Најпромашениот подарок кој сте го добиле?

Сакав да ја исчитам цела тема.. ама стасав до 3та страна, и ме изнервира...
Прво да расчистам, дека и мене не ми ги погодувале секогаш поклоните.
Сигурна сум дека и јас не сум им ги погодувала секогаш на сите.... и сигурна сум дека и вие не сте им ги погодиле на сите, без разлика колку си мислите дека сте биле посветени на одбирање на подарокот.

Ако нешто не ти се бендисва, можеш да го донираш.
Има луѓе кои немаат никакво, а вие сте добиле поголем/помал број.. големи тикви.
На ќерка ми и' имам милион пати згрешено број.. и не оти не ми е гајле, туку толку имам осет за купување облека за друг.
И не и' ги погодувам ни моделите.. оти имаме различен вкус.. Иако секој ден ја гледам пред мене, пак не знам да и' одберам точно што сака.

Не се правете spoiled brats.

 

Не гледам дали ми е погоден поклонот, ценам што некој се потрудил да го одбере.
Ама навистина ме повреди еден поклон( поточно коментарот со кој ми беше даден поклонот) за свадба. Добивме со мм пластични играчки, оние кофички, лопатки и такви работи за мали деца во песок што си играат. Прво не знаевме од кој е подарокот, но по неколку дена доаѓа комшиката кај нас и ми вели ви се допадна ли подарокот?
Јас и реков не знам кој подарок е од тебе. Епа кофичките вели, не дека за скоро ќе ви требаат, ама ајде ќе ви се најдат некогаш.
Луѓе цели три дена плачев, може сакаше да се пошегува, бидејќи пред тоа кога прашуваше кога деца, јас и реков кога ќе сакаме ние, ама сепак ако било шега не беше вкусна воопшто.

 

Најмногу мразам да ми речат одбери ние ќе платиме.Така ми рече мојата тетка одбери ние ќе платиме.Секако дека не се ни појавив таму.Или купи ми поклон или не ми купувај.Ако е за сама да си одберам ќе одам сама ќе купам.

 

Топлинки, од оние волените што се до над зглоб. Никогаш ги немам облечено, во ормар ми стојат

 

Ем коментарот не соодветен ама и поклонот тоа ли се дава бе за поклон на свадба.
Ко да оди на роденден кај некое детенце, па тоа го одбрала за подарок, а не на свадба.
Вака испаѓа тоа прво и паднало при рака, го собрала од дома од нејзините внуци и ви го донела вас.

 

За крштевање на дете, подароци за нас кумовите: огромни бањарки, кои мирисаа на прашина, нафталин или сл. што се става во плакар. Од авион се познава дека се од времето на Југославија и дека се од плакарот на свекрвата на кумашинката.Толку понижено не сум се почувствувала никогаш во животот.

 

Не се чудете. Факт е дека има луѓе кои купуваат поклони ради реда. Да се немало осет. На мене ако не ми се допаѓа подарокот нема да го искористам. До сега само еден подарок бил чист промашај. Се виде дека е купен ради реда. Ако јас знам дека ти не носиш накит нема да ти купам за подарок.

 

Кога се подароци во прашање, јас сум Шелдон од The big bang theory.
Ме прават емотивна, не сакам некој да се троши за мене ни најмалку. Сé што сум добила ми значи, особено оние мали работи без повод.

Немам добиено, но затоа имам дадено НАЈпромашен подарок.

Пред 10-тина години, јас и уште две другарки бевме поканети кај близначки на роденден.
Беше недела, плус некој празник, сé беше затворено, работеше само еден маркет.
И така, ние три купивме по два антиперспиранти, вкупно 6.
Сега ни е смешно ама уште ми иди во земја да пропаднам.
Подобро пакет чоколада да купевме, и како уште ни прават муабет, не знам.
Срамота, срамота, срамота!

 

Ми текнува во основно за еден роденден имав покането премногу деца(може 60) и поклоните ги отварав 3 денови. Едно ќесе имаше кафеаво топче покрај поклонот и првично не се замарав затоа што ми се допадна поклонот. И после сфатив дека е исушен измет(заедно со мајка ми) . Сигурно не ми праеле во 2ро одд магии, мислам дека ќесето или пак поклонот во ќесето го чувале во подрум и кога дошло редот не ни провериле што даваат.

 

Многу пати сум добивала поклони кои не ми се допаѓале или пак биле нешто неупотребливо. Имам добиено накит од Сваровски, некои ќе полудат од среќа на ваков поклон, ама јас не... не ми се допаѓа тој вид на накит иако се премногу скапи. Друг поклон кој бил целосен промашај беше сет од шал,капа и ракавици. Капата беше како онаа на Даме Груев... Намерата на таа личност беше сосема во ред и мило ми падна кога ми кажа дека ми се купени за да не смрзнам на ладното... ама не бе, јас не носам ништо, сред зима сум со откопчана јакна, а и не ми се допадна ништо од тоа, само шалчето беше убавко.
Многу пати ми паѓа жал и си плачам кога некој ќе ми подари нешто, а мене не ми е убаво. Ме фаќа глупаво чувство, многу жал ми паѓа бидејќи знам дека некој се трудел и одвоил време за нештото.

 

Пред многу години од тогаш блиска другарка добив подарок новчаник на кој пишуваше марка на цигари и целиот беше искривен. Се осеќав глупаво бидејќи толку се вложив и знаев дека девојчето има пари за да купи било каков подарок, инаку би ми било ок и без ништо да дојдеше.
Јас пред некоја година и купив на другарка розева ташничка од Дуки и Дасо која никогаш не ја облече бидејќи не носи розево. Тоа го сфатив отпосле и ми беше непријатно и затоа оттогаш внимавам повеќе и и ги погодувам

 

Бокле за ракија, ташна -поштарче во карамела боја со предолга рачка...

 

Кога бирам подарок ептен внимавам на детали за да може да се користи, поминувам време и време во продавница пред да изберам, мразам работи дадени ради реда..такви глупости добивам за моите деца за родендени од едни поблиски луѓе, кои не дека се нема, ама тоа што и е за фрлање кај нас го поклонува, пример волнени чизми во мај, а за точната возраст, не да речеш ај за догодина, од нејзината помала ќерка на мојата која е поголема и со години и онака поизразна, и куп грозни работи кои мене ми е срам да ги подарам на некој друг, до толку што се грди, не знам дали да се смеам на такви луѓе или што. Инаку ретко да не користам нешто што ми е е поклонето, сакам да поклонувам и многу ме радува кога некој ќе ми поклони нешто онака без повод, макар ситница било. Моментално ми текнува на поклон од фризерката за наталето,за божикот машинка за варење кафе, ама дома не го пиеме тоа па така си стои не искористена.

 

Само надолу е со барсаци пуштен
Почитувам тоа дека некој обрнал внимание и се сетил за подарок, ама еве ќе чекам некоја тематска забава од 90тите за да го облечам..

 

Промашен поклон добив од една другарка која мене ми значи многу сеуште сме во контакт и се почитуваме ама за ова и сум лута оти е еден вид непочитување спрема мене.
За нејзиниот роденден јас сама купив торта,сакав да и направам изненадување пред врата.И плус и зедов накит од Дуки дасо комплет не беше ефтино.
За мојот роденден таа учествувала во подарокот што го купија останатите другарки 1 блуза што после второто перење се собра во ракавите и така ми стои во плакар. По некое време ја видов блузата во бутик беше 600 денари.Групен поклон од 600 денари од 3ца. Можеше да им рече луѓе јас сакам посебно да и земам нешто,оставила лице пред мене колку за тоа.Вака испаѓа како воопшто да не се потрудила.
Оттогаш наваму и јас го правам истото само за да и текне зошто го правам.

 

Cveke

 

Дојде една комшивка кизнај што и текна ми донесе за матура поклон...Таа нит тогаш ми праеше муабет нит сега... И ај ќе дојдела на кафе и со поклон... Замислете маичка од 99 денари со исечена етикета целосно, кончиња се гледаа и валкана исто така, и да...паста за заби мала некоја си од што продавала од некоја фирма... Ужас поарно не се брукам и не давам ако немам..
За полуматура од блиска тетка добив гаќи и маица поклон..
И да како друг подарок е цвеќе, какво и да е, колку и да кошта, ќе го ставам во вазна и нема да му се испулам.

 

Гел за коса и тоа едно мало пакување не ми текнува која фирма, кога имав 8-9 години

 

Машки парфем