Ние околу и преку 40...

Не е за симпатија, за друго е.

 

Лажеше дека си водолија?

 

Да. Девица сум.

 

Типично за девица, лаже дека е водолија

 

Дај не го масирај чоекот,нема да ти каже секако

 

Готово призна. Девица е. Уште подзнакот да го признае и ќе биде и мај бијач

 

Се разбудив ко не салам, па ве исчитав скроз, сите муабети од ноќва.
Не сум се онесвестила во животов,не ни мора.
Алишта во време на кока кола не сме искинале.
Туна јадам,млечни производи премногу, ама никогаш во комбинација...не ми текнало, ама ете не ни било здраво па не мора да пробам.
Верувам во тоа дека "ако нешто силно посакуваш цел универзум.ќе се заложи да се исполни", ама...ми се нема случено, можеби не сум посакала вистински. Не ја научив уште филозофијата, треба да ја прочитам книгата "среќа".
Друго...мачки и кучки немам. Порано бев голема мачкарка, дедо ми и баба ми чуваа мачиња и јас бев ептен по нив, ама како што растев, престанав да ги сакам за дома.
Друго, не знам, најарно би било да можам да заспијам
Билјана Б., Бог да ја прости, грда работа тоа депресијата.
Гуд најт...или гуд морнинг, кој како милува.

 

Добро утро во недела наутро.
Еве скоро 7 е, ве чекав да поспиете, па да послужам кафе.

Се гледав во огледало, косата ми е ко пуцвал
Дајте некој лек за ретка коса напред. Еден куп бебешки влакна, плус па и оштетени се. врв на се, нон стоп ми е в раце ко е пуштена. Од алпецинот расте рестото од главата, ама напред дали 30 влакна имам

Ќе гуглам маски за згуснување на коса сега

 

Добро утро кој е за кафе
Читам лоша вест , депресијата е страшна болест на никој не му посакувам такво нешто ,она што приметувам е дека зачестија вакви случаеви ,жално
За клубот на љубители на животни уште од мала се прибирав и чував дома а мојте само ми ги пуштаа, што плачење удрив за едно канаринче го најдов со скршено крило го чував неколку години за на крај мајка ми на тераса да го остави да зачистела ,и тоа со отворена врата од кафезот ,леле кога видов дека го нема узбуна кренав ,не го најдов иако го барав
Сега кога се враќам од негде посебно подолго време ако ме нема кучето ми се тресе од радост кога ќе ме види , многу си го сакаме ,не е расно од групиве на фб го вдомивме ама не дека е наше многу ми е паметен , исто и мачорот ,вистински другари се е сега испокршија се цвеќињата во двор се учиме да не правиме бељи ама тоа е

 

Добро утро
Ми се гледа дека арен ќе биде денот.
Маж дојде од работа и за малку што не припадна од мирисот дома.
Сношти во фрижидер најдов две бааѓи големи бутчиња дивеч. Ги подварив и ги оставив цела ноќ да стојат во вино и зачини. Во 06 :00 ги ставив да се печат . И кај мене и кај бабето. Едната тепсија ќе ја носам за Штип
Бабето ми даде комплимент. Сум била ќерка и снаа каква секој би посакал
Значи, ќе одиме на ручек кај моите, ама јадењето од дома јас ќе си го носам. Добро, мајка ќе прави сарма, баница, компири ќе пече, баклава. Ќе биде права гозба.

Да дремне некој саат мојО , таман месото да се испече и тргнуваме.
Ама прво еден туш и да тркнам до комшии. Да се улепшам малку

Со душа чекам внучка да си ја видам. Ќе има гушкање

Убав ден
И вечен Благовец на сите кои слават

 

Не се лутам, и јас се насмеав на постот. Има сеуште такви канцеларии како што опиша.

 

Добар ден!
За многу години денов Благовец за оние кои не го слават убав ден сакам сите да ве испочитувам срцки сте ми

Кај мама и тато убавини

Се потсетив на една случка од дедтството дедо ми ни донесе јагненце ние деца среќни нај сереќни ноо едно утро стануваме јагнето го нема го прашуваме дедо каде е ни вика избега а он го спремил зготвил јадење и ни вика ајде деца јадете од тогаш немам јагнешко во уста ставено.
Од дете многу сакам животни не знам на кого сум немав можност да чувам никакво милениче освен водно желче.
Ама мачињата и кучињата од улица беа хранети чувани сакам многу животни слабост ми се е освен што го имам стравот од кучиња ама ги сакам и тоа многу.
Кај маж само рипчиња и сега зајачето за кој сите ми рекле повеќе го сакаш зајачето од нас и стварно ептен љубов ми е срцушот мој.

Имам желба да се снимам за време на чинот но прво храброст немам а второ мразам камери а пак нешто внатре копка,копка љубопитноста.

И така друшки го чекам внукот сга дојде да се изгушкаме со сонцето теткино.

Поздрав до сите

 

За многу години и честито име ако имаме некој,а Благоја ,Благица ...
И вие со малите девојчиња не заборавајте да појдете да им дупнете ушињата
да ве задрам малку де...
Знам и друг адет за празников пак поврзано со девојчињата ама да не ги уплашам снајкиве кичевски.

Се обидувам да тргнам мисли од веста за Беличанец,ептен ме ратревожуват вакви случки.И страв некој ме фатило..Ненза себе за луѓево околу мене...
План имам да чистам кујната,ама сите се по дома а ич не можам во гужва да работам...

 

Што нема да им текне брее

Спојлер

 

Добро утро.
Бебе спие, маж се нервира.
Не може да тропне за да јаде, гладен бил.
А мене секој ден ми е така.

Нека се нервира.

Во гарсоњера од 35м² кога бебе спие, кај и да тропнеш е галама.
Стар шпорет башка, страшно звучи за бебе и кога е будно да го отвориш.

Седиме гладни и гледаме тв, проја не чека во рерна.

@mareane дај кажи го и другиот адет за Благовец, многу ме интересира.
Со тебе се зближив преку темава на чуден начин, така блиска те осеќам.
А со блиски сум многу радознала.
Ептен се нервирам нешто да не знам.

 

@mareane кога спомна сеа кажи ни кој е другиот адет и мене ме направи љубопитна

 

Добар ден лепотици.

Недела е, ништо не осетив од викендов. И овој ден ќе си летне, малку шетка, малку чистење и ај понеделник дошол ПАК.

Колку сакам тие пусти кошули да ги носам, уште толку повеќе мразам да ги пеглам пустите. Жичките ми се спојуваат додека го правам тоа, буквално. Еве и сега ми се споени, оти тоа правев.

Се имам снимано еднаш, видов, избришав одма и толку беше од таа егзибиција.

И јас сум риби, бившиот ме викаше драма квин.
А не сакате да сте ни во кожа, толкава емотивност, сама себе не се трпам некогаш. Со текот на годините се намали и научив да ја контролирам внатрешноста, ама и ние не сакаме, блив ас. Те така не тера.

Едвај чекам да ја видам будуќа. Не за џабе пеглам од уште асално неразденето.

 

За многу години да ни е денот,честито на сите кои го слават.Сеуште едвај одам,секој чекор мака,но тоа е мора.Веста за Беличанеч ме растревожи,а и онака нема ден нешто не убаво да не се слушни.Вчера еден муабет ме изнервира додатно,за нешто што немам ни влијание ниту сум одговорна си го добив јас.На луѓево изгледа им личам на боксерска вреќа,се си мислам да им речам повелете на сметка уплатете па продолжете,барем некој бенефит не само нерви да ми кинат.Ќе се јават,ќе ме спукаат,нервите ќе си ѓи олабават и после си тераат кејф,мене ден ми запустиле,ако се дава награда за Будала на деценијата би требало да ми ја доделат

 

https://mogujatosama.rs/napravite-sampon-za-brzi-rast-kose-6075

Испробано и дефинитивно дава супер резултати.
За кратко време ја зајакнува косата, престанува да опаѓа и добива убав, свиленкаст сјај.
Топло препорачувам.

 

Кафе испиено. За доручек грицкав пуканките од вчера и чаша кока кола.
Постелнината ми е за менување, од кафе ми е направена на некои места. Така е кога пијам кафе во кревет како некој цар. Сега баш мислев, требаше вчера да земам ќебапи за денес и онака ги баам веќе две недели.

Да не е форумов немаше да знам дека денес е Благовец. Среќен именден на Благица Павловска.

Спојлер