Несоодветно постапување во породилиште

Најпрво, со оваа тема НЕ сакам да ги исплашам идните мајки и трудници, и затоа можеби е подобро и да НЕ го читаат ова!

Темата е со цел да се споделат мислења на родилки, кои што доживеале непријатна случка/искуство за време на пораѓај.
Така што ние како жени, и идни мајки би биле по претпазливи во изборот на клиника за породување.

Овие денови на соц.мрежи врие од српски видеа #стоп за акушерскосто насилство (на српски) каде што родилки коментираат какви несакани "третмани" добиле.
Имаат профили на тикток, како и група на фејсбук со над 4.500 следачи.

• Родилка изјави дека после царски рез молела за лекови против болка, а сестрата одговорила "епа сакаше да бидеш царица, сега трпи си"
• Друг случај, каде што докторот пресилно ја притискал родилката под гради за да излезе бебето, кога се пожалила дека се гуши тој и рекол "дај боже да се угушиш"
• Трета изјава беше на друга родилка, каде што практиканти ја шиеле катастрофално а потоа морало да ја прешие доктор, на што докторот де жалел "кога веќе ќе имал нормална жена за шиење"

Ова се дел од изјавите на родилките.. некои беа и многу грозни и непријатни за читање.

Се пишуваше и за видеото во Бразил, каде што анестезиолог ја силувал родилката за време на царски рез.

Кај нас сличен беше случајот со родилката каде што и беа извадени половина органи при царски рез, правда и ден денес нема, да не го заборавиме и случајот на Дона!

 

Најубаво да не постои темава.

 

Го читав ова, ги читав и коментарите и се згрозив. Вистина е, и е толку нечовечко,нехумано.
Страв ме фати дури и за себе лично што немам родено.

Исто така имаше и за оние кои имале спонтан абортус,ги оставале во веце сами да го родат мртвиот плод,да ги трпат пресилните болки.
Дур го пишам ова желудникот ми се превртува…

 

Темата воопшто не треба да стои во ова катче!

 

Имам лошо искуство од ГАК лани кога отидов за несакан абортус, но не од медицински персонал туку од хигиеничарка.
Истата "жена" кога отидов после еден месец на клиника и ме виде во медицинска униформа остана со отворена уста.
За медицински персонал можам да кажам само пофалби.
Сметам дека лошите искуства треба да се пријават на соодветни места пишување по форуми создава само непотребен стрес за тие што ги чека породување.

 

Темава и те како треба да постои!

Треба веќе да се стави крај на нехуманите односи по болнициве. Толку сум згрозена, што веќе не треба ни да се молчи за ова.

Инаку и јас имам другарка, која ја оставиле сама да роди мртво бебе, буквално сама, во рани утрински часови, без надзор и во огромни болки. Не ми текнува само во која болница...

 

Ај кога ќе ти текне пиши ја ама и докттор, и сестри и сите што биле приутни со име и презиме. Зашто да биде рекла казала и да се ставаат сите доктори и медицински персонал во ист кош.

 

Важи. Ќе ја прашам и за матични броеви, у случај да не има некои истоименици, па да напраам каша-попара тука.

 

Да, со темава ќе се стави крај на не хуманиот однос, токму тоа беше камчето што фали во мозаикот.
Има тема за лекарски грешки-зјае мртва и празна.
Има теми и за Дона, и за родилката од Дебар. Тема за поддршка е во ред, ама без институционална разрешница, ништо.
Со ваква тема во Бременост само непотребен стрес на трудниците се прави. @RainBow нека пресече

 

најдобронамерно пишувам. Темава е осетлива не е за ширење само паники. Инаку и јас го имам слушано ова и гледано сите видеа ама дајте темава ставете ја во друго место.

 

Сметам дека на темава не и е место каде секојдневно читаат и пишуваат трудници. Не им е потребен дополнителен стрес.
Подобро да се премести во посоодветно катче.

 

Темава треба да постои, но се сложувам, во друго катче.
Инаку, со првото дете кога се пораѓав на ГАК бев сама оставена на бокс и имав страшни и болни напони. Во соседната соба си седеа лекари и сестри и си се смееја.

 

Говеда.. И после зашто луѓе и кредити земаат за да одат во Ситина и во Ремедика. Па не сме стока бе.

 

Се согласувам дека е пре осетливо, затоа и првата реченица ми беше упатена кон трудници сѐ со цел да не ги вознемирам.

Многу се молчи за ова, а секоја пациентка заслужува човечки третман.

Изјавите се за државните болници, не знам како е кај приватњаците.

Не секој има средства да се лечи и да раѓа во приватна клиника.

 

Ова со свои очи го имам видено. Се скарав со сестрата оти девојката рикаше од болка со саати а сестрата ја игнорираше.

 

Темава сосема непотребна и од никаква корист, имиња никој нема да открие само ќе се читаат лоши сценарија од рекла казала муабети од типот на братучетка ми, сестра и, на комшивката, ко да малце е стресен периодот на бременост па и уште вакви безвезни теми

 

Треба да постои темава.
Баш на форум како Фемина, треба да има тема за несоодветни услови/услуга/кадар при пораѓај.

... само не во ова катче.

 

За што да постои? Да раскажуваат приказни од типот сама во сала х личност се пораѓаше со мртво бебе ? Се претерало малце повеќе со морничавиве фантазии.

 

Зошто да не постои темава?
Лошите искуствата на некои жени се исто така релевантни и имаат право да зборуваат за тоа исто колку што имаат право и оние со убави искуства.
Ај да не бидеме себични добро?
Во сите теми истиов муабет, се вознемирувале трудниците, да не може никој да си ја сподели болката.
Јасен е насловот на темава, која се вознемирува нека не чита. Сосила не е натеран никој да чита.

Пишувајте до приказната и болница, ако не сакате име.
Не дека не знаеме веќе какви се условите во болниците, ама да се потврдат некои работи.

 

Малку разбирање нема да е на одмет.
За тебе е фантазија затоа што не ти се случило, за некои е реалност.
Зошто сте толку сурови?