Ние околу и преку 40...

Добро утро.
На тераса шмркам кафе и ве читам, не можам да се освестам уште. Малиша го станав рано, немам намера да седам секоја вечер до 1 ко он што си се уседува, па ова е единствениот начин.
Работата си ја сакам најмногу искрено и затоа и со задоволство одам нели, ама па 11 години фрлив во администрација и уште се прашувам за што завршив факултет.
Некој ќе рече за себе... Не, завршив да докажам на моите дека можам, а парите се дадоа беспотребно. Еве, пак сега пари за обуки, курсеви и сл. Подобро од одма да си завршев што сакав да работам. Ама немав поддршка од дома. Да не беше мм уште ќе тапкав во место.
Он ми е карпа.
Ај доста цепидлачам, бујрум кој е за кафица.

 

Пред шест години и јас бев 26, ама сега не сум. Сега за таа цена, само некаде зад на Господ грбот ако се најде и тоа прашање е какво ќе е...

Јас не сум 'лошата' цимерка ако така ме замислувате.
Не сакам да испадне фалење, ама јас чистам, јас садови мијам, јас џогирам, јас се. Кога се фатив да чистам првиот пат кога се вселивме, она ми вика, чекај да допушам цигарата, јас ќе излезам па ти чисти. Оооок.
На рацете ноктите и паѓале од садови миење. Јас имам егзема на левата рака. Ама пак оооок.
И не планирав да бекнам за ова, ете така бев решена, јас ќе чистам само мир нека е.
Ама за едно замижи, за друго...она почна на глава да ми се качува.

Во 4та на фах, седев прв пат во студентски. Во Гоце. Цимерката прв пат ја видов, ми рече и дечко и ќе седел со неа, ќе работел. Како гром од ведро небо да ме удри. Не знаев што да кажам, па само реков добро. И така теравме цела година.
Јас ебење не чув. Шлапотење, пофаќање, исто. А деца бевме што се вика споредено со 35 годишнава ми цимерка.
Алал да им е.

Обврските беа поделени. Нејзиниот дечко чистеше повеќе од сегашнава цимерка.
Па и на свадба им бев. И редовно се гледаме сега кога дојдов во Ск.

Така да, трпам јас. Ама нешто не се трпи.

Ај добро утро сега. Кафето сварено со по неколку цигари и арбајтен. А сакав ноќва да трае 24ч .

 

До пред 6 месеци живеев под кирија на Ленинова 70кв стан за 200 еу...

Денеска видов за 180 евра кај Пелагонија се издава спрат од куќа 60 кв... ако се бара се наоѓа. Само среќа прекинав да барам.

Ако даде Господ ќе издавам. Некогаш.

Од цимери и цимерки, иам над 20. И убаво ми беше. Ама од сам поубаво нема.

 

@Emy867 ич не ми личиш на некоја која би го преќутела се’ во ова.
Да ја седнеш и да и испееш се,па не те примила во свој стан гратис.
Претпоставувам она го нашла,па се понаша ко газдарица.И да,цимерство на 20 и кусур и 30+ не е исто,треба да се има малку повеќе осет.Плус немаш нерви да трпиш она што како студент не ти сметало ама ич.

Ај добро утро
Пука,плус среда,полесно се дише.Имајте убав ден

 

Добро утро.
Подобро ми е од вчера фала богу. Посвесна сум. Не сум веќе замаена
Дојдов на работа да удрам една организација па ќе излезам на кратко.
Маш ми подари нов тел ама немам картичка за тој, па да си завршам раб во вип јер не му даваа на него, морало јас да се потпишам. Небаре за бубрег се работи ВИкам ко ќе отидам утре ко ќе ги подберам..немој Лили жити ја не се они криви. Ааа викам тебе некоја ти се свиѓа од таму чим вака ги браниш ремет малце падна нормално
За кирија...хахах. Не знам дали да зборам зашто пред некое време една членка ми префрли демек-ти глеј си киријата да ти е платена не знаев дали да се смеам дали да се чудам.
Сум живеела под кирија и сама, ама највеќе со маш ми откако се зедовме од прв ден сме под кирија. 5 год! Живеам за моментот кога нема да мислам дали треба да платам или не. Баш и денес чекам газдава да помине да му платам Може изгоревме еден куп пари, може една куќа дадовме во кирија, ама мирот си го купивме дур да ни излезе шансава за куќа. Не сум плаќала повеќе од 11 000 денари. Јас сум ценкач невиден, не оти сакам, туку маалово овде е такво. Не може 150 еу да е еднособен и 150 еу да е гарсоњера. Кога живеевме во гарсоњера плаќав 7000 ден. Сега во еднособен нешто помалку од 11, и тоа со ценкање све. На културен начин. Јас ти давам олку со тоа што имаш бенефит, може да склучиме договор на 2 год минимум. Ако ти одговара. Ако не ти одговара дај го на студенти, што да ти кажам. Ние сме сериозни луѓе.
И тука од корен ги сечев. Знаеја дека минимум 2 год ќе им е раат глава. ВО овој стан кај што сме сега сме баш точно 2 год до утре. И се надевам за 6 месеци максимум нема да сме повеќе тука. Стискајте палци што побрзо да почне пролетта за нас
Вие арни ли сте?

 

Не Дуни, јас го најдов, јас капар оставив. Она се беше на состаноци. Дали тоа ме прави газдарица? Не.

Јас се правам. Затоа и ми се посрааа на глава. Дечково дома нема таква комоција ко тука што има. Ама треба и повеќе од тоа, очигледно.

 

Некогаш човек преќутува само за мир во куќа да има. Пошто си викаш, ако од одма почнете да се колете, шо ќе биде...треба нов цимер да бараш после. Не може на сто фронта да се бори човек. Бар еден да ти е 'океј' гледаш и да крпиш...дур туркаш на друго место. Али па...се си има граници.
Гуд морнинннггг!
Од рано,рано у погон. Мада мозоков ми е ко распрснат од глупостите што ги сонував, а немам поима шо беше. Стандард, немам време да дишам али ја се пријавив за обука и ќе утепам на обука сто саати пар денови, а тон работа имам смотањак.

 

Не сум имала цимери не сум имала секс у станови со други луѓе присутни, не сум до толку егзибиционист. Ни комшии сум чула да стенкаат, или можда ич не ми е гајле па не сум приметила.
Прагот на толеранција ми е качен високо у последно време, ваљда тоа иде со годините.

Цртан си пуштивме. Што има врска што имам работа па и ме проверува дали гледам непречајно.

 

Ај добро утро,
За тоа преќути за мир у куќа, преќути да не се налути некој.... Е затоа сега јас се акам по болници и сум станала нервозна и избувлива, а другите супер се
Седев со цимерки 5 год. Со сите(скоро со сите ) бевме погодени.
Една цимерка кога дојде во студентски(една год. Живеела во стан) , јадеме тортички и ние 3 стануваме и фрламе ќесичките во корпа, она остава на кревет. И викаме фрли во канта, е де де што сме и збореле така она не знаела како треба тука, она во стан живеелаИ викам е добро де, не си живеела во прашума до сега. Јадеме, сите стануваме раскреваме, вариме кафе а она нокти турпија. Сакала да одмори Е богами нече мочи.

Еми плус плаќа за станот, не живее со дете, туку со возрасна жена така да не би требало да преќутува. Или прави и го истото што и она па нека се свести(ако има свест и совест)
И друго е дома со маж и фамилија да трпиш и да те трпат, а друго е со цимери.

Се гледа дека уште ме држи нервоза
Ајде убав ден

 

Добро утро, добар ден
Надвор сонце, а ја мора да работам
Со цимери не сум била никогаш, а сум имала другарки по студентскиве, имало убави дружби. Сега може да се каже, сме цимери дома, со тато, мама и деца, секој си го брка својот филм ама и обврските

Убав денов

 

Хело
Дојдов само да ве поздравам со едно кафенце

Спојлер

 

Се наоѓа.
Ќе си бараш стриктно за сама да живееш. Кога го слушнат тоа пуштаат на цена.
Мене кирија и сметки во стар Аеродром требаше да ми се нешто над 200 евра, кога слушна газдарицата дека сакам сама да живеам и сум за подолг период сама ми спушти.
Другарка моја е исто во комшии, и спуштил газда па плаќа нешто под 200 евра кирија и сметки.
Во еднособни станови сме и двете.
Кога гледав беа еднособни станови/гарсониери ретко беа над 200 евра, а централно градско подрачје гледав, оти сакам да пешачам, не ми се матка по автобуси секое сабајле. Плус дека сама, сакав да не ми е страв и да излезам и да се приберам.
Е, проблем е што немаат осет што издаваат луѓето. 160 евра за смрдлива распадната гарсониера, па одозгора и гордо вика "Дома во селото од кај што идеш поарно да не ти е?" Па да, поарно ми е.
Шупи и гаражи направени во гарсониери: "Види, сѐ реновиравме, многу е убаво". Шипинки убаво, за два дена би се обесила да морам таму да живеам, а четири/пет години во студентски поминав.
Не е проблемот цената, се наоѓаат пристојни цени за станови. Проблемот е што стварно немаат осет што издаваат па мора да си го трошиш времето шетајќи по гадни, стари, полураспаднати станови оти мислат дека го фатиле Господ за муда ако имаат еден стан за издавање, па тие од "селата" не знаат како изгледа нормален стан за живеење.

 

Добар ден друшки!
Како сте ми?
Јас само да се пријавам на рапорт да ве поздравам.
Ви направив кафенце и доручек.
На здравје да ви е повелете.

 

Нешто што " граѓаните" не го разбираат. Ако идеме од село, не значи дека сме живееле во плевна. Или како што мислат тука, во пештера.
Колега падна на гз кога му покажав гугл стрит вју од мое село. Куќи, коли, "луксуз" каков имаме.

Добар ден
Јас болна. Повеќе нема што да се објаснува. Се ме боли. И тело и душа. Врне, кокал ладно е. Сите околу мене се болни.
Неизвесност до крај со брегзитот. Ќе не биде или не.
Притисоко па и тој ме зеза како си сака...

 

@Milobebence не ми прај вака жити ја ќе отиде диетата у неповрат.

Значи не сум ни за до вип да ме пушти човек. Го нападнав попустот во Сара Фешн. Наметката што ја сакав си ја зедов за упола цена Сега гледам едни гакички М сум зела...тешко дека ќе ме зберат, не знам како не приметив таму, ама ај, ќе ги заменам утре.. и знам дека нема само замена да направам
Одма закажав депилација за новата ми спаваќа и наметка, тоа не се носи на недепилирано колешкиве викаат ти ваква дотерана и трето ќе родиш у пакет со второ Ааа велам за трето треба и фризура Иначе сега ми текна за еден стан што го гледавме. Газдите толку го јачаа јер имал гоооолема тераса (8м2). Намештајот хаос. 7 колена починале од старост на него. Велам фотељиве не ми се допаѓаат, гломазни се и зафаќаат место. Би сакала да ги извадите. Ааа епа добро де, стајте ги на тераса. Да важи одма. Си се свртев и си излегов. Моменталниов газда во сегашниот стан сакаше биро и машина за перење да чувам на тераса. Ако велам ќе ги ставам, ама кирија 1000 ден помалку. Не може цела тераса да е со нефунционални работи а да плаќам ко да имам терасиште еден куп. Машината си ја зеде. Бирото е во ходник кај лифтот. Нека скапува, ич не ми е гајле. Негов проблем, му беше кажано, се сложи. Има и такви што мислат станот им е луксузен ако гарнитурата е купена 2006 год. Сешто има. Има и неисчистено што оставиле си отишле и газдата не сака да чисти да ти треба да си чистиш....
Маш редовно вика во иднина да сме издавале ако имаме. Јас сум против. Налет пари кога е трчкање ептен. И за да издаваш е лошо, гнасен народ сме. Што имам влезено во еден стан, девојчиња седеле. Луѓе па во кочина за свињи е почисто.... срамотилаци.

 

Како ми се припи од кафево на Кравче Туку, кока кола да не тура овој?

Какво турбо утро имав, ама ако. Сакам кога сум продуктивна, особено наутро. Ќе си ги завршам големите работи рано рано и после раат сум. Времево сончево, ама мами, ладно е сеуште многу. Никако да попушти студов, се надевам уште месецов и толку ќе биде. Ама офисот ми е цел со прозорци, осветлено е, убаво и сончево, па ме грее сонценце и на биро

Се поткаравме со маж сабајле, па сега си се лигавиме на вибер, се смируваме и си праќаме бакнежи и срценца Не не држи лутина ни двајцата, мене па ич. Ама па заради таа особина се караме секогаш за едно те исто, односно за тоа што на секој мој кажан збор мм мора да стави капаче. Абре аман остај ме да зборам, не мора и ти одма да се надоврзуваш Ама мора неговиот збор последен да е, а мене тоа од такт ме вади. Смешни сме вака од страна да не гледа некој кога ќе размислам

Имам и јас слоу кукер, не ми текнува која членка го спомна. Многу пати сум се мислела да го уклучам сабајле пред да одам на работа, да го наполнам со што мислам и да го оставам да се готви додека сум на работа. Ама шубе ми е, струја е сепак, а никој нема дома преку ден... Сум го оставала навечер додека спиеме, ама сепак сме дома. А не сакам навечер зошто сепак мириса, а спиеме. Сте го оставале ли вклучен кога не сте дома?

Колку имам за пеглање, не ми се оди дома после Планини ме чекаат Ама затоа, братска делба. Маж ќе зготви нешто за јадење и ќе пушти и пружи машина и среди садови.
Кога сме кај тоа, со цимери не сум живеела никогаш, но и додека бев со моите, а и сега со мм, секој си има(л) свои обврски. Поделено ни е се дома, и обврски околу дете и домашни обврски и чистење. Нити е куќата само моја, ни детето е само мое, така што секој си зема дел од се и нема збор тука. Едногласно се согласивме на сево ова уште пред да почнеме да живееме заедно и одлично функционираме. Првите месеци од заедничкото живеење ни беа малце шкљ, додека ги запознаеме навиките еден на друг, оти друго е врска кога живееш заедно и кога не живееш. Ама после тоа се се среди

Ај да видам со колешкиве каде ќе се пие кафе денес, се ближи време за пауза

 

Добар ден, друштво!

Некоја мрза ме фатила, ништо не ми се прави, апсолутно ништо!

Вака некако се осеќам...



Да пробам да не го потрошам денов за џабе..

 

Јас појадувам па да ви чкртнам некој збор

Класика цимери сум немала, само во сад ама па и тоа не беше класика цимери, две девојки бевме сами и еден пар, три спални имавме, во едната беше девојката една, во другата беше парот, во третата бев јас, јас имав сопствено купатило, а тие тројца посебно, заеднички дневна и кујна имавме. За чистење се договаравме, а за миење садови јас си купував за себе пластични оти мразам да мијам садови, а машина немавме, па миев само ако некое тавче, тенџере користам, инаку генерално живеев со храна од микробранова и салати или пак јадев надвор. Другиве си миеа секој свое (и јас, кога користев).

Мене ми беше многу убаво искуство, прв пат бев сама и морав сама за себе да се грижам, пуштав машина по Скајп со мајка оти претходно немав пуштено и така, тоа искуство ми вредеше многу во животот за домаќинЦки работи.

Денес не си ја сакам работата, оти да ми никнат уште пар раце нема да постигнам ама тоа е, и вакви денови има

Убав ден друштво

 

Денеска смрзнав.Плус и ќе се грипосувам,носот тече, грло ме наболува.
Само да не ме фати ептен оти мав ми е работата.
Мм е денес на ред по болници,со свекор ми...Мислам уплав имаат од нас докторве...
Ај да се фатам за работа...доста мрчам ,ништо нема да сменам...

Од муабетиве ме фати носталгија за цимерскиот и студенскиот живот.Често се сонувам дека со цимерката сме имале уште една година за доучување и на сонот сум ептен радосна.А тогаш трчавме уште во септември да дипломираме.На 22 години дипломиран,па маѓена на 23 мајка.Будала работа...