Ние околу и преку 40...

Едвај успеав да ве исчитам.
@sanjaeva преубава е малата, среќна полуматура.
@referentka најубаво да си поминете.
Бубале среќна крштевка.
Мислам дека опфатив се.

Јас вчера кифли правев, окапав, две дози, еве полата ги нема веќе.
Да нема забуни јас не јадам, само пробав како испаднале.
И се комирав, уморна.
Денес ме чекаат алиштата да ги досредам, машини да пуштам, генералка правев во четврток, сакам слободен викенд. И вечер ќе шетнеме, имаме убав повод за славење во фамилија.

За одмор уште зборите?
Ма Јадранот ме чека, јас не би го менувала за ништо. Сакам и во Турција да идам. Но годинава ем сум слаба финансиски, ем ме фаќа страв малце. Еве признавам

Туку, @galapce те читам, се читам себеси. Се давав синко да прејаде. Многу добро ти ја знам маката, уште повеќе што не се утешуваш со ништо друго освен со лажица во устата на мали.
Еве син ми сеуште не е појадувал. Јаде сега, ама 3 оброка и 2 ужини можам да сонувам.
Пробав ред да турам, јок. Сега давам да јаде кога ќе побара па макар и два пати дневно.
А да не зборам што сам бира што да јаде.
Не се сите деца исти.
Маки е ова со нејадењето.

И така, мислам дека завршив, одам да перам, диплам...
Срдување на алишта најмногу мразам. Повеќе сакам да мијам садови на пример.

 

Ние вчера преубаво поминавме во Солун.Сами двајцата без деца.Кафе ручек шетање и нешто шопинг.Сега сме во игротека па дома на ручек.

@referentka срекен пат и најубав помин.

 

да се потпишам и јас да не добијам неоправдан на денешен

ручек спремен го чекам мм да заврши со работа во дворот и да ручаме... од мијалникот во дворот решил уметничко дело да прави со плочки-морам да признаам му успеа....

на мени свинско динстано сос од печурки и компир печен-измешав обичен и благ..ќе видиме како ќе излезе...

вчера чистев, денес машини и пегла ама чекам уште нешто да се подисуши да не ми заостануваат за неделава...

не верувам да има шетање денес...нема термин за тоа ...

убав помин @referentka пиши импресии кога ќе имаш време за тоа...ме утеши со најбитното

убаво попладне имајте си!
се читкаме подоцна!

 

Каков нервозен ден, да можам од сопствената кожа да избегам би го направила и тоа

Уште од 7 со мајстори ме разбудија бор машини, миксери и глупости цел ден ко пијана се шуткам ваму таму, ми се спие!

Зедов да диплам алишта распределував зимни и летни.. зимни еден куп, а летни едвај малото шкафче го наполнив, пробав 3-4 блузи - тесни едвај дишам во нив оти сум ко топка направена а до лани ми беа и широки.. и фатив од лутина ги џитнав (ова е уште еден доказ колкав песимист сум станата)..
Се изнаплакав

Лежам сега и зјапам во телефонов, мисли еден куп, повеќето негативни ..ќе си пукнам од мака не бев јас никогаш ваква, секогаш се борев и се трудев за се.
Не можам да се гледам ваква ..

 

Добар ден женски и момци

Само што не заврнало, небото се стемнило.
За денес лазањи. Во рерна се.
Кога не знам што, шпагети и лазањи се секогаш опција.

Туку, женски, имаме ли социјален работник на темава? Ми треба совет.

 

Еве ние со мм гледаме ама се нервираме

 

На Ноле пак ќе му кидне трофејот изгледа

 

Ма не пишам до октомври, се' додека пишувате за одмори, цели и пола пансиони, пливање, бамји... .
@galapce, @bittersweet е моето алтер его, и така е измислена, а јас пак променета .

Ај сега добар ден .

На запад (читај: исток) ништо ново.
По цел ден со црвчето надвор, внатре и обратно .
Внатре хаос, ама многу ми е гајле, четири часа бевме надвор со црвчето.
Е после ќе нема бегање, црвчето ќе го оставам со баба и', а јас ќе си плукнам на рацете и генералка.

Не сум се пофалила, пред неколку дена бевме со свекрвата на поблиска дестинација со колата (авантурите на трите мускетарки ).
Мал чекор за човештвото, голем за нас .
При крајот на јуни сум на свадба во Ср, па нема да се грижам за превозот барем .

Пред некој ден имаше едно недоразбирање (двосмислен муабет кој кој како сака си го сфаќа) и прво сите решија да ќутат (најлошото решение во таков случај), ама фала Богу се вразумија и се реши проблемот со еден муабет.
Важно два дена сите бевме изнервирани и разочарани, па плачење, па обвинувања...
Фала Богу зад нас е сега тоа.

Ајде и за изминатите теми збор, два...

ОДМОР - На прв одмор сама бев во петто одделение на математичка школа во Охрид.
Сите го обожаваа езерото, само јас предавањата (а не ни обожавам математика).
Не ми прави мерак плескањето во вода и горењето на вода кога не знам да пливам .
Тоа е една од моите најголеми желби, ама па и не ми притребало нешто многу во животот до сега .
Сме биле и за Дојран и за Грција по некој ден и секогаш ми е било повеќе малтретирање од уживање.
Сум имала можности некогаш да одиме на одмор, ама никогаш не сум изразила желба.
Секогаш сум имала на нешто попаметно да ги истрошам парите .
Од друга страна имам другарка која ОБАВЕЗНО, без разлика на околностите мора да оди на одмор.
Си отвори ОК кредит и си оди секоја година на одмор 10 дена, и после цела година рмба за тој одмор.
Една година бараше очајно работа, беше шворц, и таман најде работа, прво и' одобрија одмор, а потоа и го укинаа и таа си даде отказ од работата за да оди на одмор.
Ама тоа ја исполнува и готово.

БАМЈИ - Цел живот сум била во заблуда дека тоа се тие дебелите пиперки (бабури ли како се викаат) .
Фала што ме просветливте .

Инаку овие денови сум унапредена од црвчето од Мама прасе во Големата принцеза (она е малата )
Ме тера по пола саат да лежам странично до неа и ми става панделка (палома) на главата, блуза(нејзината пиџамка) на половината и фустан (мојот телефон ) на колкот и сум била многу модерна принцеза со црн фустан (телефон) .
Во меѓувреме ми става палома на лицето и јас треба да дувнам и паломата лета, а Енџела заоѓа од смеење .
Сабајле ми вика, јас сум белото џигерче на мама (јас и' го викам често ова) .

Сношти пак мм ми пушта порака што еден комшија ја ставил на фб за швалерката.
Викам може и ти да ми пуштиш некоја таква порака.
Вика, па ти не си ми швалерка .
Викам, на љубовна порака мислев носе .
И ми пушта една песна.
Му викам, ај утре ќе ја слушам .
Вика, ццц, убиец на романтики еј.
Денес ја отворив и ептен се разнежнив.
Срцулакот мој, значи сепак не сум ја убила до крај романтичната страна во него .

За крај честитки до сите што имаат повод, родендени, крштевки, коли, убав помин кој е на викенд или одмор и ви посакувам убав ден на сите со песната посветена од мм:



П.С. Кога бевме во врска и се налутевме за нешто, обавезно ми ја пушташе песната Кога мене ќе ме немаш од Лозано .

 

Добар ден.
Убав сончев ден, уште од сабајле ме расони сонцево што ѕиркаше од позади завесата.
Се излежавав најпоштено ..
Направив по еден тост и правец в град..
Кафе испиено, прошетавме ме олабави и освежи времево..
И ко за чудо сите некако повесели се порасположени.. што ти прави време, сонце и тивок ветер.
Во план е уште една прошетка и одмор..
Па сила за последнава работна недела, другава недела сме офф, ќе патуваме здравје и ќе се дружиме со нашиве, со друштвото.
Едвај чекам некако, ми буди сето тоа спомени и среќни моменти..

Убав ден.

 

Ми така де...

 

Дека сте бе?Не плачете по мене, еве сум.

Многу, ама многу сум нафурана и нема на кој, па тука морам да измрчам.

Денеска е свадбата, нели фустанот и шЧиклите што ги бесев тука, иф ју ноу уат ај мин. Колку бев расположена, фризурата ми е ептен погодена, супер романтична и опуштена, се по ќеиф, кај тетка ми оро, оро...дури и со шамивче на танец вртев.

И ајде отидовме по невестата...таму го*нарии. Возрасните (мајка и татко на младоженецот, мајка на девер) на качување ги вратиле назад луѓе мили Кога видов никој нема... Кај се, што се...ги пикнале во едно собче долу како у подрум, немало потреба они да влегуваат горе. Како бе така??? Какви се тие луѓе?! Зошто каниш сватови ако ги враќаш од сред пат? Долу кога отидов они попарени. Кога подвикнав таму какво е тоа мајката и таткото на младоженецот да не се со него, одвај тетка ми ја намолив да се качи горе, тетин не. И ме слушнаа СВАТКОВЦИТЕ, ама ако. За рака ќе ги враќаат луѓето од сред скали.

А они собрале цела армија. Маси распослани по 10м. на двор, од бебиња до старци на бастуни. Дремат, гувеат, бебиња рикаат...
Па на крај краеви, они запнуваа за сватови, како така од дома да не ја земат невестата, како пуста сама до црква ќе дојде. И ај сеа сватови отидоа, па и така не бива. Уф, прости луѓе!

После ова кога квакнав на еден стол, на дремка ме накара. Цело расположение ми се смени од безобразлукот невиден.

Мама и тато отидоа во црква, јас си дојдов дома. У пиџами сум, со фриз. Малку да се присоберам, да не апам во ресторанот.

Е многу сум нервозна.
Капак на се, братучетка ми го чула таткото на невестата како му вика на братучед ми(младоженецот), ЌЕ СЕ РАЗБЕРИМЕ НИЕ ЗА ОВАА ЗБРКА ШТО ЈА НАПРАВИ ТИ, ВОЛКУ НАРОД КОЈ ТИ РЕЧЕ ГОРЕ ДА СЕ КАЧИ!
Колку народ??? Мајка му!
Арам!
П.С. Гладна сум како волк.

 

Епа Кукле, нашле па зашле, само тоа ќе го кажам...
Ама срамови, образ да ти окапе!

 

Софра ќе поставиме за 30тина мин