Ние околу и преку 40...

Добро утро.

Понеделнички се осеќам ко камион да ме прегазил.
Сакам една добра масажа/

 

Добро утро.

@evangelina.ina после трансфузијата не смеам да се пожалам од јадењето на малото. Друго дете буквално.
Мораше ли да се испадне да е тоа чудо.

Касна малото,алишта пружи,собери,кафе од нога..
Да де облечеме и да тркнеме да завршиме по некоја работа.

 

Значи прво сте на слава кај мене , па кај Галапче.
Запишете си.

Добро утро!

Сонцето уште не сака да не напушти. И тоа е баш убаво. Макар било и со заби, само да го има.

Соба имав од мала. Моите се во куќа, па имавме простор.
Уште е мојата омилена соба оти направена е по наш терк. Иако бевме многу мали кога ни ја направија ни ги испочитуваа сите желби.
Уште е функционална и прекрасна и розева.
Мајка ми пред свадбата и промени боја на два ѕида , па и внесе неверојатна свежина.
Да не сака човек да излезе.

 

Кажи и да си ја гледа работата. Не е точно тоа, примаат деца и помали, стрикно малиот на кумата го примија на 7ипол месеци. Не за џабе се отвара породилно порано, не е работата мајките да се зезнат. Ужасно ме иритираат вакви ликови. Ужасно. Мајка и може да биде директорка ама она не е. Гуска! Патем на 6м ме пуштиле во градинка, немало кој да ме чува.

 

Истово и мене ме изреволтира. Прво „плати си жена“ не е баш соодветен коментар каде се осетив како да ми се пика во новчаник , второ јас знам многу кои пуштиле деца и на 6+ месеци ( за што она тврди дека нема шанса) и на крај ко шлаг кога и реков дека можеби немам како да платам жена а не би имало кој да ми го чува коментарот и беше дека ќе се позајмам и ќе се снајдам.
Знаеш, некои луѓе сами си ги затвараат вратите позади нив...

 

Добар ден убав ден.
Кога седи човек дома сите денови се исти. Дали е понеделник или недела исто му доаѓа.
Во градинка нема да одиме ќе си седиме дома оваа недела. Воспитачката ми вели донеси го интересна настава ќе имаме оваа недела. Како да го однесам недолечен? После ќе треба по болници да се влечеме и да се отровиме од антибиотици. Си го знам малото, ама нема ли да порасне?!
@LadyC Што се замараш уште сега? Нека се роди бепка, многу работи ќе се сменат до тогаш, ни на работа нема да сакаш да одиш. Ќе гледаш секој момент со него/неа да го поминеш.
@danichap Кога се сака се се може.
Ве замислувам во две посебни куќи со мноогу голем двор напред. Нека ви даде Бог разбирање и трпеливост, па да покажете дека и во заедница може да се живее убаво.

 

Jaс не се секирам искрено и знам дека ќе е како викаш ти
Ама без да ги прашам ме наведуваат луѓе на такви теми а јас уште не сум се породила. Знаеш, сите ќе ти ги решат проблемите и ќе те советуваат во животот како треба. Секој знае што е подобро за другиот како не знае за себе.
Инаку коментари има секакви, не ме револтираат од особи кои не ми се блиски, ама искрено не ми е се исто кога доаѓа од особа која ми е мн блиска и е муабет со дерење направен. :/

 

Наспана,кафе пиЈана,сега одмарам од спиењето.Попладне на работа,па имам време...
Детска кај моте немав баш класична си јаделев со баба ми до 18 г,а потоа заминав на студии и толку.
За моите деца имав огромна желба да имаат па затоа пресудно што го купивме овој стан беше тоа што имаше соба плус.Помалата детската ја зедовме за нас спална, а поголемата ја направивме детска за нив двете.Сега по цели денови си се таму,имаат другарки кај да донесат .Иако овие сегашниве иако сите имаат услови ретко така се дружат со другарките по дома,за разлика од нас кои секојдневно си одевме една кај друга.Овие сега или се на интернет или кога подраснат по кафиќи
Леле ,пишувајќи се свртев и го турнав кафето и лом си направив.Флекерот право на перење...Е така кога пијам кафе в кревет со лаптопот в скут

 

Како ви одеше привикнувањето?

 

Е баш тоа да се запрашаше пред да искоментира...

 

Здраво друштво,
Само да се јавам.. и поздравам

 

Од што сеуште не ми е добро се ми е помешано ,не дека претходно не ми беше ама... Настинката трае уште
Се расонувам повеќе од саат време а од дневна ечи некоја музика мм се релаксирал

Детска соба имав од 8години мислам,не дека беше којзнае што.Кревет на пуштање и плакар ама со сестра ми бевме пресреќи по цели денови бевме таму.Покасно кога се преселивме во новата куќа имавме пак заедничка соба,додека се градеше куќата желба ни беше да имаме заедничка соба со 2кревети.Така и направија,внатре е се како што јас и сестра ми испланиравме.Ѕидови во боја,плакари и пополнет простор преубав.
Секој посакува на своето дете да му овозможи се за да му биде убаво,сигурна сум.Па здравје за во иднина ќе му ја мислиме и на оваа

За Турција сум и јас викајте ме,сум била само еднаш.Најубавите 5дена во мојот живот беа тие Така да ако одите имајте ме на ум

Ручек не планирам да спремам којзнае што,нешто набрзина ќе биде.

 

Здраво жени.

Кога темата е се уште детски соби,ми текнува дека многу сакав кога ќе ни дојдеа гости, ќе седневме со децата во соба и си игравме учителки.Немаше тогаш табли,па на плакар со креда,шкртај,решавај задачи.Се знае кој беше учителка.Кога ќе ги построев сите,нема мрдање,зошто,нели,јас најстара,па мора сите да ме слушаат.
И мајка ми никогаш не ме искарала што плакарите беа цели со креди.

После имав период кога си игравме докторки.Пак јас бев докторката,другите пациенти.Пишував рецепти,давав сирупи,а најмногу пеницилини ставав со шприцови кои редовно ми ги даваа сестрите кога си ги примав вистинските инекции.

Мајки и деца кога игравме,во двор, ќе наберевме треви и оние малите ситни црвени бобинки(како патлиџани што се,од грмушките),па правевме секакви манџи.Таткото ни беше на пат,немавме некое машко што сакаше семејство да си игра.
Детството ми беше убаво и безгрижно.

Некаде скоро прочитав,дека она кое сте го играле како деца и сте се заборавале со часови во играта,тоа треба да е професијата која никогаш нема да ви стане досадна и ќе ја работите со љубов.

Е сега,мојот избор не е ни докторка ни учителка,нешто измеѓу е.Ама кога би ја работела,би делела совети, во секој случај.

 

Добро утро и од мене.
Кој е за турско и цеден лимон повелете

Вчера максимално го искористив денот,чистев,испра машина и остатокот од денот на шетање.Уживам во есенско сонце.После тоа на кафе и ручек кај драги луѓе.
Денес среден плакарот со обувки.Уште да ги прошетам новите чизмички.
Детска соба немав,имав своја соба.Лежај и едно плакарче,толку можеа да ни овозможат.Битно среќна бев.Имав среќно детство и убав живот кај моите.Мојата соба сеуште си стои како си беше,вика малата тето ајде во твојата соба да си играме,најмногу ја сака.
@Eli23 Среќен роденден на малата,убаво именце.
Убав ден!!!

 

Д квешчн ис....
Што е @ph.orhideja?
Психолог?
сииграмасоцијации

 

Едно кафе на чист воздух и фонтана.. толку и ми треба.
Дома се гушев сама.
Златна навигација.

Се сеќавам на секое делче од моето детство.. на секој ден поминат во игра и смеа..
Најпрвен со другарките од улица и комшиите заедно одевме сами во школо и градинка, по пат собиравме тревки и костени за накај дома, за да си играме продавачки или готвачки.
Се сеќавам кристално чисто на деновите кога дедо ми ми закачи плех најобичен најден од една стара кола, прибирав креди во училиште и едвај чекав да си дојдам од училиште и да спаднам во двор да си играм учителка. Сама.
Секојдневно.
Есен, зима, пролет, лето..
За мене немаше студ за в двор, на зима правев колачиња од снег со темперни и водени боици, го мацав снегот во старите закоравени боички.
На зима се санкавме, знаевме и со најлон да одлетаме во првата ограда..
Реално.. едвај ме пребираа дома..
Се знаеше, си доаѓавме од училиште јадевме пишувавме учевме и правац надвор.
Не сум се разболувала ни тогаш ни до ден денешен.

Убави денови беа тоа..
Исполнети со вистинска радост.
Јас многу си играв.. си играв до голема ми се чини без предрасуди.
Такви бевме сите одоколу.

Родители на работа од јутра до сутра а ние со баби и дедовци најчесто.

Едвај чекав мајот да дојде да одиме на излет тоа беше доживљај..

Се на се прекрасно детство.
Прекрасна младост проживеана во странство со другарки и училиште, одење на курсеви и дремење по паркови.
Паркот ни беше задоволство на раскажување случки и муабетење за симпатии..

Сега друга етапа.. мирен спокоен живот со подеми и падови..
Порано ги мразев неделите а сега со душа ги чекам за да прошетаме и да поминеме повеќе време заедно.

Ќе одам да купам некоја ситница да прошетам низ рафтови..

Едвај чекам да украсат за новата исто како што денес е украсено ја халоуин.

 

Детска соба имав од свои 5-6 години. Живееме во куќа и имаше многу соби кои не беа искористени, па спалната на моите ја преместивме во една од тие соби, а на местото кај што беше спалната направивме детска соба. Собата ја делев со моите две сестри.
На почетокот цело свое време го поминував таму. Без разлика дали со друштво или сама. Уредена беше по наш вкус, а најважно ми беше што ѕидовите ми беа обоени во нежно розова боја.
Живеев во мирно и хармонично семејство, и фала му на Бога сеуште е така.
Сега, детската соба ретко ја користам.
Со мојов си имаме своја соба кај него уредена по наш вкус, додека не стигне спалната.
Кога сум дома најчесто спијам во друга соба.