Недолично однесување во училиште

Треба да се направи "филтер" во образованието. Има многу професори кои не се компетентни за таа работа.
Не знаат како да работат со деца.
Ок е да не си роден за некоја работа, не е ок на сила да работиш само за плата, а децава па не се битни.
Не е само да имаш знаење на одредена тематика, треба да знаеш да го пренесеш.
Работата со средношколци е најтешка. Во тие години се најпроблематични, имаат испади, треба да се справиш со тоа.
Од друга страна сум била сведок на невпспитание на деца. Кога ќе добие детето опомена или нешто слично, ете го родителот кај професорката и она клише "знаеш ли ма кој сум јас", се знаел со тој и тој, а детево се тоа го гледа. И како тоа дете ќе научи што е правилно, а што не? Или стандардното "абе таа ми го мрази детето, го фатила на пик", а тој изиграва одделенски кловн.
Од двете страни треба промени и построги санкции

 

Баш...
Некои мислат дека ги знаат децата и дека се со злато родители и не можат да најдат поврзаност како се "багабонти".
Ама освен тие самите никој не знае што се случува зад затворени врати. Има многу случаеви каде родителите пред други луѓе се мед и млеко, а пред децата се друга, негативна слика. И тоа не дека се строги туку дека се вербално и физички насилни спрема сопствените деца.

 

Па тоа е проблемот.
10 деца - 10 различни карактери.
Родителот и наставникот се должни на секое да се прилагодат индивидуално.
Секое дете има различни потреби.
Ако не се прилагодиш, нормално и очекувано дека едно ќе искочи добро, друго не толку добро.
Мислиш децата се за во исти калапчиња да ги наредиш и да си се убедуваш дека добра работа си завршил?
Јакото образование кај што во училница од 20 ученици, 5 ќе знаат математика, 10 теорија ќе им оди, 5 ќе ги бива за уметности - е само тие 5 математичари што се, ќе се осеќаат ценети, другите не баш.
Кога ќе има индивидуален пристап кон секое дете, тогаш ќе збориме, дотогаш нека продолжат да се тешат родителите.

 

Па во македонија ако не живееме за одржување имиџ пред комшии, тогаш не знам каде

 

Не, темава не е були во училница, на онлајн платформа е.
И не, не е исто, работа на онлајн платформа и училиште на истата. Ова второво, за кое се дискутира, е малку покомплексно .

 

Поделени мислења имам за дешавкава, од една страна ми е мило што вакви неваспитани дечишта се казнети ама од друга страна не знам колку од педагошка гледна точка ова е продуктивно. Позадината на двајцава ученици не ја знаеме, дали е ова прв ексцес или се повторувало. Школото ја донело најрационалната одлука у моментов, си ја исчистија дамката од хајпот што се дигна у јавноста но школо е институција која треба да работи со ученици, како со примерните така и со тие што имаат проблеми со поведението а бркањево не знам колку оди у прилог на тоа.

 

Ама истите актери се.
Или ќе омета на настава во живо, или онлајн.
Иститот фраер е. Двајца де.

Темата е недолично однесување во училиште, без разлика дали е во училиштето, онлајн или на екскурзија.
Исти актери, конечно се реагираше на були и одма бранење

Искрено, мене би ми било срам да ги бранам.
Исто како што ми е срам политика и партии да бранам, оти имало полошо.
Од тоа полошо, светот е на ова дереџе.

Сепак, се е релативно.

Мислам дека денес треба медаља за највеќе мислења да ми се дадат
Дали не сакате да се согласите со мене, е вашо право.

Мислам дека нема повеќе потреба од реплицирање на моите постови.
Според моите морални вредности, не е исправно були да се брани. За мене тие се деца со посебни потреби што заслужуваат третман од медицински лица што знаат како со психата на вакви индивидуи.
Еве, не се веќе дел од гимназијава, сега е ред во посебна установа да ги едуцираат

 

Еве ти место медаља.
Методиката на работа е поинаква, не е исто онлајн час и училиште. И не е ова кажано во нечија одбрана, напротив, сметам дека е мнооогу потешко да се предава онлајн. Затоа учителката има копче mute others, барем нашата има.
А зошто деца се онлајн, а кафани работат, тоа е скроз друго прашање и тотално друга тема.

 

Колку што затворот е рехабилитациски центар, толку е и училиштето воспитен центар.

Секоја генерација има по неколку вакви дефектни идиоти, па и мојата.
Одењето кај училишниот педагог го гледаа како уште една прилика за подјеб и мајтапење.
Опасно ги потценувате манипулаторските способности на ваквите ликови и ако мислиш дека ти како психолог ќе промениш нешто у наравот и однесувањето на еден таков, жалам, ама наивност е.

Општо секое негативно однесување кај нас у државава опстојува, пошто не функционира казнениот систем.
Да се водеа сите училишта по компасот на училиштето у случајов, училиштата ќе беа многу по safe простор.

 

Говориме за училиште, така? Постојат психолози на кои тоа им е работа. Колку може училиштето да помогне во вакви ситуации, со еден разговор. Училиштето може да сугерира, тие проблематични деца да посетат психолог, затоа што, за да го најдеш коренот на самата проблематика, се потребни сеанси и сеанси, месеци и месеци. Не е тоа туку така. Не е училиштето психијатриска болница.
Никој не ги споменува родителите, а го обвинуваме училиштето дека потфрлило. Според мене, родителите се оние кои треба да се заложат за промена на однесувањето на своето дете.
Моментално во некои училишта има пилот програма за работа со деца со одредена проблематика, но не од аспект на агресија и недолично однесување, туку физички недостаток, психички недостаток. Следи уште еден професор за тие деца, кој ќе им обрне внимание и ќе работи со разни специфични методи со цел да се поедностави наставата. Но, тие деца имаат потреба, за разлика од потенцијални деликвенти, кои здрави, прави, отфрлаат секаква подадена рака.
Така да, не знам кои се вашите очекувања од училиштето, затоа што примарно е центар за едукација, а не центар за рехабилитација и казнено-поправен дом. Да беше 3 во 1, немаше да постојат приватни психолози, психијатриски болници, центар за психолошко советување на деца и младинци.
И погоди што, знам доста родители чии деца биле жртви на насилници, што ги праќале во овие центри. Така да, до родителот е, а не до училиштето. Наместо мирните деца да дојдат на настава, да се чувствуваат безбедно, тие ќе одат на психолог, затоа што некој не се интересира и не работи со сопственото проблематично дете.
Да работеа социјалните служби малку повеќе, ќе имаше и поголем ангажман кон сопствените деца.

 

Џабе некои толку го осудувате учеников што опцул ако според вас ваквиот начин се поправа или спречува со тепање од страна на родител. Исти сте, ма и бетер од него. Како тоа он имал храброст да пцуе професор. Јас да ве прашам како имате храброст и немате срам да удрите дете, а тука да исправате криви дрини?
Сега ќе го осудите дечкото ама о самите ќе израснете вакво дете. И така у круг работава.
Ве заболе вас за правда и почит. Битно ви е да се заќути тој што не може да се брани.

 

Абе било која да го пишеше ова ок ама ти? Сериозно? Ај те молам не биди лицемерна и пред да нападнеш некој друг, смири си го твоето раче прво.

 

Видов колку не може да се брани.
Прашањето е со какви постапки се брани.
Јас бурно реагирав на секоја неправда, но не се осудував да пцујам. Да ме пратат кај директор или педагог, за мене беше најголемиот страв, како да сум им забодела нож во грб на моите родители. Ако нешто не ти се допаѓа, ќе кажеш на родителот, па родителот ќе разговара со наставникот.
Кога бев мала, од некоја непозната причина имав страв од наставничката, проследена со физичка симптоматологија. Моите родители се чудеа зошто правам, тоа што го правам. Ме однесоа на доктор и се испостави дека е од траума од наставникот. Дојдоа, разговараа, од тогаш се се смени. Ми исчезнаа симптомите и си ја пратев наставата со спокој.
Но, пак се се заснова на ангажманот од страна на родителите. Училиштето не е криво, што некој продуцира неваспитани деца. Дете се учи додека е мало, а не порасната единка.
Кога ќе престане да се клевети училиштето за секое однесување на децата, а кога родителите ќе седнат и вистински ќе работат со своето дете, ќе имаме здрава младина со светла иднина.

 

Ај прво прочитај ми ја првата реченица да видиш на кого му се обраќам океј?

 

Па збори во еднина, не во множина. Од кај да знам на кој се обраќаш.

 

А зошто нема казни за родители?
Не конкретно за овој случај, туку општо кога има вакви испади од страна на ученици, зошто се изоставени родителите на сторителот?

 

И уште една случка, која сакам да ја раскажам, пред да се обвинуваат наставниците дека не превземаат мерки за децата.
Имено се работи за наставничка до 4то одделение (не говорам кое училиште) која после одреден период приметува драстична разлика во однесувањето на едно детенце. Се повлекува, не учи, со изгубен поглед. Разговара со детенцето, но нема повратни информации за неговото однесување. Се додека не приметува модрици по рацете, ќе си речеш дете е, паднало некаде. Но, модриците се интензивираат и учителката решава да му ја крене маицата. Шаренила од модрици. Веднаш ги контактира социјалните служби. Понатака не знам што се случило, затоа што немам разговарано. Но, нејзината улога како протектор на децата е завршена, понатака и да сака не може сама да го одземе детето. Контактирани се надлежни и се надевам дека детето сега е здраво, право, среќно и весело и далеку од родители-монструми.
Друг случај, не толку монструозен. Дете не учи, не пишува, покажува револт кон наставата, за да се испостави дека детето има проблем со видот. Не догледува од табла. Наставничката реагира, детето носи очила и си завршува приказната со среќен исход.
Она на што алудирам и дека наставниците не се роботи кои само предаваат и си одат. Туку пред се, се и педагози. И голем број од нив се грижат за децата.
Но, некогаш некои и не заслужуваат да помогнеш, затоа што си се обидел и немало никаков фид бек. Јас верувам дека се контактирани родителите неколку пати за овој дотичниов, но не знам дали ви е јасно дека некои родители не веруваат дека нивните деца се проблематични. Имам и за тоа да раскажам случка, што до ден денес се чудам зошто тоа дете не е избркано, кога е праќано кај педагог, кај директор, разговарано 10000000 пати со родителот. Родителот не мрда со прст, не верува дека неговото дете е потенцијален криминалец со тапија. И сега седи на настава, затоа што таа шупелката од родител се заканува, а останатите деца страдаат. И што да направи училиштето во случајов, освен што потфрла и не го брка?

 

Се што напиша е шпекулација.

Не може да му пресудиш на некој, врз база на шпекулација.

Да разјаснам:
Ако е така, тогаш е адекватна одлуката.
Ама што ако не е?

Можеме да се потпираме само на фактите кои ги имаме.

Факт1: Ученикот ја опсул наставничката
Факт2: Ученик го објавил јавно видеото од случката

Овај вториот, можат слободно да го тужат и учителката и првиот ученик.
На првиот ученик треба да му се изрече дисциплинска мерка соодветна на законот и прописите.

Дознаваме дека училиштето ги испишало од школо.
На товар на училиштето е да докаже дека заслужиле таква казна, не е на нам товарот да докажиме дека не заслужиле.
Друга информација немаме.
Како и за се' друго.
Тимјаник, Јавна соба, Фросина, Тамара, Мартин Нешкоски, дедото со марулите, бегството на Груевски, прислушкувањето, обидот за атентат врз Глигоров.

Кога има вакуум место информации, луѓето го пополнуваат како што сакаат.

Затоа ни е потребна треанспарентност и законска разврска на секој криминал за кој што сме чуле.

Ама нема...
И луѓето шпекулираат, луѓето не веруваат во правната држава, оти не постои, истражувачко новинарство не постои, па затоа и на медиумите не им се верува.
И имаш анархија. Секој си го 'решава' засебно проблемот кој го има.
Примерот со: Ме удри! Ќе му пратам луѓе да го претепаат!