Мене во комбо ми е даден 1 стриминг бесплатен, не ми понудија комбинација како тебе. Двете платформи ги имам и двете се со различни типови серии/филмови, така да само осигурај се дали со Нетфликсот ти го даваат Хбо+ стримингот или само каналите Хбо. Ако е со толкава доплата и Хбо+ се исплати да ги земеш двете.
Имаш имаш комбо. Јави се на 0771234 контакт на А1. Ќе ти објаснат. Ако си корисник на А1 услуги плаќаш некоја смешна сума за нетфликс и hbo.
Деновиве ја гледам Finding Her Edge, не сум сретнала серија со тема уметничко лизгање. Станува збор за семејство кое се занимава со професионално уметничко лизгање. Родителите биле светски прваци, мајката починува, а таткото останува да води клуб и лизгалиште со неговите 3 ќерки. Сега, целта му е по секоја цена една од ќерките да го повтори успехот и да стане првак, за да успее да земе пари од спонзори и да се спаси од долгови и потенцијално губење на куќата. Низ таа трка, го губи емоционалниот однос и родителската врска со нив, на некој начин им станува само тренер, а секоја од нив се бори со свои предизвици без родителска поддршка која им е многу потребна. Ми се чини дека улогата на таткото му е дадена на погрешен лик кој многу вештачки, површно и клишесто ја носи. Но и покрај некои маани, ми го држи вниманието.
Само трејлерот го видов и помислив дека е клише романтична серија па се откажав. Ќе и дадам шанса чим е фамилијарна драма. Иначе никој не коментирал за Secrets we keep. Многу ме нервира крајот, мислев дека ќе се разреши во втората сезона ама иако е многу гледана серијата не е најавено продолжение и сеуште стои како мини серија. Некој да не знае дали ќе продолжи?
Првите епизоди беа ветувачки, како што пишав имаше некои клишеа, ама ме привлече темата ептен. На крајот ја уништија сезоната, ја уништија најубавата хемија меѓу двајца од главните ликови заради друг лик кој ми беше како замрзната кукла.
Мини серија од 8 епизоди(трилер).Интересна е и држи внимание до сам крај.Сестрата и сопругот на Маја се убиени.Маја почнува да копа сама за да дојде до вистината кој и што стои зад се ова.
Имаме Комбо пакет на А1, го продолживме договорот пред еден месец. За стриминг имаш само една опција по избор, дали Netflix, HBO Max, Gley или Sky Showtime. Бираш кое го сакаш. Можеш да менуваш, не дека не, само се јавуваш кај оператор да ти даде пристап. Еднаш месечно најмногу можеш да смениш. HBO каналите ти се во пакетот што го плаќаш, оти нели си бираш кои канали сакаш да ги гледаш. Имаш дифолт пакети, имаш и пакети што се доплаќаат, така е со HBO.
Јас за А1 знам дека често разменвам од нет сеф ко ќе сакам Gley ама немав идеја дека можам по договор да имам Нетфликс и HBO. Ги имам како канали ама не како стриминг платформа. Јас Нетфликс на своја волја плаќам ама ако цената е иста или помала радо би да уплатам преку А1. Треба да се јавам во контакт центар да видам дали можам да уплатам екстра за ваков пакет? Или пензионерски да си одам на шалтер.
За гледање (серии кои мене ми се допаднаа): 1. „Secrets We Keep“ данска криминална драма, мини серија, 6 епизоди: Во привидно идилична, богата населба северно од Копенхаген, исчезнува младата ау пеир Руби – филипинска девојка што работи за една од семејствата. Нејзината соседка Сесилија почувствува дека нешто не е во ред и започнува сопствено истражување, што отвора мрак под површината на „совршените“ животи и блиски пријателства. Таа заедно со полицијата и со сопствената ау пеир Анџел открива злобни тајни за привилегиите, моќта и привидната безгрижност на богатите. 2. "The Glass Dome“ е шведска криминална драма / психолошки трилер мини-серија од 6 епизоди: Лејла е криминолог која се враќа во своето мало родно село во Шведска по смртта на нејзината посвоена мајка. Откако исчезнува малата ќерка на нејзина пријателка, Лејла се вклучува во истрагата за исчезнувањето што ја принудува да се соочи со мрачното минато од сопственото детство, кога пред многу години и самата била киднапирана. 3. "No One Saw Us Leave“ е мексиканска емотивна мини-серија во 5 епизоди инспирирана од вистинска приказна и базирана на мемоарот Nadie nos vio partir од Тамара Тротнер (девојчето од серијата): Серијата ја следи Валерија Голдберг, млада мајка во 1960-тите во еврејско-мексиканска заедница, чиј живот се распаѓа кога нејзиниот сопруг Лео Солцман (под влијание на своето семејство) ги киднапира нивните две деца и ги носи во Европа без да ѝ каже каде одат. Валерија, одбиена и осудена од заедницата, решава да ги пронајде своите деца по секоја цена. Со помош на поранешен агент на Мосад, тие патуваат низ различни земји во трка против времето и опозицијата на влијателното семејство. Серија за негледање: "Ла Палма" , (жали боже на тие 2-3 саати кои ги потрошив гледајќи ја ама првата епизода и втората до половина беа добра па така и продолжив). Ми излезе како предлог демек една од погледаните а одамна немам видено поклише сценарио, предвидлив развој и текот на настаните скроз како некој сценарист во обид да ја пишувал: Четири члена семејство од Норвешка патуваат на своја омилена зимска дестинација канарискиот остров Ла Палма, за Божиќна одмор. Но идилата брзо се претвора во кошмар кога млада истражувачка открива загрижувачки знаци дека вулканот на островот може да еруптира многу скоро.
Тргнав да барам тема за серијата peaky blinders и сфатив дека нема. За сите љубители на серијата има излезено филм кој е продолжение. Ќе пишам во спојлер за некој што сака да го гледа а да не му откријам. Spoiler: Спојлер во филмот е продолжение на серијата, станува збор за синот на Томас. Интересен почеток, но некако се очекуваше крајот дека Томас ќе умре. Имаше добри сцени, интересни улоги ама крајот беше досаден и очекуван.
Препорачувам кој сака баш убава серија интересна, малце комедија, драма нека ја гледа Young Milioners, 8 епизоди, француска е врв е серијата во еден здив се глеа…
Филмот е одличен. Серијата не ја гледав но во филмот толку лесно иде се, така да брзо се вклопуваш. Томи Шелби. Килијан Марфи. Ко да се еден човек.
Што се случува со Нетфликс, вртам по 1 саат да најдам нешто добро за гледање, и на крај пак ништо да изгледам дај предложете нешто убаво за гледање
Јас обожавам шпански филмови/серии, моментално што може да ми текне се: Mirage The crystal cuckoo The invisible guardian (мислам дека има 3 дела) The chalk line
