Ние околу и преку 40...

Утро.
Убаво сончево и по мантил се пие кафе на работа . синоќа дете ми се разбуди во 3 вајда сонуваше нешто... Се утепа од плачење. гушкав држев у раце и презаспа накај 4. Сега спие за сите пари. Јас чекам пауза да фатам џенем подароци да бирам. Со ситници ќе ги решам сите годинава. едино за маш и дете троа нешто така поскапичко. Па плаќање сметки па ова па она. .. Среќа имам мајстори на раб место па нема да се примети дека ме нема да се разбереме.. не оставам работа. лабав ми е периодов.
вие арни?

 

Добро утро!!!
Маж и дете испратени јас си прилегнав ко по обичај па рано и ладно е не ќе тропам од сабајле да ги разбудам комшиите.
Подароци купувам само за деца на возрасни не ,а ќерка ми кажа што сакала па тоа ќе и се купи ...туку ми порасна детево што убаво беше кога беше мала и и купував кукли.
Денес работа,заболекар и попладне ќе излеземе да и купиме нешто сето и е одраснато ,големи се овие деца.Сега кафенце да сварам и да станам не е лошо .
Убав ден четврток во најава снег Невен доаѓал имево од кај му е

 

Морнинг убави
Како ја поминавте ноќта без мене?
Имам една шашава колешка,турчинка е,секое сабајле вака ме прашува

Вчера пет пати плачев и се смеев ко хистерична.Знам дека ми се хормони,ама помислив дека забегувам,сериозно ме плаши немоќта да си ја контролирам психата и мислите.

Сонце со малку снегче,денов е ветувачки
Бај бај

 

Сфатив- не можам да контролирам тело- еднаш искрварев, добив камења на жолчка, пареза... ништо од тоа не можам да контролирам.

Не можам ни психа, за жал иако мислев дека можам.

Ме плаши немоќта.

 

Добро утро

Иако знам дека откако ќе се разбуде нема да седне ни минутка , ќе ме премори , на моменти ќе ми ги тренира живците , ама едвај чекам да стане овај мал бушавко да си го изнагушкам.

Вие како сте ?

Денов убав ми изгледа , барем да прошетаме малку на воздух после.

Имајте убав ден!

 

Добро утро девојки

Им избегав на докторишЧана на една цигарка
Ако денот по утрото се познава, денов има надеж фин да биде.

Го чекам со душа јануари, полабави сме тогаш

Инаку веќе месец+ сум сама, колешкава замина на одмор па на трудничко, овие абер немаат замена да бараат.
Можно е една година сама на фронт да останам, ама ќе преживеам, хелексче и длабоко дишење, се' ќе помине.

 

Добро утро Ставам кафе за сите

Што убаво си се наспав синоќа, па и сонце сабајлево и троа почистичко ми стои, убав ден ќе биде

@SV1911 и јас бев како тебе, ма не 8 саати, 10 саати сон ми требаа да можам да функционирам нормално и им се чудев на тие со деца. Сега спијам по 6-7, среќа бебе си спие по цела ноќ, па свежа сум како никогаш. Има ретки исклучоци кога се буди, нормално, ама во принцип цела ноќ ја преспива, стварно грев е да се пожалам Кога ќе дојде момент, ќе се навикнеш и ќе го прифатиш тоа како нормален дел од мајчинството и животот воопшто. Чудно е што колку и да мислиш дека нешто не можеш, силом прилике сфаќаш дека не само што можеш, туку можеш и х5 од тоа. Кога ќе родиш, ќе сфатиш навистина што значи мајка и за што се' сме способни како мајки (знам, клише муабет на кој и јас превртував очи пред да имам дете, но навистина е така). Кога тие очиња ќе ме погледнат и тоа устенце со две запчиња ќе ми се насмее и ќе почне да вика мамама, нема тежина што може да ме совлада

Во Еквестриан имам седено неколку пати, јадењето им е топ. Не сум го пробала индиското, ама се' што сум пробала било превкусно. Па еден помфрит што имаат, како домашен, еден убав, меснат Мразам тврд, препржен помфрит. Овој е just right Договарам кафе со другарка, а нашите кафиња се мезе со салатка и ручек/вечера па може да се оди таму.

Ме заинтригиравте и мене со корејскава козметика, го манијчам тој тонерот од Хада Лабо, ама не знам дали тој во ДМ е истиот оној што е прогласен за најдобар светски тонер/гел, што и да е. А и скапичок некако, не е баш евтин брендов во ДМ. И кремите ми фаќаат око, а ми треба нова крема, мојата при крај ми е. Баш ќе ги разгледам.

Фотосесија на бебка никогаш не сум и правела. Дали сум воопшто мајка од денешницата?
Сега за роденденот ќе ангажираме фотограф професионален (наша познаничка), но само да слика таму, и бебка нормално да ја слика. Ама не класична фотосесија со посебна облека, па со посебни реквизити и чуда. Сами си ја сликаме со мм, имаме преубави слики од неа. Дома имаме урамено неколку нејзини фотографии, и сега имаме една идеја, која ни е скоро пред реализација. Ќе правиме цел ѕид со фотографии од нас, од бебка, од наши блиски, од значајни моменти... Нешто како фото колаж, во мали рамки на цел ѕид, само чекаме пријател да ни исцрта pattern (како се вика на мк не знам ) за како да се распоредени на ѕидот, мора да има некаков шаблон нели. Многу убаво ќе биде

И така, се распишував тро појЌе. Ај да дувнам една , па да се фаќам за работа

 

Јас вака.


Сонце кај нас пече, на сонцево топло е внатре сеуште парно загрева.

Уште корејска козметика ми фали да се шлапнам се друго пробав.

Поздрав

 

Добро утро
Мрдам ,жива сум ,да не ме мислите
Дури денес сватив дека нема што да облечам . Отварам регал и гледам само кушули од мм . Еден куп ,што по еднаш облечени ,што уште со етикета .
Ништичко си немам .
А па тие гумените чизми од Лидл ни еднаш не ги имам облечено .
Да најдам на некој да ги поклонам и деф да ми се чинат од пред очи
И шминки ептен на крај ми се . Не оти кој знае колку се шминкам ,ама пудра руменило ,маскара и црвено карминче редовно си ставам

Две кафиња од сабајле . Душава ми бара и трето ама нема ! И ова второво крадешкум го пиев .
Ќе пробам чај да почнам да пијам

Некоја тежина имам на душава . Толку ми се плаче на глас ,ама не можам . Да се исплакам чинам ќе ми олесни . Ама нема солзи веќе ,пустите и они пресушија.

Пак почнав со глупости ,нели ?
Ај да се качам до кај мајче . Ќе ми раскаже некоја приказна за партизаните ,ќе ми отргне мисли. Се научила во последно време на секое видување ми вели - Веро не ми се секирај дур не видам внуче не умирам. Не се брзај чедо ми вели ,дозволи на старицава да си поживее . Што и значи тоа не ја баш разбирам . Ама нека е жива и здрава ,сите да дочекаме таква старост . Жими се ,си ја сакам како родена мајка ,што ако е толку стара. И што ако е досадна често пати и знае да ме изваде од такт . Ама нејзината прегратка ме смирува повеќе и од бедоксин .

Ај имајте убав ден
Гушкајте дечињата , љубовчињата, миленичињата. Што да е .
Нека се шири љубов насекаде

 

Добар ден, да се јавам на рапорт...

Guess what, на толку зборење за бургери, сабајлево сплескав еден сендвич со плескавица од тиквички, од Spizzicotto. Таман ми е сега

Порачувам подароче за мм за роденден, т.е дел од подарокот е... има време, уште месец и десет дена, ама некои работи треба со време да се нарачаат, да не биде после трчанката. Се надевам дека ќе му се допадне. А другиот дел ќе биде новчаник, само се мислам од каде, последно во Том Тејлор видов, убави беа. Секако му треба, а сакам некој поквалитетен да земам, последниов што го има го користи сигурно 9 години. Јес да не е мрднат (ама не е од тука купен), ама да смениме. И сега ми текна да прашам, има тука во Мк Nautica?

Кафе или чај? Се мислам што да пијам...

Убав ден!

 

@Annath милам дека Наутика има во Lacoste продавницата во Сити Мол. Во истата се и Томи Хилфигер и Наутика (ако не се лажам). Машки новчаник јас на мм му купив од Том Тејлор пред неколку години, уште го носи и нема попуштено воопшто. Мислам дека не се кожа, ама се многу квалитетни

 

Бубче кога зборуваш за мајче мене срцево ми се топи а и слатко си се смеам со "Веро"душа мила туку нека дочека внуче да даде Господ па и нека си поживее да си се радувате заедно.

Добар ви ден!
Лежам покриена ме мрзи да го запалам каминот,прцулов на стомак ми лежи и ме лиже ме скокотка си уживаме.

Со маж вчера правевме план за купување стан.
Наш сопствен стан, желба дамнешна но ќе треба да си почекаме уште 6год да го исплатиме овој кредит па да земеме друг.
Но колку е убаво кога постои можност па нека се и 6 год.
Не бараме повеќе доволна е и гарсоњера само да си имаме наше створено.
Се надевам дека желбава ќе ни се оствари само Господ здравје да дава.
Гравчето ми крчка одам да правам кафе кој е за повелете.
Поздрав и имајте убав и среќен ден.

 

Директно од кревет ви пишувам.
Денес ме мрзи да станам.
Топличко,убавко и само прстињата ми мрзнат додека "лизгам" по екранот на мобилниот

За извини сте збореле, знам да се извинам но ретко верувам на зборот. И кога ми се извинуваат онака ноншалантно го примам тоа и не му се замарам многу.
Исто и јас кога се извинувам-мислам од куртоаЗија го правам тоа. Некако делата ми се доволни-и да не ми се извини некој, толку не ме здоболува колку што делата може да ме натераат да простам.

Не ќе е лошо да станам сега.едно кафе да си направам и да се освестам
Стомак ми е залепен за грб-многу ми се јаде наутро.со дупка во стомак се будам

Ај одам
Една слика во контекст на вчерашниот муабет во фамозната тема

 

Добар ден

Доцна легната, рано станата и капак на сѐ поболна од вчера. А на доктор нема кога да одам, маж ми е на работа по цел ден. Ај шо не ми е добро, ама кога не осеќам ни мирис, ни вкус, а и ушите затнати, се осеќам хендикепирано. Ќе се дружам некое време со фервекс и трахисан
Времето е одлично за шетање, се мислам дали да соберам сили некако да се облечам и да шетнеме со малово.
Инаку, и јас сакав на мм да му земам новчаник, некој поквалитетен. Само јас мислев од Мона, дека кожни. Мојот што го имам веќе трета година, не е мрднат. Ама може да проверам и на другите места што ги спомнавте. Му треба и нов ранец. Овој стариот ми доаѓа да му го џитнам, и му се заканив до н.г. да си избере, инаку ќе шета со стварите во рака

@Milobebence ќе биде побрзо од 6год., ќе видиш И ние така мислевме да исплатиме кредит, па нешто да се продаде, ама така се наместија коцките испадна многу порано. Претходно живеевме под кирија некое време, и дури тогаш ни се смени мајндсетот. Кога си настрана од сета негатива што те опкружува, поинаква е и енергијата.

Имајте убав ден сите

 

Му имам земено на дм од Том Тејлор, 4 или 4 години веќе го користи, моја препорака

 

Јас лани од Спрингфилд купив. Добар е, малку мал но не можев ништо убаво да најдам тогаш.
Годинава повторно, и роденден и нова година ич немам идеја.

Е за себе смислив што сакам само да кажете вие од онаа Кали за чевли продавницата дали сте задоволни?

 

Дај Боже да е така

 

Мачкава трча и брефта со исплазен јазик... како куче
Убав денот, за убав... јас не чинам


@SV1911 ако не спијам барем 8 саати, ко несалам сум после
Кога се роди малово, првата година немаше никаков ред во спиење.
Ептен ми беше тешко. И тоа допринесе да ме фати постопородилна депресија.
Среќа свекрва ми и свекор ми ми помагаа (преку ден) ... иначе, не знам како ќе испаднеше сето
Ако немаш баби, дедовци, ќе си платиш жена да ти помага, и дома да си..
Другарка моја така ги истера сите 3.. со жена за чување, цело време.. Ко дел од фамилија им стана.

 

Стигла пола плата, што пие кафана?

Таман рентата да си платам, со другата пола сметките и нешто за мене. Имам еден куп обувки, се сторив 100кг и нема облека да си купам, ќе чекам да ослабам *чекавеќе4години*

Синоќа гладна, гладна, одам дома, цимерајски ми појеле вечеру. Ми оставиле на дното, колку јас да си измијам. Фино лепо си легнав.
Сабајле се разбудив со незавидна главоболка. Мерев притисок, 130 со 80. Зошто ме боли главава, таја си знае. Јас еве не знам.

Пола друштво ми е на Шпански острови у шетња, другата пола на копно во Шпанија, јас еве Лондонов го шетам дури идам на работа. Можи затоа ме боли. Така лани не појдов Тенерифе, сега пак. После другите ќе немаат денови и јас пак ќе си останам на работа 24/7.
Кралица на погрешни одлуки сум. Цела година сум така.

Инаку да се пофалам веќе грло не ме боли. Го исеков, затоа. Го видов господ по долен веш од болки, ама помина. Сега главоболкава ако продолжи, ќе гуглам и тоа, да ја сецнат

Инаку, барем за мене, козметика ми е џабе ако имам лош животен стил. Јадам џанк фуд и сакам нежна кожа. Е нема. Мора прво тоа да средам, па после козметики. Подочњаци толкави очи отечени од спиење, вчера 12 саати синоќа 10.

 

И ја сум спанка,мислам 8 саати ми е неопходни за да го истерам денот,ама сум прилично активна,речиси и да не седнувам нит мирувам.

Жена не би сакала во близина кога ке имам бебе,мислам дека тогаш ко мачка ке се однесувам.Едноставно ми смета присуство на “странци” дома.Овде дека се прескапи градинките,балканците земаат девојчиња или жени од доле,и живеат заедно со нив.Нема шанси да живеам во таква заедница,многу сум “тешка” за делење домашна приватност.