Ние околу и преку 40...

Џони среќен роденден

Кај нас во Ск се прават мекици. Обично после ден/два откако ќе се роди бебето. Порано правеше прво таткото со негова фамилија, а следниот ден страната на мајката. Најчесто прослави по дома.
Сега во поново време се собираат сите на купче,нво кафана прослава од 4-5 часа и сите среќни и задоволни
На работно место кај мама/тато се носат мекици и сиренце. Ма да јас да се прашувам ни вода не заслужиле да им дадам на моиве

Јованти да каже како е адетот по Грчки кога ќе се роди бебе дали и кај вас има правило за 40те дена,повојница,мекици итн.

П.С. дајте предлог убаво кафанче за мекици во Ск за на есен

Од селски слави им се радувам на продавачите уште од кога бев дете,кај баба ми ќе отидевме на слава,таму се местеа тезгаџии со по 10тина тезги, па играчки,украси,шноли...а најомилено-лотарија

 

И јас сум селанка во душа

 

Волна/шеќерен памук си јадела?
И јаболки на стапче благи/карамелизирани?
Јас да

 

И мене така ми викаа дека прворотка и над термин се носи бебето, па затоа си мислев ќе имам време да одморам и да се спремам психички дома. Терминот ми беше 24.12. 2018.
Одев до петок на работа, 07.12 и си мислев имам две недели минимум до пораѓај, мм ме зафркаваше дека телевизорот за Нова Година ќе го земам. Ама бебо мој нестрплив реши да излегува во понеделник, на 10.12 и така бидна Ни одмор мој се виде ни телевизор

Така да, кога ќе сака да излезе снашка тогаш ќе биде @Yowannty Не и се секирај ич, само да се олесниш и да сте добри и двете

Инаку за тиганиците овде и мене ми се највкусни. Баш сабајле ни донесе комшијата за ќерка му, имаме ново бебе во зградата

Се гасам јас, одам да спијам. Добра ноќ

 

Џабе и волна и јаболче и сусамче ,ако на рингишпил не си се вртела

 

Да, од парк и кога бев мала, баба ми што ме носеше по цркви кога беше некој празник, ама не од селски панаѓур Додуша шеќерна волна уште си поткаснувам, а јаболчиња одамна не сум видела да се продаваат некаде.

 

Сум се вртелааа, и на бродот сум се возела и на сударачки коли сум возела

Мамо и тато фала ви за тоа убаво детство кое го имав

 

Леле колку сакам селски слави
Многу ми беше криво како дете дека немав баба и дедо на село,па окапував во с.Марена кај баба на другарка ми.Нивна слава е Богородица,и до пред да се исселам редовно одевме,ни стана традиција.
Во основно имав и школски од таму,па бев буквално селска визитарка
Немаше лумперајки никави,ама ете ми имаше посебен драж.

 

Карамелизирани јаболчиња,црвени само на Кркрдаш кај нас кога се оди,тоа за младенци,мм не ги сака уствари изгорен е за нив ама пломбите му паѓаат,му се лепат на нив

 

Постојат ли вакви јаболчиња сеуште?
Од дете немам видено

 

Ќе најдам рецепт и ќе правиме заедно и ќе ги продаваме на селска слава. Со парите ќе си купиме шеќерна волна

 

договорено

 

Јас последно во охрид видов, во чаршијата. Зимоска или на зима како и да е ,се разбравме

 

РецеКт мора да најдам и стварно ќе ги направам

 

Ќе почастиш? Сакам и јас да пробам домашно

 

Обавезно

 

Јас пробав да ги направам одамна кога децава ми беа мали,ама неуспешно тврдо ми излезе карамелизираното.

 

Се пронајдов...
Не дека некој ме означил дека му фалам на темава, ама ајјјј

На времето секој ден отварав +/- 40, признавам, бев зависник...Ми беше убава дружбата, сите Ве „знаев“, т.е си имав направено во мислите слика и профил на секоја од Вас. И километарски текстови пишував
Нооо. кога малку ке се одалечи човек од дружбата на +/- 40, упаѓа како тринаесто прасе, чита нови ликови кои му се скроз непознати, наидува на муабети за кои што појма нема од каде, што, како...
И така дојдов до заклучок... Кафе оддамна не сум почастила


ПС Мекиците за бебе се прекрасен македонски обичај... Порано бабите ги правеа дома, своерачно, ги викаа роднините и комшивките да ја соопштат убавата вест дека на свет дошло мало бебенце. Се јадеа мекици со сирење или шеќер, се пиеше домашен ликер, се пееја песни... Гостите доаѓаа со благо
Денес обичаите се многу „модернизирани“... Кафани, па кафани за се
Мислам дека денешните баби се мрзливи

ПС Шекерна волна, зашеќерени јаболчиња, лижавчиња петле... мљаццц, убавини од моето детство
Пред 40+ години имаше специјализирани продавници за вакви производи. Не знам дали денес некоја мајка ке му даде оволку шеќер на своето дете... се сменија времињата!

ПС Селски слави со зурли и тапани, со оро сред село... убавини од МК кои што за жал се помалку и помалку ги има! Некои дури гледаат на нив како на „простачки“ обичаи... и не знаат дека ја потценуваат вековната традиција на своите предци!
Пишете ме во селанчињата што сакаат зашеќерени јаболчиња

...
Мислев само касно кафе да почастам за да не ме заборавите

Ве гушкам сииите и познати и непознати другарки од +/- 40. Имајте убави и весели денови

 

@Val-Dim е вака те замислувам, срам не срам да си кажам.
Твојата сликичка за кафе треба заштитен знак да ти е, кога и да ја видам, знам дека ти пишуваш
За сите имам некаква замисла во својата глава


п.с. и за @NarCis@ имам, се што е поврзано со храна, на неа ме потсетува