Ние околу и преку 40...

Добро утроо
Конечно значии февруари

Уште еден фан на Јувентус и Дел Пјеро .
Татко ми опседнат беше со фудбал и како што немаше синче ,мене ме носеше по стадиони да гледаме натпревари .

Така и почнав да го сакам фудбалот .На времето освен Јувентус фан бев и на Ајакс.Од фудбалски репрезентации ,на прво место се знае ,се навиваше за италијанската ,а втора секогаш беше Холандија .Мислам со години бев заљубена во Партик Клајверт.

Зошто како ете и јас не знам ама постери од него собирав и се сеќавам моментот кога од албумот со сликички дознав колку години има ...а бе радости тинејџерски (и триста филмови низ глава како би го запознала еден ден ).

Сабајлево додека е ладно да се изгледа женското финале во тенис,кое сепак не го гледаме исти жар како машкото па после на шетање .

Убав викенд .

 

Добро утро.
Станав у 7 како нездрава. Дуќанот ми е на 5 од дома, ама да не закаснам.
@WildMk ради тебе ова од поштовање!
И кафе ќе частам!

За доручек бурек . Уште од сега ми мириса.

 

И јас ради тебе во 7 станав

 

Ај добро утро!
Синоќа оправдано сред муабет ве напуштив
Вајлдке, дик овај пуси пикс ќе праќаш? не, фала.

Уште еден фан на Лејкерси тука, мислам дека ради Коби навивав за нив, мада НБА гледав под влијание на брат ми, а тој беше за Џордан и Булси, и Кукоч оф корс.
Кога бев студент, се изнагледав спортски натпревари човече...за цел живот, сега до тв не можам да припарам.

@Cosmi стварно грда жена имал Неста, лееееее...ја гуглав сеа, се уплашив ама добро, може има добра душа. Јас па не им ги знам жените, жими на Дел Пјеро.
Радо се сеќавам на средбите со браќата Канаваро, Џиџи ми кидна за малце. Луди бевме со другарка ми на времето, се збутавме на тренингот на Парма кога беа во Скопје. Сликите уште ги чувам

Февруари конечно? Уште плата да префрлеа

Имајте убав ден!

 

Не мори чупе!
Од ножето

 

Уф... Ми олесна

 

Коначно ...Ле февруари ...ај што беше доЛг ,туку и напорен ....јануари де...

Спојлеров ...ноќеска ми го пуштиле ...нема везе ...и онака е нивен месецов

Спојлер

Се засекирав за една игра, до 95 левел.сум ,а има ,,само" 415 ... кај и да е ,мож ќе ја превртам ... што после-нзм ....

Ајдееее... да пробам да го смислам ручекот ....ако уопште се готви неш денес јер пак искрснаа некои обврски ...
(Никаддосадноданемуеначовека )

 

Татко ми и сестра ми се февруарски деца, ама риби се . Го сакам феб ме потсеќа на крај зима.

Играм ја една, играј играј крај нема. Ако сакаш ќе ти ја кажам.

 

Ама ја сериозна сум ...за играта
Мислиш да ќе ја превртам?

Спојлер

Штом затворам очи ,топчиња гледам

 

Колку повеќе ги играш, толку позаразни стануваат. Јас Кенди краш играм....еднаш не можев да поминам едно ниво, бајаги заглавив, и ја избришав. Ама после ми беше досадно и ја инсталирав пак. Луда!

 

Исто и јас со кенди краш.Ја почнав уште кога останав бремена со малиов и што викаш некогаш ќе заглавиш на некој левел и бриши.Ама заразна ,пак ќе ја инсталирам и еве сега до 4332 левел сум .
Ама дефинитивно одмарам мозок кога ја играм.

 

Добро утро. Моите спијат, појадок се крчка, пијам кафе па да чистам па да учам!
Моите биле религиозни, па не биле у кпј сите. Баба ми и дедо ми се венчале у нишата, така викаше баба ми, среде ноќ дошол попот.
Мајка ми не смеела да се вработи оти предците нејзини биле за Македонија, па кога се омажила сменила презиме, и ја примиле не знаејќи дека е дете на друга фамилија

Сакам да се венчам со маж ми у црква и дете да крстиме... ама некако флегми сме

 

Ама па и ја не лажам.

 

Добро утро
Беше ли некој до електоелемент , реновирале нешто ,па дали вреди да се прошетам до таму, орхидеи дали има?
Денов до Водно да го искористиме малку на чист воздух ,малку да не попече
Убав ден

 

Ах Југославија. Неисцрпна тема. Моите и двајцата југоносталгичари. Татко ми комунист атеист, кога ме крстувале дома, кога дошол попот татко ми излегол и се вратил кога овој заминал. Ама како старееше менуваше. Посака да се венчаат во црква со мајка ми за 25 годишница од брак, ама не дочека. И многу беше среќен кога го имавме крстот од село. Фешти. Мислам многу повеќе оти многу сакаше да се дружи. Тогаш прв пат се опи во животот. Никогаш нема да заборавам колку беше среќен.
И јас пораснав со идеализирање на Југославија ама тоа само ми создаде одбив. Цел живот тврдам дека се што изгледа предобро за да е вистина, најверојатно е.

Само што ме собра маж, шетав со бебла покрај море тој дур праеше втора чистка на ѕидот. Денеска лето. Силно светнал ден.
Одиме на југ без план. Битно да се помине време надвор додека се луфтира дома.
Убав викенд ви посакувам.

 

Фала на сите за честитките.
Што сте сториле бе вчера,од влакна до тито па и спорт...
Мене уште ми е јануари.
Преморена ,а имам уште еден тон садови за средување .

 

Добро утро
Станав, ќе одев да вежбам, ама пак си легнав.
Сега варам макарони, пијам кафе и дете од сабајле ме моли да го носам на паркот.
Значи шетање на сонцето оти надвор пролет е.

 

Добар ви ден!
Добре дојде февруари
Престапна година била сеа приметив.
Дедо ми комунист и скаран со Бога баба ми Христијанка верник побожна шо би рекол народот.
Е, нивните дешавки ќе ги паметам дур сум жива.
Мајка ми и тетките крстени скришум да не знае дедо ми, баба ми ќе се моли дедо ми ја зезаше ќе запалеше баба ми кандило он и го гасеше и викаше ааа дедо ти Господ ти го угасна оди пак запалиго.(и премалуваше од смеење.)
Овој мајтапчија а баба една мирна женичка смирено пак ќе го запалеше.
Славеа слава во една соба гости кои зборуваа за светецот и славата во друга друштвото на дедо борци кои зборуваа за борбите на фронтовите.
Инаку дедо ми е ранет на Сремски фронт.
Ми беа интересни и едните и другите па ко пин понг топче трчав од една во друга соба.
И ова ќе го паметам цел живот дедо ми и викаше на баба ми ×××× ко ќе умреш ни поп ни бутур ти викам и крст не ти ставам само даска пак ја зезашеее таков он мајтапчиа а брат му беше ептен сериозен и строг од него се тресеа и лисјата на дрвата од страв.
Дедо беше мајтапчија е сеа следи она интерссното дедо ми си почина пред баба ми па она го закопа со три попа и сите адети и салатани.
Кога дојдоја попојте сите го знаеа а и фамилијата си знаеше што човек беше и збореше па ем пееа евангелие ем се потсмемнувааа,на ова кога и да се присетам се смеам.

Е сега јас југославија со сиромаштија не можам никако да поврзам постое три класи богати,средна,сиромашна, рабореа фабрики им се давало станови купувале коли се граделе куќи со кредити поволни бар мене на тоа ме потсеќа тоа време може такво ми било моето опкружување не знам пол фрижидер а моите работничка класа во фабрика а изградиле две куќи од која првата ја изградиле на нивни 20/22год имале и кола.

Да се разбереме не дека се било мед и млеко ама се имало можности, моите можеле од работа да добијат стан но они изградиле куќа ама имале можност татко ми кредит мајка ми кредит на работа јаделе од еден тањир ама ете трудот им се изплатил.

Еее сега по распадот на Ју е тогаш дојде пеколот државни фирми фабрики гиганти се ставија под стечај па се продаваа за ич пари и стана хаос средната класа исчезнаа почнаа војните и се отиде во пропаст настана сиромаштија нестабилност со еден збор катастрофа.
И до ден денешен не се оправи ниту имам надеж дека ќе се оправи.

Бев пионер ама не учев српскохрватски бев 4то одд кога се распадна Ју па прво полугодие во книшката ми стоеше едно име на училиштето во сведителството друго одма го сменија па беше интересно да учиш да кажеш во кое училиште учиш.

Никој не го знаеше новото име па морав да се преставувам со старо ново име па ова ко проклетство ме следи низ животов првоС.Р.М па Р.М па БРЈМ па Р.С.М...

Денес денов ко пролет убав ден убаво расположение ми се једе пирушка а ме мрзи да одам па ќе гнетам нешто друго.
Што табиет сум си имам се од каде што да јадам пр бурек, ѓеврек варен ,ќебапи и пирушка само од едни места од други шанса нема.
Ми се пие и боза што ми е не знам само на јадење паметов тера...
Ќе одам кај колешкава на смеење (ние си се смееме а појма немаме зошто се смееме имаме фалинка ама среќни сме си ) да не мислам на јадење..
Чао до после.

 

Нека трепка!
Повеќето, да не кажам сите, дале гз под ќирија за државна работа.

Се бричевте?

За доручек, или подобро кажано, ручек, печев пица од Кам. Од што ставам еден тон кечап си ја исфлеков пиЏамава, а вчера ги облеков.
@LadyC да каже дали имаше трема додека ја мазнеше Вајлд.

Чекам да дојде 2 саат и да изигравам домачица.