Ние околу и преку 40...

Теди не знам со што се соочуваш па не сакам ни да коментирам оти нели на човека не му ја знаеме маката ама очигледно е дека ја имаш.
Држи го маж ти, кажи му го се ова што тука го пишуваш. Седнете разговарајте... ослободи ја душата..
Ако не на него на кого?!
Може ќе ти дојде подобро...
Може згора на целава ситуација и пост породилните хормони си го прават своето.

Излагај... сонце нека те фати шетај купи си нешто за себе за душа разговарај оди на кафе не се затврај дома.

 

@TeddyGrey 
И јас се жалам тука деновиве па некако лицемерно ми е да речам се ќе се среди. Ама ете, и мене овде и дома ми дадоа совет - мораш да бидеш силна заради тоа малецко што е покрај тебе. За жал, животот многу рано ни приредува јаки стресови и нервози и лесно губиме нерви и трпение. Барај некој светол зрак(освен ќерка ти која е најсветол, секако) да мораш да продолжиш со животот. И пишувај, искажувај се. Јас ете често плачам, што не е добро, ама да не беше плачењето, до сега не знам кај ќе завршев.
Те гушкам и ти нудам поддршка во секое време

Добар ден,
300 планови имав за денес и ништо. Сакав да излезам до град, да купам нешто ептен ситно за 8ми Март на бабите, ама малата некако ми се утоплува (Марфи нели ми е другар). Отиде она кај баба и дедо, а јас седам по пижами и не знам шо да правам. Уствари сега ми текна, мм заборави да ми остави пари па кај ќе одам по ѓаволите Ама ете on the bride side, ми се реши дилемата

Убав викенд и дај боже сите да пишуваме поведри и посреќни постови

 

Да легнам со мокра коса зимно време - сабајле ако станам ќе ми биде здрвена главата со се перница. Тоа од синоќа.
Е сега добар ден како што е ред.
Кога стана збор за турското кафе-во последно време ни едно не ми се допаѓа. Купував гранд ама и него го расипаа. Какво кафе купувате?
@TeddyGrey

Spoiler

Постојат три стапици со кои нечестивиот ни ги краде мирот и радоста. Жалење за минатото, страв од иднината и неблагодарност за сегашноста. Авва Антониј Велики
Ако имаш темјан прекади си дома и испрскај си со света вода.

 

Јас купував Браво со награда, вчера купив вакво, и се гледа дека е јако кафе. Па ако не си пробала види, еве јас и со гратис лимена кутија го земав

 

Истото го пиеме Мене ми е одлично. Од каде купи со гратис кутија? Многу е убава.

 

@friendy јас турско само Агроплод пијам со години. Има и арома и вкус на право кафе, Грандот одамна го расипаа. Пробај го и види дали ќе ти се допадне. Сите гости ме прашуваат стално за кафето, и кога варам баш цела куќа мириса, онака како порано баба ми кога вареше. Го имам запаметено тој мирис во нејзината куќа и кафево ме потсеќа на тоа. Превкусно е

 

Стварно? Агроплод не знам од кога не сум пиела. Баш ќе земам деновиве, ме заинтригира
А има ли уште Дон кафе? Ние порано тоа многу го пиевме, ама го немам видено низ нашите маркети. Може само во Србија го има. Или не се ни произведува веќе.

 

Извини ми те молам, не е моја работа и се убацам ко џокер. Но постара сум...
Имаш маж што сака да ти помогне, дете..а ти толку потоната???????
Не ми е јасно, го имаш најбитното....!??

 

На работа пијам Агроплод,само такво има ,а сома Браво.А порано нон стоп певе вакво гранд арома.Треба пак да земам да сменам.
@TeddyGrey потполно те разбирам дури и на тоа прашањето што го постави

 

Па да беше се црно или бело...
Да, они ми се најбитни и од нив црпам сила.
Само го искажав тоа што ми тежи.

 

Мене пак Агроплод на се ми мириса само на кафе не.
Моментално Минас ми е најдобро.
Ама реално ниедно кафе го нема оној мирис на право кафе.

До сите на кои им е поребна...

 

Во ред е душо!
Се пронајдов и јас со тебе, па затоа се уфрлив, безобразно од моја страна...извини уште еднаш.

 

Градината за којашто напишав пред некоја страна (метафорички напишано) всушност го симболизира умот. Ако се грижиш за него, го негуваш, оплеменуваш тој ќе цвета повеќе отколку што очекуваш. Ако допуштиш да зарасне со троскот и плевел, никогаш нема да имаш постојан мир и внатрешна хармонија. Какво ли не ѓубре фрлаат многу луѓе на плодната земја на својот ум секој ден како на пример каење, вознемирување, црни мисли за иднината и многу други самосоздадени стравови кои прават пустош во твојот внатрешен свет. За да можеш да живееш максимално исполнет живот, мора да ја чуваш вратата од својата градина и да допуштиш влез само на добри информации. Веселите, задоволните луѓе не се разликуваат од тебе или од мене или од било кој само по надворешниот изглед. Сите сме од месо и коски. Доаѓаме од општ извор. Тие што бараат повеќе од животот, тие што ја разгореле жарта на потенцијалот нивни ја почувствуваат магијата на животот т.е. се разликуваат од другите кои живеат свој вообичаен живот. На некој начин го присвојуваат позитивниот став за светот. Поздрав и секое добро.

 

@Heartagram браво, многу убаво опишано, и во претходниот пост и ова сега. И точно е баш се и така е. Нели, какви ти се мислите таков ти е животот

@NarCis@ јас од маалска продавничка го земав, ама да видиш во Тинекс или Веро, они веројатно би имале. Лименката е многу интересна, ме потсети на детството, баба секогаш имаше слични лимени кутии во кујна

 

Добар ден и од мене.Вчера и денес денови за покој на душите на заминатите,лесна нека им е земјата.Штотуку си дојдов дома,народ,гужви,градов,тоа што е останато во него преселено беше по гробовите,повеќе има таму одколку во градов кој полека се празни.Една голема гушканица за подршка на @TeddyGrey не знам со што во моментов се справуваш,но душо моја знам дека имаш сила да се справиш со се,пред се и само поради бебчето на кое му требаш сега,а и во иднина .Нема да те лажам,да,животот е тежок,претежок,носи еден куп разочарувања,кај од блиски,кај од подалечни,но верувај дека човекот е потврд и камен,нешто ќе помини,поголем дел ЗАсекогаш останува како лузна во нас,но наше е да издржиме баш поради оние на кои им требаме

 

Значи морам овде да се испукам.
Толку луѓево постанавме егоистични,саможивни незнам како да ги наречам веќе.
Страшно ме изнервира една блиска.А бре не мора за мене ама за внуче од најблизок да си толку без емпатија,без осет незнам. А толку си правел за нив...што е и нормално и правилно.
Не сакам да пишувам до детаљи ама вријам,а ретко некој дотолку може да ме налути.
Сега од вас да побарам услуга а верувам дека најмалку 4-5 ќе ми пишат,а свој најсвој возрасен што на уста знае циле миле НЕ.Ама и детево почна да ги согледува некои работи барем....Сега чекам маж нему да му се истурам иако обично премолчувам.

И што ми е најжал што и јас ќе мора да постанам таква,да не ми е за никој гајле,а несакам и неможам.

Каде отиде човечноста,топлината на овој балкански народ?Не бевме бре вакви,по пат да остане патник непознат порано ке му помогнеш од душа,со јадење ,дома ќе го прибереш... а сега значи навистина сме за никаде постанати.Штета за нас како нација ,за децава што раснат.Постануваат како осамени волци,егоистични, ладни...ама и осамени за жал.

 

Нема веќе човечност...на ЖИВОТОТ му падна цената...секој гледа само себе, само он се вреднува а другиот не.

На улица ќе крвариш и ќе искрвариш, но никој нема да застане оти колата ќе му ја испрљаш.

 

Ај добар ден.
Денес ми беше ден за возење точак. Се издував малку, плус бев и до ДМ и се заборавив. Битно најдов се што ми треба и рикверц назад да не ме фати дожд.
Од кафиња, периодов дома пијам само нес и инстант. Со турското сум скарана повеќе од седум години. Кога останав трудна со големата, ни мирис ни вкус поднесував и така остана.
Денес во план чистење и перење. Нема да бидам домаќинка, па пица за ручек ќе порачаме. Ама затоа утре ќе месам кифлички и ќе правам ручек
Ај убав ден имајте, јас отидов да бојам со големата

 

@mareane и јас му викам на мм често - околината и леѓето те прават да станеш лош човек. Гледаш да помогнеш на некој, да не му се ситиш на маката, ако е нервозен некој гледаш да смириш ситуација за да растерети мисли а не да му додаваш спл на рана. Ама... Ама луѓето станаа без осет, злобни себични, љубоморат и гледаат само да те искористат. И најжално е што повеќето што го прават тоа се блиските. И полека ти се губи вербата во луѓето и стануваш и ти ладен ко камен....

Само греота за децата наши, во каква средина ќе растат со какви вредности...

 

Тедиии....
Многу добро го познавам 'тонењето'.
Ама знам како е и кога ќе 'испливаш'.

Ќе испливаш. И ќе ти се наполнат со воздух плуќата, толку силно, шо ќе ти се чини дека ќе ти испукаат