Ние околу и преку 40...

Здраво љуѓе! Што се прави?

Мене ми треба број од бајачка, вражачка, ватевр, да ми побае против уроци на лице. Таман помина Доналд Трамп фазата каде се направив умпа лумпа од непресметливост, завчера направив нова глупоштија! Имам повремено акни на лицето благодарение на моите почитувани хормони, и зема невестата да прави "третман" со масло од чајно дрво. Не да земам да го растворам со некое друго масло како што ЗНАМ дека се прави, за побрзо да делува да сум убаа на свадба викендов, јас го шлапнав така клот . Браво Елено, седи кец. Во рок од 5 мин почна да жежи, да црвенее, да се дуе и секакви чудесии да прави, па невестава повторно ќе спасува ситуација со триење манијачко со вода и гел за миење лице. Пече проклетото, а јас со фротир трљам ко да нема утре. Што да видам, резултат хемиска изгорница со истенчена кожа. Потентно било тоа масло, потентен црнец да му го опне!!!!! Ајде намачкав некој мелем таму, и легнав да спијам. Станав вчера сабајле од ОГРОМЕН ПЛИК на сред образ! Ајде пак сам свој мајстор, земав го дупнав со стерилна игла. Зошто. Каде ли побогу ми бега интелигенцијата наутро!!! Кога потече, кога прокрваре, кога се скрастави... Таква крастава и никаква си дојдов на работа, среќа на лев образ далеко од врата да не ме гледа народ колку сум малоумна. Синоќа извадив шминка, и што да видам: краста колку петденарка, модрица од триење од околу, дури и оток на подочњаците. На Квазимодо прва братучетка, е таа сум. Сега лепојко мајчина, да те видам како ќе одиш на свадба во сабота! Со превез на око и образ, ќе глумам Мадам Х ко Мадонка. Ни шминка не покрива, краста крастава од глупоќа. Што да ставам да не се гледа толку кажујте, џабе и да се бесам и да се колам, пак сите ќе го видат.

Вие арни?

 

Пишав и на другата тема, да знам дека нема да има инциденти, ќе одиме фамилијарно на парадата на гордоста...
Сигурна сум дека ќе има проблеми... судејќи по тоа, колку конзервативни, хомофобични луѓе има во државава.

Имам 41 и се осеќам ко да имам 41.. повеќе од времето.
Со зголемувањето на животниот век на луѓето, 40 се новите 20, не 30.
Затоа што, до пред околу 200 години, животниот век на луѓето бил околу 40 години.
Да бевме родени во тоа време, ќе бевме на возраст за умирање...

И така

 

Не се осеќам ко да имам 20, се осеќам ко да имам 41, реков веќе..
И да си помислам на момент дека имам 20, кога ќе зачекорам на бандаж, одма се враќам во реалноста.

Ама факт е дека живееме подолго. Средината на животниот век е 30-40... не 20.

 

Како бе дупнуваш пликови и тоа на лице
Не знам дали ти е тоа сега како рана, ама земи си цикатрикс за побрзо зараснување и неостанување лузна. Ама прашај си во аптека, би требало да има некој што ќе знае да ти одговори дали ќе ти одговара цикатрикс кога ќе види за што станува збор.

 

Не знам ни како ми дојде идејата. Стерилни игли имам дома еден куп, ваљда затоа. Баш е рана, со струпче. Сега ќе тркнам до аптека, не ми ни текна на тоа. Идиот.

 

Физички, постаро. Имам помалку енергија, побрзо се замарам, повеќе проблеми со 'рбетниот столб и болки. Ако пооодам малку повеќе или подолго време седам, имам болки.
Психички сум понестабилна, како ми се менуваат хормоните, така ми се менува и расположението и се повеќе плачам. Се почесто ми се случува да ме заболи душата и сега сфаќам и што значи тоа да боли душа.
Во тој дел се осеќам постара, односно повозрасна.

Инаку за се друго сум иста, истиот вкус за облекување, истиот хумор, истиот жарн на филмови, истата способност да паднам, па да акумулирам сила и во еден здив да се кренам.
Физичкото стареење е неминовно, но менталното е навистина состојба на умот. Јас намеравам да си ја одржувам личноста додека ме држи умот, се додека личноста не е сменета, јас сум истата и на 20 и на 40 и на 60 години.

Секоја возраст има посебен шмек, треба да се ужива во истото.
Не знам зошто некои луѓе, жени посебно, со сила се трудат да изгледаат како дваесет годишни. Сме биле на тие години, дај сега да изгледаме добро као 40 годишни
И не мислам на тие што се младолики

Убав ден, се надевам дека наскоро ќе видиме и некој сончев

 

Остајте годините и осеќањето, туку кажете, Андреа е женско или машко име


Добро утро.
Кафе испиено, втора перална врти.
Со некои луѓе, едноставно нели, секое договарање е тешко. Тие некои луѓе сум јас

Еден куп обврски имам денес. И попладне пак на работа.
Куферот ми е спремен, за каде ни јас ни тој не знаеме. А одмор ни на повидок

4ти ден пијам колаген. Засега презадоволна сум. Сега и други купив. Ама скупо у пм. Сите додатоци што ги пијам околу 500ка годишно ме фаќаат. Кој ѓавол ме тераше да сметам

Јас лично, се осеќам како што се осеќав и до лани. Шо знам, никогаш до сега не сум била 32 за да знам како е да се осеќаш на 32 па да споредам

А за изглед, изгледам како буренце
У 20тите бев сучка, сега буре, на 40+ ќе видиме.
Да сум жива и здрава само.

Надвор времето е екстра, 20тина степени е. има. Ќе од петок до понеделник

Известува од УК, Малерозна разбираш

 

Го имав истиот проблем, почнаа пред 15 години да ми се повлекуваат непцата и соголениот дел на забот, т.н. врат, да боли ужасно. Забарот ми аплицира анестезија и ми го истружи малку тој соголениот дел и ми стави пломба како линија на тој дел и терав така со години. Само не е арна таа пуста парадентоза. Од 6 такви соголени заби, денес, 15 години подоцна, два изгубив

 

И јас имам такви пломби Бубале. Баш најмногу за тоа закажав на забар, две треба да обновам.

 

Леле мори невесто, како ви текнуваат ваквимити занимални?
Првпат чув за чајно дрво овде, со масло се мачка дете зад уше една капка да не фати вошки. Смрди, труе (смајли со затнат нос). Една капка оти било агресивно маслото, затоа и зад уше.
Од масла знам кантарион, за епителизација на кожа, и уште едно, другарка ми Рејчел Хантер го открила како најефикасно против стареење, таману оил или така нешто беше, ама уште не ми е порачано/пробано.
Инаку кога ја видов споменатата госпоѓа не ТВ, му реков на маж, и јас сакам да изгледам вака на нејзини години. Мислев има околу 55, пошто нели манекенка, американка, ваљда понапредни се па поспоро стареат. Таа да ти имала 45. Па сега нејќам да изгледам како таа на тие години, ама маслото сепак ќе го пробам. Многу убави и инспиративни беа тие нејзини шоуа, еве да споделам нешто ако не сте налетале на нив

Спојлер: Тур оф бјути

Повремено чистам лице со бадемови масло пред спиење, и толку од бјути третмани. Ми се може, ко сум млада. И така, пред некој ден открив дека спиењето било најефикасен бјути третман, шо уште мастраф да праам.
@elena.mak до сабота има време. Гледај не шлакај многу пудри, колку можеш повеќе без мејкап држи го лицето, да може да заздрави. Спиј повеќе, (се надевам без шминка спиеш). Кантарионово масло реков е за епителизација, незнам некоја фармацевстка направија дали може да биде поефикасна. За криење мислам на времето имаше нешто Coverderm се викаше, во аптека можеше да се најде. Покривност-цемент, ама само на 2-3 саати јас би стаила, ете за фамозната свадба.
Козметичарка/ дерматолог некој немаме овде?
Пс: Нејќам да изгледам како на 20, (ни на 20 не сум изглеала така, јер гз ми е канцелариска столица), ама еве да ми потрае чувствово на 35 до кај 55, би било фино

 

@elena.mak Хидроциклин маст земи, проверено делува на рани. Корупката одма ќе ти падне. Во упатството пишува дека меѓу другото се употребува и за рани и воспаленија предизвикани од козметички производи, а твоево е нешто слично. Ако не се лажам, има и антибиотик во составот, ем кортико, помага за побрзо заздравување.

П.С. не сум дерматолог, споделувам мое искуство само Прочепкај на нет, види состав и за што се употребува подетално. Јас го имам користено на лузни од акни што сум ги копала и експресно ми поминувале од само едно мачкање.

 

Денес сум без шминка. Во аптека ми дадоа здраве кремче за преку ден, а навечер баш хидроциклин. Вика повеќе е иритирано од што е разрането. Сам ако не си направиш беља, кој ќе ти направи! Чајно дрво, мај ес.

 

Добар ви ден и од мене.@elena.mak роднини да не сме-последна глупост есенција на стапала ми беше,последици сеуште.@Ygritte со здравје да се вози количето.За годиниве се осеќам ко баба од 100 г,а богами и така изгледам.Не се плашам од староста,си ја прифаќам,но се плашам од не дај боже немоќ да извршувам вообичаени работи.Сменета сум физички и умствено,бааѓи.Тоа што не сум се осмелувала како помлада,сега е поинаку,конечно научив-ако не ме почитуваш,нема ни од мене почит да добиеш.Денес имав прилика да си го кажам тоа,очи во очи,и за прв пат сум горда на себе си,чиниш на Марс се качив.

 

@elena.mak го има во сите аптеки.

 

Ја гледам кога ќе ја фатам, ама не изгледа ко 45 ,мислев накај 60 дека има.....аууууу....цела е збрчкана
@elena.mak не ставај ништо друго на лицето освен тоа сега што ставаш, само со вода миј се , се надевам до викенд ќе се среди
Изглед и тело едно вели а мозок друго

 

Сега прочитав, австралијанка била.
Сонцето го праи тоа, суши кожа, остарува предвреме. Ко ќе ми текне, некои роднини што сум ги имала на село, по цел ден на нива сончани, па едно 20 години постари изгледаа од нивната реална возраст.
Јас фала богу, навреме развив алергија на сонце. Сега уште вампиризам туризам да измислам- кај да се оди на море, со алергија на сонце.