Ние околу и преку 40...

Добро утро.
Како би шмркнала од кафево горе на @dunika , во еден шмрк би го испила.
Времево тапа.

 

Добро утро.
Легнав ама не заспав ноќеска. Уште ме држи нервозата и грутката во грло. Ќе помине како секоја година, ама некои зборови ми остануваат врежани во глава и не се тргаат никогаш.

Пари, ќе излаже некој ако рече дека не се битни. Да, некои работи не се купуваат со пари, ама кров над глава и мир и те како се купуваат. Да ги имам нема да живеам во гарсоњера, да плаќам за неа долги години а да кратам од многу работи. Ќе можам децата на одмор и зимување секоја година да ги однесам и нема да се тресам кола ако се расипе со што да ја платам поправката.
Муабетот за родителите ќе го прескокнам...
Убав ден

 

Ние на југ - овде сиви облаци. Ама па се спие на раат. Нема бучава, има езеро. Сосе џампер си дојдовме, нема шанси како да ја остави човек на земја, ќе доползи до првото забрането ќоше и ќе изеде бубачка. Убаво ми е дека сме ние тројца. Сега си пијам чај, они спијат. Си ги гледам и се радувам.
Околу родителите - ги имам најдобрите родители што можеле да ми се паднат. Мајка ми е педагог, и просто знае како со деца, најмногу со своите. Она беше строгата, учителката. Татко ми полабавиот, ама ако направевме беља или глупост, со него соочувањето било потешко. Израснавме скромно и со многу финансиски кризи, но излеговме силни и самостојни со сестра ми, со научени вредности и дека парите се важни но не и пресудни за среќен живот, но и дека ако сакаш повеќе - ќе мораш да се испотиш за да добиеш повеќе. Им должам многу, пред се' тоа што ми всадиле емотивна безбедност, да љубам и да се борам. Да бидам човек.

Денес година дена брак славиме со маж ми. Каква луда година најубавото произлезе од него, една кикирика што ни ги милува лицата секое утро. И душа ни вади додуша. Ќе одиме на рибја чорба во Нота да си прославиме, и да си размениме подароци. Надвор е сиво, ама мене во душава ми е џиш црвено, ко ќерамида од нов дом.

 

Мајка беше и сеуште е моите крилја. Патоказ во животот, мајка и татко во исто време.
И нешто да згрешила некогаш, простено и е од мене, оти и во нејзина кожа да не бил човек.
Немало забрани, ограничувања, секогаш верувала во мене бидејќи бев предвреме пораснато дете благодарение на некои околности.
Еднаш само и ја изневерив довербата и никогаш нема да си простам. Секогаш е тука за мене во било која смисла. Се трудам да возвраќам во иста мера, не знам колку ми успева.

За мене парите се битни. Ова секогаш гласно го кажувам, не сакам лажна скромност. Не зборувам за богатства, ама да имам за комотен живот по мои стандарди, сакам.
Сите одиме на крајот на исто место, да, ама квалитетот на живот што го води секој еден додека да си ја пополни дупката е различен. А, во тоа имаат удел финансиските средства поприлично.

Денот почна типично за размочан понеделник. Половина час вртев на таксиња, нема и нема. На плачка ме удри веќе, што од очај, што од нервоза. Главава тапан сега. Би го преспала денов.
Добро утро.

 

Луд си пецооо луд од сабајле ме насмеа
Море цар си нема што
Добро ви утро мил народе!
Повелете утринско кафе
Во овој дождлив ден.

 

Добро утро!
Уште нешто ќе кажам за парите. Најмногу ми е криво што немам доволно пари да го прошетам цел свет.

За мајка ми нема да пишам, а имам многу да кажам. Само се надевам дека ќе успеам да создадам подобри деца од неа.

Планира ли сонцево да излезе, или зима уште ќе биде?

 

Добро утро...

Пари никогаш доста, за се требаат.. е сега кој колку заработува толку и ќе троши и таков живот ќе си има... а не дека се и пресудни за среќа, среќата во душата се наоѓа во нас и малку ни треба да сме среќни.. затоа наравоучение: БИДЕТЕ БЛАГОДАРНИ ЗА СЕ ШТО ИМАТЕ СЕКОЈ ДЕН , јас ова така како мантра ми е, сум благодарна за здрвје, деца здрави живи, мм среден... е сега друга мантра да ми покачат плата па да се частам едни штикли онака за убаво да ми дојде на душичката (и да не ми покачат пак ќе си купам, ама АКО има Велогдненски бонус може едни пролетни од Nine West)..

Е сега другава тема малку повеќе ми е на срце.. татко ми е починат пред едно 7 години, мајка ми остана сама и сега сите сме околу неа она помага околу деца ред чекаме (јас и брат ми и сестра ми сите по две деца неможеш на ред да дојдеш)...инаку строги родители беа, значи со ПОГЛЕД се знаеше ако некој нешто згрешил... сега мајка ми па малку и претеруваше, сетсра ми сега стално и вика: поради твојата генералка во сабота/недела неможав на раат да гледам СИТЕЛ БАМБИНИ, зашто мајка ми и сега знае да критикува и вика : не ги заповедувате децата, не ги учите да работат... благодарна сум што не израсна самостојни, независни пред се, вредни , работливи...

Мерак: убава книга и кафе...секогаш вистинскиот избор !!!

Имајте убава работна недела!!!

 

Ај заблажете се ,да ве почастам роденденски...Пишете уште една овца во стадово...

Не е на изгледа убава ама е вкусна и најбитно се прави брзо
брзо

 

И јас исто за ова најмногу ми е криво.
Затоа ја сакам финансиската слобода и работам на тоа да ја имам да станам едно утро да земам пасошот парите да одредам дестинација малку ствари и со либето да отпатуваме.
Барем да видам нешто од светов и да направам спомени.
Еден е животов и треба во него да се ужива.
За мајка ми искрено не ми се зборува т.е знам дека со татко ми го дадоа најдоброѕо од нив го дадоја нивниот максимум.
Има само едно нешто за кое јас кога би имала деца би го променила тоа за да не ја повторам грешката на моите родители.
Не и/им судам само таа ни е животна лекција која не смее да се повтори.
Пишував еднаш за тоа да не се повторувам.
И покрај се горда сум со моите родители и можам да кажам дека бев среќно дете и покрај нив сеуште сум среќно дете...
Ги сакам најмногу на свет.

Среќен роденден и се најубаво

 

Среќен роденден, да ти се множат годините со помалку нервози и стрес

 

@mareane СРЕЌЕН РОДЕН ДЕН најубав ден да си имаш...

 

@mareane среќен роденден, многу убавини да си имаш

 

Добро утро!!!
До среда со дождов и ќе одмориме некој ден само после опет ново на ново...
Пари кој ќе каже дека не му требаат нека ми ги даде мене...се шалам секако...
Требаат и те како тешко на тие што ги немаат,а потешко и на тие што имаат многу сигурно главата ги боли..парата знае и да те направи човек и да те расипи....
Кафе и смути ,појадок за детево да спремам и работно денес,од вечер планирам да почнам со месење.
За родителите секогаш кажувам дека љубовта,разбирањето подршката и советите кои ги добиваме секојдневно со брат ми ,се заслужни за ова што стигнавме да бидеме ,прво и најосновно луѓе ,а после и ред други работи.Комуникацијата со децата е нешто најбитно во врска со нив...
Убава недела да имаме!!!
@mareane Среќен роденден женска сите желби реалност

 

Добро утро друштво

Ми се пие второ кафе веќе


Ги мазнавме до крај јагодите, да не не' мислите

Сакам дожд и ми е убаво, спијам како заклана

Свежо е, убаво мириса.

Денес денов очекував повеќе хпл да биде, ама океј е, изгледа не сите сакаат по дожд од дома да излегуваат

Решив нов твитер да си направам, стариот до толку не знаев како ми е, не можев ни да го оправам. Па кажете сега смешни твитерџии. Нејќам мудреци, да се смеам сакам

Не знам дали ги следите Сеир, Кумановски Муабети, Македонци на интернет и Cena на фејс, ама ако не ги следите - најдете ги. Јас умирам од смеење со нив

 

@mareane
Среќен роденден,многу здравје и среќа

 

@mareane среќен роденден

 

Добро утро убав народе!

@mareane среќен и благословен роденден, сите желби реалност.

Имав преубав викенд. Од кујна не излегов што се вика, ама некако не' спои тој момент. Кујната ми е прибежиште, таму се чувствувам најубаво и на свој терен. Таму ништо не може да ми се случи (освен да се испосечам и да се изгорам, ама тоа е составен дел, нали), таму создавам еден вид среќа за нас. Треба да сменам под итно струка, тие што ме познаваат лично или што ме препознале на форумов знаат што зборувам. Почнуваме некои проекти со мм, некои убави и креативни планови. Време е да си го уновчам талентот вистински, и да си ја урамам среќата. Можеби ќе се пресрамам па и ќе ви пишам за планот некогаш.

За пари сте зборнале. Не може без нив. Немаме многу, ама се снаоѓаме со тие што ги имаме. Не сме гладни, не сме боси и голи, имаме лекови, не должиме ниту една сметка. На одмор не сме биле сто години, ама затоа станчето ни е средено до последно. Нас ни е доволно сега за сега, иако секогаш може подобро.

Родителите... Бев и сум апсолутна татина ќерка, иако го нема скоро 10 години. Со мајка ми се зближив откако се омажив, заради сплет на околности. Ги сакам и почитувам бескрајно, и им благодарам.

 

@mareane среќен роденден, да си здрава и жива и помалку грижи, повеќе среќа и љубов

Ај добро утро. Пред да почне ХПЛ денов, да ве поздравам на кратко.
Едвај очи отворив сабајле, а верувам и повеќето од вас. Цела ноќ тропкаше дождот на олуците Знам, зошто цела ноќ око не склопив од кенкањето на бебка Четворките излегуваат, спие и плаче во сон, со солзи. Кутро детенце мое

За мајка ми, имам пишувано. Се пронајдов тотално во постот на @dunika , скроз исто. Но после години, нешто научив од мојот однос со неа: дека јас истите грешки со моето дете нема да ги повторам. Ја сакам премногу, иако сега веќе ми е јасно дека многу потфрли во моите детски години. И како резултат на тоа, јас сеуште сум со резерва кон нејзе, бидејќи толку беше строга и толку многу страв имав од неа, што ни сега не можам да се опуштам скроз и да и' се доверам буквално за се'. Мојот столб беше татко ми, сум кажала безброј пати, и со неговото заминување се откина дел од мене, така што никогаш веќе нема да бидам комплетна.

Тешки муабети уште сабајлечки, а и тежок ден ме чека.

Бидете ми поздравени, отидов во пеколот

 

@mareane среќен роденден

 

@mareane среќен роденден само убавини да те следат
Леле @Peco умрев значи ..........што нема да ти текне ,ист си како еден колега на работа ,кога ќе каже нешто кажано е
Од што ми се спие ни кафево не можам од сабајле да го испијам .....одам да подработам ...поздрав