Неинвазивни пренатални тестови

Да, самите тие ми го кажаа ова а и во интерпретацијата на резултатите точно вака е напишано. Доколку ја имаш изјавата која се потпишува, прочитај убаво, за половите хромозоми пишува и дека може да нема резултат поради атипичната вредност на х хромозомот.

 

А со матичната се слушна за резултатот, или со друг специјалист зависи каква бременост имаш? Дали ќе те советуваат да направиш амниоцинтеза?
Мислам дека нема одма причина за загриженост, овие тестови не се 100% релевантни, особено ако е вака како што ти рекле дека не е точно утврдено од која фракција или резулатот. ( така реално се губи и целата поента на тестирањето...).

 

Да, и матичната и друг гинеколог ми го кажаја истото и дека всушност само со амниоцинтеза се добиваат резултати директно за фетусот. Со истата мисла сум, дека тестовите не се она што го имаме замислено. Покрај ваква случка, се распрашав и постојат случаеви со различни резултати за направени два теста:едниот со висок ризик, другиот најнормален...

 

Епа ако е така, зошто тогаш ги правите овие тестирања, само за да Ве стресираат или од мода?
Јас како што знам не се задолжителни, а не се баш ефтини за да дадат вакви ,,збунувачки и стресни,, резултати (прочитајте мислења наназад од други членки).
Секое добро

 

За ИВФ бременост пожелно е да се направат, и доколку во фамилија има историја со некој од синдромите или аномалиите.
Ако е уредна бременост по природен пат, со млада трудница и без некакви фамилијарни истории, нема потреба статистички, се очекува од млади индивидуи да има поголем процент на здрави бебиња.
Но во денешно време се покасно се остваруваат како родители, а со возраста си идат некои ризици, намален квалитет на клетки и слично. За трудници над 30-35 години гинеколозите даваат препорака , доколку се во можност да си направат тестирање. За ИВФ бременост секако најзадолжително. Не би рекла воопшто дека е од мода.
Ова со Биотек јас конкретно го направив, затоа што ми иде во пакетот за породување.
Еве месецот има промоција секаде по 21 000 се тестирањата. Кој може да си дозволи и сака да си дозволи некој мир душевен колку што дозволува медицината зошто да не.
Ако излезе нешто позитивно се оди на инванзивно тестирање - амниоцинтеза.
Тоа е, ништо не е морално. Кој може и сака.

 

Јас правев на 22.04 и денес добив резултати. Се си е океј и го правев тој од 790 евра пакетот.

 

I jas istiov go praev, ke se javam utre da prasam
Za rezultati veljda ke imam sreka da ne me fatit praznikot i vikendot. Milo mi e za tebe, koe vreme ti se javia?

 

Сабајлево ми се јавија, па по некој саат ми стигнаа резултатите на мејл. Според извештајот вчера бил направен ама не знам во кое време не пишува, така што најверојатно за да не бараат касно вчера, денес ги кажуваат. Утре само треба да се слушнам уште еднаш со нив за одлука за чување на матични клетки.

 

Добро прашање Мислам дека секој ги прави со цел да има мир понатака во бременоста, ама овие моменти на несигурност се стварно ужасни. На крај се надевам дека се ќе биде во ред, и ќе се заборави овој стрес.

 

Тие работи не се гледаат на ехо особено не на прв скрининг, можеби на втор скрининг. Тестот не е 100% секаде пишува, но ако ти даде низок ризик за нешто знаеш дека немаш потреба од инвазивни тестови како амниоцинтеза. Ако има висок ризик сепак мора да се направи амниоцинтеза зошто тоа е единствен метод што е 100% релевантен. Со таков резултат мислам дека ќе мораш да почекаш до 17-18 недела за амнио па по резултатите да донесеш одлука во врска со бременоста. Стискам палци се да е во ред!

 

Ова апсолутно не е точно. Јас во рани 20ти години имав бременост кадешто имаше хромозомска абнормалност иако во фамилија немам апсолутно никој со ваква генетика. Јас и маж ми сме и двајцата физички активни луѓе, со здрав начин на живот и ете бидна. Од човек што дома нема пластика за да не измести хормони и што пере со природни детергенти и чисти со исто природни детергенти пак се случи. Нема правила и не давајте вакви совети на форум. Генетиката е најапстрактната наука и нема никакви правила. Да, инциденцата е почеста кај повозрасни трудници, но не значи тоа ништо. Некој пат статистиките за нешто да ти се случи се помали од 1% но на тој што ќе му се случат нему му се 100%.
Тестот за жал е поскап за наши стандарди, но мирот да знаеш дека носиш здраво и право бебе нема цена.

 

Точно така. Истово го мислев. Статистиката покажува проценти, ама колку и да е мал некој процент на некој ќе му се погоди, па ако барем дел од аномалиите може да се откријат со овие неинвазивни тестови - кој може да си дозволи сосема е оправдано да се тестира. Нема правила со природата. Може ние се правилно да правиме, да живееме здраво, ама ете ако природата дала некои некомпактибилни генетски предиспозиции меѓу двата родители, резултираат со аномалија кај плодот.
И самото тестирање е стресно, мораш да си спремен како да реагираш ако излезе висок ризик.
Штета што не се покриени под фондот овие тестови.

 

Со добра мисла се ќе биде во ред, верувам.

 

Колку време однапред закажувате термин за Nifty во Гинекаликс?

 

Јас истиот ден отидов.

 

Јас правев друг тест и имав таков резултат. Исто ми беше кажано-дека таа фетална фракција што ја испитуваат не е дирекно од фетусот туку од плацентата, а во одредени случаи плацентата може да содржи абнормален број на хромозоми, а плодот да си е нормален, па чекав за амниоцинтеза во 17 недела. За жал се потврди синдромот кај мене и се одлучив за прекин на бременоста. Половите анеуплоидии за разлика од други синдроми речиси никогаш не даваат физички и морфолошки карактеристики кои можат да се забележат при скрининзи, затоа во овој случај најверодостоен резултат ќе ти даде амниоцинтеза.
Ти посакувам да испадне сѐ во ред и за било што можеш слободно да ми пишеш порака

 

Сите пренатални анализираат фетална фракција која всушност ја претставува плацентарната циркулирачка днк. Не се губи поентата на тестирањето бидејќи докажано е дека ако тестот не детектира никаков ризик, 99,9% нема ризик. Но кога се детектира некаков дополнителен сигнал (а на тој начин се обработуваат овие тестови) не можат да бидат сигурни дали е од плацентата или фетусот. Бидејќи како што пишав погоре во некои случаи плацентата може да има екстра хромозоми а фетусот да нема. Тоа се вика плацентарен мозаицизам. Затоа потенцирано е и на самите резултати дека тој тест не е дијагноза туку скрининг тест и во случај на висок ризик треба да се прават инвазивни испитувања.