Ние околу и преку 40...

Добро утро
Кафе и цигара на тераса. денес е таман не е толку ладно. дете уште спие. ручек од синоќа направен тава ориз и пилешко.
помлади никогаш не ми биле по кејф баш за тоа што Рефка го кажува. зелени се у главите и редовно они не знаат па шо знаат па турни го да киниса. попрво ќе те изнервира неголи друго нешто. А јас живци за тоа немав никогаш.
петок денес а ? викендов како ќе е времето знаете?

 

И ќе рече некој после, ние сме биле за никаде. И јас имав еден помлад, ама за никаде беше, и мислам дека беше повеќе до карактерот отколку со младоста. На 25 уште немаше завршено факс, уште немаше работа, спиеше во кујна, оти имаа еднообен стан а беа 6мина дома, немаше желба ни да учи ни да работи ни стан да бара, купуваше по 5 цигари на ден на парче, немаше пари да отиде до Скопје. За се ќе морав јас да платам, а кога ќе го направев тоа он се осеќаше лошо, и го откачиииив. И после ми викаа, ете ти си многу надуена, сноб си, откачуеш луѓе оти немаат пари. Вот???

Ај да се спремам за состанок.

 

Стварно Чка, нели ти е грев да откачуваш човек кој најголема амбиција му е утре да диши и издиши. Зашто не го посвои бар чим не се палиш на паразити. Мислам ...срамота ова.

Коса ми се крева од такви ликови, а ги знам и многу постари од 25 год и се такви.

 

Добар ден!

Дојдов рано во библиотека да учам, а они ја затвориле поради некој настан. Епа , вчера никакво известување, ниту имејл од нив, ништо, а скоро секое сабајле сум таму. Не ме изнервираа, се трудам да не се нервирам ама утре ќе ги подберам за ова.

Рецепт давај!

Хумусот е многуууу вкусен, го обожавам. Јас обично го користам ко намаз за сендвичи, плус зеленчук на страна. Најчесто такви работи зимам со мене, друго ништо не ми е практично поради жешкото. Ах, да.. зимам овошје, јаболки, банани.. ама тоа како ужина, не ме држи долго.

И јас мислам дека сега изгледам поубаво од пред неколку години. Протезите дефинитивно имаат удел во тоа, долниот дел од лицето ми се промени на подобро откако ми се исправија забите. Да знаев дека волкав ефект ќе има, ќе ги ставев уште одамна, немаше да чекам толку.

Под нож само ако ептеееен нема друг излез, инаку нема шанси. Од што се начитав по темиве тука искуства со анестезии, неќам ни на забар да отидам да ги поправам тие двата подрасипани заби што ги имам зошто знам дека ќе ми стават анестезија. Плус трауми од предходно.

Во хотелот ќе ви бидам преведувач, бива?

На факултет одев со задоволство, ама од сегашна гледна точка можев и без таа диплома. Тие пари што моите ги лупнаа за таму, требаше директно во Германија на студии и завршена работа, не сега да се мафтам со тоа.

Да бирав повторно, а ќе бирам наскоро, би избрала environmental sciences. На мастер не можам на ова поле да се запишам бидејќи немам завршено природни науки, па затоа ќе се оди на факултет повторно.

Многу се радувам на учење, поготово сега кога конечно ми текна колку е битно стварно да се ангажирам, зошто животот ќе ми помине и ќе ми биде криво што од мрза ништо не сум постигнала.

Ми се јаде! Се мислам за вечера да направам салата од компири и грашок, со сок од лимон и кромид и краставици. Ова споделувам тука да не заборавам.

@CameliaMiller побрзо да оздравиш!

Уживајте во денов!

 

Ај пак добро утро
Втор ден дома, тотално безредие

Не станува збор за факултетот, нит парите... туку амбициозноста, желбата за подобро, способноста.

Дм никогаш не студираше, немаше желба и барем свесно не џмиеше 10 години на факс, џабе да фрлаат пари неговите. На 18 веќе знаеше што сака да работи, почна со истото уште тогаш, денес повеќе од одлично му оди. И нема застој. Не се разочарува, секогаш кога зборува за работата, зборува со таков жар, амбиција, што мислам дека е еден од ретките што навистина ем го исполнува тоа што го работи, ем има плус финансиска мотивација.

Кога одлучи да не студира јас бев многу скептик, оти луѓе екстра образовани не можат ни културна работа да најдат, ама ете, ми покажа дека грешам.

Што мене ми е најважно, знам дека утре да не му оди ова, ќе најде начин и со нокти ќе гребе за да создаде добар живот за себе и семејството.

Неамбициозни амеби не сум можела никогаш да разберам, на 20 и кусур да џмиеш дома и да чекаш од твоите... како се гледаш во огледало?

Оти познавам и образовани, што очекуваат "од клупа" директори да бидат... или не им чини работата, или платата, или шефот, или.... мислам реално, на никој не му е баш лесно и подмачкано, ама седејќи дома и жалејќи се сам себе, сигурно нема да се подмачка.

 

Филерите што ги спомнав вчера не се пластична операција, тоа ординациски се изведува. После тоа можеш комотно на работа да си одиш Не ми е страв, одма би отишла, ама ем е скапо, ем е сензитивна регија подочњак. Прво би сакала да чујам искуство од прва рака за конкретнава регија подочњак, па потоа да се решам. Имам другарка што стави филери на образите, и ефектот е прекрасен. Воопшто не се познава, само лицето и е некако подигнато и мнооогу посвежо изгледа. Ја нема онаа свиснатост од претходно, дека ич немаше јаболчници, ама ич ич и некако лицето надоле и беше свиснато, изгледаше постара одошто е. Така да за такви дискретни зафати кај што не се познава дека е нешто правено, не да не сум против, туку сум и за ако тоа ме прави да се чувствувам подобро во сопствената кожа.
За пластична операција, му реков на мм дека после второто дете сакам силикони, зошто на мене само суви сливи ќе останат после две деца и доења. Ми рече ок Не бев сериозна, не сум ни сега, ама па ако не си се допаѓам, зошто да не го направам тоа да си ја поткренам самодовербата? Не сум против, кој како сака, така нека си прави. Засега не би, ама не значи дека и во иднина не би се решила на таков чекор.
Ми се оди во шопинг, нешто да се подновам, мада ништо не ми треба. Ама блек фрајдеј, нели Ако ништо друго, за бебка да земам нешто, мада и она има, пред некоја недела и ја обновив гардеробата. Ќе ги носи цели неколку недели Многу брзо растат децава, а бебешките работи не се евтини. Ама нека е жива и здрава, ќе и купуваме, што да правиме
Инаку, мм сеуште студира, има уште два испита до крај, еве веќе 5 години Никако да го заврши. Знам дека се нема време, работи уште од 18 г., ама за два испита нема изговор. Ќе го спотерам после Нова година тоа да го реши. Не дека ќе му игра некаква улога факултетот, ама кога е пред крај, зошто да нема диплома. Греота е. Инаку има сопствен бизнис, го работи тоа што го сака и отсекогаш знаеше дека тоа е тоа. Почна кај други, нормално, па од пред 7-8 години си има своја фирма, и многу сум горда на него. Фирмата е една од најдобрите во државава и секој негов успех го доживувам како свој. Си има цена сето тоа, он нема работно време, најчесто нема ни викенди, ама па кога ќе затреба ден за дете, за некоја обврска, што и да е, секогаш може да се ослободи и да не оди на работа. Еве мајка ми има еден зафат следнава недела, ќе биде под анестезија, па он ќе оди со неа за да не земам јас слободен ден. Многу ми значат такви ситници.

И така. Ај петочки да го протуркаме денов, па вечер ќе се оди малку во провод

 

Добро утро добар ден
Демек ќе врнело ама се држи.
Имам работа теписи да наместам си донесов па ќе се фатам со времр на работа
После ќе шетнеме ако дојде маж де ама се надевам дека ќе дојде кај 4 па ќе стигнеме.
Му викам сабајле што правиш
Вика лежам

Му викам кај бре има да лежиш и плата да земаш сега на кафе бил чекал
Ај да се фатам на работа јас

 

Добар Ви ден
Една убава вест ме освежи утрово. А во последно време можеби и најубава на форумов па и вака.
Малото од @galapce имал успешна трансплантација.
Ептен се израдував. (галабо не се лути ама сакам и морав да споделам, од срце)

Женски и по некој маж убав ден да имате а и претстоен викенд.
Чус

 

И јас сакам силикони и липосукција и две здрави нозе ако се продаваат некаде )))
Топло надвор, бар се тешам ја оставив зимската јакна дома. Имам толку акање што и оваа ќе ја соблечам гарант.

 

Јас уствари најсреќна би била да сум шанкерка на плажа. Шанкче, кафе, коктелчиња, луѓето среќни...
И некој ваков

Спојлер: поглед

 

Добар ден!!!
Каков бизнис сте свртиле вчера туку некое место и за мене најдете од работа не се жалам
Средени од утрово и сега ќе шетнам да видам дали има некој попуст или само е смешка работава .
Многу ми е мило што слушнав за @galapce дај Боже и сите други да бидат здрави...
Ајде убав ден!!!

 

Добар ден!

Ај да се пожалам и да прашам за некој "лек" ако знае, за вртоглавица.
Од вчера имам вртоглавици, лошо се чуствувам. И тоа не е прв пат, во изминативе месеци ми се јавуваат одвреме навреме.
Првин мислев дека кога се преморам ама вчера бев одморена, додуша работев после по дома ама ништо што не го работев порано без проблем.

А кај отворив на гугл, триста најлоши работи прочитав.

А и ова да пишам. Пред некои 2 месеци можеби зборувам со една жена, прв пат се запознаваме на еден настан и таа во сред неофицијален муабет ме прекинува и ме прашува дали имам проверено тироидна жлезда Јас така останав во чудо, што и бидна, и велам мислам немам. На тоа ми вели те гледам на вратот ( божем Господ рентгенски очи и дадел ), па почна со совети, стигна до цисти и ехо да сум направила.
Јас да ви кажам цело време бело ја гледам, првин тоа не беше начин како да ме праша и посоветува, ама таа си изгледаше многу сигурна, башка непријатно се почуствував, се свртев демек на шала ама сериозно на кај другата жена и прашувам: а таа доктор ли е? (Не е!)
И нормално ја ислушав и смирено и одговорив фала, се свртев и заминав.

Арно ама после некое време ми излезе нешто на гугл околу тироидна, демек можело да имате пореметување и без симптоми, ова, она, па се зачитав и исто вака се препаднав, па си велам да не е некој знак да треба да ја проверам тироидна и утредента отидов се да испитам. Ха! И резултати сите совршено здрави!

Те не знам оти ова раскажав ама изгледа за да не веруваме ни на гугл ни на "видовњаци", туку право кај доктор

Е сега ќе треба и за вртоглавици да одам ...

 

@Sky-butterfly welcome back!

Крвна слика каква ти е?анемијата предизвикува малаксаност и вртоглавици.
Притисок низок исто...
Мене и од спондилозата ми се јавуваат..работата ми е цело време во иста положба и лошо ми влијае врз вратот...

Елиминирај ги овие причини прво...
И промена на време мене знае вртоглавица да ми предизвика

 

Крвна слика ми беше супер пред значи, околу месец дена.
Имам и низок притисок и кога мирувам во ред сум, кога станам ми се врти...

Фала друшки, ќе морам да видам што е.

 

Добар ден и од мене
Маж се врати и пак замина на пат, тоа што ви кажував за свекрва ми со ваучерот испадна дека е лага и се јавија од кам и на други така им правеле
Вчера бевме на прослава бидејќи оди со вешти жени правеше кора со тиква, тиква печена и пита со сирење се натпреварува и доби 1 место
Грло многу ме боли пиев чај и мед ама џабе што да се напијам?

 

Вработена во Пазарна ми кажа дека една недела пред попустиве праеле акција и во поголемите продавници ги проверувале цените, денес имале исто акција да проверат дали се сменети цените. Демек годинава стварно бил блек фрајдејов. Иначе ко што гледам Топ шоп имаат стварно попуст на некои работи.

Јас појдов да купам книги, за себе и за џунџулето, си се вратив на работа со празни раце. Едни нељубезни продавачки, едни наконтени, за никаде. Си се собравме со колегиница и до пекара по доручек.

 

Железо имаш проверено?
Кога ми беше ниско, ужасни вроглавици имав, ужасни. Башка ми се "темнеше" пред очи.

А и убаво спомнале за спондилозата. Посебно ако имаш седечка работа, веројатноста е голема.

 

Леле и мене една така од нигде никаде ме праша тироидна дали сум проверила. Во вратот така сум и личела Истата да не е Јас не отидов да проверам, не и посветив внимание.
И еден дечко имав таков ко на Цка, ама беше постар од мене. Јас одев на фак.и работев во исто време, а тој од дома се гребеше за да се гледаме. Дури и за автобус му давав пари. И не беше тоа проблем, туку дома не беа добри финансиски, брат му идеше и на факултет, а он не бараше никаква работа. Искрено ми беше многу жал за мајка му. Се надевам сеа се уозбилил
Со анестезија имам супер искуство, општа анестезија. Би можела пак, ама се надевам нема да има потреба
Ај добар ден