Ми се чини дека кога сте ја следеле серијава,јас сум била во друг свет,не ми е јасно како сум можела да ја пропуштам... Ма какви вампири и Шелдон Купер,ова е чудо од серија. Не за џабе на неколку феминки им е на врвот,ова е нешто феноменално. Иако сум само на почетокот,12 епизода,чувствувам дека нема да ме разочара до крајот,посебно поради рејтингот кој го има. Колку детали има,на се треба да се обрне внимание,се е поврзано,лудница ми е во глава,24/7 мислам што како,а немам отворено никаков спојлер (првпат да се воздржам ) Ликовите си се приказна сами за себе,Оливија ја сметав обична детективка во стилот на Бекет или онаа од Beauty and the Beast,ама е навистина талентирана,паметна,лепотица,а и целиот лик и е прекрасно разработен. Очекувам повеќе откритија за Питер и неговите валкани зделки,ама не се брзам,знам дека се ќе биде покажано во соодветното време. Волтер пак ми е право срце,сиот збунет,ама ненормално паметен. Не знам што друго да изразам за серијава,освен фактот дека сум тотално опседната...
И конечно ја завршив серијава... Искрено,вака наеднаш се губи многу при гледањето,неизвесноста и чекањето ги нема бидејќи сите епизоди се сервирани. Имаше некои предвидливи моменти,но поголемиот дел ме оставаа со подзината уста,работи што сум мислела дека се небитни,испаднаа најважни. Впечатокот ми е тотално позитивен,5 совршено склопени сезони,немам замерка на ништо. Последните 2 епизоди се утепав плачејќи,иако заминувањето на Волтер не ме изненади.Сцената кога Питер ја гушнува Ета најмногу ме трогна,таа ќе си ја носам уште долго време. Ликовите крајно обработени,со сите мани и доблести,и си останаа доследни до крајот. Најдоброто нешто е самата приказна,не само што беше добро поврзана,туку вака гледајќи ја како научна фантастика остава простор за размислување дека такво нешто е многу можно да се случи.Не баш до краен детал,но серијава ја донесува најбитната поука за човештвото,емоциите (љубовта) е тоа што не прави различни од животните,емоциите ни ја дефинираат судбината и отсуството на истите може да не поведе само на полошо и назад во еволуцијата. Дефинитивно мило ми е што ја изгледав,најверојатно уште долго време ќе ги вртам епизодите.Мора да ја нагласам и прекрасната хемија помеѓу Ана Торв и Џошуа,одлично изглумено. Исто така,глумејќи ликови од различни паралели сигурно е тешко,а сите актери одлично се снашле во улогите. Оливија2 ми стана омилен лик,можеби карактерно за нијанса подобра од Оливија1 и како си се најдоа со Линколн,ептен ми е мило што ги покажаа на крајот.Патем Линколн е многу многу секси маче И сега не знам што да правам со себеси
