Ние околу и преку 40...

За цигарите маж ти е апсолутно во право, а и како пациент мора да го слушаш докторот
Откажувањето од цигари не е прелесно, ама не е и толку тешко, првите два, три дена се најтешки, имаш малку физичка криза, минимална, после се е психа.
Мене ми помагаше лупење на семки, ем ми беа зафатени рацете, ем џвакав постојано нешто. И јас се откажав пред се поради здравствени причини, а нема поголема мотивација од тоа.
Силна си ти, ќе успееш, те чекаме од утре секој ден да ни се пофалиш дека не си запалила цигара дента и ќе ти ставаме лајкови за поддршка
Со лесно

А зошто јас читав такви страшни работи за КТ на глава, демек некој процент луѓе добивале тумор на мозок, одвај се решив да направам кога имав дупло гледање
Пишуваше нешто дека КТ е околу 400 пати посилно зрачење од рентген, дали е тоа точно?

Заборавив да прашам, кај сте бе лепотици?
Јас денес задремав после ручек и од дремка преминав у длабок сон, сега ни Лоратадин не помага, очиве ширум отворени И така, со наочари, пошто ме потсетивте со диоптерите и цилиндите. Имам и јас слаб диоптер, со цилиндер на едното око, ама заборавам да ги носам наочарите, кога ептен ќе ми се замати, ќе ми текне да ги ставам.

Имам долгогодишни пријателства, ама се проретчуваат, некои сами се оддалечија, од некои јас сама се оддалечив. Подобро е некои пријателства да се оддржуваат на дистанца, за да траат подолго, односно ако ништо друго, да останеме во контакт. Сите се менуваме со текот на времето и некогаш промените ни се во спротивен правец од тие на пријателите.
Ама генерално, секогаш сум другарувала со помалку луѓе, на долги стази И повеќе работев на пријателствата, отколку на врските, врските секогаш ми беа споредна ствар, појма немам зашто...

Спојлер: За добра ноќ

Чај од маточина за несоница

 

Утринска главоболка, камо да беше од пиење. Ама не, од плачење беше.
Толку некогаш не можам да се воздржам од некои постапки што на крај само јас завршувам повредена.
Ви завидувам вам прекрасни жени на мажите кои ве поддржуваат во се. Ене го мојот лепотан не може да сфати дека ми треба време, са мене, за моите мисли. Не било болест моево, вишак слободно време било, да сум фатела да работам нешто . Ко да сакам јас да ми е вака. И ќе изнакаже се и сешто и утрински ќе стане ко ништо да не било. А јас помеѓу ќе липтам во купатило да не ме чујат децава, па ни он да не чуе, не сакам да знае колку ме повредил.
И еве сега за "мој раат" ги однесе децата во 7 во градинка за јас да пијам кафе на мир одсабајле, а јас осеќам грижа на совест. Идиот, ете тоа сум.
Може ова требаше во спојлер да оди или во "на срце ми лежи" ама вие сте ми мои, нема да ми замерите на негативата одсабајле.
Убав ден лепотици

 

Добро утро, со кафе.
Правам огромно кафе секое сабајле. Го пијам со саати.
Знаете каков е живот у село?
Си одиш со колата накај дома. Секоја куќа си има бавча, мала, и си ставаат гајбиче напред со производи. Од една комшика купуваш пипер, од друга краставици, ти берат патлиџан пред тебе, зимаш од непрсканите производи... купуваш клавчиња, договараш утре кога ќе пораснат тиквичките да ти тргне три... следната има кокошки, па зимаш јајца од неа, денешни. Стигнуваш у твое маало, комшиите на пижани, купаќи...децата растрчани низ пат. Берат сливи од некое дрво, лапаат праски...
Правиш салати, седнуваш у двор, дете трча низ тревата, иде куче од некои други комшии, па дете го рани лепче, се додека се стемни... Мир. Нема коли, нема галама...
Се стемнува, туш и заспиваш со отворени прозорци.

 

Нешто до денот беше и јас се спукав со маж вчера.
@EuHenIa
Не можев да спијам, па пуштив машина во 12 ноќеска.
А работа куп.
Ми треба концентрација, кај да ја барам?!

 

@EuHenIa да знаеш мене како ми фали време само за мене? Ноќе не спијам за да уживам во тишина и во самата себе. Ама се надевам дека за брзо ќе се смени оваа ситуација оти 5 години ми е веќе вака.

Четврта недела како живеам во неизвесност за еден важен одговор и сум константно под стрес поради тоа. Баш поради тоа се мислам дали да одиме пак накај маж ми или да останеме дома со децава. Од една страна ми се оди, од друга срце не ми дава.

Кој е за пица бујрум, децава тоа посакаа. За големи има и кафе.

 

Добро утро!!!
Немам чувство дека е лето прогнозава е иста и за август
Кафе пијам и во позадина си слушам како врни дожд и убаво е малку за одмор на мозокот
Некогаш мислам дека дури ни маж не може да те сфати за некои работи ,они мислат лесно му е на жените во се ...но јас викам дојди да се смениме...
@EuHenIa
Од денес центарот затворен почнуваат со подготовки за Пиво Фест и од оваа манифестација ми е смачено оти културата ни е за никаде ..
Ајде убав ден!!!

 

Добро утро
Се молев на сите богови за малку дожд. И ух ла ла деновиве. Нека ми простат одморџиите, ама мене ми прекисна од жешко.

Од неизвесности... живеам во неизвесност од Април. Знаете, кога немате добро чувство за некоја работа.. и навистина се оди многу тешко, ко на гурање, милион застои, па пак одново и одново...
Ама ова е јас која е јас последниве 3 години. Една друга јас, многу ќе плачеше и ќе паѓаше во депресии.
Животов ми е далеку полесен откако се тргнав од “пријатели” што ми ја цицаа енергијата. И откако научив да прифаќам ситуации кои апсолутно не зависат од мене, па според тоа, што и да напраам не можам да ги сменам. Борбата остана да ја насочувам кон она за кое можам да направам нешто, за да ми биде мене или на некој друг поубаво.

И се бунтував, и расправав, и години минуваа, сега како возрасен човек научив многу и веројатно имам уште многу за учење. Многу работи што некогаш ги бранев денеска не ми изгледаат толку бистри, и многу работи што некогаш ги напаѓав денеска изгледаат почисти и пореални.
Валда се си доаѓа со годините. Ма да, не и кај сите за жал.
Среќа мозок не е статична алатка. Па константно учиме по пат.

Кога врне неминовно размислувам за животот. Ама сега сум на такво избалансирано место со срце и ум, кога мислам дека ниеден избор до сега не би сменила.

 

​

Добро утро девојки
Ретко кога пишувам во овој дел од денот... но Ви кажав дека понекогаш додека пијам кафе ѕиркам на темава.
Ве сакам, сакам да Ве читам и од недостаток на време за дружба на +/- 40 нелогирана читкам
Ноо сега моорав да се логирам за да ја гушнам @EuHenIa
Многу е тешко кога најблискиот не те разбира... Го живееш животот и правиш се за семејството, не очекуваш ни благодарам за своите жртви и дела затоа што тоа така треба и да биде... И што добиваш за возврат? Критика дека "аздисуваш"
... Еее тоа навистина боли, БОЛИ со големи букви!
И што правиш... голташ, собираш во себе, продолжуваш да се смееш, а длабоко во себе венееш и страдаш. Илјадници жени го поминуваат животот угодувајки им на некои си "мажишта" кои што не се ни свесни дека најголемото богатство што го имаат во животот е до нив и пати заради нив!
Ноо, животот тече, минутките незапирливо летаат... а има толку многу убавини кои што треба да се проживеат! Затоа, главата горе, игнорирајте се што е кажано, а знаете дека не е вистинито! Кругот на нештата се врти и на површина секогаш излегува правдата

Убав ден, Ве гушкам сите

 

Аман не зборувајте за мажи оти ќе го удавам мојот.Обично знае на одмор да ми ги крене нервите ама овај пат успеа откако дојдовме.
Ама на сон утрово го изгубив никаде не можев да го најдеме,е ама не ми беше сеедно.Нит со нив нит без нив
Леле колку глупави сонови откако призаспав...
Ај едно големо кафе за трезнење

Ова од гркото останало

 

Добро утро добар ден
Јас не смеам кафе ама за моабет ако некој е расположен тука сум.
Притисок висок за прв пат секогаш низок но сега баш висок.
Докторот на одмор замената ми даде егнонил и бедоксин белким вртоглавицата од нив ќе ми помине.
Убав ден друшки мои и бидете те ми барем вие добри ве сите

 

вардариште е тоа со ново имеи нова директорица

кој црни центар само ново име има, истата депонија е, со лешови на кучиња на секој чекор.

не се секирај бе Фана, не е ново ,старото е со ново име, не се секирај ти само.

 

Добро утро. Тргна возот. Завршив битна работа, во 12 имам состанок за новиот проект што ќе го работиме со невладината. Драфт верзија и пишување сосе дете со мене. Веќе почнав да се распрашувам за жена за чување оти вака веќе не оди. Ем ми треба личен простор ем греота е секој пат со мене да дреме и кенка додека јас работам.
Во петок и е првиот роденден. Порачавме торта и резервиравме игротека. Мама и купи балони и единица свеќичка, фустанот и чевлињата се спремни. Кога порасна, кога ми ја акна од глава животната философија дека џабе се нервирам за глупости, најбитно е да сме живи и здрави, на број. Тука да сме. Не смеам тоа да го заборавам.

Со маж ми вчера пушевме цигарче и пиевме шприцер на балкон и ме фати нежност дека одамна на раат не сме биле сами. Мора и тоа да си го испланираме. Доцна вечерта, сите спијат, јас крчкав џем од кајсии. Нема мир за мене. Ќе се смирам ваљда на оној свет. Не знам што да кажам, ама не ми е дадено да бидам демек зен, раат.
Ни со јога ни со дрога

Отидов да спремам ручек, ве поздравувам

 

жал ми е ќе се среди со терапија,не се грижи.

 

@mareane фала ти за поздравот


И за останатите еден поздрав да упатам. Не ми е до ништо периодов. Се осеќам ко робот, сѐ механички терам. Кај и да е и батериите ќе ми се потрошат.

 

А да не треба да се даде приоритет на кучињата кога бебиња се прегледуваат во змијарници? Да е само змијарникот во Ѓорче, магнет нема со месеци да закажеш, на тие 4 низ цела држава што ги има нема термин или пола не работат, ама немој уличните кучиња некој да ги пипне, оти сиротки се, а девојчено на ФБ што кружи со сронет колк ако е, ќе се снајде она. А јас сакам кученца, обожавам, ги тинтарам овие на улица на работа, дома исто, ама не ми се приоритет кога деца страдаат за помош.

 

Да да, ич не се секирам. Шо е страшно тука, змија е бог да чува, ќе станеш земаш книшката под мишка и бегаш, не е побрза од тебе змијата. Колку можеш ќе се спасиш.

 

Пак со измислување.
Абе кај прочита дека јас велам да има за кучињата врз цена на здравството на луѓето?
Дал сте нормални?
Не ги истурај фустрациите на мене, ако имаш жалби и поплаки упати ги до соодветно место, нели работиш во општина?
Тоа што јас сум нахранила животно на улица не влијае на тоа што нема мој термин,доста веќе со испревртувања, само кажав дека е стариот стационар со ново име,chill.

 

Комшо кај тебе позади зграда има многу опасно куче кое напаѓа внимавајте,сиво е налик на волк.
Да не беше една жена сабајле отидов курбан.
Комшии ми кажаа дека напаѓало да внимавам со детето.

 

Никој не измислува, ти напаѓаш, со ироничен став спрема нас останатите кои сметаме дека уличните кучиња не се приоритет, односно се ама не мора во Хилтон да се сместат баш па.

Пошто редактираш и не можев да те прочитам првично морам вака. Јас фрустрации не лечам, ме заболе лева патика за кучиња улични. Ако ме прочита ќе го знаеш мојот став не ми скокај ко да сум јас таа што ги носи во Вардариште и ги убива. Ти со тоа што храниш улични кучиња создаваш глутници кои не си свесна ама се опасност за луѓето, зошто ти ќе нахраниш едно, две, пет, ама не можеш сите улични кучиња да ги нахраниш, а тие се сироти истрауматизирани од оние кои ги маваат на улица, ги газат со коли, ги шутираат, ги пукаат со воздушни пушки од забава, од оние кои воопшто ги исфрлиле на улица, па напаѓаат зошто мислат дека сите им се закана. Стварањето глутници е опасно за децата, ете едно такво го нападнало син ми, мало ама доволно да му втера страв, и јас бев како мала нападната од куче ама сепак поголема и немав до толку многу трауми како малово.

Не мразам кучиња ама не сакам да бидат потенцијална опасност за моето, твоето и сите деца на улица, а се.