Филм е Енола Холмс, да. Го гледавме синоќа и ептен ги оправда очекувањата, супер го средиле. А серијата (Ratched) стварно ептен ме бендиса. Симни ја, ќе кажеш и ти кога ќе ја завршиш.
И мене ми е предобра серијата, уште некоја епизода имам ама топ ми е. Сара ми е ол тајм фејворит. Инаку филмов мене пак не ми се бендиса многу, некако сите ликови ми беа интересни и сценографија и се останато, ама како да немаше целина, некако ми беше се како нафрлано, набрзина да се случи. Ми фалеше длабочина.
100 días para enamorarnos- предлог серија за сите што сакаат шпански серии од стар калибар во модерен амбиент, интересни глумци, современи случувања.
Emily in Paris, интересна лајт серија, за една ноќ ја изгледав. Забавна е актерката, ама главно кој го обожава Париз ќе ужива најмногу ради сценогафија.
Го гледав документарецот за Chris Watts денес, кој ги уби бремената жена и двете девојчиња на 3 и 4 години. Искрено не знам зошто го пуштив, не е за сензитивни дефинитивно, не можам цел ден да си дојдам на себе.
Добра е Ratched, интересна. Ај сега барам друга. Најдов една од овде, Scheet's Creek, комедија. Да видам може ќе ме изненади.
Деновиве ја изгледав " Baby " Teen серија, ама ми беше одлична. И интересна и потресна ми беше многу, засега длабоки прашања и проблеми на денешницава на младите, а вооедно ми беше топла и имаше некој охрабрувачки елемент дека што и да се случи/ло не мора и не треба да ти ја дефинира иднината. Патем, одлична музика има
Може да го погледнете Dangerous Lies доколку сакате мистерија. Филмот го има на Нетфликс, 2020 година е излезен.
Ќе те изненади, ама најпозитивно!!! Топла, смешна, забавна. „Мелем за душа“ серија. Или што би рекле американциве, heartwarming Плууууууус, растурија на овогодинешните Еми награди во категоријата комедија - најдобра комична серија, најдобро сценарио, најдобра машка главна улога, најдобра главна женска улога, споредна машка, споредна женска. Тотална доминација Го срушија рекордот за најнаградувана серија во категорија комедија во една сезона. Само едно мало предупредување. Првата сезона е...ај да кажеме-најслаба. Не е лоша, пак е забавна и пријатна за гледање ама навистина серијата „заблескува“ од втората сезона.
Да ти кажам, не ни очекував некоја којзнае каква длабочина од Енола Холмс. Ама и тоа што го понудија ми беше супер сварливо за да утепаш неделно попладне. Не ми се допадна интеракцијата на Енола со публиката, ме нервираат такви филмови и ете тоа ми е замерката. Не можам да се соживеам со таков формат на филм, серија. Но, забавен ми беше, Мили е феноменална, Хелена малку ми забегуваше ама се навикнав да ја гледам во вакви ексцентрични изданија па океј беше и она. Шерлок исто не можам да го сварам низ овој кремче-актеров, Камбербач е мојот Шерлок засекогаш. Среќна сум што не се одлучиле за серија, филмов си беше сосем доволен сам по себе. Инаку, јас ги гледам Queer Eye. Fab Five се стварно fabulous. Многу ми се забавни мејковерите што ги прават. Колку е тоа реално да се спроведе на долгорочен план не знам и не ми е во план да тумачам, но толку се забавни, лета времето со епизодите. Тие што сакаат вакво шоу, верувам дека ептен ќе ги бендисаат Fab Five.
Господ здравје да ти даде, ко бабаите ова. Ама ваква серија оддамна немам гледано. Уште сме на прва сезона, ама серијата е мелем, многу многу добра. Фала ти најмногу на свет
@JuLleE @Nausicaa Девојки, ме убедивте и мене! Според описот, баш би сакала да ја погледнам, ми треба некоја таква. Јас ја завршив Ratched вчера, и генерално ми се допадна, иако ме изненади (и изнервира) крајот на некои ликови, да не откривам многу, ама сметам немаше потреба до толку во крајност да одат. Но, се на се, многу интересна серија, би гледала и следна сезона ако има. Периодов сум исто така опседната со Jane the virgin. Кој ја нема погледнато, а сака серии од типот на драма/комедија/заплети/топла семејна/љубовна (буквално од се по нешто е), да ја погледне обавезно. Неодамна излезе нова сезона (ако не се лажам и последна), па сум баш тажна што ќе ја завршам наскоро.
И од мене препорака за Emily in Paris Ептен ми легна ко што е безвеза периодов.Кратки се епизодите,во еден ден се гледа. Главната актерка е многу симпа,Британката Лили Колинс.
И јас ја изгледав Emily in Paris , пред се' поради Лили Колинс, преслатка е. Баш забавна серија, опфаќа актуелна тема и најдобрата работа ми беше тоа што епизодите беа кратки. Толку ми е смачено од епизода која трае како долгометражен филм... Забавна, слатка, колоритна, францускиот нагласок во англискиот како зачинче на се'. Баш фина серија да оладиш глава во текот на денот. Сега да ја завршам на раат најновата сезона од Baby, до трета епизода сум. Засега ми изгледа малку подобра од претходната сезона, па да видиме што ќе им текне до крајот. И добри филмови ставиле ко за Spooktober расположение. Синоќа го гледавме The Craft, се изгазив од смеење. Постар филм е и го обожавав тој 90s vibe. Плус, група забегани средношколки-вештерки и прелоши ефекти, па има ли подобро?! -НЕ и нема да има.
Emily in Paris ја изгледав пред три дена. Кратки епизоди, сега е само една сезона. Добра беше, дава некој така, пософистициран шмек и некои понови теми има вклучено. Сосем океј серија за губење време за викенд. Не е нешто deep, ама мене ми беше интересна.
Јас Emily in Paris ја изгледав денеска, маратонски. 10 епизоди во еден ден.. Заразна е бидејќи го живее животот што секоја од нас до некаде го посакува, и ги опфаќа сите актуелни теми на денешницава, особено феминизмот. Доста често гледам жени во постари години да се CEO. (Younger, The Bold Type и сл.) Феминизам на најјако секако. Клише, ама за тепање ден е одлична.
Emily in Paris ќе е следна за гледање, прво да ја завршам Shiit's Creek. Пак ќе пишам, подобра серија, во последно време немам гледано. Мелем за душа
Јас Schitt's Creek не можев да ја најдам. Немам идеја ама можеби не ги даваат истите наслови во различни држави. Emily in Paris ја почнав и јас. Ми се допаѓа, баш интересна, лесна сериичка.
