Ние околу и преку 40...

Добро утро.. стигнав и до второ кафе , на времево не ми се излегува од канцеларијава а имам еден куп работа..вака си уживам на топло и ве читам..

За мобинг на работа, можам романи да пишувам, бидејќи 5 години работев во фирма во која газдата можеше да дојде да ти се изразвика за што и да мисли дека треба (иако не си виновен, ама ете него денот му е за дерење) , ама од друга страна па ме исчеличија многу работи таму, стекнав самодоверба дека ако нешто знам и сум сигурна дека е така никој и ништо не ми може, дури и кога газдата се дереше јас станав тотално смирена и со докази му докажував што/како и почна да ме цени многу повеќе, тоа како тернинг некој беше кој дојде нов млад инжињер прво терапија-мобинг дали можеш да се избориш со карактерот негов па после ќе те биде..ама па од таму добив толкаво искуство што се вработив во фирма каде сите се high level и успеав да се носам во светот на мажите...

@Sesil во канцеларијава има девет мажи, јас сум единстевна..знам која колку пари троши на хулахопки, колку пати се готви дома грав, кое дете што учи, дали имаат дечковци/девојки..на одмор каде се оди со кој, женаму дали вчера била нервозна и што апче пиела...значи СЕ..така да мажите многу повеќе зборуваат од нас...

Ајде убав ден на сите...

 

Добар ден и од мене.Тегнам кафе,второ по ред.Има и друѓи ко нас,да не се жалиме арни сме,кај комшииве документ да извадиш да се окозиш,и не е прв пат,само нас ни чини дека кај нас администрација зеза,јок.Ми се дереле,ама она здраво лудачко дерење,порано плачев,оти сила и моќ бога не моли.Сега пак сум со солзите на очи во такви ситуации,но мозокот ми почнува да работи 100 на саат,па можам и за гуша да фатам,па ко воли нек изволи.Последици од такви ситуации таква ваљда ме направија,едно арно барем,штом ме ,,лупнат,,по глава зверот го будат во мене.

 

Аман бе, знам дека мажи повеќе оговараат ама до толку за мените дека си зборат , нема кој да ми каже дали ме збори мојон а он има спомнато за помкадите тазе женети колеги дека се жалат од жените , вајда уште се у шок и не отрпнале.
Ај добар ден, се канам да работам, ептен ме има фатено апатија брн оут синдром шо и да е ама не се трпам
Ај уште 2 дена да заврши неделава

 

@bittersweet не ме плаши жити мене оти и те како сум сумњам дека мојот еден ден ако стане татко цела обврска околу детето ќе биде моја . Кога те прочитав сега ептен се уверив дека ќе е таков .
Иако е голем дечар јас со очи да видам нема да верувам дека тој ќе земе да го бања,храни,облекува .
Не можам да го замислам во таква улога и не можам .
Ај можеби се лажам .
Море нека дојде бебе на свет само, ич нека не ми помага . Ни јас нема да му дадам , освен да го 'прегледува' дали е здраво .

Јас сум интересен тип на жена .
Некој да ми кажуваше дека вака ќе функционирам , ќе му се смеев у фаца .
Уште паметам дека татко ми во средно школо ми ја пеглаше униформата . Ден денес кога одам на гости кај нив сакам да ми зготви од неговиот гулаш и сутлијаш. МаШ се чуди кога ќе го виде дедо му со престилка за готвење

Јас, која бев невидено амбициозна и работев по 15 ч на ден , возев комбе , товарав и истоварав по 10 тони без проблем , одев како госпожа дотерана на битни состаноци , станав домаќинка на која муабетот и е само кога ќе си дојде мажот и што направила за ручек , патешествијата со свекрвата .....
Ама ако
Битно љубоФ нека има

 

Добар ден и од мене !!!
Маж почна на работа од денес ,дете замина на школо јас во тишина да поседам не е лошо некоја книга да читнам...
Од кога сум станата дури сега кафе пијам влечка невидена сум направена ,па ќе брзам за на работа..
Досега никој не ми викал сама газда си сум можам само сама на себеси да си викам ,иако сме многу безобразен народ кој ужива само да се дере и кара тоа докажано е ...
Ај да си исцедам едно сокче да ме освежи ...и убав ден ви посакувам...
Добро што ме потсетивте и матури и полуматури имам годинава ,за арно нека е само ...
Пари и јас му давам 2000 на од другари деца ,а 50 еу за блиски ,а во комшивее му сум земала пижами на децата...доста му е...

 

Добро утро
Едвај одлепив очи сабајлево. И уште еднаш ако јадам пуканки навечер, бокс да ми акнете Се разбудив со отечени очи, едвај ги одлепив. Од солта. Од сабајле литар вода испив и тек сега некако се нормализирав. Едвај се нашминкав, толкав подочњак и отечени капаци во живот не сум имала. А баш додека ги јадев, си помислив колку се солени, невообичаено многу. Ама слатки ми беа

Затоа денес детокс ќе правам со течности и овошје. За ручек чорба пилешка со парче леб. Толку.

@TeddyGrey се изнасмеав за душекот Знам дека не ти е до смеење, ама умрев. Па уште среќен пустиот И мојов знае да биде тенеќе некогаш за такви прости работи, не дека не. Има маана да ми фрла работи без прашање Ај, за другпат ќе знае

За мажи, арно вика Битер. Нема што да глумам на форум, за мене мојот си е најдобар, сосе неговите маани. Помага и дома, алишта сам си вади и средува, детето заедно го гледаме, се' правиме заедно. Јас имав долго време да го запознаам и видам што човек е, и знаев точно во што се впуштам. Навиките не се гледаат само во бракот, туку и пред тоа, така што сами треба да процениме. Јас исто не би можела да живеам со маж кој пелена на детето му нема сменето, зошто тоа било обврска на мајката Мојов и ручек и' прави кога треба, и ја шета, и ја заспива, и пелени менува, и бања, и се' што правам и јас. И не е фалење, навистина е таков и затоа го сакам. Мој си е, иако несовршен, за мене е најдобриот на светот Ако некој го доживува ова како фалба или лага, ама ич немам проблем со тоа

За оговарање, бетер се од жени маживе. И мојов ми кажува муабети од колеги секој ден што се жалат од жените. Јас му викам жали се и ти, само гледај да не стигне до мои уши Ама познавајќи го, многу е резервиран за приватни работи, ретко изнесува детали од дома во јавност.

Има најава за „весел“ ден утре на работа. Ќе биде јако, како за петок. Не можеа друг ден да најдат

 

За евровизијава израелците се малку дезориентирани. Се чудев кога ми викаа колегите дека не се спремни и денес тргнав да го тестирам инфо бирото
Се си знам ама се направив мутава и прашав за превозот низ тел авив т.е предградијата што се на 10-15 км.
Останаа занемени, не знаеше никој одговор..почнаа да вртат на телефон, да се гледаат бледо онака..мисијата успешна, им докажав дека не се спремни како што се фалат

Аперол закупил цела плажа и вечер ќе има журка.. може да дојдеме имам бесплатен влез..сеуште
Ги разлепшале куќичките за спасувачи..


Патем, го видов нашето знаме на еден маркет
Се испорадував како мало дете

Spoiler: ..

 

Ај добро утро
Направив еден доручек со овес и овошје. Јас го бутам оно назад се враќа. Ама нели е “здраво” мора.

 

Хај!

Сакам и јас кај Даст!
Уште по пиџами се влечеме со детево. Ништо не ми се прави по ова време.
Се понадевав и јас дека вчера после сончко толку беше со дождот.

Викендов сме на свадба. Нека за опорави, оти ќе биде интересно.
Имам фстан со деколте, само не знам шо ќе извадам на мегдан.
Ваљда ќе ме спаси добар пуш ап.

Врска немам што дрндаат маж на работа. А што оговараат и мажите и тоа на велико. Со жени е претежно опкружен у канцеларија. Колегите ги распорадува на терен . Па гарант женски муабети се вртат.

@TeddyGrey прати го да купи стреч фолија од големите ролни и нека го умота цел. Баш голема работа завршил.

Кај нас јас сум фрлачот.
Еднаш му ги џитнав соте визитки.
Причина- ми пречеа.
Гарант беа над 200та.


А има некој како мене шо не јаде пуканки?
Мм вика ти си литед едишн храна кога е во прашање.

 

^^Не сум ни пробала пуканки . Ни како дете не паметам да имам јадено .
Многу неубаво ,да не речам гадно ми мирисаат

 

Кај нас па само пуканки се признаваат од грицки друго не купуваме, многу ретко. Мене најубави ми се, ме потсеќаат на детството.

 

Јас па обожавам пуканки. Прв избор ми се за грицкање, пред чипс на пример

@duffi мојов ај што фрла, туку не прашува. Колку пати ќе барам нешто, абе куќата ќе ја превртам, за на крај да ме праша што барам и да каже дека го фрлил Еве последно ми ги фрлил сите тестери од Сефора, што ми ги дадоа кога бевме на викенд пред некој месец во соседството. Стоеле во купатило, му сметале кога се миел, а гледал дека и онака не ги користам, џабе седат и земал ги фрлил Беа од брендови што ги нема кај нас и се баш скапички, и ептен им се мерачев да ги пробам Мислам, глуп е примеров, ама ме сфаќаш.

И така

 

Јас сакам некогаш чоколадни пуканки да пробам, ич не знам каков им е вкусот ама ме настрвија ептен, викаат вкусни биле. Од другите јадам ама ретко, се давам во презачинети и лути чипсови

Ваква сум секој ден

Мене знаеш што ми е поише? Зошто некоја би си го фалела мажот, а не е пример таков каков што се опишува тука. Која е целта да лажам и измислувам нешто што не постои? Треба ептен бујна фантазија да имаме, па да прикажуваме бајки на форум.
Па и на крај краева, ама ич не се замарам дал некоја од тука прикажува лажен живот

Чекам доручек да ми донесат, е до толку сум мрзлива денес

 

И јас не сакам пуканки. Ептен дома ако се донесени, па да не се фрлат.

@Sexybaby86 маШ ти незнаен брат да не ми е. И јас редовно си фрлам по дома, до толку што некни моите барале некоја кошула на татко ми и овој паметњакович викал - не ја барај, сигурно Ема ја средила у ѓубрето. А нема врска, до толку забегана па и не сум.
Едноставно, не разбирате што е чистоЧа, нели @duffi ?

 

Е ајде де, што е поентата да измислуваш, ама ајде А има и такви, верувам Не во темава, тука барем никој не ми паднал во очи, ама на форумов има

Еве јас си кажувам дека за мене мојот е најдобар, ама не е совршен, далеку од тоа. Ми фрла работи без прашање, од друга страна прави непотребни залихи кога пазари, ама тоа е тоа, дел е од него.

@Emy867 може има сестра за која не знам Врвот на се' сиве овие години е кога еднаш ми ги фрли пижамите со кои спијам, од под перница ми ги земал и ги фрлил ! Причина: пуштале светки, цел кревет бил со светки, а имал и он на себе. И НЕ МИ КАЖА! Вечерта кога тргнав да ги облечам и кога дознав што направил, жими се посакав да го убијам за првпат. Ова ми е врвот досега во нашава „кариера“ Пуштаа светки стварно додуша, од H&M беа, со туфни, од кои едните црни, другите златни туфни со светки АМА, тоа не е причина да земеш и да ми ги фрлиш и да не ми кажеш!

 

Е се пресмеав.

Иначе, за провизиите некни што те замарав, вчера бев, проверив, ништо од тоа што ми кажал оној мојот нема врска. Не знам стварно што му кажувале, што разбрал, ама толку дезинформации ми изнакажа, глава ме фифна.

 

И да се радуваш и да уживаш убавинии брчни се у морето за меН охххх убавиниии.

 

Е видиш, а јас па во ова сум иста како дечко ти. Појма си немам од банкарски работи, провизии и чуда, ама па не ни одам - џабе кога и онака нема да разберам Затоа мм ги врши тие работи

 

Сигурно има по форумов, ама тука во темава ептен се потенцира моментот за мажите.
Јас за мојот кога ќе споредам добри со лоши особини, преовладуваат добрите. И не филувам, навистина е така. Плус, имам кажано дека во споредба со мене, мојот карактер и однесување, он е сто пати подобар. Во смисол секогаш позитивно гледа на работите, многу е потолерантен и мирен. Не пие, не пуши, не се коцка, плус е грижлив родител и сопруг ( не го фалам жими се, чиста вистина е )
Е сега, знае алишта по столчиња да остава, да го пратам со список во маркет а да се врати со две од пет работи пишани, или кога се бричи да не го среди хаосот. Ама во однос на крупните и битни работи, ова се ситници кои стварно не треба ни да ги приметувам.
А и најбитно од се е што го има сфатено заедничкото живеење и родителство дека е за двајцата, а не само за жената. Заедно чистиме, заедно ги чуваме децата, заедно ги шетаме. И не можам ова да го измислам, навистина се случува
Плус како да се жалам од него, еве доручек ми донесе сега.
Ај одам да работам, доста е седење.

 

@Emy867 исторо го правам.
На мм скришно му фрлам. Оти ми ги буричка кесите.
Па да на случајно си врати нешто назад.
А и мои страви се фрлам вака без врска , па после ќе излезе оти ми требат.
Важно ако ми смета во моментот одма у канта.
Мм кога си бара нешто и го нема, ми вика фрлено е нели.
Хоби ми е фрлањето, ме релаксира.

Пред некој ден разредував плакарите во кујната, уште прекривките за јадење не отидоа во канта.
Гарант утре ќе ми претреба нешто од се фрлено.