Ние околу и преку 40...

Хааај грлс.

Конечно се натокмив во кревет, ве исчитав па да пишам некој збор.
Денес практично после цела недела боледување мрднав од дома прв пат, не за друго ами храна да се пазари. Маркетите се ХПЛ. Штом во мал град е вакво, во поголеми којзнае какво е...не сакам ни да знам. Се пазари, се пазари, мислиш евакуација се спрема. Само трупав во корпа, едно време изгубив осет и што купив а што не од што ме фати нервоза и с'клет. Арно што не оставив за утре како што ме советуваше мајка, уште по - хпл ќе биде сигурно.

Во однос на муабетот за баби и дедовци, и мене не ме чуди недавање и не само тоа, туку и непокажување НИКАКОВ интерес за внук/а, затоа што и јас си имам такви.
Тие што се тресеа над мене, што даваа, што ме гледаа и уште милион други работи, отидоа и двајцата, овие ни ме видуваат, ни даваат, ни ги занима...а мене па ич за нив.
Додуша, нив за нивното дете не ги занима, па за внуката нема потреба, тоа е далечна рода.

Кафето е сварено пред два часа, две голтки не се напив. Во меѓувреме ми се пријаде и сега му се мислам конечно...ако го биде воопшто.

Одвај чекам три слободни денови и се друго што следува на почетокот од месецов. Не ми се верува, од тоа и не можам да се израдувам како човек.

 

Некој ако нема руска салата да дојде да му дадам ако сака
Има малку повеќе,ама нека има Ќе оставам за сестра ми,тука ќе се па на 1ви нека јадат, ќе носам и кај свеки веќе и се јавив да не прави
И топчиња со сирење направив за утре вечер за мезе

 

250 квадрати за 15 000 евра се, сите се вработени Можеле комотно свадба да не прават, ама мора нели, шо ке речат сватовите....

 

Колку и да сме помирени со отсуството на блискиот, секогаш овие празници, а посебно мене затоа што тогаш е периодот кога ја загубив мајка ми, ќе ни текне и ќе не пецне јако... една грутка во грлото еј 5 години да не го кажеш зборот "Мамо"... посебно со сите промени во животот,душа давам да знам што би ми кажала иако знам, знам дека е многу среќна животот е сив бел црн тоа е.... сите нијанси се опфатени
СРЕЌНИ ПРАЗНИЦИ ви посакувам на сите, највеќе здравје љубов слога со домашните сакајте си ги и ценете дур се со вас жени

 

Здраво женски.

Се оптегнав на кревет,завршив со спремање.Дури стигнав и да исчистам,жената што ми чисти се разболела и куќава беше решена да прооди,ама цакум пакум ја направив,да не се срамам утре пред гостите.

Секој ден пазарев по маркетиве и со тоа завршив.Салати,кифли и благо спремни,сарми мајка ми и свекрва ми ќе ми дадат,а месото утре преку ден,додека шетаме по кафиќите,ќе си се пече на тивко.

Подароци под елка,синко веќе направи попис,а ќерче мати нешто,шуш буш,спрема нешто дискретно да не изненади.

Моите баби освен што на мене ми даваат се уште,сега и на правнуците,исто и на моите деца им даваат,за родендени,за Нова Година.Колку можат,толку.Едната баба дури и ни даде по 20 евра и на мене и на маж ми,да сме си купеле по нешто кога одевме на одмор,а зетково прво што направи,на баба поклон и купи.Многу си ги сакам и двете,малку ги гледам заради брзото темпо на живот,ама кога ќе ги видам секогаш ми е убаво на душата.И децава многу ги сакаат.Дедовците ги немам повеќе.Имав преубаво детство во кои сите тие заедно имаа голем удел.


Вечер решив да одмарам пред тв,ме викаа на шетање,ама ако излегувам,само со маж ми ако има желба,може до некаде на кратко.

 

Ве читам за пакетчиња со денови зборите, и никако да ми текне дека моето нема ниту едно пакетче добиено. За католичкиот Божиќ си доби играчка и нешто облека под елка, благо и грицки има стално нешто дома, па не гледам потреба А и не се радува на чоколади и бонбони, пакетчето ќе е ради реда. За баби и дедовци не зборам, ќе излезе дека само моите ги фалам оти мои се.
Исецкав и јас руска набрзина, три дена вртам на нет и ништо не ми се виде поегзотично од неа Има и готови, руска, пилешка и разни варијации нивни ама не ми се убави. Благото купено, виното исто, уште месото утре да се спреми (обврска на мм) и до пекара да се оди. Моите обврски денес завршија.
Уште да се научам да мезам на раат, со саати, полека, умерено...Јас нурнувам на маса и за пола саат завршена сум со јадење, после само пијам. И то.

 

Јас не сум ич за да купам на готово мислам дека најпротив сум,оваа од мајка ми ми е останато Таа колку и да има работа никогаш не купила нешто на готово се е дома направено средено и затоа многу ме потсеќа @Val-Dim на неа,кога ја читам исто како мајка ми

Имам пријателки кои за во кујна не ги бива ич ниту се трудат да направат нешто,па велат дека купеното им е најубаво ама кога сме некаде заедно и ќе пробаат домашно направено неможат да се изнајадат

Тоа што сакам да готвам ми е уште поголемо задоволство да направам дома се
Веќе научив и со тесто да работам готово ,усовршено ми е,како Шенка се си знам