Значи кога сте почнале да користите шминка? Тоа било нешто постепено преку годините, понекогаш сјај, па после само маскара, па после моливче, или? Дали ви требаше долго време за да се научите, и со што имавте поголем проблем, моливчето, туш, или? Дали мислите дека има одредена возраст за користење на шминка, и која би било тоа? Еве јас ке ви кажам за мене-нема ни година дена што користам. Почнав да се заинтересирам од YouTube tutorials, ми беа интересни техниките, и си реков-да пробам... А вие?
На 17 години само маскара и сјајче, а на 24 години почнав повеќе шминка да користам од молив, сенки и руменило и така со време скоро се користам само ја исфрлив пудрата бидејќи нешто с`клет ме фаќа од неа, покривам она што треба само со коректор.
Јас си почнав од шесто или седмо одделение мислам, само маскара и сјај понекогаш, ама не на училиште и тоа само кога стварно сакав. Потоа кога влегов во гимназија тогаш почнав да користам повеќе шминка за излегување. Имав проблеми со моливчето бидејќи ми беше страв да не се боцнам во окото ама се извежбав. Научив многу трикови од мајка ми и таа ме навлече кога уклучив на јутуб за прв пат се зачудив колку многу знам
Епаа вака...почнав да се шминкам на 14 години( осмо одд) и тоа почнав само со маскара и сјај..за маскара ми требаше време да научам убаво да ставам за да ми бидат подолги трепките ..а потоа почнав и креон да ставам, а на 16 години почнав и со пудра и сенки да се занимавам и сега на 17 си експериментирам со шминки, учам и од јутјуб и така
Цел живот. од многу мала ја гледав мајка ми како става кармин и крем за лице и јас секогаш кога кога ке излезев од дома со неа обавезно ставав кармин и крем за лице ама малку . Инаку со посериозно шминкање почнав на 13 години и тоа употребував само сјајчиња и маскара. Сега корстам се комплет од шминка.
Па на 14 години почнав со маскара и сјај, ама не секој ден туку кога ми беше ќеиф, на 16 веќе почнав да употребувам и пудро и креон и сенки
Па започнав некаде околу 8 одделение со маскара сјајче и пудра и до ден денес само тоа и го користаам,многу ретко ставам и моливче
Од секогаш сум ги сакала шминките. Знам дека имав многу сенки и кармини, па и сите што ме познаваа како дете ми носеа, да ме израдуваат. Активно почнав да се шминкам од седмо одделение. Иако предходно ставав сјај и маскара. Од седмо почнав со пудри и сенки. Во средно ги открив и тајните на тушот и ружот. Се до денес не се откажав од шминката т.е имаше некои периоди кога мислев дека треба, но на крај секогаш се враќам на мојата најголема љубов.
На полуматура првпат ставив пудра, а активно почнав да се шминкам негде средина на 2ра год. средно Почнав со креонот и малку пудра, а за туш ми требаше повеќе време да научам да го ставам како што сакав секогаш. Ама сега креонот го исфрлив скроз, поубаво ми е со туш. Во зависност од приликата го исцртувам и тушот
Интересна тема. Уште од мала возраст многу ме влечеа шминките. Нон-стоп бев со главата во ташната и несесерот на мама, тетка ми ја обожавава бидејќи имаше изобилство од шминки хахах Почнав да се шминкам во 7мо одделение. Мислам на користење на римел и креон. До душа тогаш преовладуваше креонот и тоа ставав строго на внатрешниот раб од окото ( а и онака имам мали очиња хаха). Овој стил со креонче си го терав до осмо одделение. Дојде и прва година средно, имаш ситни бубулички па пудрата стана незаменлив дел од шминката хаха Е после пудрата на ред дојдоа сјаевите. ГИ користев во изобилство, на часови бев со огледалцето и сјајот во раката, креонот почнав да го ставам на надворешниот раб од окото и предност му давав на римелот. Во четврта година некаде, го открив тушот за очи На ред си дојдоа и коректорот, ружот и карминот Затоа сега ми требаат минимум 60 минути за да се нашминкам туто комплето Профи сум за шминка . Другарките ме благословуваат
Прв пат почнав да употребувам шминка кога бев прва година средно мислам само пудра и римел понекогаш сјај за усни е сега за излегување имав креони за очи во тиркизни,кафеави и сиви нијанси и само нив ги ставав на очите шминка многу ретко. Веќе накај четврта година почнав поинтезивно да се шминкам со сенки со црно креонче,руменило и кармин во потемни нијанси. После тоа го сменив начинот на шминкање едно време а со тоа и се зголеми моето козметичко катче и сега имам два несесера бидејки не ми ги собира сите работи кои некогаш и така си ги купувам ако ми се допаднат без некогаш да ги употребам. Инаку моето шминкање трае само 20 мин порано бев многу побавна но сега си ја имам усовршено техниката.
До 8мо не користев пудра, само маскара, креон, по некоја сенка, лабело. Во осмо си почнав да си барам туторијали на ју туб за шминка. Си ставав течна пудра, експериментирав со сенките, сјајчиња си купував. И така.
Касно почнав да користам шминка...негде летото втора према трета средно.... Ама затоа помади и млека за тело од 4то....првиот Нивеа комплет го добив у 4то од мајка ми, абе живи радости... а ми го купи не за друго, него да не и си се шлапам со нејзините
Во осмо почнав да ставам пудра, а инаку креон он поодамна, но сега го избегнувам ставам само пудра и римел
Па јас мислам дека почнав малку покасно од оние што ми беа во друштво. Уште во 7мо одделение почнаа да користат креон и пудра.. а мене ми беше премногу срам Подоцна, крајот на 8мо одделение почнав да користам пудра и креон (не знам се уште кај ми бил паметот, затоа што имам чисто лице и воопшто немав потреба од пудра , ама дете ) Оттогаш па се досега користам пудра (некогаш течна некогаш и камена плус) во комбинација со креон и маскара. Сенка ставив еднаш за матура и еднаш за нова година Не сум голем фан, а и плус мали очи имам така да ништо не ми се ни познава. Што се однесува на креми и такви работи , уште од мала ми ставала мајка ми , ама многу мразам креми. Дури и кога ќе си ставев на раце ( по желба на мајка ми ) се нервирав и после 5 минути одев и си миев раце. Не знам зошто ама и денес сум истата, на лице обавезно ставам пред да се нашминкам ама гледам да биде минимално, толку колку што ми е потребно на кожата.
Прво професионално шминкање ми беше на 4-5 години кога мајка ми отиде да пазарува, го остварив планот кој долго го смислував, си ги извадив сите нејзини шминки, седнав креветот во спална на белиот чаршав и се нашминкав целата, а чаршавот беше уметничко дело. Мајка ми се шлогира кога дојде, ем уништен чаршав, ем шминките цели лом направени (нели нормално кога ставаш сенка со прст цела ја ставаш на око) и мислам дека ќе ме исфрлеше од дома со се чаршавот Али изгледа ја разнежни мојот црвен кармин па ми прости. И сум шетала после тоа низ маало така Не сум единствена знам А иначе мислам дека прво целосно шминкање ми беше за полуматура, претходно може од радозналост да сум ставела римел и креон на некој роденден ил нова година така нешто. Во средно на училиште ставав пудра дури во 3та или 4та година, претходно не, а секако и римел ама не секој ден, кога нема да се успијам А почнав во 2ра да искачам е тогаш се шминкав повеќе вечерно излегување нели.
од полуматура, навака пред тоа најприродно дури ни маскара не ставав, ама денешниве основци какви се нив им е тоа чудно.
Имам другарка 2 години поголема од мене, она беше 8-мо кога почна да излегува и да се шминка, и еднаш кај мене се шминкаше пред излегување... Шминкањето беше само ставање креон на долниот дел од окото од внатрешна страна, строго една црна линија и толку И така почнав и јас по неа, многу убаво ми изгледаше , ни маскара ни ништо строго една линија само и нормално сјај за уста! - 7-мо бев. Веќе во осмо почнав да употребувам маскара и пудра, и да се усовршувам со молививчето, почнав да ставам креон и од надворешниот дел на окото (малце подебела линија). Прва година средно продложив со истово, само пудра, маскара, креон и сјај... Ееее во втора ги открив коректорот и руменилото (го пишувам постов и се превртувам од смеење ) Од втора натака си се усовршував со гледање на туторијали и слично, и некаде четврта - 1-ва факултет се научив да си го контурирам лицето и јаболкниците со руж и го открив тушот :geek: Од тогаш навака си се шминкам без проблем, усовршена сум ехее Порано ми требаше цел саат, сега само 20 минути за целосно да се нашминкам, а ако е вклучена и сенка тогаш 40-45 минути