека сум слаба и така ги даваш парите...барем нека биде малце од малце по нормално.

 

Јас во принцип секаков подарок ценам
И не се лутам, нити ми значи нешто ако некој утне, битна е намерата, и кој како имал. Луѓето немаат леб да јадат, мене податоци ке ми одбираат. Податок доста утнат една чанта црвена дреч со сите светки на неа можни И градник погодлем каде каде, на главата повеќе ми беше точен

 

Мене најмногу ме нервира кога ќе ми подарат од оние турските бонбоњери. Знаете за кои зборам, големи кутии , ама чоколадото е занигде. Подобро едно шери срце отколку тие турските ( ама срцето е мало , треба големо да биде , а тоа што во уста не се ставаат не е битно ).

Еднаш кога ја видов мајка ми дека купила таква за подарок да ја носи и се скарав или купи нешто јестиво , или не купувај ништо.

 

И јас имам добиено машки парфем, рамки за слика добивам секој можен роденден по 10 , а немам ни една урамена слика во соба, воопшто не ми треба такво нешто. Шминки од пазар и тоа цел комплет , не сум сноб ама на лицево не можам се и сешто да ставам

 

Леле јас за славата сега добив над 8 бомбоњери Camila, од тие турските...
Не знам што ќе им правам, ама сигурно нема да ги јадам

 

Леле и мене како ме нервираат рамките за слики, албуми, дома имам како за продавање
И тие бонбоните-ужас.
Да не ги заборавам и колекцијата парфеми од 150 ден. што кога ќе ги помирисаш неизбежна е скислената фаца
Ама им го најдов јас крајот Си ги чувам и бонбоните неотпаковани и рамките за слики и парфемите и ги носам на нареден роденден (кај некои подалечни)

 

Една блуза, сиво-црвена-зелена со елени, дедо мразовци, и ирваси на неа. Згора на се докитена со светки, и на дедо мразот очите му беа од оние, пластични, со црни топчиња унатре, што мрдаат.
Поклон за роденден, Дедо Мраз, од оние лампионите. (Кај го нашла у Февруар?)
Еден парфем, ако не ми се чини D&G (Dulce&Banana) се викаше, а мирисаше на скапано јајце. (Оние од велигден)
И врвот, тетратка, молив, и ...

Спојлер

пудинг!

A реакција - Ми се свиѓа!

А за блузата:
-Убава е?
-Да,да со ирваси, ми се свиѓа.
-Ќе ја носиш утре у школо?
-Да, ќе ми одговара со ЖОЛТИТЕ сомот панталони. (п.с. Немам, лажев. )

 

Јас имам тетка (на татко ми сестра) на неа секој поклон и е промашен,амаа со овој што ми го донесе за дипломска се надмина самата себеси. Иначе јас дипломирав во септември 2009та, а таа ми дојде на дипломска во јуни 2010та. Кога ми пружа рака да ми честита,јас малку се подзамислив дури кога јас тоа бев дипломирала А пак поклонот кога го видов,во несвест ми се паѓаше. Поклонот беше некои црни памучни тричетврт панталони, неколку броја поголеми од мојот број, црно-бела долга блуза, јас такви немам видено неколку години во продавниците (таа е некоја од нафталин,од некој плакар дома извадена) и врвот на се‘ беше прстенот кој таа верувале или не дваесет години го носеше, ама ете за мене го извадила од прст, го ставила жената во кутивче и таков со сто кила црно во него ми го поклони за дипломска.
И поклонот не би бил поклон,ако не е со цвеќе пропратен нели,така да она скинала трендафили од некоја бавча, свежо прскани беа убаво се сеќавам, со бели капки беа по листовите и ги пикнала во ќеса заедно со остатокот глупости и ете така таа ми дојде на дипломска мене. Просто да ти се поврати од поклончево

 

за дипломска сите ми ги утнаа поклоните освен другарките од средно а фаворит во утнување на поклони е сестра ми и многу се нервирам зашто јас секогаш и купувам убави поклони....
имам цел плакар глупости што се мислев каде да ги дадам ама неможе никаде едноставно мие срам секогас сакам убав поклон да купам

 

Јас сакам да подарувам али да ми подаруваат
ако сакаат нешто да ми купат најдобро е за рака и во продавница сама да си одберам
само така не би бил промаршен подарокот...
комплицирана сум изгледа
ретко уствари и не се сеќавам да ми бил корисен некој подарок(освен меченца и срценцаза во соба )
али како и да е не се бунам
ќе го искористам некако
ако е за јадење ќе го изедам
ако е нешто за носење ќе го носам кога ќе дојдат тие што ми го подариле и така....
кога правам роденден или нешто слично,не се радувам на подароците
само си отворам и си оставам настрана не очекувам никогаш нешто што ќе ме израдува
а и незгодно ми е дека ми донесле нешто
а и таква сум несакам ни да ме честат ни да ми подаруваат...горделива сум
со неколку збора:- крајот не ми се најдува

 

Леле ме изнасмеавте .... Што се не крепи земјава, тоа е чудо едно
Но ајде и јас да ви се ,,пофалам''
За мојот 13 роденден добив некоја чудна колекција цветни парфеми што мирисаше на козјо сирење, и утредента намерно го ставив за другаркиве да забележат и за моја голема среќа забележаа (и секако извлекоа поука дека сешто е ефтино и не е така добро...) ...
А преклани пак добив свената роза од мојот бивши дечко Значи толку ме сакаше ама за подароци ептен беше ''посебен случај'' и после фати 15 дена да ми се извинува и за надокнада ми купи една прекрасна, доста скапа маичка за 4 годишно дете која ниту приближно не ми беше точна.
И да напоменам дека дечкото беше толку расеан, и тој самиот дури сфати која ми го виде изразот на лицето.
Исто ми текнува еднаш дека како дете добив расипано нинтендо на кое толку му се израдував што сиротото кога го отворија моите видовме дека му се жичките откачени внатре и абер немаше од работа...
Ете...и јас имам донекаде некои малку чудни искуства со роденденскиве подароци!

 

За матурска добив еден тон безвезални колекции, демек парфеми беа , директ за во канта, е таму им беше местото И едни пижамки 5 броја поголеми од мене, и и' ги дадов на мајка ми (иако и нејзе и се малку големи).

Тоа сега ми текнува

Инаку го ценам секој подарок, ама ме нервира што некој не посветил време за да одбере нешто нормално, и да се сети што би сакала јас, што е мојот вкус... Едноставно мразам купено ради реда. Подобро без ништо да се појават, отколку така, резил
Па како знам јас така со внимание да купам подарок бе, па макар и една свеќичка да е, ќе го запазам мирисот од што е (од што најмногу сака личноста).