Ние околу и преку 40...

Добар ден и убав ден на сите . Конечно август , како мало дете си се радувам на месецов . Роденден, одмор и годишница во брак
Кафе на тераса со синко и слушање муабети за нивните детски игри. Милина за уво.

 

Кога ве читам вака наутро,неш убаво на душа ми иде ... ко на времето ко бев малО , па наутро ќе се соберевме 11 души у едно собче и секој со секој нешто си збори ...

Успано утро , клима и договорена кафе дружба со овие моите две шефици ,строго од 12 до 13ч...ко пензионерите у шах клуб ..

Август ... и се е можно

Ај

 

Ај добар ден... папсав, а тек пладне е... ќе се издржи до пет? уф... Ај ќе видиме... поздрав па се читаме!

 

Да ве поздравам и јас
Дете со температура,ноќеска крена,можи да замислите колку ми е забавно

 

Да се пријавам во "среќните"...
Колата на мајстор е два дена...мож и трет ќе бидне...големи се шансите утре дома да се преседи...
А и сабота работам. И тоа од 12-до 18....

 

@dunika Скокам од радост.
БРАВО девојче успеа радувајсе,сега одмарање и добра мисла со бебе на градите
Браво Дунче

 

Другови и другарици, нели ви се чини дека денес е најтоплиот ден летово? Август влезе јако!

А го сакам август, ме потсетува на моето детство, на свети Илија, на убави мигови и на многу среќа. Од среќата денес не остана ништо, трошки, градам една друга, сопствена, не сакам да мислам многу тажно ама ете ме навјасаа денес спомени.

И мене ми фали муабетот со татко ми, оној нормалниот, не оној кога беше пијан. Овој август тек па колку ми недостига, пред 20г овој август истиот како овој, бев многу возбудена, татко ми одново ја отвори својата рок'н'рол кариера со голем концерт ден пред мојот роденден и цел август имаа проби, јас седев на големиот Маршал во просторијата во која вежбаа, аплаудирав и цртав, им бев еден од најголемите фанови... Денес тате го нема за да направат една последна генерална проба по повод 20г од отпочнувањето на кариерата. Ех, ми недостига, многу ми недостига стариот мој, Пинки што го видел Тито, рокенрол старче, ама ми недостига и мајка ми, која иако е тука ја нема, не е веќе истата. Ми недостига мајчичка каква што беше, а не оваа што ја направија лошите работи што и се случија. Нажалост моите родители веќе ги нема, едниот ни физички, а другиот веќе нема улога на родител. Напати се чувстувам како јас да сум и родител а не таа мене, ама тоа е.

Имам 2 часа да сработам се, па да фатам маглите малку порано, уште многу работи чекаат да се спремат па да палиме Зафирка накај Ксамил. Убав ден и најубав празник!

 

Ќе Ви пратам линк од Фејс кога ќе биде готова, нешто како наградна игра, па пријавете се и дојдете, ќе ми биде мило

 

Вчера си изнапишав пост и ми го снема
Денес жежок ден и побегнавме побрзо в соба.Малиот нон стоп заспива, под чадор, на пауза за ручек,после ручек како пензионер еМу велам на сите слики спиеш бе чоекОна спава ....работата
Тука само фамилијарни луѓе со мали дечиња и пензионери..Плажа и соба ми е релацијата..релакс..нирвана..
Колку ми фалеше овој мир..
Пливање во длабокото и назад..Му ја објаснувам техниката на машко пливање,она што очигледно сум го пропуштила во изминатите 6 години.Нуркање сам се труди, јас ќе се исподавам под водаДоволно ме плашат тро поголемките рипки што пливаат околу насОвој ми е прв одмор после цели 6 години и ми фали големиот..Ќе се видиме на 23 ти ми порача да не ги трошам парите на локомадес туку да чувам кафе да си дам
Турско, книга и хоризонтала е светото тројство тука.

 

Хелоу другари

Август и за мене е емотивен. 2ри конкретно. Ќе му беше именден на татко ми. Може сеуште ќе живеевме во куќата, па ќе дојдеа тетките како и секоја година. Вечерта ќе ја поминевме во двор. Ќе имаше скара, многу шали и смеа. Па ќе наминеа и комшиите...
Сега се е поинаку... и апсолутно ништо не е исто како што беше некогаш...


Денеска склетосав начисто. Не знам како веќе да се наместам на креветов, никако не ми е згодно. Попрво сонцето ќе напраи круг околу земјата, дур ја се завртам на другата страна. Плус од денеска натака над 40 степени, од камен да бевме па ќе се стопевме.


@Viktorijaaa5

Spoiler

Ја ви реков имам лесна нога. Ма сите ќе ве повлечам по мене.

 

Таман реков ќе се фалам дека денес конечно научи синко да плива, се пушти во базен и ептен си беше горд на себе а и јас нормално, го касна оса....
Ова ни е прв пат па радоста ни заврши со плачки, цело маало не разбра

 

Ангел бе ме .
Кај и така сум за нигде со расположение деновиве т.е.толку ми варира .
Ај и денеа кажете некоја убава вест. Да се расположиме малку...

 

Добар ден.
Денов добар у глобала. Бев пред малку да го земам синко од градинка, па до маркет и излегувајќи од маркет ќе се отепав се сопнав од еден пречник железен за количките, баш пред дел од вратата го стајле. Се задржав на нога некако. И оп одозгора доаѓаат на синко другарка со татко и. Насмевка и продужи даље, тоа е што е. Во тој маркет воопшто не пазарам ама ете го научив денес најдобро.
Дал од жешкото, дал од кучето што го здогледав ( патем знам дека е мирно куче, ама ај за никаде сум ), дал од типката во црна лакована ли, кожна ли каква и да беше хеланка на 40+ степени...се изушурив скроз за момент.
Од поведрите теми, денес си иде мм, ќе видиме што ќе испланираме од активности. Уште не дојден една веќе е договорена...И само уште 25 дена до одмор.

 

Смешно и жално у исто време.
Ние у селово деца не јадеме ,само леП:
-ај да едемо леП
-деца,едесте ли леП?
-3 д'на без леП га држив



Пензионериве машала,ред пред тутунска ,ни на банкомат можеш да пријдеш ниту внатре да влезеш ...
Божем рУкавице у аптека да зеам-иста прича,Ред се реди ,девојче,оди одпозади ...што да му кажеш-нит да се смееш нити да премолчиш... од жив грев по жешково,колони пред аптеки

 

На 1ви бегај од банки и аптеки

 

Колега мој од Ку денес ми покажа слика од 6 и 47 сабајле сликано пред аптека..
Митинг.

 

Хелоу... конечно дома, и пак битка со стомачен вирус, на ред е големиов... Ај и тоа ќе помине, ама имавме план да каниме другарчиња утре да прослават...ќе мора да се одложи изгледа. Криво ми е, оти се радуваше, ама не сакам да се прошири. Додуша, вчера гостинка имавме, во сабота слави роденден, искрено, искрено се надевам дека нема да ја префати, оти ќе и се расипе роденденот....