Ние околу и преку 40...

И ние еднаш бевме не знам точно дало се викаше Вруток или според мапата беше Кај Симе, на почетокот некако му доаѓа првото ресторанче, со голем двор оградено и доста тревен проостор за деца, тоа што е на самата река не е баш за деца, нема да можеш раат да седнеш оти отидоа децата во изворите
Сме испозаспале рано сите, ама цел ден окапавме на плажа и тоа не било лесно , и Охрид топло, ама не се споредува, под сенка е милина
Убав ден

 

Охооо...јас заборавив што беше сами излегување. Знам дека ќе ни се удри од глава, ама еве, девет години во брак, само трипати имаме излезено сами, и тоа преку ден. Навечер нема шанси.

Мислам дека има врска со крвната група, а може и не. Сите по дома не' касаат, освен свекрва ми. Ама па сите сме крвна група 0, само таа е А.
А можеби и друго е во прашање, не знам...дека свекрва

Ај добар ден...или добро утро, кому како. Мене ми се чини дека е веќе пладне. Гости во најава, убав треба да биде денот. Ама напорен... Деновиве ми е напорно, оти не спијам убаво, преокупирана сум со некои планови, па дали ќе испадне ко што треба...

 

"А"крвна група, омилена сум им на комарците
Жешко и спарно од сабајле. Ми се спие уште...
За излегување се трудиме да ги има па макар и на некој саат. Иако маж ми секогаш сака да викне уште некој пар ама и тоа е тешко веќе за договарање.

Добро утро

 

Ај добро утро и од мене. 0 крвна група сум и јас, и алергична на комарци, а доаѓам од градот на оризот, па не знам дали знаете колку мнооогу комарци има таму Отсекогаш мирис на лето за мене бил Аутан и слични средства, наместо млеко за сончање. Веднаш ми се нафрлаат големи пликови, ме чешаат ненормално многу, тврди се и траат со денови. И нема чаре. Сега овде еден комарец да има, мене ќе ме најде и ренде ќе ме направи.
Откако се роди бебо, со мм имаме 'излезено' досега само два пати и тоа на свадби, еве вечер сме на третата. Ама не го рачунам тоа за излегување. Искрено ни желба имам за спремање, ни сила на крајот на денот. А не е убаво така, знам. Сепак треба да си посветиме време и внимание еден на друг, оти пред бебо 9 години бевме само ние двајца

Се разбудив преморена, т.е. синко ме разбуди. Во текот на ноќта станав 5-6 пати, на секој саат ми се чини стануваше. Одам да се расонам некако ако можам воопшто.

 

Добро утро.
Утро ми е, сега станав. За денеска планирам да правам ... ништо.
Ај да почастам кафе.

 

Знам дека нема врска крвната група, ама ај да се тешам. Или како што реков, дек свекрва, па не ја касаат
Иначе @happygirl и свеки моја е од таму, ама отпорна е на нив. А кога и да одиме, јас и децата сме лом. Ме чуди и на Пониква што ги има, високо е таму. Ама изгледа се адаптирале. Башка, не беа таму како овие овдешниве тигрести. Обични беа, кафеави. Тигрестиве дојденци ни се

 

Добро утро!

После лудата ноќ кафево на пецо многу убаво ми дојде.

Знаете дека не знам која крвна група сум ама комарците во Делчево ме начекаа и пуздер ме направија.

Денс и ние едногласно решивме да не правиме ништо.

Мм ме искара да не работам по неделите ми вика мораш еден ден во неделата одмор не губи здравје за и има право.

Убав ден друшки мои убави
Чао!

 

Од крвната група рх факторот одредува дали ќе те јадат комарци или не.
Добро утро

 

Добар ден и од мене
Денов е саамо за по риби , а за мене одење на риболов е да одиш таму и цел ден да не правиш ништо, па што ќе одам и да правам ништо, можам само да правам ништо
@happygirl снашке тебе како ти е кај нас? има по некој у градот со мокор чарап ударен ама тава е тава

 

Ај добро утро. Колективно успивање до 9 Не знам ни кај сум, ни што сум.

За излегување, со мм редовно излегуваме или правиме нешто сами/со друштво. Зборувам за откако ја имаме бебка. Гледаме колку толку да го одржиме жив и тој дел од нашиот живот, ама па и благословени сме што свеки ни е на располагање за чување дете во секое време. Иако, не го злоупотребуваме тоа. Најчесто сама си ја бара да ја чува, или детево бара да оди кај неа. Па сеа, не би да им ускратувам од задоволството Сме биле и сами на викенд неколку пати, јер жарот на бракот мора да се одржува И не гледам на тоа како нешто трагично, баш напротив.
#немајка

Е сега откако бебе бр. 2 е на пат, скративме излегување и дружби, зошто не се чувствувам најдобро. Се надевам втор триместар ќе одморам од мачнини и ќе можам да шетнам малку. Запоставивме и со дете шетање, освен во двор ама што да правам Ај се тешам и онака е топло да ја носиме негде преку ден, па вака по дома се занимаваме. Најдобриот другар битно тука ни е, се дружат секој ден. Уствари мојава го манијачи и го следи, он бега од неа и плаче и така

Се мислам дали да правам проја или кифли, ама повеќе сум за второво. Квасец немам, а на мм ако му речам, ќе ме кара дека треба да одмарам со ногава. Ама сакам да направам повеќе и да замрзнам, најмногу ради бебка, обожава кифлички, море секакви теста. На мајка и’

Ај уште еден месец и конечно на одмор

 

Добро утро. Дете побара пита од јаболка а маж купил зелени јаболка и не знам дали да се карам, да го пратам по нови или да готвам со овие.

 

Пецо,ѕвони каФ'то

Некогаш наместо да пишувам овде -ми се иде стихови песни да постирам па кој разбере - разбере

Сабајлево,ми остави пари и една од неговите картички -да не сум се туФкала за пари дур го нема ,демек ја неам ама ај ,убаво е чувството ко се грижи некој за тебе ...и тоа го дочекав ,љуби га мајка ....

И тоа ....да се прибирам дома,жешково жежи бајаги.
Аааааа- крвна група А, а Rh фактор позитив -ко за све остало у живот што сум .

Ај ... убав нека биде денов

 

Добро утро и од мене
Мм денес кооонечно е слободен. После два месеци секој ден по 12 саати работа редно беше. А плус и службени патувања. Овие два месеци скоро ич не се видовме
Децата навечер плачеа по тато, сакаа и он да ги успие, едвај ги смирував.
А и мене ми фали, два месеци само на брзинка ако се видевме и прозборевме.
Се мислам што да правиме денес, или да шетнеме негде можеби. Помалата е настината па ќе видиме.
Само се молам да не му се јават да му кажат да среди нешто е тогаш ќе пукнам

 

Добро утро!

И не ми е баш,ама нема врска...

Сепак ќе се чмае дома денес..заради тоа,се спукав со маж вчера....желусник ми се преврќа од нервоза ама тоа е....

Ви посакувам поубав ден од мојов!

 

Добар ден, јас неарна. Кај најдов во најжешкото да се разболувам? Ова од @NarCis@ изгледа ме префати
За комарциве и јас ќе се пожалам, решетат безмилосно, лом прават. Маж ми е 0 негативец, ама него ни бормашина не го пробива, камо ли па комарец. Лани го каснал некој крлеж и умрел внатре во кожата, па хирушки му го вадеа. Сирот крлеж, не знаел на кого налетал.

Се мислам како да отидам до маркет, веќе сѐ ми снема од храна и барам начин како да го изведам тоа. Деца не сакаат да дојдат, а и да сакаат не ми се носат по жештиниве. Немам на кој да ги оставам и само се туфкам, кројам планови...ама џабе. Ќе видам вечер некако да ги излажам, ако не заби ќе мора да покажам Мора да се јаде нешто.

За излегување сами со маж, заборавив што е тоа. Ние никогаш не сме сами, ни дома ни на никое друго место. Ми фали тоа понекогаш, да, ама не би ги оставила децава се секој за ние да излеземе.

 

Јас одамна олку не сум била искасана од комарци ко годинава.И мене пликови ми се прават тврди чешаат со денови па знае и да се инфицира со недели.Се думам да почнам лоратидин да пијам.
Се преспав утрово.Појма неам ни за ручек што .Ако ги убедам децава за на село скара ќе натерам мм да прави.
Со мм повеќе излагавме кога беа мали одколку сега.Мајка ми ги чувала кога требало.Сега друштво за излагање послабо,пари за трошњње на такви работи се помалу а и желбата веќе спласнува.Затоа излегувајте колку можете со деца без деца како можете.

 

Здраво жени и понекој маж,
Одамна не сум коментирала на темава, а ве читкам повремено.
Седам сама дома и буквално не знам што со себе. Маж и керка се во македонија, јас ич немав расположение за таму па си останав дома. Брат ми и снаа ми до некни ми беа на гости, па прошетавме низ неколку градови Ротердам, Хаг и секако најмногу Амстердам во најтоплото лето кое Холандија било кога го видела. Навечер во 22 беше 38 стрпени пред некој ден со рил фил 43. Дури и Северно Море беше топло, со доста капачи.
Мислам дека добив burn out од учење. Испитите завршија пред 3 недели а сеуште не можам да се соземам. 2 години посветени на една цел од која ти зависи иднината. Знам дека резултатот не секогаш е рефлексија на трудот, но не знам дали би можела уште еднаш да врвам низ ова ако не положам.
Ви посакувам на сите убаво лето, и некоја фотка од плажата во Шевенинген

 

^Мене ме асоцира на канаѓанецот.

 

Ај добар ден

Излегоа овие двајцата. Јас разбрав дека ќе одат да пазарат, ама ќерка ја остајл кај другарка и'..
Ако оди до маркет, си го земам до мене мобилниот, оти знам дека сто пати ќе звони да препраша шо треба да купи, иако му е кажано веќе
Па мачкава.. не чактиса дека јас сум дома... тие излегоа, оваа мјаучи в ходник, мјаучи.. жално-жално..
И' викам: Мац! Ела ваму... Јас сум тука, не си сама

Се изнасонвав глупости ко обично..
Ама синоќа изгледавме два предобри документарци, по негова препорака...
The Inventor
The Great Hack
Вториов посебно, ме измести од ментеше
Ко да немав доволно причини за нервирање ...