Ние околу и преку 40...

Добровечер.
Едно 16 пати се спремам да го поставам прашањево, и еве веќе сте ја начнале темата. И јас памтам дури бев дете, нон стоп инекции, па cave penicilin( алергиска реакција, со осип, со се), па некои други инекции (вибрамицин ваљда), итн... Кога потпораснав, ги пиев антибиотиците орално, фала богу госпожа кандида редовно гостуваше. Сега, со малата, за инекција не знаеме, антибиотик строго орално ни даваат. Ама антибиотик орален, руши цревна флора (редовно е со Пробиотик ама којзнае дали и колку брка работа). Досега не сум чула за испитување на цревната флора, дека некој доктор со тоа ќе се замара.
Прашањето ми е, (за подфорумот Отворено со @Alishan30 ), вистина ли антибиотик орално е помалото зло, или едноставно е попрактично за сите?

 

А зошто не сакаа да ми стават на дежурен?
Докторката вика ќе се исфрлиш зошто сум пиела амоксиклав, и под друга терапија сум, ама баш заради амоксиклавот цела ќе сум се исфрлала.
А и на инфективна пред месец дена после амоксилав само после три дена после интензивни инфузии ми дадоа панцеф, па сумамед, со истото образложение.

Лудило ме фаќа веќе. Се испокарав со дм, да не ми се обраќа, зошто ми понуди да ми направи супа. Сега криво ми е, ама ќе ќутам и гаргарам де лимон со сол де сода бикарбона. Заб не боли вака како ова, да не ти се верува.

 

Мене многу ме чеша, и кога го чешам, отекува и се разранува. Раничките брзо зараснуваат, ама местото останува суво и потемно од другиот дел, како модро-црвено е. Имам забележано дека кога сум под стрес (читај анксиозна) ме чеша ептен. А кога сум посмирена, немам мака.

 

@Lilit извини не разбрав убаво, гнојна ангина имаш или грлото е?
Ако е ангина немој топло никако, првиот пат ко имав (и лежев в болница ко што спомнав) се прошири на цело грло поврзана ми беше брадата со вратот, жешките супи и чај уште повеќе придонеле според докторот. За болка те верувам, уште имам траума, плус без анестезија ги сечеа ќесите.
Ладно е подобро.

 

алергична си на стрес?

 

Не знам. Изгледа. Ова ми е првпат да ми се појавува нешто како реакција на стрес.

 

Гледам само модро црвени крајници. Претходната недела имав гнојна ангина ама со амоксиклав и подобро беше. Само што го прекинав пак се врати болкава, црвенило, отоци, гној не гледам, ама болката е идентична, дури поостра од претходно.
Не, не, топло никако не, ладна супа ќе беше, за јадам нешто, демек полесно да голтнам, па он си го изеде...

 

Стандард шема вечерна си терам,синче и мм излезени,јас си кулирам и си полнам цигарки,патем и винце си тегнам црвенко.@Annath на малецкото секоја му чест.Генерација сум која беше редовно боцкана со пеницилин,тоа даваа,грло,температура нема мрдање одма.Колку имам бегано само јас си знам,еднаш дури и и опцув на сестрата,сум слушнала некаде -е...и пеленчето што си се повила,и ни две ни три на сестрата,а малецка бев.Во трета реонска,така се викаше диспанзерот каде примавме инекции и уредот,па од како опцув позната станав таму,сите сестри ме зезаа,црвче бев,толку разбирав.Ама сега кожава за тапан не ја бива,само за решето од тоа иглите

 

Трета Реонска бе!

Јас првиот шамар од татко ми го јадов за кристална инекција.
Имав негде... 6-7 години...
Паничев дека ќе ме боли, мрдав ептен, а чоеко в раце ме држеше.. и' 'летна' на страна иглата на сестрата, од шо мрдав, за малку ќе ја скршев в нога.
Ми залепи еден шамар тато и после, уште една инекција ми шибнаа..

Го памтам многу убо, оти тој му беше прв пат да ме удри, а вториот и последен, на 18 ... ко си дојдов во 6 сабајле еднаш...
Сите станати за на работа, брат ми за на школо, а јас, влегвам, па уште паметна се прам:
'Шо сте станале толку рано?'
Ко ми вдена една шамарница преку муцки, така ме остај....
Знаев дека сум крива, па опашката в г*з, и си се повлеков в соба.

 

@Biljarkata полесно е,попрактично, дозата е иста. Траумата е помала за разлика од инекција, зависи како ќе се стави, може да боли, може да му се слоши од страв на детето. Зависи од индивидуата, над 6 години може кај дете таблети да голта, може инекција, зависи од тоа како ке одлучи во моментот докторот. Јас искрено секогаш орално пробувам, ресорпцијата е побавна, за разлика од париетално (интрамускулно), ако гледам дека е појака инфекција одам со инекции, комбинираме.

@Lilit си имала ангина скоро, имунитетот ти е намален, можно е сега воспалението да ти е вирусно, затоа не брзаат веднаш со инекција пеницилин, треба брис, доказ дека пеницилин би ти делувал. Мислам дека заради тоа не ти ставиле инекција. АСО си испитала? Можно е само вирусно воспаление да е, па нема да ти делува инекција.

 

Може да ја повторило, оти рече го прекинала Амоксиклавот, не ја разбрав дека испила цела тераписка доза. Многумина тука грешат, го прекинуваат антибиотикот штом се осетат подобро, и тука е грешката. Еве, малово мое одамна е подобар, ама терапијата не ја прекинав, десет дена ќе си терам, денес осми ден.

 

Јас дојдов да се фалам, а не да се жалам.

 

Не го прекинав, цела доза си испив една недела. Антибиотик не прекинувам никогаш.

А АСО немам испитано одамна, црп и седиментација, црп покачена, а седиментацијата долго време е висока побааги ама друго е во прашање, нема врска со ова.

 

Сабота е, малку музика.
Песната од глава не ми излегува, а и Грашо ми е згоден
Цел ден ми е на рипит, дури и синко ми ја пее, па и ми вели пуштај мама пак.

 

Од инекциите пеницилин ми се направија цели ореви на задникот. Не знам дали тука имам кажувано кога после една недела примање пеницилин, требаше да примам уште две инекции наеднаш од еден лек, поим немам како се викаше, и двете игли заглавија во такво топче, а на различна страна. Сестрата пребледе, јас ќе се онесвестев, а имам висок праг на толеранција на болка. Заглави иглата, ни напред, ни назад. Лошо. Ама подобар лек за гнојна ангина нема. За два дена можеш на караоке да пееш
Инаку @Annath и мене кожата ми реагира на стрес и умор. Мене ми се прават големи црвенила на лицето кои пецкаат и чешаат истовремено, кожата е многу жешка и плус лишаи. Лек не најдов, дека на психичка база, само една маст колку да замаскирам симптоми.

 

Извини тогаш, погрешно сум сфатила кога пиша дека си го прекинала антибиотикот.

 

Извини па ти, не сме се сфатиле.

 

Викторија се јави, навистина се јави.

Има некој?

 

Еве се вратив да допишам на тема разно, а овде сите заспале. @LiliBoz ја нема да праи журка, затоа веројатно...
@Annath јас мислев дека имаш егзем или немаш конкретна дијагноза? Задодуша со кожните болести (или мене таков нелекар ми се погоди), никогаш не си на чисто. Мене ме убедуваа дека имам егзем, ама се појави една многу студена зима , нон стоп раце во вода, (ко ќе размислам, па и стресна зима беше)...па се смири ... па кога огреа сонцето во јуни, ми се активира алергијата на сонце, на вратот, инаку цела сум покриена, и пак ме убедуваа егзем било, не алергија на сонце... И после се ок, освен шо морам да мачкам спф 30 и долги ракави, а ненамачкам, ете го пак. Јас вака неинформирано, мислам алергија е, и со тоа убедување ќе си поживеам. . А фамозниот егзем, кој ми се појавуваше на раце, оваа зима не се појави. Вистина не беше многу долга и ладна, ама и кремот од лидл морам да го пофалам, ми се погоди како ништо друго.
За фалење и благодарење, мислам @NarCis@ негде препорача добра пудра за сува кожа, буржуа нешто...И конечно, купено, пробано, , буржоазија...10 години помлада за само 10 евра. Благодарам, ептен, најептен...
@JuLleE дерматитис и целиакија се блиски другарки, ама кога ќе исклучиш глутен би требало двете состојби да се санираат, ова со кожата е ново, или од поодамна ти е.?
Денес сабота, најдолгиот ден во неделата... Добра ви ноќ и уште ви подобро утрешно утро