Ние околу и преку 40...

И уште ова ќе го кажам и да прекратам.

Интересно е кога идиме кај нив нема ниедна ронка на тепих. Чудно. А сите 4 се таму. Седат и цртаат. А станат грмат родителите и пак ги седнуваат. Еднаш кај нив го ставија во ќош и го наплашија детето. Седеше таму како попче.
Ни доаѓаат на маса ни фрлаат ни газат по дома.
А кај мене се може се?!

Епа нема веќе.

 

@vitamina во твојот случај се работи за немање почит кон тебе и твоето
Не би се дружења со такви луѓе
И да
Се избира кој се пушта дома

 

Витамина, твоите посебни ептен.
Реков, сум имала на гости деца кои кршеле играчки, растурале, фрлале грицки и сл. Ама и дома си се такви.

Вакво имам во близина.
Повремено реагира мајката. И јас заклучив дека е вакво поради родителите.


Друго додека сме на тема деца. Како ќе реагирате ако ви го тепаат детето? Моето го тепаа, сега гледам возвраќа. И овде молчев. А ужасно ми сметаше и болеше.
Е маж ми е друга приказна, па го обвинував дека премногу го штити.
А од друга страна јас не му дозволувам да се тепа.

 

@vitamina Јака ти душа човек. Особено толку брзо по породување, кога верувам си поемотивна, па и малечкото ти е ептен малечко... не знам како ти се ставиле толку луѓе на гости да ти урлаат. Не знам за која возраст на дете станува збор, а и колку ти се блиски луѓето, но да ти ја стави играчката во масло тоа више намерно е бре. Ако е мало детето може ептен не разбира, ама таа мајка, па мое дете да е го фаќам за уши и до мене да не мрда. И обавезно да се извини на домаќинката, одма би се понудила да купам ново.
Ве читам, да се е во ред, играчки се купуваат, битно децата да растат заедно, семејство ова она, ама ова бре тотален непочит спрема витамина и нејзината состојба. Моја другарка да е, значи не е ни семејство, би отишла да се понудам за помош, затоа што првите месеци верувам се доста тешки, не да и правам дополнително проблеми

 

Јуле,одбраната е вроден инстикт.Ако те нападне ќе се браниш,Кој и да е.
Јас сум ги учела да не се конфликтни,да решат со зборови,ама ај децата нека се разберат со зборови,поготово малечки деца.
Додека маж ми сталнно вика,те нападне ли некој,покажи каде му е местото.Или во превод.Никогаш прв да не почнува,да не закача девојчиња и послаби од себе,ама ако го удри некој,да не му останува должен.
Ќерка ми е мирољубива,не се закача,ама ако ја нападне некој,не верувам дека ќе му ќути и ќе му стои да ја тепа,сепак е растена со поголем брат и борбена е како личност.

 

@JuLleE , седни ги родителите на разговор. Ако нема фајде, прекрати контакт со тие луѓе (се надевам не ти се некои ептен блиски).
Многу безвезе ситуација . Треба ли да ги учиме да се тепаат за да не бидат истепани? Ова на муабетот од пред некој ден.

 

Затоа она 40 дена да не се оди кај бебе ќе испадне како најдобра опција. Бабски е, ама има логика.

 

Ола лејдис енд џентлемен.

Дупло кафе, цигара и фемина, се спремам полека за на работа, барем се наспав денес, не сум како зомби.

Такви деца како на Витамина гостите сум немала, моите немирни се дома, по куќи се ангелчиња. Додуша ретко и некаде одиме по гости, освен кај најблиските. Не секогаш е до децата имам една комшика си плука во пазувите од моите зошто се бучни, глава ја заболувало од нив, јас не ги заќутувам за нејзин ќеиф, дома се што сакаат можат да си прават а нејзе ако не и чини нека не доаѓа, толку е едноставно.

Децата по дома се слободни, има и скокање по кревети, иѓа и трошки, има и мали прстиња насекаде, се тоа ќе средам, исчистам, не сакам да хистеришем за се на место и чисто да стои, не сакам со таква мајка да растат децата, да се нонстоп на штрек да не им се вика или шамар дали ќе изедат зошто има трошка на подот.

Ред и дициплина имаат ама за многу побитни работи од чистотата по дома, не живееме во музеј па да не смеат ништо да пипнат.
Мојот дом е прилагоден кон децата а не обратно, се што ми е од вредност сум кренала и чекаат некој подобри времиња, што ќе се мислам дали несакајќи ќе го скршат, да викам по цел ден трауми да им стварам, кренав се и готово, решен проблем.

Ред имаат за јадење, спиење ( сега тоа после 2 години неспиење) дициплина да се врзат со каиш во седиште, во количка, да ми ја држат раката или за количка кога сме надвор, да не ми бегаат, тие работи се битни за мене, скокањето по кревет ми е нормална детска активност.

Околу бацувањето, не сум бранела на никого, луѓе имав уште недопородена што се вика во соба, Лети мислам најбацувано бебе е на свет, кога ќе и се пуштија дечките, само ја гњавеа, ја бацуваа, ете и таа потпорасна ништо не и фали.

Што знам ете не може да се очекува деца на гости да имаш и се наместено и уредно да остане, па и јас трошки правам кога јадам чипс а камоли децата, не викам да ја демолираат куќата ама трошки и мали прстиња, не мора со ништо да се умацани, се познаваат ќе има, нормално е тоа.

Инаку каде и да сум со децата, дали кај моите, дали кај неговите секогаш внимавам на децата, со едно уво слушам муабет со другото ги наслушувам децата, никогаш не сум се внела во некој муабет до толку да заборавам дека сум дошла со деца, секогаш они ми се на прво место.

 

Ептен блиски се. Мм реагираше. Мајката реагира, ама тепањето продолжува. Е сега син ми почна да враќа. Не дозволува повеќе да го тепаат.

 

Останува на нив да си го решат проблемот . Лошо бе, блиски ако ти се, не можеш да се видиш без страв да не го истепаат Може ако враќа твоето повеќе пати по ред, ќе престане да тепа другото

Во секој случај многу незавидна ситуација

 

Витамина душо,немој да мислиш дека те осудуваме,или не те разбираме,напротив.Секоја или речиси секоја од нас,некогаш налепила,исто или слично како тебе-резултат,подалеку со тие луѓе.Кога знаат домот свој да си го чуваат,а во туѓо не,немаат почит ни кон тебе ни кон твојот дом.тогас дистанцирај се од нив.

 

Како што кажа и @bittersweet ронкички од храна, прстиња.. бука и трчење е нормално. Немам ништо против.
Но имам против кога седеа на масата и ги фрлаа надолу соленките и смоките па стануваа да ги газат. Е тоа интересно им беше.
Деца се да фала богу нема да замерам да забришам по нив или да усисам ама другото непочитување и те како ќе го замерам.
Пример кремата од син ми за бањање што беше сокршена и изџвркана на ламинат.
Мајката рече ништо земи собери си ја и дигни си ја.

Сум имала и други фамилии по дома па децава си седеле си гледале на телефон цртан до мајката. Имаше ронки од чипс но тоа е сосема нормално фала богу.

Е овие се посебна сорта.
Нема да ги викам веќе и тоа е, а и ако се сами повикаат ќе смислам нешто, дур не потпркне малово.
Згрешив што ги викав 10 пати во рок од овој месец ама веќе нема.
А криво ми е.. криво ми е што ете не ме почитуваат ни малку.

Детево што го гњави син ми за инат е веќе 5 години и оди на училиште.
А она другоно е 3.
Другите се малку помали.

 

@JuLleE , и јас го имав тој проблем со малото во школо, абе секој ден го тепаа ,му го кинеа ташничето со прибор , детево многу повлечено.... и јас секогаш го учам не се тепај мама кажи на учителката а тоа тепано..... па ми дојде преку глава и јас верувај почнав да му зборам да се брани , да враќа и сега веке почна и да се брани.... ама и децава се многу безобразни ,родителите ги учат дома да бидат насилници... зборам за деца од 6-7 години, тоа безобразни работи зборат страм ми е да кажам страшно, имам син кое е во бубертет, до ден денешен не сум го слушнала да опцуе или безобразно да каже тоа кај нас го нема ,и ке се трудам никогаш да го нема

 

Јуле.
Само искрено со мајката.
Ај јас овие и можам да не ги викам ама ти?
Греота е.

Еве овие двете што ги зборувам. Едното помалото го тепа другото. И тоа тепање, ако пример нешто не му даде а оно го сака или го удира со играчка, ама пластична тешка или со шамари.

Знаеш колку е греота глетката.

И не е изговор деца се.
Знаеш оти детето отпосле ќе има трауми.

Еднаш се случи да ова молово го лупоса со играчка тешка по увото. Детето беше цело црвено на ушето и крв му потече.

Нема срам и перде кога се работи за тепање на твоето.
Има да свикаш и да кежеш во такви ситуации.

 

Син ми не знае да врати...и никогаш ми е криво но тоа е наша грешка.
Сега го учам кога некој не се разбира со збор да врате но не сака,детето не ми е такво и крај...
Ама јас не молчам.
Не се расправам со родители но не дозволувам никој моето дете да го малтретира поготово не во моја близина.
Пак ќе ги спомнам тие индијанците..поголемото 9-10год е намерно му става спрепки да паѓа,последен пат главчето од зид му го удри,намерно
Мајка му и татко му само немој маме мал е...
И јас се свртив и му реков ако уште еднаш го удре Х има да станам и да го изнатепам.
Ич не ми е гајле дали ке се налутел некој или не.
Последен пат кога дојдија,мм беше дома му реков да го однеси син ми кај мајка ми оти знам дека ова не се деца туку стока.
Сваќам јас деца се,ќе се потурнат ама да го удира со боксови по стомак или глава..има да го натепам лично јас не мора син ми да враќа.

 

Е ова ми е муабетот.
Какви се тие несовесни родители?
Како бе не ти е жал да гледаш и да "молчиш"?!
Па човек сум од месо и крв ќе ме дирне за туѓо а не па за мое.
И не е изговор деца се.
Што ако се деца треба нечие дете да оди модро само оти се деца?
Навистина постои злобен народ.
И да злобни се ваквите.
Ги интересира нивното само да е намирено и задоволно под цена и да се изживува врз други деца ли?
Срамота.
Навистина некои луѓе се премногу злобни.

 

И оној изговорот на ваквите несовесни за да си исперат газ.
"Само она има дете"
Ми се блуе.

 

Буквално е мавано и по стомак и по глава. Реагирано е. Последниот пат едвај се воздржав да не реагирам бурно.
Реков за деца не сакам да се карам и затоа молчам. Ама како полицаец сум, само пазам да не се тепаат.
Среќа син ми почна да враќа па се потсмири другото.
Мора да ги учиме децата да се тепаат оти во таква средина сме. Ти ќе го учеш да не е агресивен, да не враќа, ама го гледаш натепан.
Да си родител е најтешката работа. Никогаш не знаеш што точно е правилно.

 

Комплексна и тешка е темава, од сега страв ме фаќа каков родител ќе бидам... Знам само дека нема да седам со скрстени раце додека детево демолира кај други.

Сега ќе ме нападнете сигурно, ама еве мене искрено ми смета кога сестрата на мм ќе дојде на гости, а доаѓа и седи по неколку дена и нејзиното дете, кое е 3 месеци поголемо од моето, зема играчки, бидејќи ги става во уста, а истото го прави и моето. Да, ќе ги исперам, не е проблем, ама не можам да пазам на секое што и како ќе фати. Плус глупаво ми е додека се тука да земам и постојано да мијам играчки. Кога одиме кај нив јас носам цела торба со играчки и му ги давам неговите.
Пак ќе речам, моето е сеуште мало, од сега не знам како ќе биде, ама па и ништо не ме чини ако понесам играчка, две од дома. И да, на деца секогаш туѓите играчки им се поинтересни, ама како родител должна сум да најдам начин.
Дете е, ама јас него сум го родила,не тоа мене

 

Симона, џабе што ќе носеш играчки, секогаш туѓото е послатко. Што ако си играат од исти играчки?
Мајки знам, шубе ви е, ги ставаат во уста, ама за секоја една работа ако се фаќаме, кај ќе ни е крајот.
Не барајте секаде влакно во јајцето. Има ситуации преку кои не може да се помине. Ама за некои не одете во крајности.
Син ми и го краде шишето на внука ми која нема година. И обратно, внука ми ако го начека неговото шише го зима. Батковците знаат и да и стават во уста друго шише.
Сестра ми сега што треба да прави. Или јас? Не можам за се едно нешто да викам. Реагирано е, ама ќе украдат момент и ништо страшно.