(Не)Постоечката култура во Македонија

Не знам зошто ама баш ваква ја замислував кога ја видов на сликата која е. Сељанка, сигурно истата оваа се турка на каса и по шалтери преку ред само за нешто да праша. Штета што не начекала некои кои нема да ги стане за жива глава. Ме заболе мене дали еднаш во годината му е роденден на твоето дете. Резервирај си во угостителски објект, не е ова имотот на татко ти.

 

Ама баш. Ем да помине поевтино, ем комоција сака госпожата.. Ајде беее. На јавна површина. Тешко дететнцето ако е школска возраст сега ќе го етикетираат после ова.
@RainBow за дијабетот за децата и тоа како убаво е склопен прилогот, не правдај молим те. Баш убаво и се намести оваа. Е овие се тие што на дете од уста чоколадо ќе му земат, за на нивната снегулка да им дадат.

 

Тебе женава да не ти е роднина што упорно и упорно толку ја браниш? од цел форум ти си единствена која има оправдувачки зборови за оваа особа. Што, треба да сочувствувам со неа? И по цена на тоа да трпам арогантни испади во излетничко место кај што сум излегол да се релаксирам? Ни под разно! Така може дома на маж и да се понаша колку што и душа сака, а потоа и за тоа си има соодветни институции за семејно насилство. Ама кога ќе видиш дека всушност она е дел од тие институци, ете ти парадоксална ситуација. Дајте ми карта за во еден правец...

 

Може да ја отвориме темата за дијабет, ама што би кажале ние, кога немаме никакво искуство, ниту сме поминале низ тоа, нели освен да кажеме греота и дека мора да се смени тоа.
Културата и некултурата се нешта со кои секојдневно се соочуваме, дали на работа, дали на доктор, некоја друга институција или во случајов во локален парк. И да, повеќе можеме да влијаеме, па и со вакво јавно засрамување бар во иднина да не им текне така да се однесуваат. Не дека нешто ќе се промени во нивните мали закржлавени мозочни ќелии, ама бар од страв да не станат вирални.
Според мене културата е основата за добро функционирање на една држава. Ако работиме на тоа, тогаш и оние сериозните недостатоци кои ги имаме во здравството, образованието, судството итн. ќе бидат како што треба. А вака, секој си гледа за себе, во случајов "најјакиот настан во годината после Нова година, роденден на детето, па сите други нека пукнат"

 

Со оглед на тоа дека 8000+ луѓе сме ја потпишале петицијата за дечињата со дијабет да добијат сензори, тој проблем не добил помал фокус.

Подобро вака, побрзо да се стаса до целта, отколку да се отвореше тема во која преку мислења само ќе се пишуваше и ништо.

Вториот проблем, а тоа е некултурата, заслужува ваква тема бидејќи секогаш решението е доза на public shaming.

Бидејќи од ќутење на вакви крајно прости луѓе сме таму каде што сме. Ваквата некултура не треба да се нормализира.

Оправдување нема. Не да не знае за што е емисијата, баш дрско рече дека не ја ни интересира. И да не те интересира туѓата мака, има нешто што се вика основна култура, ама eror 404, not found

 

Само да се надоврзам, според мене исто некултурно е ова. Ако седам сама на место за 20 души, не ми смета да се преместам на клупата потаму.
Не зборам за случајов пошто им се втурна и почна да си се мести, ни добар ден ни дали можи ни ништо. И се' поголем дел од луѓето се вакви, ќе те изгазат нема око да им трепни.

 

https://sitel.com.mk/masovna-tepachka-megju-mazhi-i-zheni-na-gradskiot-bazen-vo-shtip-video
Има нешто во воздухот, изгледа жештиниве удараат у глава

@Ugly Duckling да, и јас преферирам ако сум сама или двајца да седнам на помало место, на летниковец само ако све друго е зафатено.
Ама пак бе, ќе прашаш ко чоек дали може.
Се случило така да седам на летниковец, идат фамилија со дете ми викаат може ли да седнеме пауза кратко да направиме, викам слободно. Нит ме набркаа, нит ништо.

 

Изгледа хемитрејлсот со кој не прскаат за нашиов простор е посебен, буди сељачизам. Друго објаснување немам.

 

Не знам шо ме најде ама сега размислив вака
Типкава гледа дека е емисија и дека ќе ја снимат па секако и снимката ќе излезе , да не е работава желна за внимание ?

 

Ќе дозволеше да покажат лице тогаш..

 

Може после ова нема да им текне да си ставаат ливчиња за родендени. Ако сакаш во летнковец иди па кој најдеш слободен таму прави на лице место. Ај утре свадба некој да почне да прави во парк и да избрка се живо?

 

Истото сакав да го кажам.
Да не беше скандалов, со глава гарантирам дека ниту една од нас тука немаше да знае за девојчето.

 

Културата односно НЕкултурата е само одраз на цело наше друштво/општетсво/државиче...
И да, ништо не сме направиле со плукање на дотичната мајка, сега инфлуенсерине ќе се потепаат кој повеќе да се направи херој во приказната..

И дефинитивно никој никого не слуша, нит некој го разбира соговорникот, сите гракаат наоколу и тоа е, приказни за 3 дена што се забораваат...

 

Можам само да претпоставам низ што минува семејството на девојчето со македонскиов здравствен систем и многу ми е мачно што само немо им ја гледаме маката. За жал, ние сме немоќни да им помогнеме.
Само сакам да кажам една работа на темава: кој знае каков мизерен живот живее мајката на детето славеник, за да реагира толку исфрустрирано. Не требаше вниманието да се сврти на овој начин, бидејќи проблем беше негрижата на државата за лицата со дијабет и повик да се промени нешто. Наместо тоа, испадна да биде објавена слика на мајката и да се зборува во јавноста за неа. За неа требаше да реагираат институциите, кои очигледно ништо не прават. Ова е класичен и училишен случај за социјални работници, а Центарот за социјална грижа треба да се затвори.

 

Мнозинството би станале доколку дојде некоја мајка и културно замоли. Да седам така и некоја со фино да ми се обрати со задоволство ќе се преместам. Ама оваа настапи дрско, сељачки и со викање и некој да е за инает не би станал. Ништо не му може, веројатно нема да се тепа. Нека пукне од нервирање оти така си заслужува. Проблемот е во нејзиниот скапан однос. Во случајов дека снимање на емисија, можеше да почека малку.

 

Добро тука е веќе борба на титани, нека победи подобриот

п.с. кај жените нефер борба 2 на 1

 

Јас се извинувам, може сум глупа, ама во најмала рака, ако сум во дадена ситуација ќе замолам, ќе прашам дали би можеле, нема да врескам како во двор да ми дошле. Јер, не е тоа мој двор.

Важното е дека некој се прави маалски шериф на туѓо. И таа со летниковецот, и тие со фондот /министерството за здравство. Темата за дијабет е малку покомплексна, ама во основа станува збор за крадење на народот. За ускратување на елементарно човеково право, ако веќе сакате, оти правото на здравствена заштита е основно човеково право, јер е право на живот, не некои таму измислени права. Али пошто сите шерифи, после е така како што е.
Дали сум шокирана од некултурата? Ма не е ова некултура, ова е шериф коњевич синдром. И да, шокирана сум, секогаш кога ќе стапнам во Македонија, особено во Скопје, ме шокира. Никогаш не ми било нешто прифатливо, ниту ќе ми биде, ниту треба да биде.
Дали е само македонски/балкански синдром? За жал не е, ми се случуваат шериф коњевич моменти и овде кајшто живеам, во последниве година, две. Порано никогаш не се случило. Причината не е сеуште јасна, ама да го прифатам како нормално не можам. Треба ли да го прифатиме како нормално, па ајде, сите со палки и стапови, so let's be it, посилниот нека победи?