Ние околу и преку 40...

Добро утро
Станата со кокошките, т.е. со бебка од 7 Неработен ден денес, ама јас сум на “одмор” цела недела. Во наводници, зошто кога сум дома, сум секаде само не на одмор. Ама убаво ми е со црвчево да си бидам, да си се дружиме Ја научив името да си го кажува, и најслатка ми е И моето го кажува, ама скратено Љубов ми е бе, неизмерно ја сакам

Дружба најавена за вечер, долго одложувана и презакажувана. Се надевам конечно ќе се оствари.

Тинејџеров мој (мм ) уште спие, се прибра сабајле во 6. Ифрит сум, само нека стане, има да ме чуе. Се’ има граници, разбирам и победа и шампиони и Вардар и се’, ама џабе земавме одмор двајцата неделава, дома не е прибран. Ќе го испеам како попче, само нека ми стане И кога ќе стане, свечено ќе му ја предадам ќерка му во скут, и што знае нека прави. Рече вчера во парк ќе ја носел. Кај сака нека ја носи, што сака нека прави. И мезе за гостите вечер ќе спрема, само он уште не знае

Да заврши машинава, да направам ручек за детево и завршувам за денес. Ќе се бањам и тинтрам после два саати, со маски, со сите салтанати.

Убав ден на сите

 

Да се пријавам на рецепција а не оти имам што да кажам.
Ме дрма некоја нервоза од сабајле ...
Појма немам што со денов,освен кутлачата и крпата ништо друго не ќе е .

 

Добар ден другари

Вчера не можев да дочекам, па утрово гледав фотографии и видеа од плоштад и си поплакав малку... не да поплакав, пола кутија марамички беа стуткани и расфрлани околу мене. Не сум некој спортски тип, ама ме трогнуваат и понесуваат емоции и среќни моменти. Не знам како некој може да остане скроз индиферентен, ја дефинитивно се радувам ко ја да сум освоила титула. Затоа не гледам кога губиме, срце ме боли ептен лично сфаќам.

Се галиме со мачор и туку ќе ми се тргне наеднаш и ќе испотресе шепи ко мислиш којзнае колку валкана сум па сум го допрела светото влакно негово. И тогаш кога ќе му влезам да го гњавам, душата му ја вадам. Па ќе избега и застане негде на страна, па ќе се лиже и ќе ме гледа злобно дур подмижуе со очите, па му велам -ај не ми се занашај и двајцата знаеме дека ме сакаш!
И така со него дур маж не е дома, после него го гњавам и душа му вадам. Ама се тоа од љубов.

 

Дали знаете која од оптикиве е најевтина? Или некаде да има попуст моментално? Си бендисав едни Рејбанки, ќе си пукнам

 

Кажи ако најдеш...јас сакам цвикери ама не ми се даваат пари :/ на крај ќе купам од Dm едни бендисав...
Кај низок притисок па и лук кснав сеа ќе се умира да немав работа ќе си легнев

 

Имам два пара купени, Селин и Рејбан, од странство. Од тука не ми се купува, башка што и цените им се набиени ептен. Рејбанот од Братислава ги имам земено на 70% попуст за смешни пари. Ќе проверам, Диоптра често имаат попуст, мм диоптриски зема од таму на 50%, па ќе пишам ако има негде. Се заљубив во едни Рејбанки, ама пусти да се, сигурно се изгор

 

Ја кај да одам скапи ми се ))) скржава сум не е до нив
Во диоптра бев кога имаше купони на групер ама под 100евра со се попуст немаше баш ништо.

 

И да знаев дека нешто заборавив
@WildMk лепотица си женска топ ипол од мене имаш круна за мисица ептен си

 

Хај!

Се заблажувам со сладолед. Конечно сите сме дома, а не е викенд.

Бебето спие. Јас се наспав до 10. Синоќа седевме со мм до ниедно време. Па он беше на ред да стане со малото. Го однел кај моите во двор уште од рани зори па цело маало ечеше.

Ништо посебно со денов. Малку ќе се легачи, малку ќе се шета.

Секси види ја струмичката ЛМ , имаат некогаш акции и за 50е. Пред некое време јас земав РБ за 3000. И претходно пак земав од таму. По некоја поситна сума за разлика од другите оптики. Добивме и некој попуст дека два пара. А не ми е тешко и да се прошетам да видам. Може ќе си најдам пак нешто.

 

Добро утро, добар ден .
За кој како.
Мене нит ми е добро, нит ми е ден.
Не знам што ми е . Ама стварно некое чудно чувство имам уште од сабајле . Ми се плаче ,а не знам зошто. Нешто ме боли , не знам што . Ме нервира , не знам кој.
Цревата во комшии ми ги слушаат како кркорат,а не ми се јаде . Устата барут сува ми е , не можам ни вода да се напијам .
Сакам да се скарам, но немам со кој .
И така ....
Овој си лежи муА не го лази .
Умот само во скитање му е.
Да сме излегле некаде ,ќе ми се поарнело .
Како да му кажам дека сакам само дома да си седам . И да си плакам . Никој да не ме гледа, никој да не ме слуша .
Постот повеќе за во На срце ми лежи е , ама нека трепка овде .

Да не сум до толку оф ќе кажам дека денес кујната ми е затворена.
Ако сакаат попара нека јадат цел ден ич око нема да ми трепне.
И прашината нека стои. Може еден потпис само да удрам .

Да собирам сила да се кренам оти тешко на тие околу мене вака . Ако ме затера 2-3 дена филингов за никој нема да биде арно .

 

Да ве поздравам
Со бебка се прошетавме до кај моитр,демек така по улица со точакот,па ај да ги видиме.Недела и пол не бевме дека болни(уште сме)ама малку надвор им поседавме,се итрча малата,садевме цвеќина,почна да кашла и плачеќи заспа.
Антибиотикот и го продолжи уште 3дена.
Што вирус ќе беше ова,аман.
Не ја замислив @WildMk грда,него не толку убава
@Bubce38 те гушкам најсилно.

 

@Bubce38 силна си ми ти,не запаѓај сега во немоќ,арно ти вели зетко,ако излезете можеби мислите малку да ѓи смениш.Ако немаш со кого да се караш тука сум,ако треба и ќотек ке јадам,крепам,само да ти намалам мака од душа

 

Денес хит ми се сите што честитаат Бајрам на позадината на фб по повод Геј парадите.

 

Па убај бои има интересни

 

Ај добар ден на сите

Фала ви на сите, ама реков, егото ми се поду колку собава. И доста сеа, ќе ме почудите, ќе ме фати пролив или нешто така!

Наочари за сонце немам носено... поќе од 20 години.
Одев на работа, низ гаража излегвав, дека таа стално отворена, баба Бог да ја прости беше цел ден влези-излези.
Е, носев наочари за сонце, ама уште внатре ги кладов, а оваа истава баба, го миела каналот за колата (појма неам зошто), а беше покриен со штици, и 3-4 тргнала за да се суши.
Јас цела фенси-шменси, не ја видов дупката дека полу-темно, а плус и наочарите за сонце, газење со едната нога в дупка, другата горе ми остана, шпага напрајв.
Не знам како успеав да се задржам на лакти и да се кренам да излезам.
Ко ме стегна една болка, лежам на земи пиштам-вриштам, истрча брат ми, ми се одра: Шо туку се прпелкаш по земја мори! Станвај!
А јас плачам и му кажвам: Брат изгледа ногата си ја скршив.
И стварно така би. После 3 саати рипање на една нога низ болница, пошто никој не ти дава ни штаки, ни количка, на снимката се виде дека сум ја пукнала коската...

Наравоучение: Глејте кај ојте!

 

Јас носам наочари за сонце од што морам пред се после за имиџ/мода.
Инаку може кола да ме ѕвекне не гледам ништо кога има сонце ми солзат многу очите.

 

Наочари за сонце ама со диоптер пошто црна мачка не гледам,еве две години имам.Се арно но не употребени ми стојат,пред се ради тоа што кога на пример би влегла во Веро да речеме-како.Да носам во кутија со мене др наочари па извај клај-зезнато ми е.Да ги кренам горе на коса нема да гледам ко што треба.И така меракот за ночари за сонце ми остана,наочарите за нови си ги чувам

 

Леќи си пробала? Јас без леќи надвор не функционирам. По дома наочари со диоптер носам, ама надвор леќи и очила за сонце.

 

Имам пробано, не мом да носам.
Грозно ми е ставање/вадење, башка многу ми се иритираат очите и ми солзат со леќи

 

Никогаш не сум ставила наочари за сонце оти носам наочари со диотер.За леќи не сум пробала до сега навикната сум на наочариве .
@Bubce38 денес малку поплачи си утре ко нова!Понекогаш и тоа мора !