На патувања со бебе

Значи, да не се мислам и да одиме . Благодарам за одговорот.
Не сака да седи во количка, или ја носам во раце или оди сама. Така сме цело лето. Затоа, нема да земам количка.

Инаку, 3 лета се (грешно пишав погоре дека се 2). Два транзита многу ми се гледаат, па затоа ми е дилемата. Плус во раце да ја носам.

Како издржавте 10 часа? Имаше посебно седиште за бебе или во раце?

 

Женички здраво.Ние летаме во недела Скопје-Карлсруе,бебчо има полни 8 месеци.Искуство некоја за летање со бебе со Wizzair и што се да понесам со мене за него? Башка и јас прв пат летам со авион

 

Со бебе не сум летала, прв лет ќе ни е почеток на март здравје и то ќе има месец/месец и пол.. пошо до сега летав буквално секој месец наваму-натаму и појќе овој период се заинтересирав за патовање со бебе иначе маж ми работат на аеродром и го прашав и него,за бебе ти е дозволено да земеш горе со тебе се ( полни шишиња, храна, хигиена..), количката слободно можеш да ја предадеш пред да влезиш во авион и ко ќе стасаш во некои аеродроми ја добиваш одма од кога ќе излезиш од авион, а кај некој ги оставаат кај багажот. Седиште за во кола имаш право да качиш со тебе доколку на него пише дека е наменето и за во авион (картата ја плаќаш како за дете над 2години заради што имаш плус седиште) ако не тогаш е кај тебе во скут. Во некој компании на пример Austrian до 10кг. е без пари количката, а над мораш да ја платиш како голем багаж. За поточни информации околу количката како багаж отвори на страната на Wizzair сигурно имаат правила. Ако патоваш сама со бебе, обавезно имај полномошно од таткото дека смее да патува до тебе без негово присуство.

 

За бебе од 8 месеци ти следува во авион со тебе да носиш торба со ствари за него со големина колку торбите што се ставаат на количка. Бебето седи кај тебе во скут освен ако не си купила карта и за него. Ама тогаш ќе мора да имаш седиште за во кола за на седиштето и пак при полетување и слетување е кај тебе во скут. Ти даваат посебен додаток на појасот за да го врзеш бебето за тебе. Ќе ти објасни некој во самиот авион како да го наместиш ако не можеш сама не е ич проблем тоа.
За него освен торбата смееш да носиш количка бебешка (само пази смееш или седиште за количката или транспортер не и двете). Количката ја носиш до самата врата на авионот и таму ја предаваш. Можеш и да им кажеш да те чека на излез од авионот за да не носиш и бебе и торби во раце до дело каде што се зема багажот.
Во торбата за бебето стави облека за пресоблекување и доволно пелени (пример за лет од два часа имај едно 7-8 пелени со тебе за секој случај). Во торбата смееш да ставиш и храна за бебе и вода за млеко. Овие одат на посебна проверка кога се поминува безбедносната проверка ама се дозволени за бебиња (иако возрасни не смеат да ги носат). Значи смееш и тегличка со храна и вода и се што ти треба за време на летот.
При полетување и слетување гледај бебето да шмука нешто заради изедначување на притисокот во ушињата. Осоебно е битно при слетување штом ќе почне да се спушта авионот да му бутнеш нешто во уста (дали ќе цица, пие млеко, вода, ќе му дадеш да јаде бисквитче или ќе има цуцла не е битно). На самото слетување не е толку проблем колку што е кога ќе почне да се спушта.
Имај со тебе и доволно играчки и занимации за летот.
Јас патував сама со детето без полномошно односно во МВР ни рекоа кога детето оди со еден родител не треба полномошно (треба само ако оди со некој друг пример баба/дедо) ама сепак прашај си.

Убав лет.

 

Пред да тргнете исчисти му го носето со физиолошки, од кога го правам тоа не заплакал при полетување и слетување. Притисокот доаѓа највеќе од затнат нос.

 

Без паники
Сум летала со бебе повеќе пати од 3 месеци.
Не сум имала проблеми.
Ќе си земеш ад нормално за по пат ако не доиш ако доиш ќе си доиш во авион, во рачниот багаж ќе си ставиш дупли алишта за бебе, памперс, и нормално некоја храна ќе мораш сега се сетив дека е веќе 8 месеци и вода у шише.
Се на се тоа.
Јас кога беше поголем и кога патувавме го носев најаден па во авион само вода и бисквити летото ни беше 1 час.
Ама нема потреба од паники се ќе помина во најдобар ред

 

Фалааа ви жени најмногу.Уште ова прашање и спремна сум за лет.Имам чекиран багаж до 10 кила смеам ли во него бебешка вода шишиња од 1.5 литар?

 

Смееш, пушти го доле багажот само не го носи со тебе во авионот, ама не разбирам зашто има таму вода да купиш но секако ти си знаеш.

 

За 2 недели одиме на зимување со бебе од 4 и пол месеци. Патување со кола од 3-4 часа.
Кога уплаќавме бев бремена и некако 4 и пол месеци ми изгледаше големо бебе, а сега паника меѓу фаќа како ќе поминеме.
Најмногу што бебе има убав ред на спиење и јадење, да не ја пореметам.
Макар што синко е голем плус мм таму слободен за со него, јас само со бебето да сум.
Некои искуства од поискусните мајки?? ?

 

Јас мислам дека супер период сте избрале. Колку повеќе расте толку позахтевно е бебе.
Сега само цице или шише претпоставувам ви треба.
Редот ќе си го запазите и таму. Мојот со ист ред тера од 2м. Сме го шетале насекаде, и не сме менувале ништо.
Тргнуваме, одиме некаде според него.
Обично возиме кога него му е време за спиење. Или го будиме малку порано, за порано да тера попладневна дремка . Ќе се организирате според него и нема да му се смени ништо.

 

Смее ли во виз доле да го пуштам едниот багаж од 10 кг што ми е на приорити?

 

Да смееш

 

Ти благодарам.
На ексклузивно доење сме, само Мама до неа и ништо друго не треба. А Мама течности неколку безалкохолни лименки пиво и толку.
И неколку куфери алишта

 

Секогаш имај полномошно со тебе, маж ми работи на пасошка контрола. Не знам кој ти кажал од МВР дека не треба полномошно, законски имаат право на граница да ти побараат како што е и законски ако го немаш да те вратат назад (без знаење од другиот родител не смее дете да напушти држава затоа што можно е при кавга/разделба детето да се одземе од родителот). Секако некој се слаби на дечиња и би прогледале низ прсти, некој би барале пари за да ви е дозволено летање. Сте имале среќа до сега.

 

Девојки бебка ми е 4,5 месеци и на ад ми е.Сакам да го прошетам додека сум на породилно.Какво е вашето искуство за патување со кола,бус или оние пик апчиња си што одат во Банско.Сакам да одиме ама не знам како ќе поминеме.Фала Ви

 

Јас не би носела бебе на зимовање зашто како што сум зимурлива мислам дека ќе ми смрзне. Го замислувам умотано у ќебиња со смрзнато носе, горе у Банско.

Инаку, со автобус или пикап е греота да малтретираш толку мало бебе, да се вози во гужви и со секакви луѓе. Никаква комоција, никакви услови, никако за со бебе. Каде ќе му смениш пелена? Како ќе се вози? Во раце не смее. Во транспортер знаеш дека на два саати треба пауза, кој ќе ти застанува толку? Ќе го истрауматизираш и него, а и цел автобус. Работата не е само да се отиде негде, треба да му биде погодено на бебе, не да се мачи по пат.

 

Во делот каде што се вадат полномошно ми кажаа. Отидовме таму и ни рекоа не ви треба. Плус самиот формулар за полномошно беше така структуриран што се бараше потпис од двајцата родители детето да патува со некој трет. Практично немаше можност еден родител да друг да му даде полномошно тогаш кога ние баравме. Еве и на официјална страна на МВР пишува ако детето патува со еден родител не треба полномошно https://mvr.gov.mk/upravni-rab/12.

 

Чекај сега, полномошното кое вие сте го барале е ако детето патува само надвор од државата, таквото полномошно не е потребно доколку еден од родителите е присутен. Полицијата има право да побара полномошно (од нотар) дали другиот родител е согласен детето само со неговата мајка/татко да ја напушти државата, како што имаат право истите патници да не ги пуштат преку граница од Х причини. За пасошки контроли сум ептен добро запознаена, како што кажав маж ми работи таму. Со полиција и нивните цаки за пари неможиш секогаш да излезиш на крај доколку ти се паднал таков идиот. Не е морално, не бара секој, можат и без тоа да те пуштат ама имаат право за ситница да не ти дозволат премин. Мој совет беше тоа за да не дојде до нервози или мерење што е подобро дали да пропадни картата или да тутнам некој денар во пасош.