Ние околу и преку 40...

Здраво живо друшки!

На кратко да ве поздравам пред да заминам на,работа....
Ручек се допекува-мусака на репертоар...дома пекол ...ги избркав децата во дворот,бар ветерче дувка и сенка е....

Некоја меланхолија ме навјасала деновиве...тек тук ми се приплакува па ќе ми помине...
Не сум во ПМС фор д рекорд...
Којзнае што ѓавол ми е?!

Читкам една книга прилично тажна а замислете избор на ќерка ми е...ме зачудува со зрелоста детево понекогаш...

Жими една мајчичка,си имам....секој ден по неколкупати ја слушам...Бог да ми ја чува и пази оти нејзината загуба не знам како би ја поднела...Близу е до 70 а елан има ко за 40...сакам да,сум ко неа на тие години...
Ама немала баш ксмет а заслужува бар малку посреќна да биде!

 

Поздрав до сите
За многу години денот, честитки за оние што слават. Голем празник е.
И јас се изнасонував работи, малку језиво и ме растресоа. Ама постари луѓе викаат за празник соновите не важат, па се надевам дека е така.
И јас имам постари родители. Татко што заборава и не слуша и мајка која е гласна, 200 на саат и повторува сто пати. Тешко ми е да ги гледам како снеможуваат. Тешко ми е кога ќе ми снема трпение и ќе подвикнам. Многу маки истргале и сакам да се живи и здрави уште долго време, па и радост да видат. Многу ги сакам.
Немам концентрација на работа и едвај чекам да одморам малку.

 

Денес сум ко воз да ме згазил.
Се ме боли.
И мене ко Еухенла постојано ме фаќаат паники околу децава.Сега со големава не ме бендисува изборот на фак,оди колку да се рече.Тешка е за снаоѓање во нова средина не е самостојна тешка е на учење неснаодлива и знам дека ќе биде тешко.Ама нека се здрави и живи другото како ќе тече така.

 

Добар ден!

Ако не пишам тука како да не дишам како да ми фали дел од мене.

И моите родители се близу 70.
Т.е татко ми 70 мајка ми 68.
Многу ми е жал за татко ми нема многу од животов видено т.е прошетано па се за што зборува е тешкото детство поминато во сиромаштија аргатење,куќите што ги има направено,служењето во војска и операциите.

Се трудам пажливо да го слушам иако слушам едно те исто зошто многу ми е тешко што не прошетал не видел ништо од светов.

Знаете дека татко ми никогаш не видел море т.е не бил на море.
Додека ние со брат ми се средивме фин да можеме да им уплатиме да одат на море сега нивната здраствена состојба не го дозволува тоа срце ми се кине .

Мајка ми е друго барем е прошетана и на море кај едната сестра и во Германија кај другата и како дете преку Црвен Крст и Црква одела на море.

Ама она пак сега не ни зборува многу.

Ги сакам ама мислам дека не можам ниту стотинка да им возвратам за се она што направиле за мене.

Само Бог нека ми ги чува и заштитува.

Многу сакам да ги гледам кога се заедно толкава љубов и почит за милина се .

Инаку во мај им уплатив за на планина ова им беше подарок од мене за годишнина од брак си поминале прекрасно и да заборавив нон стоп за ова зборува татко ми со насолзрни очи радосен...

Се изнаплакав додека си го пишував постов.

Ај доста за тажни работи
Ве гушкам сите
Кој е за кафенце со млеко повелете

 

Неповикана во темава ама ве читкам некогаш, па дека сум на возраст ко ќерка ти, морам да пишам, од нејзин аспект како е.
Не и се мешајте за изборот со коментари, мене откако излегоа резултати за матура, ме премислуваат цело време, ќе сум изгубела круг за уписи, никаде ќе сум останела, таму кај шо сакам имало огромна конкуренција, сите ќе се запишеле, на крај ќе морало било кај да идам колку да студирам нешто . И кога ми кажуваат колку се секирале дали ќе сум примена и дека сум се глупирала, уште појше додатно притисок ми се прави, па и истиот муабет дека сум срамежлива и тешко ќе сум се вклопела, може не бил тој факултет за мене и 300 коментари. Знам дека се родители и се грижат ама...
Тешка одлука е и за нас, може иако личи незаинтересирана, дома и јас се трудам така да личам, за да некако се опуштат, но сигурно и онака долго размислувала, не дека оди туку така. И скоро сите што ги знам моја возраст прилично за истово се сега загрижени, а и се жалат дека дома ептен ги напнувале, на едните дека бираат факултет шо немал перспектива, на други дека оделе претежок факултет, не се исплатело итн... Којзнае, може баш ќе се снајде убаво и со тој факултет, чим го избрала и се допаѓа.
Да не бидам грешно разбрана, само сакав да си кажам.

 

Јас па напротив мислам , мене моите ме оставија кој факултет сакам да си го изберам сама, и ради реда го учев. Не знаев што сакам.Тогаш мислев дека знам,ама сега сфаќам дека поима сум немала за ништо на 18.

Сега ми е криво што не ми се умешаа и што не ме насочија малку, дека треба да го учам тоа што сакам и за тоа што ме бива. Сега жива се јадам, ќе бев психијатар ако малце ме притиснеа

нормално,не треба по секоја цена да се притиска, ама тоа "замаркање" некогаш е потребно кај некој

 

Да не заборавам-Честито име на сите кои слават денес,за многу години и на сите кои денешниов ден го слават.Ме мачат и плашат и мене мислите за иднината на децата.Понекогаш ми поминува низ глава и тоа дека секое со својата среќа,но родител не престанува да се грижи ниту кога децата ќе се возрасни.Тоа е исто некако со муабетот од прееска,дека се грижиме за постарите и покрај нивните така наречени ,,глупост,,.Родителите дури се живи за нас,децата пак за родителите,и на крај се се е еден круг

 

@LejlaD што празник е денес?

 

Света маченичка Марина, Огнена Марија.

 

Ако не пречи што ќе одговорам јас
Огнена Марија

 

Сонував дека имам шишки и кратка боб фризура. Време е за фризер, педикир и козметичар. Накратко, време ми е за време за себе.

Деновиве што од жега што од помалку возбуда, се чувствувам како да не мрда времето а и те како мрда. Трча. Ене го кај ми е роденденот. Маж ми ми спремал изненадување. Ајде и тоа да го доживеам. Работејќи сабајле сфатив дека на моменти скроз сум како исклучена од некои ситуации и подобро ми е така. Се зафатив на проект што сакам да успее и ќе пробам да направам нешто повеќе од ова што вообичаено сум. Тешко е од дома и со џагуре од дете што се плетка околу тебе ама па има и други предности. Работиш по гаќи и кога сакаш си вариш кафе. И правиш леб и ручек. И те фаќа нервоза. Меч со две острици, тоа е.

Сликовницата отиде во печат. Промоција, здравје во септември, па потоа одмор со маж ми и малата на море.
За моите, што да кажам, а да не ме фатат емоции. Ем ме нервираат ем сум им бескрајно благодарна што успеале да направат од ништо нешто, за мене и сестра ми. Татко ми има листа апчиња што ги пие, мајка ми се лечи со зборење на телефон и пиење кафе на работа со колешки. Беа месец дена во Србија и се вратија препородени. Знам дека за нив е тоа голема радост и уживање и само сакав да си поминат убаво. Донесоа кајмак, ракија, подароци за внука им и впечатоци ко да биле на Хаваи.

А сакам да ги однесам на Хаваи, да можев. Заслужиле.

 

И јас сакам да ги однесам моите некаде , ама рано е .
Сеуште тие ме носат

Баш сега ги мислев како си поминуваат таму. Обично ова време се слушам со мајка ми , сега си доаѓа од работа. Две недели ќе го немам тоа задоволство. Веќе ми фали , а тек четири дена се поминати само.

Арно што прочитав овде дека е празник. Машината спремна ми беше. Ама не е зорт, сабајле ќе ја пуштам.
Сега раат да дремнам еден час

 

Се извинувам,сега видов прашањето,но веќе одговориле,како и обично неонка сум-касно палам

 

Вчера @lunicka ме имаше тагнато за фил за торта... ама немав кога да пишам, сега и на работа сум, не ми текнува ништо во моментов. Ама добри предлози имаше, се надевам дека искористи некој од нив.

Одвај чекам дома да си одам, да се пикнам под туш и пола саат да дремам внатре... уф...

 

Не се мачи @Annath ,најдов страшно добар рецепт...
Си купив готова торта ,од слаткарница...
Кога ми текна дека има работа и садови миење,не фала...иако децава мелат не била како домашна ..
Море јадете и молчете

 

Баш ми е мило што ми реплицира.Те разбирам што сакаш да кажеш и во право си ,не и се мешам ни јас ама кај неа е што таа самата не знае не е сигурна .А за тебе имам само пофални зборови те следам повеќе време овде ,амбициозна и прекрасна девојка си и следи си го сонот ,јас мислам дека ќе успееш да се запишеш.И дека ќе бидеш успешна во професијата .Дури во неколку наврати сум посакала и пп да ти пиша околу некои прашања зашто знам дека си информирана најмногу.
Те

 

И кај вас не се дише ве читам.
Аман какви се бе овие чудни лета.. и кога е 27 степени и облачно е смрт и казна надвор не се излегува. Пече горе нема воздух за дишење спарно лошо а излеземе ни се слишува и назад.

Чекам септ да дојде иначе.

Наминав да ве поздравам само

 

Прв пат во живот мачкам нокти со црвен лак,па дури и на нозете,чешит ќе сум ако не ми се бриши убо,додуша ставив без боен прво ама....Рацеве небаре туѓи ми се,се нешто нежни лакчиња сум мачкала,мојов се паѓа од смеење,да не сум се спремала за некаде