Филмот заслужува да биде гледан под хитно, еден од најдобрите филмови годинава кои ги гледав и дефинитивно со еден збор со кој би можел да го опишам е ремек дело Еден од најсериозните филмови за оскар од англиско неговорно подрачје и дефинитивно мој фаворит, исто како што ми беше фаворит германскиот филм Животите на другите во 2006 година. Филмот е снимен брз база на вистински настан што му дава уште поголема вредност и квалитет. Ја раскажува приказната за две личности кои се запознаваат на чуден необичен начин, едниот е богат инвалид на кој му е потребен некој кој ќе биде постојано со него и покрај него, додека другиот е сиромашен црнец дојден од Сенегал кој живее со неговата тетка и нејзиното многубројно семејство и на кого му е очајно потребна работа. Откако пробно ќе биде ангажиран за работа - нега и грижа на богатиот инвалид, помеѓу нив се раѓа искрено пријателство, црнецот од корен му го менува животот на богатиот инвалид во позитивна смисла...... Филм кој вреди да го погледнете без одложување, нема воопшто да згрешите. Улогите во филмот ги толкуваат Фрасоа Клузет, Омар Су, двајцата актери се феноменални Режијата е на Olivier Nakache, Eric Toledano
прекрасен филм, навистина уживав додека го гледав нормално пролеав и по некоја солза, убава приказна со длабоко значење што денес е реткост. го препорачувам за душевна рекреација.
Дефинитивно добро филмче. Обично сум скептична кон француски филмови, но овој ептен ме изненади. Не очекував волку добар филм, со една интересна и потресна приказна. Едноставно треба да се погледне, филмов буди ептен длабоки чувства
Најдобар фрнацуски филм, интересна приказна која допира до сечие срце, во филмот опишано е пријателство меѓу два сосема различни светови
Само од овој филм може да се научи повеќе отколку од стотици други. Вистинска мотивациона приказна од животот која се надевам дека на многу луѓе им го отворила умот и ги променила. Ако бараш човек и ќе најдеш човек. Не постои општествено правило што одредува помеѓу кои личности ќе се развие пријателство, таква врска се оформува независно од норми и стеги, но штета што мнозинството се уште не сфаќа.
