Ние околу и преку 40...

Добар ден и од мене,убава работна недела имајте.@mareane Среќен роденден,уште многу години да го славиш,исполнета и среќна.@Shelea Честито годишнина,правнуци заедно да си дочекате.За мајка ми што да речам,целосно спротивна од неа сум,тоа доволно кажува,татко ми ми беше столбот,за жал го немам.Врнежливо е,убаво ми е,тегнам кафе после чајето и да се фајкам за работа,куќава не сака сама да се средува,ја убедувам ама јок,ме одбива

 

За мајка ми не пишав прееска.
Од секогаш сум имала најголема поддршка од неа, секогаш била на моја страна. Не беше строга, попушташе и многу работи правеше наместо мене. Дека животот баш не и беше песна од како се омажила, па сакаше мене да ме заштити на секој начин од секакви нервози. Кога требаше нешто, а татко ми не дозволуваше, она ја "омекнуваше" ситуацијата и добивав што сакав (лигаво звучи, ама не сум сакала богзнае што) . Секогаш ми дозволувала да одам секаде со другарки, да седам заедно со сите(а не да морам да се враќам само јас порано), да купам нова гардероба... .

Во последниве 2 години всушност сфатив колку многу сум добила од својата мајка. Сфатив дека и покрај лошите луѓе околу неа со кои се "бореше" секојдневно, секогаш ми беше и остана најголема поддршка и другарка. Сфатив колку многу се жртвувала заради нас. Секој ден ме учи дека треба да сум цврста, независна, со самодоверба и многу позитивност (штета што не успеав да го научам тоа) .
И ден денес е иста

 

Ден!


Денот за лежење е створен. Тмурно и понеделнички, лоша комбинација. Бар ќе одмориме дома.
Детево исклучило панелката, а јас се чудам оти ми студи. За секунда се сработува.

Пари требат. Не дека се најбитни ама без нив и те како не се може. Не купуваат здравје , ама купуваат моменти кои значат многу. Знаат да го купат и мирот , ако немаш живееш со сите на куп, се нервираш, се руши бракот, имтимноста и се со него. Се ствараат нервози, а се тоа се одразува на здравјето. Не сакам луксуз. Доволно е да се има за еден нормален живот. Да се платат сметките, да се прошета без стегање. Да не мисли како да се купи храна и палто за децата. Сето ова и те како го олеснува животот кога имаш доволно финански средства.

Со татко ми секогаш сме се разбирале со поглед. Не зборува многу, ама кажува сосем доволно. Додека мајка силна е на зборови. Ја научивме. Ама подршка е голема , макар што со неа се рчкам повеќе. Секогаш беше построга, не држаше под контрола, барем она така мислеше.
Кај нас важеше ова ако не дозволува мама, прашај го тато.

 

Добар ден, нека биде добар и покрај дождов, се си има своја убавина!

@mareane среќен нека е, нека се множат, помалку нервози и повеќе радост ти посакувам!
@Shelea честитки, нека ви се множат, да бидете среќни и долговечни!

Јас арна, од сабајле ме затераа малку повеќе, ама се менува времево, почнуваат и забите да болат. Тоа е. Нека има работа. Бар да не мислам на глупоштини...

За мајка ми - ми беше најдобра другарка. Јас касно го сфатив тоа, ама поарно доцна, отколку никогаш. Не сум растена строго, беше повеќе со нас отколку татко ми, ама ме научи дека времето поминато со децата додека се мали е непроценливо и треба да ми е на прво место. Оти кај моите секој викенд се чистеше, на сметка на времето поминато заедно, наместо да излеземе сите четворица или само да поминуваме време заедно на било кој начин. Како тинејџерка ме држеа построго, иако не ми забрануваа ништо, но сепак, често се карав со моите, особено со мајка ми. Ама како созревав, сфатив дека тоа го прави само затоа што ми мисли добро, оти никој друг не ме сакаше повеќе од неа. Ми беше пример дека не треба да се жртвувам себеси за доброто на другите и дека јас треба да се ставам на прво место и да бидам среќна, ако сакам да имам среќни деца и среќно семејство. Значи да бидам спротивно од се она што беше таа, самата ми кажа. Криво ми е што предоцна сфати некои работи.

За пари нема да зборувам, тешка тема е. Без нив не се може, ама парите може да ти го растурат животот. Особено ако станеш алчен.

Имајте убав ден!

 

Јас се сметам за средна класа.
Нормално живеам, имам за нормален живот, моите така ме израснале.

Знам дека немале кога сум била многу мала, но на тој период не се сеќавам, најдалеку што досега моето сеќавање е дека сум живеела комотно.

Би било убаво да возам нова Витара, да одам на одмор на некоја егзотична дестинација, да доручкувам ручам и вечерам во убави ресторани, да имам голем базен, куќна помошничка, да не работам за плата... ама тоа е - би било убаво.

Сега сум задоволна што возам просечна, убава кола, одам на одмори и викенди во соседството, понекогаш одам во нормални ресторани, купувам работи кои ми се допаѓаат...

Секогаш нешто ќе фали, ама разликата за мене барем е тоа што реално одмор на Бали не ми фали, ама ќе ми фали да не можам да појдам до Грција.

Нова Витара не ми фали, ама ќе ми фали да треба да се возам со автобус.

Во суштина, се стремам кон нормален живот, не кон луксузен. А се' што е во моја моќ ќе направам да не западнам во сиромашен живот.

 

@mareane среќен роденден мила, секое добро,здрава и жива да си

 

Добар ден добри фемини,
Ве читам и се мислам... Во основа се обидувам да најдам нзс. Значи строга мајка, може да резултира во несамоуверено дете или самостојно дете... Значи нема рецепт и тоа е
Дури бев помлада и поаналитична, имав забележано дека доминантноста на мајктите резултираше во несигурни деца. Сега се плашам, дали и колку сум јас доминантна. Мислам кога таткото е главно надвор од домот а детето е главно со мене, не можеме да чекаме дека тој ќе воспостави ред и поредок. Засега мојата доминантност наидува на отпор, па малата шефица турка да биде по нејзино, дури не разбере дека моето НЕ е сериозно НЕ. А турка прилично силно. По се изгледа ќе продолжи да биде своеглава (убава на мајка) и не сакам да и ја нарушам самодовербата, сакам да остане упорна, безстрашна, борбена. Ама од друга страна, колку само се плашам, по кој пат може да тргне со толку своеглавост
Мојата мајка општо строга не била, ни давала поддршка во многу од животните одлуки, вклучително според мене- најважните, тие за образованието, и инвестирале во него колку можеле и не можеле. Татко ми беше строгиот, ама пак многу си го сакам. После, ко пораснавме, една е мајка се обидуваше да влијае на нашите животни одлуки, па кој бил добар дечко, па кој не бил. Па и кренав една бариера, оп-стоп и престана да се меша (односно... јас се иселив од државата де, за да не ми се меша во животот ). Мислам дека сме многу различни табиети... Од нејзе научив дека сиромавиот плаќа двапати, (таа тоа уште не го сфатила), и можеби од инает и докажав дека не ми треба партија и работа на државно за да имам леб да јадам. Веројатно нејзиното држење до просечноста, ме натера да целам повисоко. А инаку мислам дека и двајцата, никогаш не беа задоволни од тоа колку сум постигнала, се зезав еднаш, во животот да успеам да имам брод, тие ќе речат еее, ама немаш бродоградилиште. Немам брод де, ама за леб и живот имаме. И не дилам дрога, школија учев.

Ај сега, лабаво.
@mareane среќен ден, многу среќа и здравје

@CameliaMiller нема да ти фали нова Витара, ако имаше саглам автобуси, со саглам рути и возен ред.

Денес за доручек за мене од ручекот од вчера и чај од дете од сабајле. Гладна сум ко пес, кафе ми се пие.
Дете денес реши првпат да спие во градинка, запнува веќе некое време па реков ај да пробаме. Се плашам каква ќе ја најдам, гладна, стресирана... Ама па и да ја земев пред спиење, пак плачки ќе беа. Барем работа побркав, мож ќе бркам и кариера набрзо. Плачки секако не ми бегаат. Ај да се спремам да ја земам, да видиме последици од самостојните одлуки на едно петгодишно шмизе
ПС. Биљарски совет: немој да давате чај од кантарион на дете, кантарионот делува како антидепресив. И ако пиете АД (терапија, не млеко), чај од кантарион не. Ако ви треба природен антидепресив, чај од кантарион може.
ППС. Да не знае некој, може бан да добијам, заради многу тупење. Ај, ќе се трудам да не се повтори.

 

@mareane биди среќна,полна со здравје и љубов...од срце само убавини ти посакувам
Уживај во денот каков и да е,твој е

 

Добар ден,
пак за пари, а? Ама не разбрав дали е темата дека парите се потребни или дека парите се најважни во животот на човекот.
Неспорно е дека парите кои се измислени како разменско средство се потребни за да имаме подобар живот. Ама и како што рекле старите и малку пари ама и премногу пари не се на арно.
Дека се најважни во животот на човекот тоа секако не. Тогаш испаѓа дека оној што има многу пари и е болен посреќен е од оној што е здрав и има доволно за живот. Тогаш значи и дека оние што немаат деца а имаат премногу пари се посреќни од оние кои имаат деца и пари колку да преживеат? Да набројувам уште? Што е поубаво да имаш многу пари и да немаш љубов од сопругот, да нема разбирање, да има швалерација или обратно?
Животот е збир на многу работи и околности меѓу кои и парите ама секако не се најважната нишка за еден релативно мирен и среќен живот да се одживее.

 

@mareane среќен, најсреќен роденден

Овен си во хороскоп, а?

Имав еден овен... ми остави доста голем впечаток.. што со појавата, што со најмалото полжавче што сум го видела

 

@mareane
Срекен роденден

 

Како се поставувате кон некои кои не ве ценат,ниту пак за убави моменти ви честитале,за лошо пак ич.Од друга страна очекуваат се по ред,и да се честита и останато по ред?Мислам дека овој пат ќе пресечам,нема да попуштам повеќе,и јас имам деца,а не ме удостиле ни со порака да честитаат.

 

Муабетот беше дали парите се битни. Твоите муабети се одење од еден екстрем во друг.
Може ем пари да се има за лагоден живот, ем љубов. Не е тоа неспоива комбинација.
А швалерај може да прави и некој/а што има 100 денари во џеб. Тоа барем денес не е реткост. Само да не намисли.

@mareane , најсреќна да си.

Леле колку ми се интересни некои луѓе што се занесуваат како како јајце на кривина, ах. За неколку години јас вака така, ваму таму...
Чекај, отиди, направи, па кажи. Ама вака...без поента муабети само.

Самата си го даде одговорот Лејла. Нека им останат само очекувањата.

 

Па и јас го реков истото ако е тоа дали парите се важни ,да: Кога се измислени како разменско средство како нема да бидат важни кога секое материјално добро се купува со пари. Споредбата после ја правев за оние кои мислат дека парите се најважни за да има среќа и убаво живеење. И не е одење во крајности само примери дека други работи се поважни за да се биде среќен, ако се вкомпонира се тогаш секако е најдобро

 

Јас пресеков со такви луѓе, остана еден период почит преку смс од моја страна ама и тоа веќе нема да го добиваат.
@mareane среќен роденден, само убавини ти посакувам. Среќна, исполнета и без нервози
@Shelea среќна годишнина
@Annath неколку пати мајка ми ме има советувано да учам од нејзините грешки. Не знам колку ќе успеам во тоа, до негде мислам дека добро ми оди ама времето ќе покаже.

 

Полжавче?
Како да се сфати ова?

 

Не ми е за поклони,некогаш зборот,добрата мисла проследена со честитка вреди многу.Многу сум пазела,сум честитала,не е битно тоа што сум носела поклони,сум се сетила и чест сум направила.Ама како бре не се удостоиле еден збор напишан да пратат како честитање,тоа би ми значело повеќе од поклон.Реков не одам таму каде што сум поканета па што сака нека е,не убаво во душа се осеќам но мора рез да се направи.Најмногу ме годи тоа што ме рачунаат за ,,мала вода,,за будалетинка,демек кај мене нема проблем се поминува,прејдувам преку се,само да се живее.

 

@mareane