Ние околу и преку 40...

Здраво девојки
Пола ден бев на работа, а останатата половина ја преспав... Тооолку бев изморена
Вечерва решив да гледам ТВ, не сум го пуштила телевизорот со денови, маа со месеци... Се понадевав на некој филм и... ништо! Па добро брее, зошто давам 450 денари за кабелска секој месец
Ете, затоа си читам книги. Секогаш кога ке си посакам си имам интересна релаксација

За свадбите...
Петок и мене ми е „тапа“ за свадба! И недела е напорна кога треба другиот ден да одиш на работа.
Во мое време, кога јас се мажев, свадба се правеше во недела, преку ден
Сабота вечер се одеше по „чеиз“, а понеделник беше резервиран за „блага ракија“
Ејјј, три дена свадба, тоа беа времиња
Сега, со денешниот начин на живот, со недостатокот на време, со напнатоста, се ни смета, па дури и свадба во петок и недела вечер
Еххх, коооолку се промени светот во 21-виот век

 

Ти у другарки се броиш!
Зборам кога ме канат зошто "мораат" - пријатели на моите или роднини со кои не комуницирам

@Val-Dim јас па ни денските свадби ги нејќам. Да цркнеш:
1. Пошто рано треба да станеш за да одиш да се средиш
2. Ако е лето, ќе поцркаш од топло, па џабе средувањето

Тоа чеизи и благи ракии не почитувам и не сум одела ни кај најблиски.

А и некако веселбата ми е чудна ако е дење. Ноќе некако повеќе ми одговара како доба за таков настан.

Да не биде само критикувам, многу сакам свадби навечер (сабота), летни, на отворено.

Сум била на неколку и стварно ми било преубаво.

Најинтересно ми е што најубавата свадба на која сум била е реално една од понискобуџетните, во релативно поефтин ресторан но со многу добра храна, на отворено, музика најдобра на свет (Тумбао Салса Бенд), а никој не познавав освен свекрвата, која е пријателка со мојата свекрва
Не можеа дома да ме приберат!

Од друга страна, бев на зимска свадба во релативно "елитен" ресторан, со чудесии од храна, разноразни "перформанси" и музики, настапи... и едвај чекав да си одам. Кај ептен блиски тоа.

На цигара кога одев умирав од студ, тој елитниот ресторан нит греалка една немаше надвор.

Сум била и на предобра зимска свадба, ама не е тоа - тоа

 

Во село мое свадба не се прави во петок,барем не досега.Свадбите се прават во сабота и евентуално недела.Сред недела прават само муслиманите кај нас.
Во петок сум била само во Тиквешијата на свадба.
Мене не ми пречи кога е ,сакам свадби,за некој ден ќе ви пуштам Live од сунет свадба.

 

Еднаш бевме на дневна свадба и се враќаме дома накај 4, вика мм *што да правам сега пијан у сред ден*
Еее свадбите од времето различни беа, памтам како дете на свадба дека и супа даваа како предјело
@CameliaMiller

 

Чекав мојов да пише 2-3 збора ама кој знае кај е па и јас ќе фаќам кревет..
Мајка ми гледа некое "шоу" на канал 5.. ме натера да задремам од што ми е интересно

Фала
Вечерва бев до Рамстор ама немав време да шетам по продавници..здравје утре..
Може ќе најдам и нешто за носење
Се убедувам фустан да купам, да не го срамам мојов само јас недотерана од сите жени/женски на другарите, ама срце јуначко не се дава

 

Во Скопје сум била и во петок сабајле на свадба
Мене само не ми е практично да одам на провод во сред недела, инаку ништо друго против немам

 

Маа, во право е мажот ти

Во „старо време“ свадби се правеа и дома
Сум била на неколку такви како дете... Во двор наредени маси, многу маси, покриено со тенди, во еден дел „опремена“ кујна, со големи казани во кои врие супа, огромни плехови преполни со печено месо, па една дооолга маса со домашни торти... Секој гост си одеше дома со подарок од невестата, марамчиња, крпи, маици, чорапи. Иии, да, имаше и длабоко „клањање“ на младенците пред кумовите и бацување рака по масите

Времиња...многу поразлични од денешните

 

На наши по религија,православни де сум била во преелитен,море нај елитен тука во четврток,ама беше 11ти октомври
Брзаа младите,немаше термин,брзо се зедоа,брзо разделија...
Муабетот ми е сум била и на сред недела инаку таму преку трупа ко што спoмeна Маре сабота навечер или недела попладне па се бира термин година дена минимуН однапред да не те извисат и клоцнат одзади
Гладам филм Мамурлак1

Го пропушти делот кога те китат со она од борчето зеленило со 3лила бобинки со игличка и мартинка т.е 3конци со ју-дизајн
Тие беа свадбите за кои живеевме како деца

 

Како деца и по цели свадби позади невестата се влечевме.и го држевме невестилникот за да не и се извалка.ова за селски дневни свадби го зборам
И сок струмка од стаклени шишиња пиевме.и келнери со бели бовчи на кои имаше извезено "свадба" не служеа

 

Леле ова со китењето,кај ти текна Сара.
Јас 7 одд.се мажи братучеда ја треба да китам ,сватовите закаснија два часа ,кога дојдоа се во брзина не сум ги накитила главните ,па сум помешала тие кој за кој законик биле...уф стрес.
Ехе каква свадба интересна беше тоа ,и каква љубов сите мислевме ама ,одамна не се заедно а едниот не и ни меѓу нас сега...
Леле како лета времето...

 

Ме потсети @Val-Dim. Бев ко дете на свадба во двор и тоа тука некаде кај што живеам сега. На клупи седевме и се сеќавам соk у стаклено шише имаше. Мислев на крај на свет сум дојдена...
Супер им било тогаш, сега изведуваме со свадби од по 10илјади евра со роднини кои не се поднесуваат и дискутабилни музики. Кран и дрон од фото студијата ми се као шлаг на тортата

 

Се возам во бус, ве читам за свадбите, поглед фрлам да видам до кај сум стасала, и ги гледам пепелашка и принцот, се возат во тоа кочијата што личи на тиква, па и осветлена
Значи на индијциве рамни им нема во кич.

Кај нас одамна немам одено на свадба, ама овде сум била на многу. Уште од пиле млеко што не служат. Од кавијари, до какви не канапета, суши, мини бургери, предјало чаден лосос, главно јадење коленица од еднорог (се шалам)
Свадбите им чинат неколку стотици илјади фунти. Ама за жал, оговарањето после не ги разминува.

Без разлика кој од кај е во светов, сите сме исти.

Кај нас на времето, свадба се правеше на улица. Ќе наредат трпеза, зелка и компир салата (беровски), домашна ракија, музика трешти, цело маало оро вие на широкото, ќе те тераат да идеш кај невестата да ти закачи крпче, стигаш кај неа, таа целата наџунџурена и еден куп шминка, не ја препознаваш и рикнуваш да плачеш. Не прашувајте од кај знам за ова.

Јас пак гладна, а пмс за десетина дена треба да ме фати... Кај ми е крајот...

 

^ многу од работиве ги немам доживеано, може зошто моите не ме носеа на свадби како мала, а кога пркнав веќе беа "помодерни" времиња.

Кран е добра работа.
Тапа се снимките од времето на моите, и "финтите" на камерманот. Онака стои у место и фаца по фаца поминуваат у кадар, на оро нАли.
Па кога ќе почне вртоглаво да зумира - тоа е од посебните ефекти

 

Добро утро!

@CameliaMiller повторно нѐ дружи! Мислев да те тагнам пред некој ден, ама досадна станувам со тоа па баталив.

Имам одено на такви селски свадби ко мала, дали две-три, а може и повеќе само не се сеќавам. Најинтересни моменти од целиот настан ми биле игрите со деца кои прв пат го гледам.

Одам на свадби кај блиски, ама не сум тип кој што сака гужви. Јас сум за дружби со помало друштво, искачања, седенки и такви работи, да можеш да се видиш и муабет да си направиш на раат.

Често пишувам дека не примам гости дома, ама да појаснам, тоа дека сме тука и не е баш безбедно да пуштам било кого внатре, макар и пријател. Не им верувам воопшто, па затоа е така, не дека сум дива и не сакам собиранки.

Кај моите во двор во лето најубавите дружења се случуваат, ептен ми недостига тој дел од минатото.

Денес планирам да учам цел ден. Маж ќе готви ручек, имаме овошје еден тон и доста ни е за денес. Морам повеќе да се посветам на учењето, вчера не ни пипнав од што немав време да седнам ко што треба.

Комшии бушат ли бушат. Аман! Што направија со куќата, де ќе ја изградат па после месец дена ги слушаш како бутаат ѕид и сигурно пола година овој филм го тераат. Пакистанска логика, ептен јака ствар.

Имајте убава недела!

 

Dobro utro!
Stanata od 6 , mm spie jas deca cuvam! Najadeni, napieni uste da gi oblecam I da odime na lulaski, rano PO sabajle.
Kukava bomba, krokodili uste da pocnat da setaat!
Dva vikendi po red od doma ne izleguvav, cisti, sreduvaj, Peri..... I posle vikam budala odi setaj tamu, metla I krpa ne begaat.
Pa SI se podnoviv nesto so obleka, mevot uste mi stoi( da ne se sekirate), a I kaj da go nosam, SI saka vezbanje a ja nikako da pocnam.
I taka, sekojdnevie so deca I Rabota, veke znaete da ne see zalam.
Nikogas ne vikaj nikogas - epten mi e izreka. Zosto za se sto see cudev porano see si doaga.
Drustvo pozdrav, kolku I da se naporni decava, nema pogolema srekja. Samo se molam da sme zdravi I zivi, I da imame pari za dobar zivot. Ne baram mnogu neli?
Skromna sum.

 

Леле кај братучетка ми на свадба, не задолжија мене и брат ми да ги китиме гостите на влегување, оставаа парички нели, па кога ни се уарни не можеа да не приберат внатре. Колку пари собравме излагавме месец дена со тие пари
Ова со кранот и дронот прв пат го слушам, искрено ми е ту мач како и похолем ден од работите на денешниве свадби. Едни роднини 3пати одеа до солун да бираат бонбончиња, што е многу многу е.
Ај добро утро, сум заспала вчера, а мислев уште да ве дружам.
Што да се прави денес, сакам и да шетнеме малку и да исчистам и ручек и се... Ќе се стаса ли

 

Да ве поздравам,убаво неделно утро на повидок...
Се прашувам зошто не можам да спијам до кај 10 саат минимално,како што прават другите.Ако верувате осеќам болка во мускулите и ако не станам да се размрдам ,ништо од лежењето.Е после сакам да поспијам саат ,саат и пол..
После 18 работни последователни дена конечно слободен ден.Уште утре на работа и после конечно ќе помирисам сол во воздухот.Море после 13 години.Ебеш му матер каде летна времево.Знам дека одморов ќе ме исцеди финансиски,ама не можам,ако останам дома.Се нешто ќе најдам да чепкам и работам.Вака подалеку од куќата.
Не можеме да се видиме по дома овој месец.Ќерка ми е веќе на одмор,син ми заминува кога ние ќе се вратиме.Ама ако,на секого му треба промена,да си ги наполни батериите.
Осеќам треперење во стомакот,на добри вибрации и мисли.Ако,убаво ми е,нека потрае..
Пред некој ден ми дошетало еже во дворов.Настрана од мислењето на стаите баби дека се некои нафрљотини,му оставив паштета.После беше празна дали тоа ја изело или некоја маалска мачка не видов.
Свадби,не ги сакам зашто ми се стрес,особено ако не се од градов.А 90% се такви.Дури ни мојата не ја сакав, само еднаш ја гледав снимката,се уплашив од талентот на снимачите.Свадба со франкенштајн елементи.
И тоа,уживајте во денов...

 

Добро утро.
Станати од 6 пола исчистено пола кога ќе заспие дете. Фрижидер посебно не се чисти со будно дете. Мислев риба да правам ама недела како ден ме потсеќа на фамилијарен ручек. Ќе падне некоја скара салата и лебче ќе имам време да омесам. Пратив дете со татко да купат овошје и зеленчук удрив џогерот и седнав со кафето овде. Викендов ми е упропастен и со сите сили се обидувам да не се осети дома. Мојата поумна страна вели- не се нервирај од понеделник пробај да смениш некои работи. А мојата емотивна страна вика -земи седни чмај и нервирај се. Правам некој баланс меѓу двете. Во петокот од грижа на совест да не случајно осети дете го шетав 3 саати низ маало. Си велам ќе биде се ок. Што и да се случи пак ќе е ок. Зошто мора да е ок..
Вие арни?