Еве ме ,и јас сум страствен Нетфликс-ер Е не сум во Мк,во Швајцарија е малку лимитиран изборот,и ми фалат сезони на некои серии а во Мк ги има Ке ја гледам Umbrella Academy,фала на препораката @theowndemon Ви ја препорачувам The Sinner,предобра серија е,има две сезони до сега,кратки се,во првата игра Џесика Бил,одамна ја немав видено во нов проект.
Полимитирано од Македонија? Инаку и the Sinner е доста добра серија, и прва и втора сезона. Не можам да се одлучам која ми е поубава ама се мислам дека прва ме влечи малку поќе. Успева да долови емоција, да те натера да осетиш нешто, а јас то го барам од серија.
Ги изгледав Russian Doll и You во два дена. Двете. Многу ми е криво за Russian Doll што толку брзо ја изгледав, интересна е доста а актерката ја обожавам!! Уште од oitnb ми е омилена. Планирам Breaking Bad да ја догледам сега па после да почнам друга серија . Spoiler Кога сме веќе кај Russian Doll, некоја да ми помогне да го сфатам крајот. Со парадата, маските..?
Ете и јас фан на Нетфликс Гледам повеќе серии: You, Dynasty, Elite. Од старите серии што ги имам почнато, чекам да излезе цела сезона и да ги изгледам. Знам доста често и филмчиња да гледам, некогаш гледам стари филмчиња зависи од расположението. Вчера либето ја почна Umbrella Academy може и јас да ја почнам иако имам многу серии за гледање. @theowndemon тек да видиш во Дубаи колку е лимитиран Нетфликсот
Јас ја изгледав Russian Doll вчера. Една сезона од осум епизоди, секоја епизода трае по 30 минути. Багатела. Мене многу ми се допадна; dark humour, интересна приказна, актерката е феноменална во улогата, барем мене ми беше. You ми беше добра, ама некако по коментарите очекував многу повеќе...нема врска, не беше лоша. Топ 3 серии на Нетфликс ми се Stranger Things, 13 Reasons Why, Black Mirror. Money Heist ми беше исто многу убава, а и Dark. Сега ќе ја почнам Riverdale, па да видиме како ќе ми се допадне. Филмови немам гледано баш многу, ама не ми беше лош To All The Boys I've Loved Before. Лесно YA филмче, тинејџерско. Ааа и оној The Babysitter мислам дека беше од Нетфликс, од оние ултра-лоши „дарк“ комедии што не знаеш дали стварно е дарк хумор хорор или порно филм во обид. Поим немам зошто воопшто го гледав, го пуштив на тепка. Ако немате нешто попаметно за правење, на здравје нека ви се тие саат и половина што ќе ги потрошите на филмов. На листата за гледање ми се Dumplin', Bird Box и Black Mirror Bandersnatch. По документарци не сум баш, ама би гледала и тоа ако најдам нешто интересно. Ама откако ќе завршам со серискиот маратон, афкорс.
Ќе има адаптација на „Сто години самотија“ од Маркез. Баш ме интересира што смислиле. https://www.nytimes.com/2019/03/06/books/one-hundred-years-of-solitude-is-coming-to-netflix.html Прочитав некаде и како ќе се вика, ама ми избега статијата па не ми остана во сеќавање името на серијата. Останува да чекаме.
Мишела ме потсети, исто така се очекува и адаптација на Децата на Полноќта од Ружди. Пак магичен реализам, едвај чекам да видам како ќе престават така комплексна книга. https://variety.com/2018/tv/news/salman-rushdie-midnights-children-series-netflix-1202860796/
Без разлика што кај нас на Нетфлкс нема некој голем избор, оргиналните серии што ги прави се навистина добри и во целина е добра работа. Најмногу ми се допаѓа што прават оргинални серии од различни држави и тоа на некој начин е освежување и запознавање со различни јазиции и култури. Најомилена серија што ја имаат направено ми е Sense8. Жал ми е што на крај доби такво финале избрзано и не толку квалитетно направено како првите две сезони, но добро барем ја дефинираа серијата, и дадоа некаков крај. Ги имам гледано сите шпански бидејќи одамна сум љубител на серии и филмови од Шпанија и гледам дека по светот сега се откриваат и ценат. Подобро подоцна отколку никогаш. Las chicas del Cable им е првата оргинална шпанска а потоа Elite. Втората не ми беше ништо посебно, може да кажам дека беше малку overrated, само глумците беа навистина добри а приказната веќе видена.. Првата што ја споменав ми се допадна бидејќи се работи за феминизам во 1920 година. La casa de papel и Vis a Vis се исто така добри. Dark, германската серија претпоставувам дека многу ја имаат гледано и мене лично ми се допадна повеќе од Stranger things. Тhe Protector e прва оргинална турска серија за супер херој. Како за турска серија мене ми се допадна бидејќи нема ништо со типичните турски серии, Истанбул е претставен на сосема друг начин. Има некои сличности со други super hero серии, но лесна е за гледање. Umbrella Academy e последната што ја гледав на Нетфликс и навистина многу ми се допадна иако на почетокот дејството се одвива споро. Има ептен интересни ликови и се сите посебно разработени а темата содржи од се по нешто. Narcos ja заборавив, и таа е една од подобрите што ги имам гледано. Тоа е се што имам гледано од оргиналните серии на Нетфликс и имам уште некои што би сакала да ги гледам а тоа се : Sex education, Baby (Италијанска), Kingdom (Koрејска) и Chilling adventures of Sabrina.
Моментално паузирам од Нетфликсов меѓутоа вообичаено редовно си ги гледам сериите и сум претплатена. Имаат навистина доста добри серии, ама го мразам фактот што многу многу долго се чека за нова сезона Ќе гледам да прокоментирам збор два за тие што ми се гледани, па може ќе биде корисно за некого. Последна ја изгледав The Umbrella Academy, нетипична верзија на серија со суперхерои, чудна е, не е за секого, ама мене ме освои од првата епизода и не можев да престанам да ја гледам. You би ја класифицирала ко психолошки трилер, на моменти е too much, a на моменти те вади од памет, но интересна е. Sex education е полабава сериичка, брзо се гледа, а сепак обработува интересни теми посебно за адолесценти. Stranger things не би ни да ја коментирам, врв од серија, ја препорачувам за секој љубител на supernatural/horror vibes. Oд Black Mirror имам гледано некои епизодички, доста weird ми беа, и впечатливи, како ништо што имам гледано претходно. Филмот од друга страна иако беше интересен начинот на гледање, мене не ми се допадна приказната, и без поента ми беше. The chilling adventures of Sabrina многу многу ми се допадна, уште една од оние со supernatural/witchy vibes што се гледаат за брзо време. Само не очекував да е до толку creepy на моменти. 13 Reasons why јас би ја ставила во must watch, темата што ја обработува е навистина длабока и иако е тешка за гледање, навистина мислам дека од едукативен аспект вреди да се изгледа серијава, барем првата сезона. Dark, германска серија, има една сезона, подолги и се епизодите и малку поспоро се развива дејствието, но мистеријата те тера да продолжиш да гледаш и да откриеш што всушност се случува. Mindhunter ми е исто една од оние серии кои што ми оставиле длабок впечаток, мислам дека е доста underrated, а серијата е предобра. Посебно ако ве интересираат приказни за сериски убијци, како функционира нивниот мисловен процес и подлабока психолошка анализа на истите. Unbreakable Kimmy Schmidt е од типот на глупи серии кои не можеш да престанеш да ги гледаш. Колку пати се фаќав себеси како превртувам очи, ама заразна беше The OA е исто доста underrated, а има многу многу добра приказна. Ама не е за сите, мене и на мајка ми ни беше многу интересна, на сестра ми предосадна. Elite и Baby ќе ги ставам во иста категорија, едната шпанска, другата италијанска, двете со адолесценти. Интересни ми беа за гледање, првата со нијанси на трилер, вторава е повеќе драма. The good place, Girlboss, Dynasty, Atypical, The End of the f***ing world, Insatiable, Riverdale ми се исто така гледани. Од овие не ги препорачувам последниве две, затоа што се од типот на глупаво заразни серии, и губење време е Сега се мислам која наредна да ја почнам, гледам има некоја нова The order, дали некој ја гледа?
https://deadline.com/2019/03/netfli...e-cannot-see-novel-limited-series-1202573933/ Ќе има адаптација на "Сета светлина што не можеме да ја видиме" од Ентони Дор. Книга која мора да се прочита минимум еднаш во животот. Како после да не посакаш да ги изгушкаш овие од Нетфликс?! Браво. Навистина браво. Се надевам дека нема да разочара.
Вчера ја загледав After Life и си легнав благо анксиозна. Ништо посебно не се случува, а ми е морбидно интересна. Видов еден пак нов филм ставиле сличен на Bird Box, нешто Сајлент или Сајленс беше. И такви сакам некогаш да гледам, за припотресување и апокалипси. Our Planet ми е ставена на листа за гледање. Нешто во последно се загледав филмчиња навечер, по едно лабаво (дефинитивно не лабаво како Афтер Лајф) и си заспивам.
Ја почнувам на твоја препорака, забавна ми изгледа. Ме утепа еден заб од болка и ми треба дистракција малку, се надевам ќе помогне серијава.
Дечки,кажете предлог серија што ја има на нетфликс, нешто во стил на THE FALL и THE KILLING. Најомилени ми се тие со разрешување на мистерија, убиство повеќето што ми се појавуваат се на комичната страна. А моја препорака е YOU,првата сезона ја изгледав за два денаедвај чекам втора сезона.
Не е лоша, ама засега не ми е нешто wow. Да ја изгледам сезоната па ќе можам подобро да кажам. Ама држи внимание секако.
Сабајле видов трејлер за некоја нова серија, па непланрано почнав да ја гледам и не осетив како пројдов пола сезона, па да споделам со вас. Станува збор за Dead To Me - жанрот е драма, комедија и малку мистерија. Една сезона со 10 епизоди од по 30-35 минути. Станува збор за две жени - Џен и Џуди кои се запознаваат на состанок во група за поддршка на луѓе кои изгубиле некој близок. Џен го изгубила сопругот во hit&run и се обидува да го врати својот животен колосек во нормала, а Џуди ненадејно го изгубила вереникот. Болката која ја споделуваат придонесува спонтано да развијат едно преубаво пријателство и наоѓаат поддршка една во друга, сè додека една вечер Џен не одлучи да ја посети Џуди. Се паркира пред влезот на нејзината куќа, ѕвони и...останува со подотворена уста од шокот кој следува. Не би споделила ништо друго, затоа што сите настани кои следуваат понатаму би биле преголем спојлер. Држи внимание приказната, актерките се одлични и баш ми фалеше некоја ваква женска серија. Ќе ја изгледам до крај па ќе споделам мислење, но засега ми е супер.
Изгледана Мене ептен ми го држеше вниманието, и ми се свиѓа како заврши, ем се случи нешто и ја заокружија оваа сезона, ем е cliffhanger и си оставија простор за наредна. Се надевам ќе ја продолжат Друго последно што гледав, Bonding. Обожавам кратки сериички што можам да ги избинџам за една вечер, а од оваа пократка не можеше - седум епизоди по 10-15 минути. Се работи за Тифани, студентка од Њујорк која навечер работи како доминатрикс, и Пит, нејзин другар од средно кој работи како келнер, а таа го вработува како нејзин асистент. Имаат многу згоди и незгоди, исполнуваат разни фетиши, започнува како лајт и смешна, а понатаму станува интригантна. И оваа има потенцијал за втора сезона. Уште една кратка што ја препорачувам е Special, осум епизоди по 15 минути. Рајан е геј и има церебрална парализа, па поголемиот дел од времето го поминува дома или со мајка му. Една мала лага го охрабрува да го живее „нормалниот“ живот што отсекогаш го посакувал. Приказната е делумно автобиографска, а Рајан е игран од Рајан, кој и во вистинскиот живот е геј и има церебрална парализа. Другите и погоре сте ги спомнале, едино да дополнам дека After Life ја обновиле за втора сезона Исто и ако ви се здосади од англиски, ви ја препорачувам Plan Coeur (The Hook Up Plan), многу шармантно, лабаво француско серииче.
