Неинвазивни пренатални тестови

Препорачливо е за мајки 35+, ако приската покажала нешто, ако има фамилијарна историја на некои генетски болести...
Цената е 500-600 еур зависно дали фатиш некој попуст и преку крв се прават мислам дека од 10 недела.

 

Погодив, ќе имаме момче со Господ напред

 

Јас немав никакви индикации за да го правам ама во консултација со повеќе доктори ми рекоа дека препорачливо да се прави затоа што на ехо не се гледа сè и може да се направи пропуст. Ме кошташе 600еур.

 

Здраво, дали имате инфо во некоја лабораторија дали може тестот да се плати на рати?

 

Обично сите даваат на рати. Јави се , ќе се договорите

 

Не се препорачуваат за сите. Мислам дека 90% од трудници го правиме на своја рака за да ете, сме мирни. Ако е се добро на скрининг нема потреба од вакви тестови. Се прават кога лекарот ке се посомнева во нешто па за да се отстрани или потврди сомнежот.

И јас го правев, не дека требав, но се сум нешто сомнителна и си викам кога можам зошто да не. Правев Нифти и тогаш беше 600€.

 

Искуство со Qualified?

 

Многи ми е дилема кој тест да го одберам ги читам сите ги отварам, секој својот си го фали и на секој пишува единствен , единствен... како одлучивте кој да го правите? И дали ако направам тест тој скрининг во 12та недела за даунов е повторно задолжителен?

 

Јас се одлучив за Нифти, ми го пофалија повеќе доктори и воопшто не разгледував други опции. Скринингот е секако задолжителен, мора да се следи како се развива плодот.

 

Ке ти каже доктор.
Ако немаш потреба и предиспозиции од Нифти ,не мораш да правиш

 

Јас го правев нифти тогаш имаше промоција и беше 600 евра се мислев меѓу него и quarifield ако вака се викаше од bio save ама тој најсеофатниот пакет беше 740 евра и многу ми беа пари и плус правев скрининг а ти колку години имаш овие тестови по препорака се прават над 35 год.

 

Во право си само од препорака од доктор или ако ептен е паничарка и финансиски спремна пошто не се ефтини па да си е после мирна гледам многу прават во последно време имало индикации или немало.

 

Јас имав 30 години, според доктори немаше никакви индикации за Даунов, нухален од 1цм, цела бременост супер до 34 недела кога Димчев виде аноналии на срце и Даунов. Така да кој сака да прави не ги разубедувајте зошто јас платив скапо што не го правев.
Д напоменам дека до Димчев ме имаат 5 доктори гледано и никој не виде ништо.

 

Прво, тие петорица доктори што те гледале пред Димчев, слободно можат да си ги искинат дипломите. Виртуелно невозможно е НС да е 1 mm (во милиметри се мери, не см), а плодот да има Даунов синдром. Прв знак на најчестите генетски аномалии, меѓу кои и Трисомија 21 е зголемена нухална транслуценција, секогаш и без исклучок.

Затоа таа задолжително се мери до кај 12-13 недела, после со растот на бебето, истата се губи и не е видлива на ехо и тешко е да се даде претпоставка за некоја генетска аномалија, освен ако не се направи НИПТ. Мерењето на нухална светлина не може да го прави секој, за ова постои посебна обука и гинеколозите што го работат се стекнуваат со сертификат. Во државата во која што живеам може на интернет да се погледне листата со гинеколози кои поседуваат специјален сертификат за мерење нухална светлина, која верувај дека не е голема. Аномалии на срце добар дијагностичар (читај, оној што е сертифициран да прави морфологија на плод, не било кој матичен) се видливи веќе од 18та недела. Доколку докторот е искусен со вакви скрининзи и со дијагностицирање на конгенитални аномалии, ова нема шанси да го промаши и тек да се види неколку недели пред пороѓај.

Вака испаѓа дека сите тие петорица доктори што те гледале биле исклучително некомпетентни и сите имале застарени ултразвук машини што не даваат добра слика. Ниту еден да не примети знаци на Даун или аномалии во структура на срце, искрено ми е многу тешко да поверувам.

Второ, жалам многу за тоа што ти се случило, верувам дека е искуството е ужасно и те обележува за цел живот, ама те молам објасни ако не е проблем зашто пред Димчев те гледале дури петорица доктори, а бременоста ти била супер и наводно никој ништо не приметил? За да те гледаат толку специјалисти, морало од сам старт да постои сомнеж за нешто, бременоста да била исклучиво ризична и слично, па да се бараат повеќе мислења.
Верувај дека знам што зборам зашто самата сум со еден куп фактори на ризик и до сега ме гледале само тројца доктори, од кои кај едната што беше специјалистка само за прв скрининг - значи женава работи само мерење на нухална светлина и ништо друго, отидов само еднаш, за тој прв скрининг.

Знам дека немаш лоша намера и напротив, сакаш со својот пример да делуваш на други да донесат правилна одлука, но верувај дека твојот пост делува многу застрашувачки и ќе го прочитаат девојки кои не само што немаат една единствена индикација да прават НИПТ, туку немаат ни финансиски можности за тестот. И верувам дека ќе се испаничат. Сепак се работи за искуство што се случува еднаш на милион.

НИПТ е избор, ама како таков не значи дека треба да се прави без консултација со доктор. @Снегулк@23 неколку пати го праша истото на темава, нели е подобро да направиш консултација со докторот кој ти ја води бременоста што тој мисли, дали има потреба, и кога и кој тест да го направиш? Специфично и скапо испитување е, мислам, фино е да слушнеш мислења од форум, ама ќе чуеш еден куп различни мислења и како пак ќе знаеш за кој тест да се одлучиш? Сепак треба да те советува стручно лице.

Еве јас го правев Панорама раширениот пакет по препорака и на мојот ИВФ доктор и на медицински генетичар. Иако бев самата прилично информирана околу сите тестови и можностите кои ги нудат и технологијата со која се работат, сепак пред конечно да се одлучам и да ми земат крв, имав 40-минутна консултација со докторка по медицинска генетика која ми направи историја на фамилијарно дрво, ми ги објасни сите предности, маани, сѐ што можеше да ми помогне да го направам изборот, иако веќе имав едно мислење од мојот ИВФ доктор за тестот.

За Панорама се одлучив од причина што е наследник на првата генерација НИПТ тестови во свет, кој единствено се прави во Америка во најсовремената и најстара лабораторија за генетски испитувања во Калифорнија во Silicon Valley, е единствен пренатален тест кој што ја екстрахира феталната крв од онаа на мајката и со тоа има најголема специфичност и најмал процент на лажно позитивни резултати. И трето, истиот може да се најправи најрано, веќе од полна деветта недела, јас го правев во 9+5.Да не беше Панорама, ќе правев НИФТИ, додека Qualified и слични што се појавија во последно време би ги заобиколила од причина што не се доволно долго време на пазарот, немаат доволно податоци да оперираат со статистики и други проценти. За мене овие тестови се сеуште под знак прашалник и лично и втор пат да треба да правам, нема да се одлучам за некој од нив, пак ќе одам на посигурни.

 

Сакаш да то ги сликам сите извештаи од скрининзи? Во 12 недела ме гледаше и матичен и на приватно во мој град бев, за приска ми рекоа дека е во ред. Втор скрининг ми правеше Ливринова на клиника и ми рече бебето е како пд книга. Од сите испитувања одев и кај докторка во болница да е во тек со се зошто требаше да ме пораѓа таа и таа ништо не виде се до 27 недела кога почнаа да заостануваат екстремитети. Ме пратија пак на клиника и таму ме гледаше мислам Јосифов нешто така беше ми рече се е во ред да се видиме за 3 недели дали ќе расне плод и така ме маткаа до 34 недела и затоа отидов кај Димчев. Комисија што ги гледаше документи се чудеа како може таков пропуст да се направи. Ако и на оваа не веруваш пак ќе те прашам, сакш да ти ги сликам?
И не сум една во милион, колку даунчиња има родено, а сите прегледи биле супер.

 

30 год имам. На скрининг немаше никакви индикации ама сите ми рекоа дека не секогаш се гледа сè на скрининг и дека е пожелно да се направи за да имам појасна слика. Не ме убедуваа да правам туку ми рекоа дека ако имам финансии пожелно е да се направи, јас уште од старт секако бев одлучна да правам.

 

А што се расправаш одма, кога најубаво те прашав да објасниш како е можно од петорица специјалисти никој да не приметил аномалија? Никаде не напишав дека ти лажеш, туку се посомневав во компетентноста на докторите што те воделе. И само те замолив во друга прилика посуптилно да го напишеш своето искуство зашто не, не е кај секоја индицирано да се прави НИПТ и не треба да прави. Твојот случај е еден на милион.

 

Воопшто не се расправам, објаснив и ако уште не ти е верно и ќе сликнам. Знам дека може да вознемири некоја теудница ама еве можам да служам како пример за да се реагира ако е нешто сомнително. А поентата ми беше да не се разубедуваат тиа што сакаат да си прават зошто јас без индикации да сум сакала да правам и некој да ме разубедил. На сите ви посакувам здрави бебушки и многу би сакала овие тестови да се под фонд за да можат сите да ги прават. Јас правев нифти и сум задоволна од тестот и ислугата на Гинекаликс.

 

Ne go pravat 90 posto mnogu pomalku go pravat ete na mene mi bese predlozeno od ginekologot kaj sto odam na privatno no ne go napraviv zasto zasto niti imav genetski predispozicii niti imav nad 35 god a I priskata I kariotipite pred ivf mi bea ok a I nema sekoj pari 600 evra da dava za takvi testovi ai koga me prasa dr koga ke pravam mu rekov nikogas oti I taka I taka planiram da go rodam ova dete I koja e poentata da go pravam ovoj test

 

Мислам на 90% од трудниците што го прават.