Ние околу и преку 40...

Ќе фатев да се објаснувам за филмот и убавината ама ми текна дека за вкусови не се дискутира па ќе

Варам киноа, мртва гладна сум. Тоа пијачката синоќа ми го откопа желудникот, сум остарела ни за пиење не ме бива . Сарма има за ручек сонце глеам ќе има значи може денес да се шетне низ градов.

 

Ај добро утро.

Не гледам Оскари, никогаш не сум гледала... ама по сликава, тпа ми се жениве наши.
Прво и основно, ни една не знае да фати асолна поза за сликање.
Толку немало некој од некоја модна агенција да ги подучи како да позираат за фоткање???
Македонска организација, мора да потфрли во нешто.
И шо е со фризурата на таа Тамара (од вас ги учам и имињата) ??
Флеш бек од 80тите.

Со месеци го молам маж да почне да чита и пишува на форумов...
Стаса до регистрирање профил и на тоа остана

Ајде по едно кафе за сите...

 

Добро утро.

Да станам да си го допијам кафето, доста сум мрза..
Едно мое размислување ако може околу тоа зошто не зедовме Оскар.

Во една сала се најдоа луѓе кои цел живот им е посветен на глума, качиле 20 кг за улога, симнале 20 кг за улога, или ко Деп-свој остров со винарија и таму го учи ликот што ќе го глуми нареден да се поврзе со него и тоа трае со МЕСЕЦИ. Доживотно посветени и буквално секој чекор им е поврзан со работата.
И наеднаш доаѓа Атиџе.
Мислам.. секоја чест за филмот и ликот на Атиџе, ама реалноста е таа.

вие арни?

 

Ама тоа е уметност, глума. Ханиленд е филм што ја отсликува реалноста, документарец, и тука нема што да се учи, вежба или маскира, се прикажува вистински живот. Мислам дека Америве не сакаат такви „шлаканици“ за освестување. Башка, American factory е продуцирано од компанијата на Обама.

 

Абе не ни ускратија ништо со тоа што не добивме Оскар.
То Холивудски актери кои се одлични, може никогаш Оскар да не добијат, не пак ние со еден документарец, не сме го превртиле светот.

Плус, одлуките ги носи комисија која е комерцијализирана до даска.
Аман.. Америка...

 

Ај добро утро.
Пијам кафе и не знам што со себе. Компјутерот ми е на поправка, тешко мене ако не може да се направи. Ќе го папам за сите пари.
Ама ај, се надевам нема да бидам толкав малер

Бојава на коса како мед, наредно фарбање уште посветла. Ми се чудат сите од кај толку храброст за промени

Оскари немам навика да гледам, може дека секогаш почнуваат многу касно па ми се приспива уште пред да почнат.
Тамара е многу убава жена, само фризот и е утнат а и фустанот на градбата на тело не и стои.
Ама кој ме прашува мене

Ај убав ден да имате

 

Honeyland да не беше номиниран за Оскар немаше ни да го гледам оти јас ретко гледам документарци.
Добар е, има убава порака, не знам што се бара во таа категорија па да кажам светот не видел нешто вакво досега.
Ама нашо е, па подршка нормално.

За нас и двете номинации е успех со оглед на нашата филмска продукција.
Оскар ќе беше премногу добро за да биде вистинито.
Лео после колку време доби Оскар, ние од прва сакаме.

 

Ама зошто да се разочараат? И тимот и Атиџе, 2 номинации за оскар малку ли се? Колку награди собраа по други исто многу значајни фестивали. Не знам зошто секогаш вака се размислува, ако не земат главна награда дека е за разочарување, дека ништо не направиле. Мм го гледаше Американ фактори јас на крај го фатив, беше во депресија неколку дена, значи остава впечаток очигледно. За екипава ова е голем чекор и можност да се промовираат и да направат контакти со многу важни за нив личности. За женава не ни верувам дека би можела да се вклопи во друг начин на живот после толку години, но се надевам дека нема да биде заборавена.
Не ги коментирам филмовоте ниту еден немам изгледано, а сакам сите да ги гледам . Фустанот на Тамара и мене не ми се допадна, фризурата посебно, ама па не е толку битно. Ќе пробам денес малку да гкедам од снимките.
Добро утро, убава недела да си имате

 

Ух ни кафево не ме оправа
Медените беа и си останаа медени ама не знам за главни улоги и филм кои освоија, ај да прочепкам да не ми остане раб.со Оскарчето гледана не догледана

 

Ова како јас да сум го пишувала...
Ни медени ни ледени сум гледала си легнав,а и никогаш не сум била љубител за гледање Оскари...
Нареден ден гледам кој каков фустан носел и толку,а и кој зел награда
Кафе и фемина и пак понеделник ...лета време.
Убава недела!!!

 

Само што го изгледав говорот на Феникс добитник на оскарот за главна машка улога. И навистина и заслужен оскар и говор како шамар за човештвото. До тој степен од себичност и егоизам прво сме одвоени од природата и нејзините основни начела а на крај одродени еден од друг и изолирани секој острово само за себе. Убаво потенцираше тој дека треба лична промена, ама некако се ми се чини дека на крајот се' останува само на говор.
Такви сме човештвово и покрај сите постигнати напредоци и можности кои ни се на дофат.
Филмската уметност и воопшто уметноста е магија и ставање во калапи е едно од најтесноградите опции и уништувач на уметничкото во уметноста.
Ама живееме во материјалистички свет кои не само што ни ги валка душите туку и ја онечистува pure art.

 

Добар ден.
Како што е ред да ве почастам мое драго виртуелно феминско и омилено друштво за роденденот на синко мој. Да ми е жив и здрав, голем да расте, живели.




Синоќа се журкавме дома, денес журката продолжува во градинка.
За филмот немам што да кажам, ниту го имам гледано, ниту некогаш сум гледала оскари.

 

Замислен како кратки видеа со пораки за зачувување на природата, а реализиран како документарец со две номинации за Оскар, Медена земја постигна неверојатен успех.

Идејата за кратки видеа не е нешто ново - нашиот народ не чита, а не гледа ни видеа подолги од 2 минути, па кратки видеа се најсоодветен формат.

Медена земја, поради успехот на еден куп фестивали, привлече внимание и кај оние кои никогаш не би изгледале документарен филм, особено не толку долг. Успеа да ги привлече луѓето да изгледаат филм којшто вообичаено не би го изгледале.

Филмот, за разлика од кратките видеа, многу подлабоко ги третира темите и ги наведува лугето да размислуваат за прашања за кои вообичаено не би размислување, а се од суштинско значење.

Филмот, поради неговата длабочина, поттикна широка дебата за пораките коишто ги испраќа. Многу повеќе од кое било видео. А тоа беше примарната цел на филмот - да ги наведе луѓето да размислуваат на темите коишто ги третира.

Филмот немаше никогаш да стане реалност, без следново:
1. Големата желба на Атиџе да ја раскаже својата приказна
2. Визијата на тимот дека имаат одлична приказна
3. Довербата што нарачателите ја имаа во тимот и почитување на нивниот избор, што и не се случува така често. Затоа што за време на снимањето имаше милион предизвици.

Без доверба и почит, може само да се потоне. А на нашето општество страшно многу му фалат овие заборавени вредности. И токму тие вредности се тесно поврзани со, според мене, клучната порака на Медена земја, применлива во секоја сфера од животот.

Spoiler: Медена земја

Имам една желба, поголема од Оскар, а тоа е дебатата да не застане тука. Да размислиме и да направиме сѐ што можеме да живееме во хармонија со природата. Да не мислиме само на себе, туки да ги почитуваме и потребите на другите. Да настапуваме со доверба, а не со недоверба. Поголема финснсиска добивка да не ни биде едиствениот мотив во животот. И секој од нас да направи некоја промена, секој да тргне од себе.

И на крај, сакам да го имам истиот жар во очите кога работам, како екипата кога зборуваа за филмот, додека го работеа.

 

Убаво би било човек да се промени, ама за жал, премногу сме алчни и себични...и Медена Земја и многу други ја носат пораката, ама некако не се свестуваме. Успех е ова, секако. Клучно е што беше препознат и прифатен во светот.

@LiliBoz , заборавив прееска, честито сертификат! Па да бидеш одлична и успешна во работата!
@Tajnaotrovna да е жив и здрав синот, голем да расте, среќен роденден!

 

Мора да се менуваме и мислам дека полека почнуваме. Во светот сигурно, кај нас со многу мали чекори, ама оди напред. Барем во делот на заштита на животната средина. И важно е да се зборува за тоа.

За жал, не е така во делот на почитувањето на другите и довербата. Ако нешто ме боли во Македонија, тоа е.

 

@Tajnaotrovna да е здрав,жив синот,убавини живот да му дари.За Медена земја @Ariel i @Annath веќе кажаа се што сакам да кажам.На крај краева како да доби оскар,само се надевам дека барем малку во секој од нас ќе разбуди нешто,ако не многу и малце ќе е добро за сите нас

 

Од друга стрна академијата беа толку реални што го наградија за најдобар филм Паразит,корејскиот филм,слика и прилика на општеството во кое живееме прикажан како трагикомедија.

 

Добар ден
Ако да си пишувам пак тука

@Tajnaotrovna среќен роденден на синко, голем да расте
@ivi1987 мислам си ставала слики претходно, ако сакаш стави слика да те видиме. Знам дека ти е пократка косата. И јас се фарбав плава (сакав бела ама фризерката си направи по нејзино, рече поубаво ми стоело вака) и сега барам фризури. Носам кратка боб фризура, ама сакам да сменам.
Не дека ми стојат кратки ама ете размислувам.

Јас многу немам што да пишам. Сама по цел ден со 4годишна ќерка и 2месечно синче. Турбо по цел ден. Вчера излеговме на пола саат, се осеќав ко цел ден во спа да сум била Уште да можам да намалам килажа и да си обновам гардероба многу добро ќе биде.
Почнав од косата, па ќе видиме. Оти инаку, депресија, еве ја тропа на врата

Имајте убав ден, тие што сте на работа па и полесен ден

 

Здрав и жив да е, секогаш среќен и исполнет!!! l: