Непопуларни мислења (Unpopular opinions)

Збориме со другарка, нешто многу замав зедоа постови во стилот „30 дена бевме во хотел со 5 ѕвезди во XY, со доручек, ручек, вечера, ужина, од персоналот нѐ бањаа, ни даваа да јадеме и нѐ носеа секаде ама МНОГУ тешко, со две деца бевме“.
Не ми е јасна поентата на пост со убави слики, се забавувале, убави места посетиле, АМА реферат толкав со жалење, плачење и слично. За што?

Размислувавме за нашите одмори како деца, луксуз беше и една недела на одмор, а како што вика другарка ми: „најстариот е третото дете“.

 

Артисти кои во својот живот биле насилници, силувачи, треба многу повеќе да бидат ругани наместо да ги славиме оти имале зад себе голем број дела.
Сите паѓаме во несвес од Imagine од Џон Ленон па како песната промовира мир и сплотеност па браво како смислил таква песна. Во меѓувреме братот бил тежок насилник према жена му и вршел мобинг на негови вработени. Да не редам други, ама ги има.
Апсолутно можеш да ги слушаш песните без да го сакаш авторот, нормално, но името во јавност може да не се спомнува како заслужно за почит и повеќе да се поврзува со неговиот вистински карактер наместо со музичката кариера. Или филмска, ако е актер.

 

Искрено не знам ни дали е непопуларно мислење меѓутоа во некој мој мал круг што гледам би рекла дека и може да е непопуларно мислење. Сметам дека сите треба да читаат, и дали тоа ќе биде една или две книги годишно небитно, важно е многу да се чита и да се биде љубопитен околу она што е непознато за нас. Да ја развиваме љубопитноста и никогаш да не изумре со секоја новоиздадена книга, да нурнеме во светот на како тој некој друг човек размислува и се чувствува е важно исто така за градење на емпатија.

Hot take ама јас како читач во околина дали имам 3 читачи блиски луѓе со коишто можам да разговарам на тема книги, и да не ни се погодени жанровите на книги јас слушам за нејзините/неговите книги, тој/таа за моите.

 

Функционална писменост е различно од основна базична јазична писменост и не треба да се мешаат. Одлични познавања од граматика и правопис се (најчесто) предуслов за продлабочување на едукацијата и образованието, ама не се гаранција дека поседување богат речник и владеење на јазикот значи и имање критичко размислување и интелигенција. Еден куп луѓе си го "негуваат" јазикот ама под таа убава слика не постои нешто вредно. Спротивно на ова, има луѓе кои ќе се заплеткаат додека кажат нешто, ама кажаното поседува мудрост.

Исто така, поврзано со ова - поентата на читање книги не е само да се добие некаков фенси речник. Да, способноста да се искажат мислите со поширок дијапазон на зборови е еден вид развивање на интелигенцијата, ама не е единствената суштина на читањето на книги. Вкупното проширување на размислувањата, медиумска писменост и читање со разбирање наместо механичко впивање зборови се елементи кои се побитни од само тоа нашите реченици да звучат убаво. Особено денес, кога сме преплавени со информации и сите мислат дека разбираат сѐ.

 

Не ми делува нормално деца мали од по 4,5,6 години да се облекуваат со гол стомак

 

Ни под разно не смее да се остават децата да бидат скроз голи на плажа, од било која возраст!

 

Деца во посета на дуќани кој продаваат пред се гардероба а и општо во сите останати не треба да : јадат храна во истата, трчаат како да се во игротека и возат тротинет како да се во парк.

 

Ја читам темата за пирсинг и се ежам.

Колку језива ствар и прегадна

Као помала ми беше интересно да глеам такво чудо, сеа ми е фуј буквално.

Зашто сте мазохисти?

Неам ни еднаш дупчено уши, и така и ќе остане ко што ми се глеа, бљак ми е помислата само.

Ја такво нешто као страно тело не трпам, нит ќе можам да заспијам да иам на мене.

Бљак, уште и извор на инфекции знае да биде

 

Луѓето со негативен став во животот секогаш им се случуваат лоши работи затоа што самите тоа си го предизвикуваат.

 

Мене ова ми звучи на ageism.
Кајли Миноуг која ја обожавам има 58 години. Поуспешна, посамостојна и поквалитетна е како што старее.
Само што заврши пролетва светска турнеја и планира пак да прави догодина за 40 години од кариерата.

 

Јас мислам самите така ги перцепираат и интерпретираат. Зошто лоши работи им се случуваат на сите само оние другите мислам дека и во нив наоѓаат нешто корисно, позитивно и поучно

 

Вечно негативните личности што вечно се жалат за сè нешто, се уствари нарциси.

 

Затоа се води хигиена ✨️

 

Грозно ми е бе. Си кажав тоа шо си кажав

 

Toa e измислен поим за некои Ако измивање е иу можам да замислам туширање што е :/

 

Луѓе што не си го објавуваат бебето на Инстаграм до првата молитва (или го ставаат со стикер на лицето, или очите кропнати) затоа што веруваат во уроци во 2026та, ми се доволно објаснување зошто државава е таму каде што е.

И најстрашно е што го практикуваат и академски граѓани. И не гледам оправдување зошто би верувале, особено како интелектуалци.

Да не си го постираш детето заради безбедносни причини, апсолутно да, ама да не го постираш заради УРОЦИ??! Дека после молитвата е резистентно на урочување????

Бруки, толку.

 

Додека сум жива нема да разберам во денешно време „форсирање“ на она мама, тато кон свекор и свекрва, а баба, дедо кон родителите на невестата.
Која е логиката овде?!

 

Нема логика, луѓето се прости.

 

Поразително ми е како млади луѓе, кои штотуку завршиле факултет, одат да се зачленат во партија или целат да се вработат во државна администрација.

Млад си, имаш опции, немаш обврски, си завршил некое школо (иако факултетите кај нас се дискутабилни, ама да речеме знаеш повеќе од просечен средношколец), и решаваш да станеш партиско зомби. Интересирај се, истражувај, пробувај, работи во странство, научи нова вештина, направи профил на LinkedIn, на Upwork, било што, ама не дреми пред локалното штабче.

Ќе речете не е непопуларно мислење, ама во последно време гледам доста вакви примери околу мене, а и за секој конкурс во администрација е гужва и се бараат врски. Жално.

 

Како и за многу други работи. Полесно е да се следи наративот отколку да се потрудиш малку мозокот да го вклучиш и да размислиш дали тоа нешто има причина, смисла и логика.