Недолични коментари кон трудници

Мене свекрва ми првата бременост ми кажа бременоста не е болест ќе си функционираш најнормално. Јас ја послушав реков ај да не се лигавам. Запнав, напнав и (да не ме разберете погрешно/ничија вина не е) го изгубив. Сега сум пак трудна и добив сличен коментар ама го изгнорирав. Си имам моја мантра а тоа е да си го слушам телото. Никој не може да ме предомисли веќе како ќе се осеќам така ќе правам.

 

Имам ГД и моментално сме кај свеки на гости две недели. Јас сум на посебна диета и сама готвам, свеки готви за мм, свекор ми и за неа. Пред некој ден за доручек направи потпечени макарони со сирење и ми стави и мене во тањир. Реков фала од стрв ќе пробам едно залче, другото му го дадов на мм да го дојаде. Свеки на тоа ми искоментира: "Бебето сигурно сега се нервира и си вика оваа мајка ми ништо не ми дава да јадам".
Многу се изнервирав, и вратив на коментарот дека баш заради бебето и негово добро мајка му не јаде такви работи и се заќуте. Ама џабе, пак се нервирав. И онака доволно се кривам сама себе и си правам филмови, уште она ми фалеше.

 

Не требало да и објаснуваш. Требало да и кажеш гледај си ја работата и не јади многу трици. Проста жена

 

Епа да, ако си пребирлива ти и бебето ќе биде пребирливо натака и на бебето му треба секаква храна, а не тоа 'модерните' доктори што измислуваат сега нови правила, па како тие не носеле нас и само 1-2 пати биле на лекар во цела бременост, па ги немало тие 'глупости' што ги има сега. Па како без овошје, тоа е природен шеќер нема врска со другиот шеќер, како бебето во стомак без овошје.... И треба 60 тетра пелени да купиш да ги переш секој ден, со памперс знаеш какво црвено ќе му биде газето. Како јас нема да дојдам кај вас на почеток, ќе можеш ли ти сама да го бањаш, немам јас корона. Како сега за Велигден нема да се собереме цела фамилија, што ако е полициски час, ќе си дојдете кај нас уште во четврток и ќе бидете тука до вторник (читај фамилија 10 души, секој ден излезени некаде).

Итн итн, среќа од едно влегува, од друго излегува.

Се занесов малку, сум отишла офф топик ама ме изнервира денеска свеќи, се мести кај што не и е местото.

 

Од родилка од пред некој месец која што уште не е вратена на претходната килажа
- леле колку жал ми паѓа кога ќе слушнам дека затруднела некоја ко ќе ми текне колку ќе се здебели само што и кажав беше ова

 

На почеток се нервирав затоа што сите зјапаа во мене, кај ми бил стомакот.. Кај да ми биде во 3-4 месец? Сега кај и да одам сите ме зјапаат и ме оговараат,не знам дали се свесни дека тоа се приметува, а дел и се слуша.
За јадење свекрва ми пробаше да ми подметнува во манџите нешто што не поднесувам и не јадам, ситно сецкала зеленчук и такви работи, и јас нормално не јадев штом ќе видев, одма друго си земав. Ми рече еднаш да сум земела парче пита, а питата наполнета праз, реков дека не сакам и одма коментари бебето сакало, за бебето требало.. И си премолчував. Еден ден правеше пица. И кажав само со кашкавал да биде моето парче, она наредила праз, ептен тенко го направила, го наредила, се измачила само за да не го приметам, за малку ќе повратев од самиот мирис, ја оставив пицата и не јадев. Ја прашав што е ова, ми вели кашкавалот не се растопил, и покажувам дека не е така, и ми се правда демек моето парче било до друго парче со праз и сигурно така летнало натаму. Се изнервирав многу и и кажав дека веќе не барам посебно да ми готви, нека не готви за мене воопшто, нека ми каже дека тој ден тој е ручекот и јас ќе си направам нешто друго, без лутење, без да си замериме. Жената упорна, не попушта, ми вели ама бебето сакало да јаде, ако јас нешто не сум сакала понатаму и бебето ќе имало аверзија кон тоа,ќе ми било стално болно, да сум јадела малку поздраво. Е тогаш не се воздржав и и кажав дека бебето си е супер така, и да не ме нервираат бидејќи кога јас се нервирам и бебето ќе се нервира, а стресот не е добар. Е тогаш замолча и еве сега мирна е гледам, не ми прави веќе така.

 

Иста приказна со мајка ми туку тоа све е од љубомора и злоба и да те изнервира.

 

Абе кога ќе ви речат мало е бебето само речете им, КАКО ШТО ЌЕ ГО ДАДЕ ГОСПОД ТАКА!!! и затнете ги.

 

Не знам дали се недолични коментари, но не се на место во секој случај.
Кога си со ризик за предвремено породување (во мојот случај од 32ра недела, а има случаи и многу порано) и ти велат "барем до 37ма да издржиш"
Гледаш од ден за ден да порасне бебето повеќе и секоја недела плус ти е огромен успех и само читаш статистики за survival rate во таа конкретна недела во која си, 37ма недела е предалеку и се создава непотребен притисок на трудницата. Ако не знаеш како да помогнеш, не одмагај

 

Оооо од 23танедела ми го трубат она "се барем уште толку и толку издржи". Ко јас да не знам. Како да не сум мајка па за инает еве порано ќе го истерам. Излежав сама 3 месеци еден нормален муабет не ми направија. Еве сум сега 35та полна према 36та. И знам дека ќе е порано од 38/39 такво чуство имам. И реков амин и успех до тука од тука кога сака нека биде. Ми кажа таа што ќе ме пораѓа дека има тежина оформено е сега се што седам е само + и за мене и за него. Споделив тоа како информација повод за опуштање и поеуфорична атмосфера. Одма заклучок јас не сум сакала повеќе да издржам на крај ќе сум попуштела.

 

Јас утре 36 полни. Веќе се опуштив Попладне сум на контрола и ќе видиме што ќе кажат, ако е бебка накај 3кг може и да се гушкаме Првото до 39+ го износив па 3100 се роди.

Да не сум многу офтопик, исто така ме нервира куражот што ми го дава свекрва ми, како сум јас храбра и ќе издржам и мора пуста мајка се' да издржи, и се' ќе биде во ред и пораѓајот ќе поминел во најдобар ред
Знам дека не мисли лошо жената, ама нит сум се пожалила дека ми е нешто тешко, ниту пак имам страв од пораѓај, и ме напињаат непобарани совети

 

Лелеее кај мене е тој коментар бар да влезеш во 36та веќе полесно ќе се дише!?
Што им е муабетот од кожа ме вадат

 

Јас се напнав кога матичната ми кажа машала си јадеш 11 + во 8ми месец сум била, и додаде младите мајки многу пазале на пораѓај оделе со 7+ И како да не се изнервираш. Што муабет е тоа!?

 

Ооо мојата на секој преглед ми збореше колку сум била дебела, сум можела да добијам притисок, прееклампсија. А јас со гестациски дијабет, веќе под режим...не знам што и беше поентата...+10 отидов на пораѓај...

 

Не за килажа колку за холестерол што ме напна матичната. Висок ти е та висок. Па каков да биде кога пола бременост в кревет ја пројдов. Од една страна немој да си мрднала да се шеташ од друга страна боооо што направи со холестеролов девојче. Ми одеше да и речам се спремам за хибернација.

Бонус: Собрав храброст по 8 месеци на депилација да се средам. По што не ме позна со маска и објаснувам која сум редовна дека сум. Ми вика ау не те познав си се здебелила.

 

Хахахаа леле Ај сеа ме окуражи и јас да закажам за депилација
Јас штознам, не знам не сум добила некој недоличен коментар од некој вака од страна, освен од мајка ми она редовно 'машала си ќерко' и еднаш кога имав еден ептен широк фустан облечено, брат ми ми рече 'како шкаф подвижен си'
Секако не фаќам кусури, си се посмеавме

 

И ако не ослабеш после пораѓај не дај Боже да сретнеш некој, само тој муабет, лелеее си се поправила не те познаав. Стварнооо леле да не ми кажеше немаше да приметам. Обично од жени е коментарот, мислам им се разубавува денот кога ќе видат дека се поправила некоја, женска суета...

 

И јас мислам после пораѓај доаѓаат повеќе недоличните коментари као колку кг симна, еее па јас одма ги симнав сите (од жени што имаат родено), ко намерно да сакаат да те препукуваат и да ти прават грижа на совест што имаш вишок кг и што не си успеала да ги симнеш за толку и толку време... Страшна работа...

 

Мене вие трудниците најубави сте ми.
Една немам видено трудница лошо што изгледа, и да отекла, и да се поправила, пак сте ми најубави
Ич да не им придавате значење на зајадливи коментари, тоа повеќе за нив зборува отколку за вас.