Ние околу и преку 40...

Умов ми е ко чавки да летаат во него денес.
Се наоружав со сируп за искашлување и ацц. На работа кашлам - дома не. Ќе да е од клима или промени во температурата. Зобам крекери, пуштен е џез фм, ќерка ми заспа, маж ми си игра игрици и слушам само пинг пинг од телефонот.
Си се собравме четири другарки на ручек пост работно и сфатив колку ми недостасуваат, ама онака најсериозно, не само за општи муабети него за сѐ што ни приреди животот. Баталив режим и јадев њујоркер бургер и потоа десерт од нескафе и крем. Па душава ми побара. Затоа утре, марулите во ташна.

Не зедовме Оскар. Но дадовме сѐ што сме. И тука има некоја космичка правда.
Не ми се читаа нит слушаа гадости од вести, црна хроника, знамето на денот и тоа дека пола град е парализиран секој пат кога нешто небаре светско се дешава.
Периодов избегнувам луѓе што постојано се жалат и ништо не решаваат околу сѐ што им пречи. Ако некогаш ми се одмилиле луѓе, тоа е во оној миг кога сфаќам дека влегуваат удобно во улога на жртва и го бранат глупиот репресор/претпоставен/партнер.
Извини, ама животот ми е предрагоцен за репетитивни жалопојки.

Ми се иде на концерт. Ма сегде ми се иде. Прифатив учество на една трибина за женски права, којзнае што ќе биде. Инспиративен говорник. Мда.

 

Дете со 39 тт, а почна и да кашла од нигде никаде ...долга ќе биде ноќва така осеќам
Брзо оздравување на сите ,а мене и главата почнува да ме боли,ај да голтнам нешто...

 

Ќе се дружиме.

 

На тема алергии, еве што вика интернет:


Мене алерго тестовите два пати ми излегоа негативни, а од авион се гледа дека е алергија на полен. Не мислам пак да правам тестови, терам колку што можам со Аериус од 5mg, Фликсоназе во нос, и капки за очи Систан и Патанол. И гледам да не се движам надвор.

 

Аман бе... сите деца ли се настинати
Ај нека мине побрзо

Јас пијам пола хелекс од 0,5 секое сабајле, заедно со антидепресивот.
Ако не ми арно ( за среќа мнооогу ретко се случува), можи до вечерта да стегнам уште пола.
Искрено, на тие тегоби што ги имав, ич не ми е гајле дали сум зависна од апчиња.
Поарно вака, отколку онака како што бев.

Би сакала да се распишам за случајот со девојчето... И да испсујам и извреѓам... ама нема.
Ни мајката е крива, ни детето... ако треба нешто такво да се случи, ќе се случи.
Не дај Боже сексуален предатор да те намерачи...

Ни една мајка не би помислила дека 11 годишно дете и' е бремено...
Се' друго ќе претпостави, ама тоа не.

 

Сите спиете? Мн вируси,на сите нека е со лесно и брз опоравак. Мене ме држи несоница еден саат. Тоа дека видов уште колку сметки имам за плаќање и одма глава ме фркна. Мразам долгови. Ме убиваат психички скроз.

 

Никогаш не би помислила, побогу тоа е само 1г поголемко од син ми, ни на крај на памет не би ми било. Каде стресот од самиот чин на силување, сега и да се соочи со нешто како бременост и породување на таа возраст , немам зборови. Зарем може некој да ја криви мајката, а за детето да не збориме
Како читам што се се случува си викам камо да ми останат вака мали, да ми се до мене цело време
Добро утро бај д веј, врне надвор или ми се чини

 

Врне, роси јас стасав на работа, денот да ми почне.
За детево несакам ни да мислам, две девојчиња имам, што би рекла Вајлд, недај Боже да им се намерачи некој предатор. Колешка, возрасна жена, од еден не можеше да се откачи ни со закани ни со ништо. Еве уште и е страв од работа навечер сама да си оди, а со месеци не е појавен тој. А тек мало дете. На 11 г и јас не би помислила на бременост.
Убав ден на сите ви посакувам.

 

Добро утро

Да ве поздравам.
Времево муљ и со душа чекам пролет
Од денес некои нови УБАВИ обврски си набацив ама знам ќе уживам во нив
Е сега, кога ќе почне се ќе биде уздуш и попреку ама што било лесно а било добро
Родителска во 17 и врска немам како ќе стигнам
вие арни?
убав ден

 

Ми се руча у кафана. Сакам пинџурче, шопска, лепче нивно некое убавко, похованици, па главно јело некое месиште, па циу циу на увце... На крај дај тоа менито за десерт...

Добро утро.

 

Добро утро!
Тмурен ден, ама може да биде убав, нели?
За девојчето од Кочани немам зборови. Мало е, што лудак бил тој што го искористил Ужасни работи се случуваат и лошото е што не се пријавува се'. Којзнае колку има силувани и малтретирани, се плашат да кажат.

 

Не пијам апчиња, ама денес добро би ми дошло едно розево.
Значии, не ги можам цицачите на позитивна енергија. Ќе направи драма за небитна работа, па ќе те колне и ќе се жали од тебе како дете кога се жали кај наставник од другарчето. Абе не ги мо жам стварно. Мене срам ме фати од туѓа исфрустрираност и комплекси.

Ај добро утро сега.
Да допијам кафето па да земам да работам нешто за побрзо да ми помине време.
Вчера големата беше на забар да и извадат заб, па самовилата (читај јас ) дојде и остави паричка под перница. Е сега треба да смислам што да и купам со паричките. Вчера ми вика -Мамо, јас една ноќ како да видов плава светлина кога требаше да дојде самовилата, сигурно беше таа
Убав ден да имате друштво, мојов се надевам нема да тера вака лошо како утрово

 

Исто, само без циу циу на увце

Добро утро На сите ви посакувам побрзо да ви поминат настинките и вирусите. Времево е лудо, не е ни чудо што секој втор е болен. Кога сме кај лудо време, и ние дома со алергии. Не ми е нормално во февруари алергија на полен или што и да е. @Ariel каде ги правеше алерго тестовите?

За случајот со девојчето ми е и гад да коментирам. Ужас низ што поминала, а и низ што допрва ќе поминува и ќе се соочува.

Поздрав друштво

 

Нзм зш се ,,излажав" и кренав на моб на број кој не ми е у контакти ... сешто гази по ова земја .... ....
Ај ќе каже човек ,луѓе од очај на се се спремни , па и по бајачки одат ....ама ова бре - нзм што да кажам .... битно се дреме на фб и 100х ми пушти барање ....
Не е до проблемот работа, туку тоа што на погрешно место се бара решението за истиот .... нзм дали да мрчам или да се смеам работава ....

Да не беше позивот,ќе сакав и ја од тоа на ЛејдиЦ ... сега -само еден алкалакс бии ми добро дошол ....да се прочистам од глупостите што се наслушав .... Слушав ,до крај дослушав .... кој праг на толеранција имам ...некад и сама се чудам ...
Нема везе...

Ај ... има уште многу од денов

 

Добро утро
Тмурно врнежливо јас во кревет со тост и фервекс.
Мислам градиве кашлајќи ќе ги извадам надвор.
За случајот со девијчето само уште ова ќе кажам и тука ќе завршам.
Може од мојот претходен пост во кој пишав дека мајката не приметила дека девојчето е бремено следа мислење мајка на 11 девојче нема никогаш да помисли дека девојчето и е бремено и се разбира во право сте.
Не ја обвинив ниту ја обвинувам мајката а најмалку па ни на крај памет девојчето.
Тука има жртва и насилник единствен виновник е он.
Е сега јас само гласно размислувам и ми беше чудно јас добив на 13 год мајка ми ми купуваше влошки мајка ми ми ги броеше деновите кога треба да добијам па пред датумот ќе дојдеше со влошки ќе ми ги ставеше во шифоњер да бидам спремна.
Е сега гласно само размислувам еден месец не добива втор трет иако знам дека на почетокот не е циклусот редовен сепак би била присутна загриженост и не, не би помислила девојчето е бремено но би сакала да имам мирна совест дали се работи за некој проблем циста,инфекција би ја однела на гинеколог превентивно да слушнам од др дека се е во ред.
А вака девојчето влегло веќе во 6 месец од бремениста во тоа мало кревко тело носи бебе жално е што следи допрва пораѓај.
Една интервенција порано ќе беше помалку болна од 9 м носење на бебе и породување.
Плус многу многу порано ќе можеше да му се укаже помош психолошка помош и подршка од стручни лица.
Пак ќе напоменам не ја обвинувам мајката но ни треба уште многу едукација за сите.

 

Не е само мензисот, туку после таква тешка траума, би требало да има промени во однесувањето на девојчето, дали мајката заприметила дека нешто ја мачи, дали разговарале. Онака само гласно размислувам. Затоа треба разговори со децата од најмала возраст. Јас веќе ја учам големата дека не смеат да ја бакнуваат во уста, да ја пипкаат, мора да знае дека тоа не е во ред и да не ѝ срам да ми каже. Не дај Боже да дојде до тоа, но сепак мора да ја информирам. И веќе смачено ми е од непознати старци, ни приоѓаат, да ја штипнат, да ја бацат. Мислам, што имаш туѓо дете што првпат го гледаш така да му се наметнуваш. И колку и да изгледаме дрски со маж ми, ич не ни е гајле. Само еден предупредувачки поглед и детето кај мене. Што сакаат нека мислат.

 

Точно ако вие како родители не ја заштитите едуцирате и овјасните што смее и што е нормално а што не кој ќе ја заштити што те боли уво кој ќе се навредел или налутил.

 

Добро утро
Утрово доста тмурно, второ кафе се пие ,разгледувам торти .Не знам што торта да правам за роденден на мм.Он многу сака нешто со банани ,а мене ми се уврте во глава нешто да биде со урми .

За девојчево ,страшно значи.Премногу ми е жал за неа и покрај безброј слични дешавки,уште не можам да верувам какви монструми навистина постојат на светов .

Побрзо оздравување на сите болни .Кај малово во одделение вчера беа само 7 дечиња од вкупно 28 .

Убав ден

 

Нема кворум 30-35 сѐ уште најбројни.