Dead to me исто така ја изгледав во еден ден, а другава ќе ја ѕирнам. Често ми се случува вака да изгледам цела сезона во еден ден, па скроз да заборавам што се случувало во серијата и кога ќе излезе нова сезона да се чудам
Исто, плус не памтам ниту едно име. Од оваа Trinkets, само Табита успеав да ја меморирам од прва. Другите уште се на "таа со пирсот", "малиот на оваа", итн. Гледам ставиле некоја нова комедија со Џенифер Анистон и Адам Сендлер. Може и неа ќе ја гледам деновиве, ама како и да е, општо земено филмовите им се ептен послаби од сериите. Последен филм што го гледав беше Oh, Ramona. Замислата не беше лоша, имаше интересен хумор ама предолг. Цели 2 часа ми прегоре мозокот дури заврши, па како опседната некоја, не ми ни текна да исклучам. Сум гледала и полоши, сепак ништо не може да го стаса на The Babysitter. Не беа толку лоши исто The Last Summer и Тhe Perfect Date. Пишете некој добар филм, јас се опседнав со шпанските. Имаат многу добри мистерии и трилери.
Ја изгледав The Society и мислам дека серијава е најлошото нешто што го имам гледано на нетфликс. Дури ја побарав темава за да го напишам ова за да не се зезне уште некој и да ја догледа во надеж дека ќе добие некој одговор. Приказната почна ветувачки (како за лабава серија), полн автобус со тинејџери се враќа од патување и открива дека сите возрасни луѓе од градот се исчезнати и градот е празен. Серијата е досадна, непотребно развлечена, дијалозите се или непостоечки или целосно cheesy и сите ликови се неверојатно глупави. Цело време се прашував како успеале да направат цела серија без ниту еден лик што размислува разумно, како секој нормален човек во нивната ситуација ама ете.
@Mishela, истите работи ги гледаме, изгледа исти предлози ни дава И јас ја изгледав How to Sell Drugs Online (Fast), а со Trinkets сум до пола. @crimson, ако ти се свиѓа Trinkets, погледни ја On My Block. Исто е тинејџерска, навидум лабава, но потоа станува сериозна. Пред некое време излезе втора сезона, по 10 епизоди се во секоја, околу 30 минути една.
Очигледно, да. On My Block сум ја пропуштила, ќе надоместам викендов. Јас се заразив со Grand Hotel, овие шпански серии ми се вистинско уживање. До втора сезона сум, има вкупно три сезони. Следно ќе ја догледам Cable Girls, почната ми е ако не се лажам повторно на препорака на @1209, многу е добра ама немав време да ја завршам па ми остана така. И Riverdale уште ја гледам. Не прашувајте зошто, не знам ни јас.
Мислев дека сум единствена што на оваа возраст гледа предлози од нетфликс како Тринкетс и остали тинејџерски тралалајки.
Многу ретко гледам серии, ретко некоја да ми го задржи вниманието, ама се загледав вчера во "Alias Grace". Sarah Gadoh е неверојатна актерка и ме остави , па си ја изгледав во еден здив серијата.
Серијата е одлична, ја изгледав и јас. Препорачувам, особено за сите љубители на книгите на Маргарет Атвуд.
Серии (некои завршени, некои почнати) - The good place - Lucifer - Chiling adventures of Sabrina (completed) - Las chicas del cable (completed) - La casa de papel (completed) - Velvet - Black mirror (completed) - Suits - The worst witch (completed) - The unbreakable Kimmy Schmidit (completed) - The Ted Bundy Tapes (completed) - The disappearance of Madeline McCain - Stranger things - Awake - Sugar rush - Full house - Brooklyn nine nine - The assassination of Giani Versace - The people VS OJ Simpson Also a huge fan of Netflix Stand Up comedies Знам, weird taste & combo...
Оммммммг, мора да го гледате Клаус. Едноставно, мора. Одаааамна немам гледано така добар цртан. Го пуштив во позадина додека работам да ми бучи нешто, и скроз го загледав... Од вчера е ставен, т.е. вчера му била дигиталната премиера, инаку е ептен, ептен нов. ИМДБ - https://www.imdb.com/title/tt4729430/
Клаус беше многу убав цртан, нешто најубаво од тој жанр што гледав годинава. Го пуштив уште два пати и се убив од плачење. Сите да го гледате. Многу добар филм ми беше и El Guardián Invisible, трилер е. По книгата на Долорес Редондо, "Невидливиот чувар". Книгата е феноменална, филмот мошне солиден. Ја гледа ли некој италијанската серија Baby? @MissDior ти ја гледаше или сум се збунила? Како ти се свиѓа новата сезона, јас само што ја завршив. Добра серија, вреди да се гледа.
Клаус има потресителни сцени? Се мислам со малата да го гледаме, ама да не си има трауми после. Ај да прочепкам да видам за која вораст е најарно.
На Нетфликс пишува дека е 7+. Нема насилство, нема пцовки, нема крвови и такви работи. Цртанов многу потсеќа на Дизниевите цртани од наше време. Дури и подобар според мене, има многу убава порака ама пак гледај го прво ти па процени. @MissDior значи уште ја нема, штета. Сум се збунила изгледа за Elite, или сме ја збореле порано Baby. Ах, не ли ја гледа некој друг, немам со кој да зборам за серијава, а баш е таква...деликатна, отвара многу прашања за дискусија.
@Mishela јас ќе ја почнам деновиве, се изгледав што ми изгледаше интересно, оваа ја одбегнував, ама штом викаш добра е ќе ја почнам. Јас ја гледав You, me, her, приказната ми е интересна ама актериве кај ги најдоа, посебно мажов, ме убива. Да биле други актери и подобро глумење општо мислам дека би била доста интересна, сепак ја изгледав.
Ќе ги стават Млади бунтовници на Нетфликс изгледа. Да се бинџува или не, време тече сад? Кога немам што да гледам си пуштам и шпански сапуници. Деновиве сум навлечена на The Crown, ја догледувам втора сезона па ќе видам за третата што и како. Не е лоша, за тепање време додека готвам или јадам.
