Ние околу и преку 40...

Шампитааа, лиги ми потекоа, како дете одев до центар во малага на шампити

Може Кире е Пецо
Шо прајте?
Јас јадам кога сум нервозна ама и многу сум нервозна кога сум гладна

 

Пецо, дали си Кире?

 

Добра ноќ луѓе
Турете кафе сабајле

 

Јас никого немам препознато.
И ич не ми е јасно како се препознавате.
Точно, ако имам некоја ќе предложи во сугестии ФБ, ако има и други таа...
Ама шо ако го знам то, ко не ни знам што точно барам?
По град ли?
По модни критики ли?
По професија?
По шо се познавате?

Иначе, некој/а ако ме познае, слободно нека ме додаде.. не ни користам баш ФБ, ама з'ш да не...

п.с. имам четири во пријатели од тука..

 

Јас пред некој ден @LiliBoz ко да ја препознав на фб (ако беше ти што прашуваше по групите од каде мириса на запалено)

 

Добро јутро радни народе.
Септември јако почна годинава, со дождови, ладно, лисјата пола паднаа веќе.
Ми летна годинава набрзина.

Не знам зошто сте изненадени од такви коментари? Кога не можеш да победиш во "кавга" со аргументи, почнуваш со лични навреди. Стара тактика е тоа, често применувана тука па и у реален живот.

Перална врти рано насабајле. Синоќа се степавме над пералната
#цимерскиживот

Станав рано само да ја пуштам и сега без кафе ќе си легнам

 

Добро утро
@Annath многу ми фали
И сите кои не пишуваат повеќе, имало и зошто.

Имајте убав ден

 

Од на Малерозна кафето се послужив , фала лепо

И кај мене вртат перални, и горе и кај мене. ТатЕ на пазар , маж на работа , јас и мајче оправаме криви дрини. Некој бош муабети ми тера веќе саат време. Нит ми згодно да си одам од кај неа , нит ми се слуша за дешавки од 1930 г.
Ама ќе издржам дур допере пералнава.

Ручек нема за денес.
Ајвар нека јадат.
Јас сакам на ќебапчиња да идеме после,ама ќе видам што ќе каже љубави. Ако не е многу изморен де

Да си бев анонимна еден куп дешавки ќе имав за раскажување, што убави што лоши, ама пошто знам дека ќе ме карате ќе си молчам

Али уште еднаш да се повторам.
Здравството ни тоне .
Т.е не ни тоне. Потонато е .
И образованието ни е на тој пат.
Само политиката ни цвета.

@Alishan30 зарем не свати?
Сите добри работи кои ќе ги направи човек може да паднат во вода за една недоволно разбрана реченица.
Тоа е .
Се чека некој да 'киксне' некако и удриии!

Убав ден убави луѓе
Поздрав и од на Вера свекрвата

 

Вере имај убав ден и не се мачи многу со зимниците

 

Немаат сите млади свекрви што ќе им прават

Се шалам , знаеш нели

На крај сум со зимниците јас.
Најтешкото е направено.
Уште кисело нешто да ставам, ама рано е за тоа.
Годинава имав помош, добро е

 

Пола фемина ја имам на фб, јбг, на останатата половина им ги знам профилите ама не би. Шала на страна, имам големо феминско лоби на фб. Имам најдобра другарка од Фемина, Дани си ја запознав на фемина па сега сваќа ми е, сум испила куп фемински кафиња...

 

Имам неколку девојки ем жени од овде имам на фб, и си ги негувам нечујно, се имаме без врева. Тие што ме знаат, ме знаат. Верувам дека некои ме следат и на твитер, а можеби и јас нив, а немам поим .
Дојдов кај моите, ме опсипаа со кафе, пинџури, пита со сирење, љубов за внуката, грижа за ќерката.
Си легнав на својот кревет и си замижав како кога доаѓав после ноќна смена, преморена, гладна и безидејна. Сега сум пак безидејна ама преморот е суштински, а гладот е останат ист. Вечер одам на Друга приказна, да фатам малку прозаично расположение. И да се видам со народ. Си купив и нова кошула, се појам со мисла дека следат нови предизвици за мене.
Петок фаќаме пак џаде за Охрид. Вака така, се фатија три четири екскурзии пред одмор. Не се жалам. Да ми е жив и здрав мажот, што ме тинтра и ми вари јуфки! Негов предлог беше да киднеме, јас пред одмор сум ко збунет тетреб што ќе треба да пакувам.
Диши длабоко, си викам. И уживај.

 

Браво бе Бубче ја уште не сум ни почнала да правам.
За фб ниту сум аднала ниту сакам да ме аднат и ди енд крај толку
Ја сакам колку толку анонимноста тука добро си се издадов од каде сум но толку.
Ве сакам и ве почитувам но како форумски пријатели.
Што убаво било да ти донесат доручек во кревет уште да ја нема болкава ќе беше совршено.
Кафе на репертоар па движење (шетање) така ми рече докторот сега со мм ќе ги мериме улициве.
За мојот роденден си уплатив самата на едно преубаво место само да не врне и да не е толку ладно ќе биде супер.
И така мили друшки имајте убав ден.

 

Една само си ја знам од овде,очи во очи не сме се виделе,но човек на место си е,и не би ја менувала за милион познаства тет а тет.Уште една од селово за која ми беше срам да ја побарам на работа кога и појдов,ќе биди еден ден оти и таа е душа од човек.Друѓи не можам да препознаам ни фб ниту никако,не ми фаќа кликерот изгледа,но во секој случај не ве менувам за ништо,ова време овде поминато многу ми значи.Кој како сака нека свати,дали ми се бараат грешки,дали замерки,важно намерно да навредам никој не сакам.Ручек се крчка во рерна,кафе на ред...

 

Ај добро утро,

Појма немав дека (скоро) сите се знаете. Сега сум љубопитна кој е кој и како се препознавате.
Не дека мислев дека апсолутно сѐ е анонимно, ама па не знаев дека сте до толку друштво.

Јас не дека се кријам, лесно може некој да ме најде ако реши да истражува (истиот "ник" ми е од времето на мирц ) (и не дека некој пукнал да знае која сум јас ) ама стварно не знам како би препознала некој од тука освен ако не ми се претстави.

Еве за да ве подмитам да ми ги откриете тајните, за сите по едно кафучино.

 

Не, не сум Кире.
Добро утро, сум се успал денеска.
Ќе одам да земам бурек за доручек.
Имајте убав ден.

 

@Annath и друѓите кои многу ни недостигаат се замолуваат барем по едно зборче да чкртнат.

 

На пауза сум, кафе пијам и го меркам другарчево

Што мислите за вакво моторЧе?

 

Здраво луѓе

Годинава до сега беше бајаги тешка, да не се повтори. Се надевам дека од сега па натака работите ќе тргнат на подобро. Не можам да пишувам кога не ми е убаво - нема што убаво да кажам, не сакам да ширам негатива и затоа избегнувам да се пријавам тука.

Возењето велосипед многу ми помага да се опуштам, па тоа практикувам да правам после работа. Неколку часовно возење да ми се прочистат мислите. Уште некоја недела во Мк и после пат под нозе, ќе видиме на која страна ќе ме однесе. Имав планови, немам ниту еден сега.

Цел двор го наполнив со мачки и кучиња. Нека доаѓаат, има храна за сите.

Периодов доста женцки од тука ме најдоа по социјалниве мрежи, баш ми е мило за тоа. Не се кријам. И во реалноста не споделувам многу за мене, така да исто ми се фаќа.

@Bubce38 е апсолутно во право кога пиша дека здравството е пропаднато. Два смртни случаи имавме периодов во многу блиска фамилија, и во двата наврата Брза помош и 8ми септември болницата ги заболе таквото, само наоѓаа изговори да не мрднат ни со прст. И после лекари биле... океј.

Читав на форумов пред некое време една членка низ темите пиша дека учи вонредно медицина за да може да им помогне на најблиските во надај боже ситуации. Во право е, целосно се согласувам.

Да се вратам на работа, имајте убав ден

 

Мене за Кире ми се чини доживотна асоцијација ќе ми остане директорот/шефот од секси. И секогаш кога го слушам имево прво и единствено на тоа ми текнува, како да нема друг Кире на светов.

Ај добар ден
Мене ден ми е одамна оти од ноќови сум будна. Сериозно, многу ми смета што во 7 е уште неразденето саглам, а во мое село лепше од Париза, од 5 е ден.

На фб имам ми се чини само една феминка. Ако некој ме препознае би сакала да ме додаде.

Со најдобрата другарка имав емотивен брејкдаун вчера. Си поплакавме, си кажавме колку си недостигаме и колку сакаме да можеше да сме поблиску. Едвај чекам да ја видам, секогаш замислував дека ќе бидеме блиску во оние поубави периоди од нашите животи.. кој можеше воопшто да претпостави какви планови имал животот за нас.

Ми се случи една многу лоша, многу страшно лоша работа периодов. Која мислев дека остана зад нас, дека пребродевме, ама не, се врати и овој пат направи најголема штета. И веќе нема назад.
Откако дознав, ми требаа 2-3 дена да се смирам и приберам, за да можам со маж да разговарам за тоа, без да бидам толку под стрес. Некогаш се чувствувам толку немоќна... Ама толку многу сум среќна што го имам него, што разбира, и што ми е вечна поддршка, па кога ќе ме потсети дека сега ние сме фамилија, ме освестува во секундата.
Очигледно моите битки веќе имаат друг фокус и димензија, и мојата енергија морам само и само таму да ја насочам.

Се искажав.. ете...