Ние околу и преку 40...

Добро утро
Вчера изигравав психолог денес маж на систематски а страв има од земање крв.
Ма не ни руча побледел како дух па гледав цело време да му зборувам да не мисли.
Абе волку страв да се имало јас не знам, но јас пак се плашам што се онесвестува додека дава крв.
Чекам да се јави да ми олесни и на мене.
Утрово за гревче ми беше натажено исплашено му викам ај со лесно се насмевна и си замина.
Срцко ми е си го сакам многу.

Туку потресена од вчера со веста што ја слушнав на тв за во Гостивар 17 годишно девојче било нападнато од улични кучиња бегајќи од нив паднала во вардар и за жал со трагични последици и го извлекле телото.
Жално се тресам додека го пишувам ова.
Еден од многуте проблеми во нашава земја уличните кучиња кои стварно и овде ги има на секој чекор и тоа во групи од по 10 кучиња па и повеќе,напаѓаат човек да мора да оди по околни улици за да ги избегне.
За мене како и секогаш немам време последна сум си за се си патам од мојава глава.Благодарам @Alishan30 за советот.
Одам да направам кафе кој е за повелете

 

Јас ова стално на тие од Делко и Карго експрес им го викам
Особено на тој од Делко човекот веќе научи која сум, ама не научи кај живеам па ме тера да одам од база да земам пратки.
Ок друже..после состаноков идам.... ама сериозно! И ете ме 10мин пред крај на раб.време.. дојдов јас!
Инаку седи тој таму и после 4, до кај 6. Да не мислите дека сум толку без осетсамо официјално раб.време е до 4.

Денес ако не го тргнам од грб товарот од вчера, мислам ќе полудам. На никој не му се работи аман веќе а јас очигледно имам јаки нерви. Ќе почнам да не плаќам за такво однесување..

Убав ден

 

Ласертаг е многу добра опција, само треба да е добро времето. Тоа во парк што е. 4500 мислам дека беше изнајмување, плус сокови и грицки, со 6000 - 6500 се поминува со група од 25 деца. Децата ќе бидат презадоволни.

Играчница - плеј стејшн, билијард и слично.

Зависи кога му

Јас уште одам со точак, не е мн ладно капа, ракавици ако ти смета загадувањево и маска (јас уште не сум почнала со маска не можам да дишам преку неа). Сигурно нема да можам цела зима да терам ама фала богу послужи времево.

Зошто де, еден куп луѓе имам од работа што живеат навака и никако да се договориме, секој бара изговор да не носи некого, па ете и понудено бензин да се дели. Не викам дека некој има обврска да ме вози мене или некој друг ама зошто ако одиш во ист правец би ти пречело не знам. Некогаш начекувам на враќање некој да ме префрли за сабајле ако не сум со точак ода со автобус, не ми е никој крив што не возам додуше.

И јас и јас , ете и Бошка се пријави не сме сами. Знам дека е потреба и сега го осеќам тоа повеќе од порано ама едноставно стравот од возење кај мене е преголем и не би ризикувала да седнам да возам а не па уште деца да ставам у кола. Едноставно не е секој за возење и се покажало тоа и во пракса кај некои.

Да треба и кај нас, ама какви сме како народ од една страна само мрчиме дека треба нешто да се превземе а ако се воведе наплата на пр за влез во Центар ќе почнат дрва и камења да фрлаат по тој што го вовел тоа.
Ај добро утро да се фатам за работа ме чека бурен ден[/QUOTE]

 

И јас фобија и невиден страв имам од возење и колку и да посакувам да научам и да полагам стравот е поголем.

 

Добро утро на сите
Денес поарна малце сум и да пишам нешто.
@Milobebence ептен со задоцнување но од се срце Среќна Годишница и нека ви се множат.
И на сите што си славеле слави родендени им честитам.
Не е убаво да ги редам а некој да не спомнам ќе излезе оти е намерно не испочитуван .Како и да е добро е што спасив жива глава,и тоа од костен што цел живот ги јадев,добив толку силна алергиска реакција што за 5 мин.добив уртикарија и јазикот ми отече.Почнав да се гушам и еден страв дека сум готова и толку од мене..
Почнав да мафтам со раце кон маж ми и за среќа веднаш свати дека нешто не е во ред(обично треба да се објасни)и ми даде летизен и право во брза помош.
Знам дека се разбудив дома,а како сум дошла поима немам.
Бев до вчера со рани по јазик и не можев да зборувам..Денес поарно.
Кафе испиено,чајот ми е при крај и да се фати работа..
@mareane Господ е голем и се ќе биде добро,човек треба само да издржи
Сонцето денес ѕирка срамежливо,може и да го дружам точокот и во парк да отидам мојата тераса моментално
Убав ден на сите

 

Ај добар ден!
Сите ранобудници денес

И јас се нервирам со сообраќајот, ја мразам гужвата наутро, ама тоа е... среќа, не е до толку, за 20 минути стигам на работа, а мм после продолжува, е тој заглавува, оти мора да помине низ центарот.
@SV1911 и кај нас е така, на пластичарска особено, и накај Чаир... сите возат како ќе им текне, се прешалтуваат од своја во туѓа лента, и мува не ги лази, а вчера беше особено врвот, кога видов дека оние што треба да прават ред во осообраќајот (читај полиција), си се прешалтаа во туѓа лента и си поминаа раскрсница онака лабаво. Да беа уклучени ротациони светла, сирени, разбирам, ама вака не и после сите по нив. А бе бељи се прават така, ама кој да разбере... ете од толку брзање, вчера верижен судир имаше во Автокоманда, и тоа последниот залетан собрал четири коли пред него. И после застој, е па застој. Јас сум за поголема строгост и казни за возачите и да не му се издава возачка дозвола на секој прцул што мисли дека знае да вози. Иначе имам положено и имам дозвола, ама не возам. Како прво, немам кола, како второ и да имам нема кај да ја паркирам на работа, како трето, три коли за регистрација многу голем трошок се, а секако со мм одиме заедно на работа. Јавен превоз не ми е проблем, проблем ми е што не се точни и редовни, башка гужвите, ама се справувам со нив. Кога мм не е тука ми вика да ја возам колата, ама како што реков немам каде да ја паркирам на работа, башка огромна е, иако прелесна за возење, дека аутоматик.
А карпул варијантата е добра идеја, ем заштеда, ем помалку коли, ама луѓево се себични, Боже ми прости. Ќе се заколат двајца во една кола, не па четворица, особено ако почнат муабет за политика. Пошто има и такви што не им е мака од сабајле да солат памет.

Леле, цел реферат напишав... бубачките и слични „деликатеси“ ќе ги прескокнам, дека јадев кога ги читав постовиве и го оставив јадењето, само чајот го допив. Мислам, алал на мотивацијата за нас диеталците, само така продолжете. Не дека сум на диета, ама вака ме мотивирате да ставам патент на уста

@Alishan30 убаво си правите вие докторите, нашиве мува не ги лази... нови договори треба да се потпишуваат, и она што ни го спремаат не ми изгледа добро, ама коморава спие, а колегите уште не се свестени... кога ќе ги удри реалноста, не знам што ќе прават. А со новиве договори уште толку ќе нè удрат од земја. А сите мислат дека ние стоматолозите се убиваме од пари земање, тоа не е точно, со оглед на тоа дека по човек фондот плаќа 40 денари. Со тоа ништо не се покрива. И ако се протурка тоа, голем дел ќе се откажат од работа или ќе преминат во приватна стоматологија и ќе се намали драстично бројот на матични стоматолози. И мислам дека му е цел на ФЗОМ да нè тргнат од нивната листа, т.е целосна приватизација, и ова е еден од чекорите. Ама времето ќе покаже.

Доста беше се уморив.

Се читаме покасно, денес можеби лабаво ќе биде, ама да не зборам однапред, не се знае.

Убав ден!

 

Ти благодарам здравје и среќа да имаш.Леле колку е убаво милина прекрасна тераса милина е

 

Ола лејдис енд џентлемен.

Кафе, цигара и фемина, малку одмор од кога заспаа децата мада и мене малку ми фалеше да заспијам со нив ама треба на работа да се оди па си направив лонец кафе и ќе ве по дружам малку пред одење.
Кај мене денес државен празник, единствена држава во свет сме што има државен празник за коњски трки, годинава не се кладевме, јас си дојдов сабајле од работа, маж отиде на работа, врнеше истураше цел ден и ме мрзеше да мислам на тоа кој коњ е најдобар на дожд, ај доста ми е дупла и пол сатница и на мене и на маж, не ми требаат коњски трки да ме оправаат.

Единствено нешто што се кајам во животот е што не видов порано со каква психа си имам работа за бившиот, никого не послушав дека нешто не е во ред со него, сфатив што ми зборуваа кога лежев во болница од него, јебига па си викам ако не видев толку лошо од него немаше да можам да го ценам доброто сега што го имам со сопругот и децата, како беше тоа, после дождот иде сонцето.

За зборување си зборам, не држам во себе, не се мислам после лелееее вака требаше, онака требаше, ако некој не му е гајле за моите чувства и ме навредил зошто па јас да се мислам за нивните, око за око, заб за заб, образ вртам само на татко ми, него можам да му прогледаам низ прсти за било што, за сите други како они за мене, така јас за нив.

На моите години мајка ми почина, јас со тодлери се расправам а мајка ми имаше син на факултет.
Брат ми кога наполни 38 му се уврте во глава дека ќе умреиако јас сум копија на мајка ми така му се уврте во глава, цела година само си бараше симптоми на болести, на секоја настинка уште што не почна да си го организира погребот, Бог да чува беше, на 39 роденден се врати во нормала, мене сега само ме прашува дали сум добра, сум била ли на лекар да се прегледам, не ме фатило лудилото на 38- та година сеуште.

@Bozica1980 happy national red hair day, се мислам само црвено коса не сум била, на стари години дал да менувам имиџ, само белата коса ме става во мисла ќе треба пречесто да се фарбам.

 

Kратко да ве поздравам
И јас сум од тие кои не возат,имам возачка ама никогаш не завозив.Имам и јас страв дури и кога ме возат ,а не јас шофер.
@Esmeralda-MD
Мајка си ја зедов од болница кај мене ке си ја чувам еден период,се надевам на подобро(имаше мозочен удар)Иако треба да земам и резултата од биопсија на тироидна ама немам сила сега за сега за такво нешто..

 

Ај добар ден

Денес и вчера, цела сум наопаку. Се лигавам со кафиња и вода од сабајле... Мрза ми е да дишам.
Вчера и дента, и претходната вечер, и синоќа, пукнав од стомаков.
Што пиете за болки кога имате добиено бе?

Маж денес зеде слободен ден демек... а ене го работи пак
Ај барем дома е...

@Esmeralda-MD , ме растревожи со случкава
Не знае човек од која страна ќе го 'подбери' нешто...
Ај со помин нека е

 

Јас пијам кетопрофен. Тие плавите.
Оти ако не се напијам ќе треба болица да одам уствари да ме земаат.
Имам огромни болки обилни со повраќање со се све
Демек ме лажеа ќе родиш ќе ти мине.
Шипки.

Мразам кога добивам.
Едино се препородив во бременоста кога немав.

Денов глуп ли е убав ли е не знам ни јас.
Преска не заврна.
Одам и си викам де де само дожд е нека врне ионака не врнеше ни 5 минути и така.

Чекам маж.
Да јадеме
Може денот ќе се оправи некако

 

Исто и мене

 

Не е дека ве лажеле, туку ете, вие сте исклучок од правилото...мош треба уште по едно да си родите... Мене после раѓање се ми помина, фала Богу немам веќе болки, оти порано на инфузии завршував. Сега не осеќам ништо, освен ПМС...знае да биде страшен.

 

А што симптоми имаш во ПМС?
Јас сум нервозна и гладна. Некогаш депресивна... ама обично нервозна.
Тоа ден-два пред да добијам, и во блага форма...

 

@vitamina @WildMk не ве лажеле третото од кога го родив немам мака

ај добар ден
турбо ден денес башка и топло е. така ми е поставена канцеларијава шо сонцево ме заслепува.
не сум во тек шо други теми вртите, ај вечер ќе ве дружам

 

Е сега и вие, второ, трето, петто!

Стара сум и килава за раѓање

 

Сеа намерно вака ни кажуваат знам јас

 

Здраво,
Среќни родендени и годишнини на сите. Фала им на @Milobebence и @M&M што помислија на мене.
Периодов никаков.
Се уклучив само да и дадам поддршка на @mareane и да и посакам побрзо оздравување на мајка и. Го поминав тоа пред 7год.со мајка ми.Беше цел месец во болница, 22 дена на интензивна. Те разбирам потполно како ти е. Сеуште носам трауми од тој период. Но, фала му на Господ мајка ми преживеа без сериозни последици. Така да, од срце и посакувам на мајка ти побрзо закрепнување и да си биде со вас долги години.

Поздрав друштво

 

Нервозна, ама многу, многу нервозна, како што никогаш порано не бев. Ама магнезиум, Б6 и чајче од маточина помагаат да се контролирам. Дури ова ми помага, арно е. И многу благо ми се јаде, ако попуштев на желбите, досега 100 кила и кусур ќе бев, ама си стојам на 70 и нешто.

И не си стара. Јас да раѓав природно, ќе си родев и трето, ама со две цезареи не ми се ризикува.

@mareane, побрзо опоравување, побрзо да застане на нозе! Ич не е лесно, ама ти треба сега да и бидеш најголема поддршка!

 

Која гужва по пат.. неќам ни да знам колкава ќе биде сметката. Ми иде мотор да си купам и сама да си се развозувам кај треба, вака плаќајќи убери секој ден има да банкротирам кај и да е.

Денес запознав една девојка од Hunza Valley. Ѝ велам, јас и ти сме практично роднини.

Сакам да родам неколку деца само да не ме боли целото тело кога имам добиено. Ама после па од нив ќе ме боли главата и ќе бидам ненаспана неколку години.. ова ти се вика одбери го помалото зло.