Ние околу и преку 40...

исто, какво олеснување се, плус и многу ми се свиѓа што се сите исто облечени. Уште одамна во Турција кога гледав дечиња од школо како излегуваат во униформи сите си викав зошто нема и кај нас. Фала богу во дел од општиниве се воведе и фала богу ние што сме во таква општина

Додади друг пат и сода, чуда прави.

Гледав пред некој ден едно видео за дедовци и внуци, ме разлигави. Јас дедовци немав за жал немаат ни моиве и многу ми е криво. И бабите се ок ама мислам (барем гледано вака од страна) дека дедовците си имаат посебна некоја хемија со внучињата.
Вие за диети ја се мислам што да мавнам кога ќе заспие зверка. Спиеше до ниедно време еве ја уште зеза, 100 книги исчитав сега гледа цртани абер нема.
Морам бисеров да го споделам, дете ако не те усрами нема кој, бевме до тинекс за 1,2 работи и не земав корпа, земав 1 кутија секојдневни влошки и она ги зема да ми помогнела. Ред на каса милион луѓе и она на цел глас "мамо овие за на гаќи ти се" , јас со прст и правам шштт тивко она уште погласно "абе за на гаќи ли се овие", избегав меѓу рафтови и викам мама бре не викај толку гласно срамота е, пропаднав во земја
Јас се трудам да сум насмеана кога се поздравувам, ми се случува некогаш од ако сум занесена во нешто и безвезе одсутно да изреаѓирам ама гледам да се контролирам и да набацам осмех и кога не ми е до смеење.
Отиде денов, малку по дома малку надвор, најважно подсредив детска што ми тежеше одамна .

 

Јас обично важам за намќор кога се запозавам со нови луѓе, ама после второ или трето гледање ми поминува намќороста и пријателски сум настроена

Значи...Минхен е скап. Мислам најскап од цела Германија..
И на Октоберфестов да не останат покуси ги покачиле цените од лани.. Лани кригла од литар беше 10.8 а оваа година 11.4 и 11.5 евра. Пола литар (каде што служат) е 6.6 евра
Обичен перек е 5,6 евра во шаторите овој кај што бевме ние е најголем. Над 8600 души собира внатре и над 3000 надвор..
Убаво е, ама догодина не би идела пак. Следно на список од вакви дешавки (фестивали, концерти, карневали) ми е карневалот во Венеција да сме здрави и живи..

Си купив и мече сувенир. Изгор скапи се, 13 и 29 евра.. мали се инаку.
И погодете што...?! Некаде го изгубив! Знам дека го донесов до хотелот, затоа што една метро станица сме од Октоберфестов, немаше каде во метро да го оставам. Арно ама расправајќи се со поднапиени мажјаци, некаде го оставив. И сега срце ме боли. Кога видов дека го нема уште што не се изнаплакав на цел глас. Е толку криво ми падна. Не е за парите, туку не видов друго исто такво

Може ќе речете луда е оваа ама...

 

Трески ме тресат. Се напив фервекс и се скрив под черги. Парното на 28 степени е пуштено. Сушам алишта низ соба, се тешам дека сушарата ги смалува и затоа не ми се фаќаат. Вечерва рекорд на вагата сум. 3 чинии манџа си каснав, да си се пофалам. Со леб. И маж не може да ме надјаде некогаш.

@Dust не зезај, не е скапо пивото. Тука скоро во сите барови, цена на пиво е 5 или 5.5 фунти, 330мл шише или точено пола литро. На фестивали не пијам, ама цената е фунта две повеќе. И тоа од најефтиното точено пиво, што повеќе личи на вода отколку на пиво.
За сендвичи да не зборам, 10 фунти е обичен сендвич. Или пица, минијатурна.

Баби и дедовци имав, веќе не. Кога бев ептен мала, баба што ме чуваше, памтам понекои работи. Ми печеше месо на жар, а таа постојано постеше. Дедо постојано работеше, само недела попладне одмараше, ама јас тогаш си терав неделно попладне со моите. Другите баба и дедо, исто ко да ги немав. За да им направам услуга само. Перење теписи, средување на дрва...

Инаку, јас, повеќето од времето сум насмеана, весела, кажувам вицови, се шалам, некој ако е намќор го зезам и правам глупости дури не се насмее.
Ама многу луѓе мислат дека е флертување, па после морам да ги отерам во пм. Или да ги пријавам кај шефот. Така да почнав да си приметувам дека свесно со некои луѓе се држам на дистанца. А тоа ми влијае на расположението.

Обожавам да сум откачалката во моето друштво и сите едвај да чекаат нареден пат да ме видат. Па да се потсетуваме на сите убави нешта од минатото.

Сега почна и глава да ме боли. Супер.

 

Па лани бевме во Берлин и тие таму славеа Октоберфест, паралелно со овој и кригла пиво беше 7-8 евра
Свинска коленица беше 10-12 евра а тука е 20..
Переците беа 1.5евра а тука 5.6..
Парче пица е од 4 до 7 евра..

Сум шетала низ Германија што службено, што приватно, Берлин, Франкфурт, Хановер, Дрезден итн ама Минхен досега најскап ми е, без конкуренција.
Во Дрезден јадевме пица од оние 32цм, за 7 евра. Со пршута и моцарела. Тоа ми е свежо барем, памтам..
Шницла од 400 грама во Берлин 16 евра..двајца послаби ќе најаде, а не па еден..
Тука мизерен сендвич со 2 листови салама и 1 кашкавал од оние ептен малите лепчиња е 8 евра..

Така да, не може никој да ме убеди дека не е најскап
Патем не може да ја споредуваме Македонија со Црна гора или Хрватска.. така е да споредуваш и Германија со Англија..

 

Додека правам пауза од перење и пеглање само да Ве поздравам и да си кажам дека денес сум пресреќна
Инаку, на одмор сум... ке одмарам и ке си гушкам едно дете што неколку месеци само на вибер го гледав
Чао... сите Ве гушкам

 

The perks of living in the capital... Aw, wait..
И тука во другите градови пивото е 1 или 2 фунти, ама ние 5 го плаќаме. Коктел, под 15 не се наоѓа.
Исто како што двособен стан во мал град е 700, а во главниот град е 2000.
Забавата секаде се плаќа. Ама 12 евра за литро пиво е стварно ефтино.

Јас уште малку ќе заборавам каков вкус има алкохолот. Тука само богаташите пијат жестоко
Чаша виски е барем 12 фунти, за 50мл. Јас ко што пиев по 5-6 на вечер, плус скаричка, такси, влез 20ка во диско, 150 не ме расправаат за една вечер. Ама си знае душичкава дека антибиотиците се поефтини, се почесто сум болна, па си ги пијуцкам дома уз чајче и тоа гнасното за имунитет.

 

Некој коктел ми се врти у глава, ми се пие,
А за утре се договоривме, да се видиме со другари...

Многу набиен периодов со обврски, се зезам со другарка ми прееска повеќе време поминувам со неа, отколку дома со деца.
Деца како деца растат им требаат удобности во животот. Мора да се мисли и на утре...

Колку само одмори имам поминато со баба и дедо во камп, колку убави дружби беа тоа, за жал починати се, се радувам што и децава мои ја чувствуваат таа љубов бабова и дедова..

Зависи како сум расположена, така се понашам у ситуација, ако не ми се прави муабет, уствари ако ми е антипатичен ликот, може и само да го поминам и да не го изрегистрирам...а кога се запознавам со нови луѓе е тогаш сум фина, насмеана и културна...

Не ми се спие, а сабајле сум прва. Ќе биде весело за некој саат

 

Ајде радни народе ,скоро е 06ч,станување.
Понеделнички денес -фармерки и патики,ќе имам бајаги за трчање ,што би рекол синко,,координирај ги и остави ги сами да сработат".Изгледа уште многу фурни леб ќе мора да изеде за да види дека координирање и целосна реализација се 2 различити поЈма.Ај ,,ќе месам/ќе купувам леб"-ќе даде Бог да се ишљифаат двајцата.
Диетата со @Lilit ,стартуваме денеска-ја да ,ваљда и Лилит.
По пат накај друго село портокали и двопек да се купи -се по протокол .
Кафе испиено,туш мавнат,косата криминал ама осмех битно од 6 до 6

Ај ,убав ден имајте

 

Добро утро,
Кафе веќе на работно место се пие, како што сум спиена само 2..3 саати спиена, топ сум
Ми фали уште некој саат плус да трае денот, што би рекол другар ми, ама толку е.

Убав ден да иаме

 

Добро утро
правам кафе на раб па да пишам.
Сум приметила дека само понеделник се успивам. еве овој пак. разбудив маж да шета куче и пак сум заспала и пак глеј очајни домакинки до ниедно време у недела
Велат од денес на пладне доаѓа некој бран од север. Со ветер од 90 на час...
Чекам. Јас само чекам.
вие арни?

 

Д утро
Е нели ќе заладеше од денес ?
Тука пука сонце . Да допијам кафето , варам јајца . Ќе здробам една мимоза салата . Кај и да е ќе дојде маж од работа . Ќе дрмне едно узо и правац до Лидл . Чизмите да не се потрошат
Ај и во оваа тема да прашам ,да не речете после што не кажа .
Да не сака некој гумени чизми ?

 

И jaс денес и утре сум на детокс. Плус витамините повторно им се вракам. Се надевам апетитот нема да ми се шекне.
Се осекам ко потруено од се' и сешто, а богами и издуена сум. Пред да се растече салце,да се обуздам и па да се ставам у погон ..топенje чварци)
Гутен морген. Колку повеке време минувам у природа, толку помалку ми се врака и седи у град и зграда. Ми иде ако не друго, у градски парк да си поставам шатор. )
джумбир, лимон, магнезиум и витамини у таблетка сркнати. Може да почне понеделников.

 

Добро утро на сите
Кафе се пие под кебе,се мислам да пуштам парно,надвор е 9степени..
На кого му е жешко,Нека дојде на ладење..
Не ми е ден денес,соништа,мисли,..
Ќе каже после докторот...
Убав ден на сите

 

Морген
Ајде кафенце

Шоферот во автобусов има пуштено некои хитчиња од 80тите па одма ми е пожив Понеделников.

@LiliBoz синоќа овде беше хорор филм,летаа саксии и гранки,бев излезена на пешачење и едвај се вратив.Језив ветар.Сакав да ве предупредам бидејќи секогаш ваквите временски неприлики стигаат во Мк за некој ден,ама апликацијава ми вика лето во Ск 31С.Ај си реков да не стварам лажни тревоги кај другарките

Денес 13 степени,вчера 28.Па излезе г-жата по маичка и тенка јакна,сеа цел чај ке го испијам на раб

Ајде убав ден,и работна недела да си имаме

 

Добро утро!!!
Понеделнички ќе го почнеме со правење на ајвар но пред тоа ќе одам на заболеркар додека не сум уште засмрдна на чад...
Ново ништо се нема секој со своите обврски туку ај да се фатам за работа кафе во двор ќе се пие...
Убава недела да имаме!

 

@referentka Ама кога ќе ми помине (не)расположението, ќе ми биде незгодно што сум се карала Не сакам многу да ми се ремети мирот, и не сакам да реметам мир.
Ми се жалеше една пријателка како се скарала со друга пријателка за некои глупости и не можев да сфатам. И велам навистина не е битна ствар да трошиш нерви и да создаваш немир меѓу вас за таква работа. Ако нешто поголемо лежи позади тоа, тоа е друга работа и треба да се поработи на тоа. Ама за ништо да се караш со луѓе и да се нервираш... не ми иде стварно. И толкаво нетрпение владее тоа е нешто ненормално. Да не се почека една секунда како ќе светне зелено, одма се свири да се прелета брзо. И ред други ствари...

За имиџот... повеќе ми беше како одредени луѓе се замислуваат на некој пиедестал до арогантност, а всушност повеќето од работите што ги прават лично ги перцепирам како глума. Можеби и имиџ не е вистинскиот збор за тоа.

 

Пред две год на денешен ден бев возбудена од тука до небото, ама јас чувства и да сакам не знам да покажувам ,па сигурно и тогаш сум делувала многу присебно. Ма јас некогаш не знам ни на маж ми да му покажам колку ми значи. А денес по две години, сме побогати за еден мал ангел кој секој ден се повеќе не изненадува.Имаме успеси и падови, тук тамо и по некоја кавга, ама најважно од се , среќни сме!
И така денес годишнина од свадбата!
Частете се на моја сметка.

Бебушка ми спие на гради. Да го оставам и да удрам еден џогер по дома, да ми биде пиц-пец.
Од планираниот викенд ништо не испадна, маж со некој стомачен вирус. Као поарен е . Се плашам за малиот, да не префати и тој.

На прво запознавање секогаш сум љубезна, колку и да ми бил лош денот.
Па и надвор со луѓе, ставам насмевка и културно прашувам како се. Не сум муабетчика, не со секој, ама збор два од култура секогаш разменувам. Не сакам надменост и арогантност, посебно кога пред некој се претставуваш за прв пат.

Да стане и ќе се пуштиме некаде на шетање двајцата. Да го честам нешто. Тато после нека не почести на двајцата.

Убава работна недела!

 

Добар ден луѓе!

Се изнервирав денес. Кај ми се падна ваква група за презентација! Од гугл транслејт да се преведувало бре, а пет пати им објаснив како и што. Четири групи и два саати подоцна, речиси ништо не разбрав, џабе потрошено време, плус дополнително оќоравев обидувајќи се да прочитам од ѕидот.

Сакав да дадам збор-два фидбек, ама ко што бев љута немаше ништо добро да кажам, па преќутев, нетипично за мене. Некогаш е подобро така, ваљда.

Се надевам остатокот од денот ќе биде поуспешно искористен.

Таман го пишав ова и колава се расипа. Да нарачам друг Убер ако не..

Уживајте во денов!