Ние околу и преку 40...

Не знам како ти звучам/изгледам @galapce ама верувај, светот ми се преврте. Особено вчера, малку ме здрмаа некои работи. Па и тоа изгледа се одразува на моето пишување, што е и очекувано, бидејќи јас самата не се препознавам. Се надевам дека ќе се вратам во форма што побрзо, ама тоа ќе зависи од некои фактори. Тоа е, животот е таков, и ќе си го тераме

 

Ех колку ми е криво што неможам да си пишувам овде во темата со вас.
Е ова е тема и ова се супер другарски муабети, ај се надевам за некое време ќе имам и јас за што да си раскажувам со вас, за некој ручек некое дете ова она, а до тогаш ќе дремам во другите теми оти ниедна домакинска работа уште не терам..
На крајот од денот ви посакувам ваков одмор
позз до сите

 

@Elissa , напоменувам, чоколадното млеко од мојот пост... купечко беше така што, можеш и без теми за ручеци и деца да си пишуваш.

 

Отам да купам курБЛА, вчера купив карбуратор, за моторот де.
Одвај чекам да се поправи. Вчера влегов во еден автобус без прозори (приватен). Типот за да не троши нафта немаше ни клима пуштено.
Внатре натискано како вреќа со пиперки. Едно време се раздрав ама баш дерење „Чичко шофеееееееееееееееееееер дај товари доктор оти испоцркавме овде“
Уф денес за жива глава не се качувам во државен, пак морам во приватен , вторник е се сеќавате!?
Едит: @Elissa нарен пат ќе те начекам кога ќе дојдам и ќе те скршам, не туку ми ставај вакви слики.

 

Оф душа мила фала ти ќе изржам, гневна сум што немаме паркинг . Морам да платам 1000 месечно за катната и плус 4000 гориво и дека е Ќиро на ќиријата.

 

Од викендов, па наваму, драги мои, веќе ич не ми пречи кога ми се обраќаат со "тетка" затоа што и официјално станав тета на една мала цуцка. Утрово ми ги испратија и првите слики и сега си зјапам во монитор и се "топам" од емоции. Се истркала и по некоја солза, што од радости, што од тага поради далечината што нė дели, ама важно таа нека е жива и здрава.

Еве, да ве почестам мекици.

(Сликава е од нет. Моите не успеав да ги сликнам, не се сетив да ги спремам на време лисиците за да го држам мажето на дистанца од чинијата со топли мекици .)

 

Тетко да е жива и здрава цуцка, голема да расте, па ти да дојдеш да частиш и во живо

 

Го склепав ручекот денес,од немајкаде фрлив во тенџерето се што ме сопна во фрижидер.Чорбава е безимена а и што ќе и е име кога нема да потрае...
Додуше не знам децава дали ќе ја бендисаат за нив јадење е само месо...ама па ми се залепија цревата од сува храна...
Исправ две кебиња на раце,ја развив мускулатурата во рацеве.Што да правам кога не ги збира машината.
Снимив едни убави панталони,така за заоблени како мене.
Сметката за струја пак е висока.Јас не знам да не пазам скапа/ефтина колку ли ќе платам.
@do-re-mi нека е жива и здрава малата...знам дека ќе си совршена тетка.

 

Здраво на сите!Алал да тие за стиховите @lunicka права поетеса си навистина а и по малку видовита си изгледа.Баш ми е мило што тебе а и останатите овде ве имам за витруелни пријатели!

 

Ола секси лејдис.

Стандардно и јас да ве поздравам во текот на денот, инаку може минус ќе ми пишете.

@do-re-mi честито внукичка, мислам нема поголема радост од тоа тетка да се стане.


Јас низ дома, ручек едно друго, фати како лисицата со опашката, нешто ич не ми се работи, гледам тоа корпите секој ден се полнат и си го фатив мажот под рака, децата ги спремив и си отидовме во драјв ин, го гледавме Home, дечкиве многу се среќни кога одиме да гледаме филмови.
Најдобриот дел од тоа да имаш мали деца е гледање цртани филмови без било каква грижа на совестдечкиве заспаа на пат накај дома, имавме време и за кхм, кхм пред спиење, додуша мене мадам не ме остава да спијам ама ај ќе порасне уште малку, ќе разбира и ќе ме остави и да се наспијам.

Ми дадоа од градинката некои костими да спремам за дечките ќе имаат претстава во петок, во недела е ден на мајките, не знаат тие тетките таму дека имам две леви раце, како Имелда со зајците ли беа што ли беа, ваљда ќе успеам нешто од нешто да направам да личи на тоа што треба.
Мм нешто спрема го гледам, ме копка ама ќе бидам умна и ќе чекам до недела.

 

@lunicka , благодарам за стиховите, денес си многу креативна и позитивна ми се чини, дај боже секогаш да ни бидеш така . Колку од постовите можеш да откриеш за секој член, во право си и за Garrett и за бојата.
@do-re-mi , да е жива и здрава внукичката, нема поголема радост од прво внуче. Јас мислам мојата внука која се роди прва ја сакам повеќе од син ми.
@Annath ,ќе помине што и да е, само позитивни мисли.
@tessie , мојот маж така се храни, бисквити, мусли, чоколадно млеко, овошен јогурт. На моменти додека беше мал син ми мислев дека хранам две деца. Никогаш не прави проблем за вечера, секогаш има бисквити и млеко
Јас денес се загледав политика, де Бранко, де бомбите, очигледно немам друга работа

 

Ретко се случува ама се случува...

 

Па ти уште не знаеш дека си стара?????????

 

да се плукнам во животот..на бандера некролог од мпја врсничка и колешка од факултет..мсјка на три деца...најведрата жена што ја познавам....нема правда на овој свет...нема ред во ништо..лијам солзи жени ..не можам да се смирам...може не требаше воопшто да пишам..

 

Офффф од моите половина ги нема, за жал.Пиши си слободно, не можеме секогаш да бидеме позитивни, многу работи болат, ама тоа се должи на несебичноста.

 

Едно по друго, ама нема врска До сега на големо требаше да спијам.
Наутро ќе се видам. ако не ставам шминка како исповраќана ќе бидам.
Еј жени барем имаме една предност од мажте, можеме да се маскираме. Ова не е својствено за мене во ова време да сум будна хммм.Се надевам дека утре наутро ќе ја отклучам портата, пуста надеж. Добар и убав сон ви посакувам.

 

@referentka и јас денес се запрашав дали имам средовечна болест :цел ден полн со активности 2 пати на работа по дуќани, на фризер и на крај на роденден Едвај чекав да се испружам на кревет.Порано ова го викав исполнет ден а сега напорен ден. До средовечноста ќе да е.