Сакам да ја препорачам Олимпијада за одмор со мали деца. Мирно, песочна плажа, плитка, а пречиста, песок... буквално можеш да ги надгледуваш како си играат околу вода без страв зошто е преплитко. Втора година одиме и пак ќе одам...
И од мене препорачано две години по ред одевме ама ни се здосади веќе, малиов ни порасна, сака нешто различно, ама ако не успееме да најдиме нешто за пристојна цена на друго место, ќе си одиме пак таму
Јас лани прашував за Олимпијада и се беше околу 1000 евра за седум дена за двајца со дете. Ова за месец август беше. Дали идете на некое поефтино место или ок е овој износ за таму? Ако имате контакти ве молам пишете ми.
Ние одиме во вила Yanna, пред две години бевме средина на август и беше некаде околу 600 евра за 6 ноќи, лани бевме 7 ноќи ама бевме крај на август почеток на септ и резервиравме директ бидејќи веќе имав контакт ( првиот пат бевме преку букинг) и ги избегнавме букинг таксите и малку поефтин беше смештајот мислам плативме 560 евра за 7 вечери...годинава од чиста љубопитност отворив на букинг од 7-14 август смештаите беа 600 евра од вечер ( незнам дали нешто се дешава тој период грција, многу чудно ми беше) за после 14ти мислам беше се враќаат на 100 евра од вечер ( ова е за двокреветна соба плус креветче ако ви треба...ама син ми годинава има 4 и пол години па ако одиме таму деф ќе ни треба трикреветна соба
Не. На плажа седиме до 8/8.30 после туш и деца кревет. ние со пијачка. Еден ден бевме до Ставрос ради возот, ама генерално сакаме така мирен одмор, без гужви. (Торони е исто вака само подлабока плажа)
Нема. Едно шеталиште со кафичи/таверни, едни лулашки, флипери и колички на акумулатор. Ставрос ви е на 15/20мин возење.
Е ради ова сакавме да смениме малку, лани скиснавме на тие количињата секој божји ден, изборот за јадење ми е океј, ама па еден ден бевме ставрос, па и тоа не ми се свиѓа, дете сака се да проба а избор огромен, стумулација на ниво, главата ме заболе од светлата, мене ми смета и гужвата и искрено одвај чекав да се вратиме назад Олимпијада...вака како што пишувам ми изгледа дека пак Олимпијада ќе завршиме
Предлог за плажи на 2 крак Ситонија? Читав препораки, но ме интересира од лично искуство за со деца. Генерално ме интересира дали има бар за јадење/пиење и паркинг.
Моментално сме тука. За со деца, особено помали, плажата Кастри после Никити е одлична, вртиш со кола пред Аммоа Ресортот. Плитка е и песочна, милина. Само паркинг има, барови и таверни нема. И нема сенки, нема лежалки. Мене лично ми е фаворит. На сите останати повеќето се со лежалки зафатени, цени не знам оти си носиме наша опрема, ама барови и таверни има секаде. Е сега, многу гужва има ко за периодов, не очекував. Сите плажи се преполни, деновиве бевме и на Ливрохио, Трани Амуда, Пиргос, Кариди и Вурвуру, Лагомандра. Надолу не слеговме. Убави се и Спатиес и Ковиу, ама таму не отидовме, едноставно премногу гужва е, буквално едни до други се сите ко сардини наредени, дури и на деловите каде што нема лежалки од хотели/барови.
Јас знам дека може ќе расипам атмосфера ама... досега не сме биле на море и мене ми е уствари страв од температура сончаница повраќање стомачни вируси и такви ствари. Вадевме пасоши ова лето дефинитивно да одиме ама мене ме фаќа паника малово еднаш има фатено фебрилни грчеви и хаос сум од самата помисла дека одам преку граница а деца се и недај боже се може да им се деси. Имаше една случка од Пред 2 години кога син ми ја скрши раката на детска хирургија едно утро примија девојче кое додека биле на одмор во солун ја скршило раката и додека да дојдат во Скопје веднаш ја зедоа на операција.
Нормално е да мислиш на сите ситуации што може да тргнат погрешно. Ако веќе немате уплатено, за сигурност барај место каде што има доктор. Веројатно нема ни да ти притреба ама ако ти се чувствуваш така подобро тоа е една опција. Исто да има и аптеки во близина, и покрај тоа секако ти ќе носиш од дома комплет за прва помош што би рекле. За повреди може и секаде да настанат. Исто температура креваат и дома и секаде. Така да мисли најубаво да си поминете каде и да одите.
Прва тура одмор успешно истерана Се плашев дека ќе биде повеќе замор него одмор, ама како смо се надали, добро смо се удали. Детево дефинитивно обожава плажа и вода и најмирна е таму. Инаку е 2+ и многу е темпераментна, ама за чудо имаше разбирачка. Се изнабања, се тркалаше во плиткото, со кофичките сто пати одеше до морето да полни вода и да истура во дупката, не знам како не и здосади, ама не мора ни да дознаам битно мирна, фокусирана и задоволна. Знаеше да се затера по плажа нешто интересно ако види, среќа не беше прегужва на плаживе каде што бевме, пошто не се врти накај нас мува не ја лази, во поголема гужва ќе требаше да седиме на штрек да не залута. На плажа одевме од кај 9-12 па после од 5:30 до пред стемнување. Уживанција ми е одмор во јуни баш пошто денот е долг и на раат можеш да си поседиш. Инаку дефинитивно се поместува сезоната. Никогаш не сум видела волкава гужва околу 20 јуни. И за седнување во ресторан/кафана си бара поголема логистика. Многу се чека за храна на пофреквентни места, обично еден чекаше на маса, другиот одеше по шеталиште со тротинетот. Ама се на се можам да кажам одморивме
Благодарам Ние годинава зедовме опрема, затоа што гледав дека еден дел од плажите се без таверни или барови. И Фава за гледав во препораки. Сте ја посетиле?
Често одиме во Сивири и одлично ни е. На сите го препорачувам за со мали деца. Плажата е песочна , водата пречиста и долго време е плитко. Син ми ја обожава. Сега бевме на втор крак но син ми за ништо не ја менува водата во Сивири , па на викенд или во август веројатно пак ќе одиме таму. Е сега со мали деца е предизвик да се патува по топлото , по граници ама тоа е што е. Нашиве и не се веќе толку мали , девојчево ми порасна 4 ипол години е но сепак знаат да бидат доста напорни. На враќање и се спиеше , бевме преморени па цело време кенкаше дека и е ладно. Надвор 40 степени во 19ч, во кола климата уклучена на пријатно поради нив , но таа саат време вели ладно ми е , тоа дека и се спиеше. Ја исклучив климата за кратко но не се погодува. Да се покрие не сакала , да облече хеланки исто не сакала. И велам еве мама сега парното го уклучив ќе се стоплиш а зошто вика го уклучи , па за да те стопле оти ти е ладно нели. Е нее , не го уклучувај ќе се испотам
Не, не ја посетивме. Отидовме на тие што ги пишав претходно, и толку е, помина одморот. Но како што спомнав, многу гужва има и ме чуди, оти претходно кога сме оделе во истиов период во Грција не било толку полно.
Ормос Панагиас. На неколку плажи бевме, но тука ни беше најтаман, па 80% од времето бевме таму. Има се што ти треба, на плажа во зависност од редот плаќаш чадор, лежалки од 20 евра до 50 евра (со консумација) во La luna, веднаш до неа имаш прв ред 30 евра со консумација. Секако, и ако сакаш сам да си дојдеш со чадор, лежалка и сл. има голем слободен дел. Имаше гумен замок во вода за малку поголеми деца. Во вода поголем плиток песочен дел, таман за со мало дете.
Не знам дали е вака само на Ситонија или секаде. И јас инаку погоре зборував за тој предел околу Никити. Во Масутис и Лидл исто многу гужва, анксиозност да те фати. Дефинитивно вака не памтам да било во јуни. И јас имам многу убаво искуство тука и на дивиот дел и на лежалките. Супер е плажата. Ла луна имаат многу добри лежалки и чадори, особено ако се оди со помало дете или општо ако не сакаш да те пржи сонце. Чадорот е голема коцка и плус има еден додаток од страна како платно, можеш да го ротираш по цела ширина зависно каде е сонцето. И храната и пијачките се добри. Ние лани таму одевме со едногодишно бебе, подобри лежалки не најдовме никаде. За поголемите деца тој гумениот замок е измислен. Сличен има и во Никити кај Кукунари и Ергон баровите, ама тој мислам е помал.
Убаво опиша се, баш како што беше, јас не ги опишував лежалките затоа што сум бремена и бев крај на 6ти месец и ми беше страшно загушливо под платното, па бегавме на тие лежалки до Ла луна, а инаку далеку понеудобни се за разлика од тие во Ла луна. Инаку се на се, најпогодена плажа.
