Ние околу и преку 40...

Мареане вчера напиша нешто со кое потполно се согласувам.
“Па не е можно баш сите овде да сме се собрале нај,нај од ова наше труло општество.”
Да сме барем 50% од тоа што се прикажуваме.
Не ми се пушува на таа тема, одамна изгубив надеж дека ќе се оправиме како држава. Ниеден закон не функционира. Ништо не функционира. Се е секаде со врски. Ретко некој со квалитет да успее, освен во приватните фирми на странски сопственици, кои се и малку на број.
@Emy867 Се надевам дека мајка ти ќе се оправи многу побрзо.

 

Јас плакарите до ниедно време ги средував вие сте се спукале абе гледајте си животот и дома оџакот да ви чури оти од многу кажување фајде нема...
Денес поспав за промена уште еден сат повеќе сега кафенце и ќе одам на пазар да купам нешто оти има место во фрижидерот и за јас да седнам.
@Emy867 брзо опоравување на мајка ти и посакувам...
Убав ден !!!

 

Добро утро.
Сабајле ѕвони алармот, се дигам и мислам зошто сум наместила аларм толку рано во сабота, па нервозно се покривам и продолжувам да спијам.
Да, озбилно мислев дека е сабота.
Среќа сфатив дека тоа било само некој убав сон и моментално сум во кошмарот наречен среда
Не, не ги мразам јас работните денови, капитализмот го мразам.
Мешам букви, кафето не помага, главата како балон со хелиум ми лебди вон телото. Кроасанот барем фино ми легна.
Ај

 

Ај малку само да се надополнам од вчера постовите, ме изнервира/ инспирира постот на @ivi1987,@Cosmi нека го прочита па нека каже колку се Македонците како нација човечни и пак нека повтори по не знам кој пат колку се грозни австарлијците зошто види мајката на Скајп бил некој облечен во маица на прерамки а не костумосан, однесувањето на докторите во постот на Иви е за поздравување не е грозно.

Јас сум љубезна на работно место затоа што така треба, не ме плашаат казните, не ме плаши бркањето од работа, работам зошто сакам а не зошто морам ама прва лекција ни беше дека секоја жена кога се породува треба да се чувствува како кралица, впрочем тоа и е, носи нов живот на овој свет, мојата работа не е само да ја породам туку и самиот чин нели минус болката да и остане како позитивно искуство, не само јас туку сите колешки, впрочем цел медицински персонал е така трениран, обучуван.

Ете јас не можам да сфатам зошто тие што работат на породилно одделение каде треба да значиш со позитивна енергија зошто си сведок to the miracle of birth би се однесувале со родилка како стока, каде е сега човечноста, се изживуваат со жена во најранливиот момент во животот, мене лично ми звучат како садисти а платата секако не е оправдување за таквото однесување а не е на Иви изолирам случај, секоја во породилни приказни што отишла да се породува без врски слично се поминале, зошто? која е поентата така да се изживуваш со родилка, зошто најубавиот моментот од животот би и го претворил во хорор филм, стварно не можам да ги разберам.
Е тоа е нечовечност а не чекање со скршена рака 4 часа а веќе те прегледала тријажна сестра, ти дале нешто против болки и си чекаш ред зошто пред тебе има некој со изгореници од трет степен, некој со болки во градите итн.

Не знам дали е казниво ако ти дадат подарок, ваљда е де ама ниту има култура да се дава, ниту има култура да се бара, сум пишувала и друг пат може некоја родилка ако има 100 букета во соба да остави еден, право го носам кај сестрите на приемно и на пултот го оставам, на мм, брат ми, татко ми никој не им се понудил да им даде рушвет за побрзо да се оперира, за подобра оцена.

Ме потсети сега @CameliaMiller со манекенот мој кој се замислуваше дека е Луис Хамилтон правев муабет со чичко ми као му ја земале возачката и возилото и чичко ми вика па нели им кажа дека е доктор, ме фати една смеа им ја замислувам фацата на тие од highway patrol онака им вика абе остајте не гледајте дека возам како лудак знаете јас доктор сум, можеби на психијатарски оддел ќе го прателе така да им кажел.
Целата таа негова авантура околу $10.000 не чинеше, казната $1250 мислам беше, возилото што го однесоа со пајак$900, 30 дена секој ден што беше таму $180 на ден, повторно полагање за возачка а нервите и времето не можам ни да ги пре рачунам.
А во Мк ако си доктор си Господ, никој ништо не ти може, мислам @Bubce38 пиша како и ставиле од оние катанците на тркалото за погрешно паркирање и кога видела полицајката дека е Бубче трчала да и ја извади па и уште и се извинувала, зошто над обичните луѓе е Бубче дека сопругот и е доктор?
Бубче те земав за пример не со злонамера туку како без врска функционира општеството.

Уште ово за полицијата, одбранување, реагирање на закани, семејни насилство итн.
За други држави не знам како е ама тука ако те нападне некој ако има минувачи и да не се замешаат ќе викнат полиција, полицијата е брза и ефикасна, мене кога реши бившиот да ме убие комшиите негови австралијци ме спасија, не дојдоа ама викна полиција која за рекордно време се нацртала, да не беа они ќе бев мртва.
Бившиот веднаш беше приведен, осуден беше на 5 години затвор за семејно насилство и заведен е во националниот регистарски како семеен насилник и нормално забрана да ми де доближува, кога му истече забраната веднаш ми се нацрта на вратасо еден повик до полиција повторно доби 10 годишна забрана да ми се доближува мене и на моето семејство.

Далеку е идеално тука ама барем ако ништо друго знаеш дека со сите си еднаков пред законот, можности имаш да се школуваш, напредуваше ако те бидува ќе те поттикнуваат за повеќе да постигнеш, знаеш ако се разболиш дека нема да умреш ако немаш да му дадеш на докторот мито, не е идеално ама тука некаде е.

И морам само ве прашам после одговорите за врските дали и колку ги туркате децата да се дружат со деца на доктори, судии итн затоа што може ќе имате корист од тоа?

 

Јас ќе ја терам ќерка ми, самата да биде доктор, или барем микробиологија ако ништо друго. А може да се дружи со деца на архитекти и столари, стално ми фали некој мебел, ентериер, некоја даска сигурно
Убав ден дами и господа, одам да стаам кафе

 

Еве мене не ме терале, па затоа си искеширавме на приватно во болница.
Сега сваќата свадбичка сака, а на другата сваќа сите ќеси исцедени.

Од немање врски, работам што стигнам, ни ден на струка и после 10 год од дипломирање.
Недипломирани од мојата област ги испримаа во мојот град, јас дипломирана од 2009г си дремев дома.

Од први ќе почнам на новата работа.
Деновиве сум дома и наместо да поспијам како сите нормални луѓе, јас се ококорив уште пред 08 .
Се вртев, се сукав во креветот, ај станав кафе направив.

Треба да се селиме. Газдата го продал станот.
Ајде пак циганската, макни партали.
И после да не ти падне притисокот. Е, ќе ти падне.

Од случката што ја кажа @ivi1987 со мајка и, не ни помислив мајка ми да ја пуштам да се оперира на државно. Нека одат парите, човекот ми треба мене.
Да беше нешто поедноставно да (како татко ми кила кога оперираше, ама и за кила имавме врски), но за покомплицирана операција, државно ми отпадна од старт. Не е само операцијата, нега голема треба после. А не да те фрлат некаде како последен идиот и да нема кој да те праша како си.

 

@bittersweet
Јас пишував за конкретни случаи,и дека јас сум ссе чувствувала грозно и дека не ми се омилени за соработка,а не реков дека сите австралијанци се грозни.
Читај убаво .
Од една страна се навредуваш за лош збор за австралијанец,а од друга ги генерализираш нашиот народ и го анализираш нашето друштво/општество од далеку.
Не е точно дека секој што отишол на пороѓај беЗ врски прошол лошо.
Не е точно дека сите сме врскаџии и митаџии.

 

Сите да беа како тебе немаше никој да фаќа врски во Македонија
Зборам за здравство. Фаќаат врски од мака. Фаќаат врски за да не се понашаат со нив ,како што викаш, како стока. Тоа е најтрагичното.
Не фаќаат врски за да ги третираат како кралици, туку како обичен човек. Жално, ама така е во многу случаеви.

 

Добро утро друштво

Денов хпл, ама сериозно
Не знам како ќе се преживее, вчера колку бев нервозна, ни ап ни бутур не помогна, се прпелкав и никако да заспијам.

Ќе дојде и тој ден, ќе светне сонце, морам да верувам во тоа за да преживеам

Маж на една колешка го фатија како вози нерегистрирано возило.
Лонг стори шорт, неколку телефонски повици, ни казна, ни бутур, уште година може нерегистриран возеше. А жена му па, колешкава, барем 4-5 пати пајак и` ја крена и спушти колата, секако, без никаков проблем. И таа за тоа најотворено си зборува, онака пред мене на телефон си ги фаќа врските. До кое дно сме стигнати ако не ти е срам и јавно си кажуваш вакви работи?
Уствари, како прво не ти е срам да се паркираш на пешачки, да се паркираш на велосипедска патека, како бре не ти е срам?

И колку само други ситуации сум посведочила, вакви идиотски, без реална потреба, без реална причина, ова не е “зорт“ ова е идиотизам.

Дали сум јас совршена?

Не, не сум, толку многу не сум што имам грижа на совест бар 5 пати во ден кога мислам дека грешам према некој човек, према некој пациент, кога се прашувам дали морав така, можев и малку подобро.
Сигурна сум дека не сум најдобар пријател, најдобра ќерка, најдобра девојка.

Имам многу маани.

Ама, никогаш, одговорно тврдам, не сум погазила некој за себе или за мои блиски. Може сум се огрешила, но никогаш свесно, намерно и со умисла да згазнам некој за јас да се качам погоре и побрзо.
Посебно не за пасоши, лични карти, возачка дозвола, извод, или не знам за што се` веќе фаќаат луѓево врски.
Не мора да ми верувате, ама ќе ви дадам еден поскорешен пример, кога уште немав 2 години возачка.
Во 23:20 ме застана полиција, провери се` што сакаше да провери, и ми пишаа 40 казнени бодови за возење после 23:00 часот. Во полиција “кабли“ имам. На крај памет не ми падна да се јавувам да ми намалуваат или бришат бодови. Си отидов и ми ги пишаа и не, не мислам дека сум глупава.

Само мислам дека сум чесна, а според мене, чесноста нема цена.

Очајот и курназот се многу различни работи.

 

Среќа Еми мајка ти што се оперирала во приватна болница. Ние скоро два дена немавме никаква информација за неа, не знаевме дали е жива, тој период нервите ги изгубив. Кај имало лекарска грешка, кај на интензивна не ја погледнале, кај имала подлив и била џигер модра од стомак до коленици, кај две операции за кратко време, па уште во соба кога ја префрлија ја опоменуваа постојано, и викаа да не кашла
Моето искуство покажа дека во државна болница без и со врски си целосно различно третиран како пациент. Без врски уште кога стигнав бев во шок од однесувањето на таа на приемно. Отидов после полноќ со пукнат водењак и жената лута ми фрли во фаца спаваќа, момент као сега ли најде да доаѓаш. Лежев на мокар чаршав, а сестрите кога ги замолив да ми дадат нов, ми рекоа нема, еден дневно ви следува. Ми затвори врата и седна да си догледа турска серија. За после 18 ипол саати итно да ме однесат во сала на царски и да не дочекаат да се успијам за да почнат да ме сечат.
А кога бев со врски дури и перницата ми ја местеа под глава и сто пати доаѓаа да ме прашаат како сум, па дури и ехо преглед добив за да видат дали е добро бебето.
Затоа @bittersweet и на мене не ми беше битно дали докторката под белиот мантил носи обична бела маица или кошула, само сакав да ме тетира како човек. На крај само добив тапкање по рамо дека не сум пуштила глас и не сум досаѓала. Среќни се родилките кај тебе, што имаат поддршка од вас вработените и што најубавиот момент од животот ќе го памтат по добро.

 

Пред 5 години моја другарка на ГАК се пораѓа, без врски. Немаше некои примедби таа, но јас забележав нешто друго, бидејќи 3 дена секој ден одев.

Ист ден со неа примија родилка од Струмица. На неа и' се искомплицира ситуацијата, па не можеше како останатите да прима посета.

Тоа разбирам. Ама три проклети дена маж и' спиеше во чекална на столчиња, чекаше информација. НИКОЈ не се одважи да позборува со него. Никој.

Во таков случај, не врски, ќе срамнам болница. И око нема да ми трепне.

 

Јас затоа реков, АЛАЛ нека се сите пари.
Кога ја примија ја плативме половината сума, вчера кога ја видов каква е свежа и збринета, со мерак отидов и го доплатив остатокот.
Не да не знам дали е жива, само што ја ставија на интензивна, ме пуштија 10 мин да ја видам и дојде докторка - анестезиолог, се ми објасни.
Абе вчера на мене кога ми се слоши, тројца дојдоа околу мене, а не пациент да не погледнат.
Мајка ми вика по цела ноќ маневрираат. Не легни, отспиј се, оди си и чекај денот за плата да зедеш.

 

Не е се така црно-бело со врските. Тука сите дискусии во крајности одат, а во животот ништно не е така.

На пример децата не ми ги примија во градинката кај нас, па ги носев на друго место. Или имам нерешен случај со една институција што ми се влече со години. За двата случаи можев дебели врски да фатам, ама не фатив. Немаше да можам да се погледнам во огледало да фатев. Сепак тоа не значи дека ако се работи за живот или смрт, нема да фатам врски.

Зборуваме за фаќање врски за банални работи. Тоа ми е одвратно.

И системот не се менува сам. Се што уживаме денес е благодарение на тоа што некој пред нас се изборил за тоа. Со пасивност нема промени. Е, да, тешко е и напорно и често изгледа како да не вреди.

 

Ариел, ние овде претежно зборуваме за здравството. Се друго може да почека и без врски, ама болеста не чека. Тоа барем да е како што треба, па за друго и врски да се потегнат, не е страшно.
Ама болни луѓе да се третираат како стока?
Да му се дереш на некој, а тој од болки не знае на кој свет е.
Епа зошто ја полагаат таа заклетва?
Само процедурално ли, посвечен да биде целиот чин на стекнување на фамозната титула доктор?

Последен пат кога бев во хитна со мајка ми, таа лежи на едниот кревет, докторката ја третира, другите два кревети празни, влегоа луѓе, докторот ги набрка, еј!
А само што дојде на работа, нели одморен. Наместо да се заработи, тој се мува по ординацијата! Па сестрата таква силна, матна - еее па и тие, само што дојдоа, нека си чекаат таму!
Абе зашто да чекаат кога ти немаш друг пациент пред нив, зошто???

 

Два дена ни кажуваа дека не можат да дадат информација за пациентот. Цели два дена татко ми висеше пред болница, го гледаа и не му кажуваа ништо.
Жал ми е и за пациентите ама и за нивните блиски. Хумано е да го погледнеш и да му кажеш за да не се секира.
@Emy867 како што беше исплашена за мајка ти, среќа што тој дел си го поминала така. Ја гледаш и пред и после операција, ти даваат информација за се што се случува и можеш мирно да чекаш да заврши се. Треба и во државните болници да е така, ама за жал посебно на клиника не е така.

 

Зборувајте ми за врски и услови во болница, зборувајте ми!

Пред еднаипол година го однесовме стариот мој на гастро, најдов врски демек за да ме пуштаат попладне да го видам на посета. И се фино, отидов на посета еднаш, два пати, три пати, четвртиот пат одам го гледам тато бесен, лут, што ти е викам? Кога ќе ме пуштат овие? Мајка ти кога ќе дојде? Шо е работата тато? Крева чаршавот и го гледам нозете врзани со каиши кожни. Ок, ме фаќа блага паника, почнувам да барам сестри, наоѓам една ми вика ама он е многу немирен скока преку оградата станува. Викам види што ќе ти кажам, чоеков има скршени 5 ребра, едвај дише од болки, не ми кажувај дека скока ко Супермен за едно мочање. Не вика, ич не е мирен. Го одврзав, го пресоблеков, викнав да му сменат пелена пошто тоа било целата работа, чоекот сакал да моча ко чоек у вц, не во пелена. Патем тие пелени не ги ни менуваа, една до две за цел ден, човек кој има во изметот крв и кој е возрасен и пие лаксативи, не морам детали нели? Го средив, отидов му купив нови џиџани пиџами, да биде господин чоекот иако го третираат ко говедо во горенаведената клиника. Идеме со сестра ми двете да го видиме, начекавме дежурен доктор, прашуваме како да му го олесниме животот, како да го спасиме, вика па што ќе се малтретирате, он бил алкохоличар, не вреди. Ти бе говедо едно ќе ми кажеш дали вреди или не да го спасам татко ми? Идиот еден! Идеме следен ден, татко ми врзан и за раце и за нозе, нема кој да му даде да јаде, е до таму работата, очите залепени оти чоекот не може да се почеша а од што е многу хигиенски и се е како што треба во болницата фатил коњуктивитис на врв на се. ОК, вриштиме пак. Ама сака да станува госпоѓо! И се вдаде на мајка ми, хммм... Не сака да врши нужда во пелена, ние не можеме да трчаме по него. Татко ми дами и господо, човек на 60 години, беше алкохоличар ама шоља немаше избербатено ниеднаш во животот, секое сабајле ќе завршеше со нужда, ќе се измиеше со сапун, ќе се избричеше и ќе се преоблечеше во чисти алишта, не беше навикнат ни гаките да ги носи подолго од еден ден а камоли пелена мочана и смрдена, а ако ја немаше искакано не му ја менуваа додека не ја искакаше. Ете така, на 60 годишен човек. Дојдовме со мајка ми под итно! Потпишавме и го земавме дома, ама ќе ви умре одма, не убедуваше докторот, сестрата не гледаше под око, пак, алкохоличар, нормална е ситуацијата, ние овде го чувавме за да не ви умре дома. И сето ова додека он здрав и прав и свесен го кажуваше. Да свесноста таму му се помати, почна да гледа змии, циркузи и возови, али и јас би гледала да бев во таква ситуација. Го однесовме дома и две недели и беше љут на мајка ми, зошто го оставила, не сакаше да чуе да оди на доктор, под присила одеше. Истиот тој доживеа уште 6м достоинствен живот и почина дома пред една година без некој ден. И да, алкохоличар беше и животот пекол ми го правеше кога пиеше, али беше мој татко и не заслужи таков однос. При испуштањето му забележавме канила 14 дена не сменета, 14 факинг дена, усмрдена и укопана во раката под тоа грдите кожни каиши, гангрена ќе фатеше. И така луѓе им умираат од сепси, мрси и разноразни болештини во она дно од клиника. И да јас врски фатив за да може да го погледам попладне бидејќи посетата им е направена во најневозможното време за да не може всушност и никој да отиде. Нека си ги пикнат главите во песок и да не слушнам збор за сите тие мршојадци оти многу малку фалеше да тужиме, ако им е мала платата ене кај им е Германија, што не отидоа да работат таму. Нека им е за арам таа диплома на која се заколнале!

Извинете на експлицитното објаснување ама ми врие, ме боли и ме корне, на мене јасно ми беше дека одиме надоле, али тоа е.

 

@bittersweet
Освен за идеалните услови за живот
Кажи ни малку за расизмот во Австралија,бидејки таму расизмот е жив сеуште.

Сигурно ти е познат случајот и говорот на неурохирургот Чарли Тео ,Кинез кој јавно говореше за дискриминирањето на неговата ќерка поради тоа што е кинескиња,за неговиот колега Индиец кој бил плукан по улици.
За дискриминацијата наспрема аборџините?
За топоними кои вклучуваа nigger?
За политиката на белата Австралија?

За политиката на одземање на 40.000 деца од аборџини и носење во цркви на превоспитување?

 

Здравје, за второ пак ќе си фатам врски за градинка, затоа што да не барав, сега ќе бев без работа. Нели, некој ќе мораше дома да го чува детето, а пари за жена нема секој, или баба-сервис. За другово, дај Боже на никој да не му требаат врски за здравство. Само некој што поминал, знае што се случува таму. Бистрење политики преку лап-топ и мобилен е најлесно.

Сега добар ден

Чекам бебе да стане, па да шетаме. Пролетта дојде, а со тоа и мојата поспаност. Сѐ е решливо со сладолед Ве гушкам, имајте убав ден