Ние околу и преку 40...

Добро утро!

Се надевам дека сте добри...
@mareane сочувство, вие да сте здрави и живи.

Јас не би се жалела за плаќање даноци, барем да имаме бенефити и средена држава, ние плаќаме, можда не големи суми, ама државава по секоја основа гледа да земе, особено од сиромашните, а за давање тешки се многу.

@kravce зависи од празникот. За Бајрам и слични не работат, ама мислам дека обично се отворени. Ама и не работат до касно, до кај 6 попладне, пошто кога поминувам низ чаршија во тој период, се се затвора.

Чекам колега на кафе посабајлечки, ама дали ќе дојде, којзнае... ептен сме врзани со време во ова лудо Скопје, и се нема време на раат да се видиш и да помуабетиш... тоа е... ако ми биде денов ко вчера, арно ќе е... се одморив

Убав ден!

 

Добро утро жени и по некој маж!

Не сум за муабет, за кафе сум. Уста не ми се отвара денес, до толку ми се спие.

Во секси шопови сум била, ама не кај нас. Не сум купила ништо за себе, само за подарок. Не сум јас за докулатки, барем сега за сега.

Спојлер: Кафе

 

Добро утро кој е за кафе повелете малку ми се подизлади дур седнам да го пиам ,ама обврски се има ..
@mareane сочувство , секогаш е тешко да се прифати загуба
@kravce претежно работат ама штом се стемни затвараат ретко ако некој работи и на празници работат , се надевам ќе ја надминеш загубата и лошиот период за кратко време
@vitamina добро е што државата им помага на луѓето ,за законите добро е бар некој да те информира од кај да почнеш да бараш, пријатели што се преселија во америка пред неколку год одпрвин се жалеа дека не им стигаат пари за ништо , но по разговор со други и тоа по две години сваќаат дека многу малку заработуват за тоа што го работат плус осигурувањето им било слабо , така да сега им е ок
Бидете поздравени

 

Добро утро, ајде кој е за Јас додуша чај пијам, ама ќе сварам и кафе, не е проблем

Деновиве, море целава недела уште од минатиот петок ми е хаос. Кучката ми доби јако воспаление на матката, пред умирање беше, па итна операција кој беше знак прашање дали ќе ја издржи... Сега е добро, барем се надевам. Три дена да поминат треба да се врати на старо рекоа, па кога ќе се случи тоа, ќе ми падне камен од срцево. Мислам живот ми се скрати, прва љубов ми е тоа старичко, побелено кутре од скоро 15 години Само да биде добра. Мајка ми солзи ронеше секој ден, она ја чува дека, и вчера кога ја оставивме за операција почна да плаче и да и вика „ајде мамичка, не ми се секирај, ќе бидеш добра, ќе те чека мама“ На цела мака, мене смешно ми падна. Па ветеринаров се згази од смеење и и вика ај оди си дома, да не ми припаднеш и ти тука
Па кај кучево, и термини еден куп неделава, те за дете, те за нас, немав време буквално вода да се напијам. Па и јас по доктори заодев, и кога ќе почнеш, нема крај. Добра сум, да речам. Ќе терам уште, да не ме мислите
Некако немам седнато да си го видам детево на раат, освен синоќа што си поигравме. Се смееше и кикотеше од срце тоа мало човече од една педа, ме тегнеше за нос со рачињата и ми го галеше лицето. Ми се исправа кога седам до неа, и со рачињата ќе ме фати околу врат (да се држи, не за друго ), ама толку ми е убаво кога ќе ме обвитка и ме гледа со тоа очичките, и сјаат од радост
Многу емотивна сум деновиве, се лигавам на све живо. Сабајле видов мајка со дете на точак, тоа едно мало, завиткано, натутулено такво си седи, си се вози Абе сонце, не знам, солзи ми дојдоа на очи. Детуле

И така. Не знам што со себе веќе. Нека пројде неделава, море годинава нека пројде веќе. Таман реков мирно ќе пројде оваа, ете турбуленции одма.

Во исчекување на подобри денови, ве поздравувам

 

Добро утро девојки
Ваква сум и јас секое сабајле



Брзо помина неделава некако. Ама може дека хаос, не стигнав да се свртам.
Ми се оди на шетање некаде, 3-4 дена, ама нема опција периодов.

Ќе се џмие во Скопје.

Убав ден имајте

 

Hi

Прво кафе, т е л.разговор со мајка и фемина...денот може да затера....
Деца испратени,маж истотака..
Куќни обврски на мени до 14ч.,потоа на печалба...

Во плачечко расположение сум и јас деновиве....потиштено и нереализирано се осеќам....ко фатена во стапица....се натрупувам со обврски и си ја потиснувам тагата ама тука е...грутка во грло и желудник ..

Плус ,една очекувана разврска на блиски луѓе ме растревожи..две дечиња ги остави мајката...пишував за ова кога беше неофицијално ама се озваничи....и кога ќе ми текне солзи ми навираат....
Ќе се воздржам да не го пишам тоа што навистина го мислам за таа жена и сите на неа слични....ама верувам оти некој од горе гледа и наплаќа за,секој сторен грев....

 

Добро утро !!!
Сонцево денес е со заби и каса,битно ветрот се смири мислев ќе не крени од дување.
Денов денес за улепшавање ќе одам на фризер ,а попладне со детево сум договорена да си излеземе да ја шетнам фризурата
И мене брзо ми помина неделава всушност годинава помина летна ..
Да се спремам и се читкаме покасно.
Убав ден на сите!!!
@mareane сочувство...

 

Добро утро девојки

Неделава ми е како година. Бидејќи сум дома и многу бавно ми минува
Во секси шоп никогаш не сум била мислам дека и не би влегла никогаш.
Темата нова во насмевка редовно ја читам и ептен ме изнасмеа. Немојте да се лутите-не е злонамерно пишаното, тоа ми останало во памет-така и сум пишала

@Mr. Right требало да и помогнеш на бабичката, еден ден можеби ти би бил во таа состојба

@mareane жал ми е, прими сочуство.се измачи жената, и вие околу неа. Да сте здрави и живи останатите

Јас вака.бидејќи од кревет не станувам. Пижамите ми се мои најдобри пријатели




Имајте убав ден

 

Денес и од мене кафе.
Си правев слики пред да пијам. А сега дури 2 испив


@dunika многу тоа.
Па и за војскава

Одам да замирисам малку домот да јадеме па ќе видиме што со денот.
Викенед се ближи ..
После средава лакше се дише

 

Абе чудни едни, посебно Рајт. Како бе ќе пријавам брат ми ако убие некој!?

Маж ми, брат ми... па тоа ти е фамилија бе!

Има да кријам , да заташкувам, има да признаам дека јас сум за да не се мачат они! Абе како може така? Абе другар да е крив за глупост, има да го бранам до посирање бе, крв ќе плукам да го одбранам! На само, има да врескам и да се карам и да плукам, ама надвор пред народ, моја крв, мое месо, мој живот се тие!

Не да копам дупка, да скријам дело, има да направам и ров ако треба! Правник сум сакам правда, ама има причина за се! И да е крив мојот, има да го исправам.

За брат душа боли, за татко на дете уште повеќе!

Ве испокарав? Е ми олесна, ај сеа да работам.

 

^ и убиениот има семејство.

Јас немам убијци во фамилија, ама имаВ криминалци, кои ги екскомунуцирав.

Ме заболе дали сме крв ако не се достојни човечки суштества.
Не знам дали баш ќе ја пријавам сестра ми, ама дека ќе и' помогнам.... не би рекла. Не мора да е убиство, нека е и криминал, што викаме "да гази преку луѓе".

Колку и да ја сакам, себе повеќе се сакам, а за олоши немам место во животот мој. И највеќе мразам селективна правда, така се заташкува криминалот на оние кои имаат роднини на соодветни позиции.


Само, не знам дали исто мислиш Чка и за оние кои ги кријат убијците од Смилковско пошто се семејство, или пак оној што ја собра Фросина на пешачки... сите се тие нечии браќа, ама се и монструми кои треба да скапат во затвор и не можам да ги оправдам нивните семејства.

Мислам реално, да собереш некој со 200 на Партизанска, нечие дете, нечија сестра и да те кријам оти си ми брат?
Лоша сум, монструми не прифаќам за роднини. Не значи дека роднината не го сакам, само не можам да кријам и заташкувам монструозни постапки.

 

Добар ден.
Сочуство МареАне. Нека оди по ред само. Не знам што да кажам. Боли и 180 год да има.
Нормално. Ако ти се погоди свекрвата
Јас на работа. Бев до меркур. Си одбрав ламинат, чешма, ќумбе... Уше куќа да напраам фали
Се мотивирам пред време. После празници ќе се подадат документите. Останува да чекаме дали ќе ни одобрат. У меѓувремено треба да се бара архитект. Троа поефтин. АрхитеК има ама второво нема. И тие за тоа работат нели!?
Коски ми се тресат, кој праел куќа знае.
Вие арни?

 

Вчера бев толку зафатена што и тоа што прочитав не запаметив.
Јас сеуште претам, ќе видиме до кога со овој ум.

Добро утро.
Дури да го завршам постов, 12 ќе фати. Ама среќа уште е 10. И нешто.
Се пие кафе на рает со колегата. Сега овој е од Бразил. Толку многу нешта не знаеме за светов, чудо едно. Еве јас не знаев дека во Бразил има и други држави, исто како САД. Или Индија. Ама човек учи додека е жив.
Пред некој ден во Сао Паоло имало страшни поплави како во Ск пред 2 години. Ви сите држави од третиот свет е исто.

@mareane

Јас друг не би скрила, освен мама. Секој да си мисли на време за своите постапки. Јас кога би направила нешто ќе си признаам одма. Нема кај мене ама вода носев или било какви изговори.

Нај главното заборавив
Кафе како што е редот

 

Неговото семејство нека си бара чаре. У најтешкото ако и фамилијата те напушти, не вреди ни да ја наречеш фамилија.

Брат ми ако убие, јас ќе се пријавам за виновна. Исто и маж ми, ќерка ми...

 

Zdravo na site.
Da ukradam malku vreme da ve pozdravam dodeka sum na pauza..
Ne ostanuva vreme od doma,rabota i samo rabota..
@mareane Sega vidov,mnogu mi e zal,primi socuvstvo,bidete vie zivi I zdravi...
Otidov,tolku od pauzata.
Se citame..Ostanite site zivi I zdravi

 

Какво чаре? Крвна одмазда?
Топтан цела фамилија да ви сотре? Фер е. Ама до кога така?

 

Сакам да си ставам машна црвена на врата и такво зелено. Гледав сега на еден филм и многу ме бендиса. Уште да знам каде има, претпоставувам во Џамбо.
Сакам да имам куќа со гоолема дневна и камин на средина и тепих од бамбус. Ете така.

 

Па што ако е фамилија ?
Ако некој се дрзне и одземе нечиј живот во истиот момент престанува да ми биде фамилија.
Нема заштита тогаш од мене.
има некој работи преку кој човек не сме е да премине ,а тоа е намерно одземање нечиј недолжен жвот.
Па свети крв нека ми е.Никогаш не би превзела таква вина,секој треба да си одговара за своите постапки.

 

Моите блиски пред мене. Ги сакам повеќе од себе.

 

Јас не ни сакам да бидам семејство со човек кој не покажал милост кон друг човек па и животно. Што таквиот го спречува да не покаже милост и кон мене или останатите луѓе кои ми се драги. Не ќе го пријавам, али многу веројатно дека ќе го натерам сам/а да се пријави. Да му помогнам да се извлече од вина..у никој случај. Ќе му помогнам веројатно да излезе жив од сето.. психички здрав и да си го нормализира животот.
Привет, здрасти,туј-онуј.
Толку бучен сон имав што, ми зуеше главата и ушите кога се разбудив. Добив, се издув ко онаа отровнана риба па, не морам да се сеќирам што ми беше денеска по план за јадење, читај, ништо у уста не ми се става,стомак ме боли ме корне.
Времево е бонбонка.
Адју!