Невладина организација

некоја невладина организација во скопје ???

 

Креактив - Скопје, People to People International и Реакт (подорганизација на Active Europe)
линкови:
http://evs.mk/
http://www.demokratija.org.mk/
http://kc.kreaktiv.mk

 

Некоја невладина организација во Штип ?

 

Да стварно, кажете ајде ако има некоја и јас би сакал да бидам член

 

http://zk.com.mk/act/%D0%9D%D0%B5%D0%B2 ... 0%B8%D0%BF еве овде најдов нешто

 

https://www.facebook.com/MOF.edu?fref=ts
www.mof.org.mk

Прекрасна организација со прекрасни луѓе и одлични можности. Топло ја препорачувам.

 

Од штип би ја препорачала Фондацијата за развој на локалната заедница: http://frlz.org.mk/

Инаку се сегласувам за Младински образовен форум, мислам дека човек навистина може да научи многу таму.

 

За Гевгелија некоја?
Најдов на Златна Книга некои, ама незнам колку се активни..

 

Девојки не знам како е во другите невладини организации, но за Форум ЗФД Струга навистина не знам што да ви кажам. Имам другарка која е член веќе околу 3 години, и таа и другите членови секаде се претставени како волонтери на Форум ЗФД, а тие немаат ниту една волонтерска книшка, немаат никаков договор за волонтирање. Кутрите членови само се надеваат дека барем нешто ќе им биде исплатено, но никако да бидне... А имаат многу работи направено до сега, целата работа, целиот центар тие го водат, а тие неколку вработени, наместо да си ја вршат работата тие се вработени на друго место, а си земаат плата и од тука, за работа која ја врши друг. Навистина жално, досега не сум била член на невладина организација и мислам дека нема ни да бидам. А би сакала да и помогнам на другарка ми, знам дека таа ја сака оваа работа, но како да и помогнам???

 

Морам да истакнам за големата придобивка од Невладините организации- обуките кои тие ги организираат.
За секој би било од корист да посети некоја обука. Шанса за стекнување знаење, дружење, усовршување на некои вештини и себенадградување- БЕСПЛАТНО. И најважно ке имате обука што добро ке дојде за пополнување на страните во CV-то

 

Кој е невработен, студент или има време, а сака и има намера слободно нека се испроба во оваа област. Регистрацијата е околу 2500 денари, да се направи статут е лесно, треба уште програма за работа, одлука од основачко собрание, некои изјави од претседателот, банкарска сметка и уште некои документчиња. Имате еден куп на области кои се предизвик во оваа работа. Интересни ми се НВО кои работат во областите заштита на ендемски видови растенија и животни, заштита на животна средина, екологија,... Во НВО за граѓански општества, политики, меѓуетнички односи, “пис билдинг” не гледам ништо занимливо. Во работата се остваруваат многу познанства, пријателства, среќавате луѓе кои ќе сакаат да ве збришат, луѓе кои ќе ви помогнат и потоа мислат дека цел живот сте им должни и луѓе кои баш искрено од срце ќе ви помогнат.

Профит од НВО нема, а и не треба да има, со оглед на тоа зашто служи секоја НВО. Знае да се земе добар хонорар, плата доколку се добие добар проект. А тоа е прилично тешко. Зависи од вас самите колку сте креативни, вешти во изработката и разработувањето на проектот. Скоро секоја од странските амбасади, UN организации и разни фондации кои даваат финансиски грантови или техничка помош имаат веќе готови формулари-апликации, па пополнувањето и аплицирањето се најмал проблем. За добивање на проектот може да се чека и по 6-8 месеци, а доколку некој од донаторите се заинтересира и проектот влезе во потесен избор, уште еднаш до детал разработете го проектот, па следат посети на местото на проектот, ќе имате еден куп средби, состаноци, ручеци. Е ако го добиете проектот тогаш се ова се исплати солидно. Ако сте добри во “менаџирање” на проектот може да се извади и нешто екстра (тендер, набавки, разни тековни трошоци и сл.). Ова е доколку сте на некоја од функциите во проектот, а не волонтери и потрчковци (за жал за нив нема ништо ). Од владините институции не очекувајте некој проект освен ако немате врски, а од локалната власт уште помалку, затоа што 90% од градоначалниците се неписмени и немаат врска околу НВО секторот. Прво бараат да има за нив, другите не се битни.

Вистинските НВО се формираат за помош на граѓанинот и поврзување на истиот со институциите на системот. Врската е НВО, секогаш почитувајќи го правилото "одоздола кон нагоре", давајќи му секогаш внимание, предност и посветеност на поединецот, потоа на заедницата, групата и на крај власта, било локална или централна. НВО чија цел е заштита на околина, животни, животински видови, разни билки и тн., ја имаат истата цел, преку нивно сочувување се штити, на разни начини (економски, здравствено, социјално и др.) граѓанинот, заедницата па се по ред.

Добар дел од нашите НВО се послушници на некоја владејачка или опозициска гарнитура па така нивната програма на работа стои само на хартија. Имаме еден куп НВО-портпароли, а многу малку организации кои функционираат како вистински НВО. НВО се создаваат само за протестирачка намена и регистрираат преку ноќ за да протестираат пред влада, а други формирани со иста намена и легализирани преку ред и со врски штрајкуваат пред опозициска зграда . Финансирањето на ниедна од овие не им е проблем.

 

Ако станува збор за мулти-култи центарот кај пливалиште, и ако другарка ти не земала хонорар воопшто откако е отворен, требала да реагира во УНИЦЕФ, додека го финансираа. Затоа што пари за тие што ги спроведуваа работилниците - имаше.

Инаку и не мора секој да формира граѓанска организација, може да се стане член и во некоја постоечка. Или пак ако формирате своја, мора прво да барате проекти во партнерство со некоја што е веќе разработена, за да стекнете искуство. Никој нема да ви даде пари ако немате искуство.
Има различни области на делување и секој би требало да си избере според сопствениот интерес.

 

Најголемата бенефиција добиена од членство во вакви организации се новите познанства.
Сега не сум активна никаде, ама порано (особено како средношколка) членував по разни организации и одев на многу викенд семинари. Во тоа време од ваквото членување не очекував никаква заработка, иако некаде имаше, до душа симболична. Секаде може да се научи по нешто, ама за мене најскапоцени беа познанствата со луѓето кои ги среќавав во тие кругови. Дружбите беа страшно многу интересни, а кога се дружиш со малку постари луѓе, тогаш учиш да размислуваш поинаку. Растеш многу побрзо. Со некои од нив до ден денес сум во контакт, а многу од нив и ми се нашле понатаму во животот

 

И да додадам при барање работа дел од работодавците сакаат да видат дека сте волонтирале некаде, значи имате работни навики иако можеби и не сте добиле никаква парична надохнада за тој ангажман

 

Средно училиште сум и имам одлична прилика да започнам со вакво нешто.Бидејќи не сум полнотелтна свесна сум до каде можам да одам, барем за сега.Но,сакам да почнам да се занимавам и да навлезам колку толку.Имам навистина добра прилика бидејќи познаник на моите родители се занимава со невладини организации уште од мои години и можам да кажам дека е навистина успешен во тоа.Што мислите на моја возраст во која област најмногу би можела да се активирам.Секако ги знам моите интереси,меѓутоа еве да речеме да ми помогнете да одлучам,некоја идеја која што би можела да ме заинтересира и да вложам во неа?

 

Штом ги знаеш твоите интереси, следи си ги. Вака од око никој не може да знае за што имаш највеќе интерес и која област највеќе ти лежи. Може да биде нешто на национално ниво или поврзано со микро регионот каде што живееш. Животната средина, меѓуетничките односи, социјалните проблеми, прашања од областа на здравството, младите,... се само неколку од полињата каде можеш да се испробаш и да вложиш. А бидејќи си почетник, и тоа како ќе треба да вложиш.

 

Невладини организации

Веќе подолго време сакам да се зачленам во некоја невладина организација, ама немам со кого да се посоветувам во која Сакам да си го подобрам говорот, не е дека имам проблем ама имам трема кога зборувам пред непознати лица и мислам дека ќе биде добра одлука ако станам член некаде. Ако некој бил член некаде нека ме посоветува

 

Дали знаете невладнини организации во Прилеп и дали некои од нив бараат членови?

 

Младински образовен форум
www.mof.mk
https://www.facebook.com/MOF.edu

Топло ти ја препорачувам!

 

знаете ли некоја невладина која се бави со животни. ако имате некоја информација ве молам пишете.