На „Телеграм“ се шират интимни фотографии

Не знам само на кој суд ќе докажеш дека бројот ти е злоупотребен, искрено. Сигурно, ако не на овие страни, бројот го имаш некаде споделено.
За споделување на слики ќе се извадат, а не па за телефонски број.

 

Штотуку ми пратија одговор на тоа едуцирај го син ти демек научи ја ќерка ти вака така. Реков тоа ќе биде океј кога ќе биде обострано, да не го поминува пола град и кога слободната волја за секс ќе биде еднаква без дискриминација.
А се додека се прави муабети за ''ејјј брат оваа е јака пичка, еејј добра е овааа, уфф каков гз има'' тогаш тоа научи ја ќерка ти не држи вода.

 

Кој го објавил срањево жити се? Некој од „влијателниве“ акаунти на инста?

 

Ете, ова е причина да не се ќути!

 

Не знам дали би излегла на протест затоа што многу жени околу мене се како таа сопругата - Не пуштајте ги мажите на родителска, наставничката ги заведува.
За протест треба да имаш барем малку надеж да те води дека ќе смени нешто, а искрено мислам дека немам енергија, пошто немам надеж дека ќе се смени нешто многу, да не кажам ич.
На кого ќе притискаме со протест, менталитетот не се менува со протест.
Единствено за кое имам некоја надеж е да се смени образованието, да се подобри, да се воведе учење што е морално добро, што не е, а не трупање материјали како на пример географија, колку овци има во исланд.
Ние овде зборуваме за Јавна соба, Милошоски изјавува дека пратеник силувал жена и уште е на функција, туго несречо.

 

Па нормално дека бројот го имаат пријатели, познаници. Ама само толку. Злоупотребен е со самото тоа што ѕвонат по милион пати дневно, тоа е нарушување на мир! Имам доказ од историја на разговор.
Сите го критикуваат МВР ама еве лично мене МВР ми излезе во пресрет, пронајдена е личноста што ми ѕвонеше по 10 пати дневно и е казнета и не ѕвони повеќе! Покрај него имаше и други ама тие со обична закана се повлекоа!

Ако е во ред тоа што го прави немаше да биде казнет од страна на МВР. Така да совет не чекајте, пријавувајте!

 

Шо сакаш да кажиш всушност?
Дека џабе има правен систем?
Џабе постојат закони и институции?

Ами нека ги затворат.

Шо ќе ни се та полиција, та обвинителство, та судии...
Чим е толку безнадежно.

 

Мора да почнете да се ставате во различни ситуации пред да почнете да ги обвинувате жртвите. Ако ТИ не правиш така (споделиш слика), не значи дека друг нема да направи така. Дете не мисли исто. Секој има различен мајндсет. Овде има огромна улога психологијата и домашното едуцирање. Непознавањето на интернетот е одамна надминат проблем и родителите/старателите немаат никакво оправдување кога се работи за неразговарање на оваа тема. За децата се чувствуваат доволно сигурно, мора да се работи на доверба. Стравот од осуда не смее да постои зошто секој човек може да биде подложен на манипулација, особено деца. Прочитав многу гнасни коментари од родители кои очигледно фејсбук го користат замо за глупирање наместо да го искористат целиот интернет за информирање на различни теми. Секој е виновен во овој случај - освен жртвата. Од медиуми, до родители, учители, образовен систем.... Игнорирањето на девијантните појави прават полошо во општеството. „Сама си го барала“ менталитетот е длабоко вкоренет насекаде низ светот. Мора да работиме на тоа на културен начин да ги едуцираме овие луѓе дека не се во право. Клучно е „културен“ зошто ако почнеме со исмевања, нема да има резултат и кај ваквите ќе се направи шатдаун на тие малку мозочни клетки што ги имаат. Можеби и самите се жртви, ама не сакаат да си признаат. Ако не, ќе одгледаат деца кои ќе го мислат истото како и тие - дека сама си го барала и ќе продолжиме да гледаме правдања на оваа тема.

Друга, уште поважна работа - мора да се работи на подобри закони за заштита на жртвата и казни на злосторниците. Оние неколку невладини организации немаат поддршка од никој друг, а кога тоа е така, секако дека не можат да се изборат за промена. Мора да има измени на престарите закони зошто вака како што е сега, единствено се штитат злосторниците, додека жртвите со години се влечкаат без исход. Далеку сме од ова но мора да се почне од некаде.
„Во јавното обвинителство ги следат сите информации и за повторното активирање на “Јавна соба”, а предметот од пред една година бил во предистражна постапка.“
Ова е одвратно. Освен дека во групата има вработени во МВР кои сами си се штитат, друго објаснување за влечкање на ова - нема. Клучно е да се работи на ажурност од институциите. Злосторниците си продолжуваат со своите постапки, а нивното неказнување им го овозможува тоа.

Споделена слика на интернет не смее да се користи за никаква друга намена без претходна согласност од сопственикот. Знам дека ќе има „зошто објавувала“, затоа што е тоа нејзино право, не е право на некојси да ја користи нејзината слика и телефонски број, тоа мора да се разграничи.

Секакви правдања и „ама...“ на оваа тема се неопростиви.

 

Ако ти "немаш потреба" тоа да го правиш океј, не значи дека сите се како тебе.

Има девојки и жени што пратиле слики на дечко, маж со кои што се долго време и имале доверба, па после раскинување или развод сликите се споделени.

И да прателе на некој со кои што не се во врска/брак или слично, не значи дека се они криви, туку тие што ги препратиле, и само тие!

Зошто ако пратиш слика на некој не толку близок по дифолт треба да значи дека тој мора/треба да сподели?

Додека не го сфатите ова, не излегувајте на протести.

 

Видело синчето цицка и лошите девојчиња го расипале, инаку воспитувањето му било топ претходно. Кутро дете, ја мислам да им напраиме некоја група за поддршка на вакви истрауматизирани мажи. Сепак, не е лесно да постоиш во свет кај што има жени што носат купачи и се сликаат.
Сексуални работнички? Па тоа го немало во нивното време

 

На темата зошто жените сме повеќе озборуваани и мета , кога дадов мислење дека делумно е до нас сите удрија по моите ставови.Сега во ваква ситуација кога читам коментари на некои девојќи сфатив дека сум во право. Жално е ...

 

Речено од правник: 2 и 2 не се секогаш 4. Правда нема, оти сум ја барала за сосема друго и не сум ја нашла. Ние немаме правен систем. Законот е само напишан на хартија, а во пракса го нема. Жално е што до тука дојде ситуацијата. Фросе ја судевме до некаде, ама сега гледам дека арно направила. Максимум една недела на телевизија ќе ја зборуваат групата и ќе видите дека толку ќе биде, ќе се заташка.

 

А која е поентата машко да ти бара nudes?Дечко ти во кој имаш доверба?
Кога поставувате глупи прашања размислувате пред да стиснете испрати?

 

Како МВР го казнија? Која му е казната?

Вајлд јас само сакам да ви укажам дека има начини да се извлечат.
И јас сум згрозена, вознимирена, ама ете ја знам и другата страна.
Повеќе би имало ефект осудата од општеството отколку дека кривично ќе одговараат. Може за малолетниците, ама во другите случаи многу тешко.
Пријавувајте, притисок да се врши, да пробаме да смениме нешто, да се пронајде проблемот, да се решаваат работите системски.
Еве ќе ја избришат групата, ако успеат ќе казнат еден, двајца, и толку. За неколку месеци пак група.
Пак жените ќе бидат малтертирани, злоупотребувани, стигматизирани, дека они си го бараат, и сето тоа пак ќе произведе нови жртви.
Нам ни треба решение со ќе ќе се влијае врз мажи, жени, сеедно, врз деца и тинејџери, се со цел да се намалат овие девијантни појави и трендови.

 

Не знам точно, не е ни моја работа да знам. Знам дека ми јавија дека го средиле проблемот бидејќи лично таму поднесов пријава. И навистина од тогаш повеќе не се јави.

 

Ах.. па не можеш да го запреш криминалното однесување.
Во природата на луѓето е да бидат и себични, и користољубиви и да нанесуваат зло едни на други.
Овој вид на криминал и да исчезне, друг ќе се појави.

Пред 50 години ККК палеле црнци на клада, пред 500 црквата палела жени на клада

Со време, како се менува општеството, знаењето и размислувањето на луѓето, така се менуваат и формите на криминал.

Секогаш криминалот ќе биде пред законот.

Иначе да... треба да се смени начинот на кој размислуваме... а за тоа треба време...
Законите и казните се дел од 'едукативниот' систем.

 

Темава е доста комплексна. За почеток, не би се согласила на малолетник да се допушти да споделува слики на социјални мрежи, воопшто да креира профил, затоа што телеграм е само јавното лице на темната страна на интернетот. Постоеле, постојат и ќе постојат воајери, педофили, манијаци, силувачи. За жал, никогаш нема да се искорени, се додека постои човековата раса.
Телеграм не го гледам воопшто како кривец, се работи за платформа како Viber, What'sapp. Дури добро е што има одлично заштитени апликации, преку кои слободно може да се изразиш, без да го имаш стравот од трети лица. Тоа што некој ја злоупотребува неговата намена е сосема друга работа.
Сликите доколку се споделени јавно, буквално може секој да ги користи за било какви цели. Дека тоа е во ред, не е, но не е кривично дело со оглед дека самиот си се согласил да јавно споделуваш свои фотографии.
Од друга страна, тајното снимање, користење на приватни фотографии упатени само и само кон оној што се насочени и истите јавно да се споделуваат, е веќе дело за судење и истото треба да биде казнето.
Имам профили на социјални мрежи, максимално заштитени, ништо да не се гледа и немам слики. Не е дека не се чувствувам слободно и имам страв, туку сметам дека нема потреба да го ставам животот на тапет.
Едното го повлекува другото, социјални мрежи не треба да има, ако нема, ќе нема ни што да се споделува. Ќе ја затворат оваа група, ќе има наредна, ако не е телеграм, ќе биде нешто друго. И се ќе се врти во круг.
Решение нема, едноставно да се внимава што и каде се објавува, да се чуваат профилите затворени, да имаш пријатели кои ги познаваш.
Лоши времиња, со уште полоши последици. Што убаво со тетрис си игравме...

 

Абе шо.. сенкир ко игравме тетрис немаше сексуална злоупотреба.

И динамитот Алфред Нобел го направил за копање рудници, па луѓе му нашле и друга примена.. односно-да се убиваат едни со други.

Како што и рече: Однесување кое деструктивно ни е во природата... - порано, сега и секогаш... веројатно

 

Како го средиле?
Многу чудно ова твоето.
Инаку не е казнет, туку најверојатно предупреден. Ете затоа не ти се јавува. Или дека излезе работава јавна, па се стишија.

 

Јас не знам уште колку девојки треба да оцрнат, за да се затвори таа проклета група. Дневно по колку стотици фотографии се споделуваат само. Да бевме нормална држава, до сега ќе згаснеше групата и лицата ќе беа приведени. Арно преска прочитав некаде, МВР не реагира затоа што само 2800 членови се џандари..